دخلت مريم عند محمد وابتسمت بتريقة لما لقت اصالة قاعدة وبتستعطف محمد ولما شافت مريم ابتسمت بشماتة.
محمد: اتفضلي انتي يا مدام اصالة وانا هشوف الموضوع دا واسف مرة تانية عاللي حصل.
قامت من مكانها وبصت لمريم بشماتة ومريم ميلت عليها بهدوء.
مريم بهمس: متحاوليش... واحد زي دا مش هيبص حتى لبنتك روحي لمي بنتك الأول من الكباريهات اللي هي مبتطلعش منها.
وقبل ما اصالة ترد مريم سابتها وراحت قعدت على الكرسي فهي مشيت بغيظ.
محمد: ممكن اعرف ايه اللي حصل؟
مريم بهدوء: ولا حاجة دي تبقى مرات عمي وحصلت مشكلة وخلاص.
محمد: طب ممكن اعرف ايه المشكلة دي؟
مريم: لا معلش دي مشكلة شخصية... لو على العقوبة فانا هنفذها مهما كانت حتى لو كانت الرفد.
محمد سكت وعرف انه مش هيقدر يعرف منها حاجة.
محمد: هو المفروض بعد اللي انتي عملتيه دا تترفدي فعلا بس انتي من الدكاترة المتميزين عندي فهكتفي بلفت نظر وعقوبة.
مريم: وايه هي؟
محمد: هتشتغلي اربع ساعات انهاردة زيادة وتناوبي بعد بكرا مع شغلك الصبح وانا هعدي عليكي.
مريم كانت هتقله يخليها بكرا بس افتكرت ان الصفقة بكرا.
مريم: تمام.
محمد اتفاجئ انها معترضتش على كلامه وهتنفذه مع ان الشغل كتير ومتعب بس سكت وهي خرجت من عنده وراحت تشتغل. خلص اليوم على مريم وحبيبة وهما بيشتغلوا ومريم منامتش وروحت البيت كملت شغل عاللاب وفضلت سهرانة عشان تلحق تخلصه عالوقت واليوم اللي بعديه مريم راحت شركة المناوي عشان الصفقة.
محمد: انتي بتعملي ايه هنا؟
مريم: جاية عشان الصفقة اللي مع شركتك وشركة فيلوس.
محمد: يعني تبقي-
مريم قاطعته: لا انا مش بنت المدير والمديرة الحالية انا ابقى صاحبتها وجيت بدالها عشان هي عيانة. نبدا الصفقة؟
محمد مكنش مقتنع بس مقلش حاجة لانه مش هيعرف ياخد منها إجابة وبداوا الصفقة وانبهر بشغل مريم وزاد شكه لانه مش ممكن أي حد يكون بيشرح وبيشتغل بالعملية والمهارة دي. خلصوا الصفقة ومريم بصت عالوقت لقت نفسها اتاخرت على شغلها تلات ساعات.
مريم وهي بتقوم: تمام كدا... الحق اروح الشغل بتاعي ومتخافش هعوض الوقت اللي اتاخرته.
وسابته ومشيت من غير ما تسمع رده وهو بص في ساعته لقى انها اتاخرت تلات ساعات وهو كان ملاحظ انها مرهقة ومجهدة وشكلها منامتش واستغرب لما لقاها بالاصرار دا.
أنت تقرأ
أوقَعتَني في غرامك
Romanceهي كارهة للرجال وعنيدة لكنها أيضا غامضة. وهو وسيم وهادئ وثري لكنه جدي وعملي جدا. هي تراه متكبر ومغرور ولا يختلف عن بقية الرجال . وهو يراها ذات لسان سليط وفتاة مزعجة لا يمكنه تحملها. كل منهما يكره الاخر ولا يفترقان الا والشجار سيد الموقف... يختلفان...
