شهرين عدوا ومريم دخلت في غيبوبة ولسه مفاقتش ومحمد بيروحلها كل يوم بالليل وكان بيقضي معاها اليوم كامل بس الشغل اتراكم عليه فرجع شغله بس بيقعد معاها بالليل وحبيبة هي كمان كانت بتقعد مع مريم الفترة اللي محمد مش موجود فيها وخناقاتها مع عز زادت محدتها بتزيد.
-------------------------------
حبيبة: مالك راجع انهاردة متاخر كمان ليه؟
عز: حبيبة والله مافايقلك الشغل متراكم علينا ومضغوطين فطبيعي ارجع متاخر.
حبيبة بتهكم: طبعا زي ما كان متراكم ومضغوطين قبل كدا.. المرادي يا ترى ايه السبب الحقيقي للتاخير دا؟
عز بحدة: قصدك ايه يا حبيبة؟
حبيبة ببرود: مقصديش حاجة الا لو انت في حاجة في دماغك.
عز بتنهيدة: انا مش هرد عليكي عشان مريم لسه في غيبوبة وانتي اكيد مضايقة عشانها وبتطلعيه عليا.
سابها ومشي وهي لسه مضايقة وسمية جات عليها.
سمية: يا بنتي انا مقدرة انك مشتتة بسبب مريم بس حاولوا متعملوش مشاكل الفترة دي احسن حد منكم يقول حاجة بالغلط ويجرح التاني ماشي؟
حبيبة بتنهيدة تعب وحزن: ماشي.
سمية ربتت على كتفها بحنية: متخافيش مريم هتبقى كويسة ان شاء الله.
حبيبة يا رب يا طنط يا رب.
-----------------------------------
في المستشفى في اوضة مريم
مريم حالتها الجسدية اتحسنت بس لسه في غيبوبة. محمد مسك ايدها وباسها وبصلها بابتسامة حزينة.
محمد: هتفضلي كدا كتير؟.. وحشتيني جدا.. نفسي تفتحي عينك عشان وحشوني.. مش انتي قولتيلي انك بتحبي لون عيني وانها حلوة؟ انا بقى بقولك ان عنيكي احلى.. عنيكي العسلية الجميلة اللي للاسف خليتهم يعيطوا بسببي.. افتحي عينك وفوقي وزعقي واتعصبي عليا براحتك بس متفضليش كدا.. انا مستعد اتقبل كل حاجة هتعمليها مهما كانت بس تكوني بخير وتتحركي زحتى ارزعي باب المكتب براحتك... قومي وهعوضك عن كل حاجة حصلت حتى لو فضلت احاول معاكي لاخر نفس فيا بس متسبينيش.. قومي حتى لو مش عشاني يبقى عشان حبيبة واخوكي واحمد اللي كل ما يشوفك كدا يعيط... عشان كل اللي حواليكي مستنينك تفوقي وترجعيلهم...
فضل عالحال دا كتير.. كل يوم يروح ويكلمها.
----------------------------------------------
مكان ضلمة وبارد برودة شديدة... بتتلفت حواليها وهي ضامة نفسها بتحاول تدفيها.
مريم بارتعاش: ف-في حد هنا؟.. انا فين؟...
ظهر نور شديد ومشاهد من حياتها بتظهر قدامها واصوات كتيرة مداخلة.
"عنيات: يا حبيبتي.. هسميكي مريم"..
أنت تقرأ
أوقَعتَني في غرامك
Romanceهي كارهة للرجال وعنيدة لكنها أيضا غامضة. وهو وسيم وهادئ وثري لكنه جدي وعملي جدا. هي تراه متكبر ومغرور ولا يختلف عن بقية الرجال . وهو يراها ذات لسان سليط وفتاة مزعجة لا يمكنه تحملها. كل منهما يكره الاخر ولا يفترقان الا والشجار سيد الموقف... يختلفان...
