عز: شاطر يا محمد! انت ازاي تصدق حاجة زي دي؟!
محمد بضيق: وهو انا عيل يا عز؟! ما انا اتاكدت بدل المرة مليون ان الصور حقيقية.
عز: ياسيدي ما هي ممكن تكون واحدة شبهها وبيلعبوا عليك ما انت عارف.
محمد: يعني انا مش هعرف مراتي؟! هي يا عز... اصلا هي بقالها فترة بعيدة وبتتاخر كتير وعقلها مش معايا بس مفكرتش ابدا انها ممكن تعمل كدا بس بالصور دي كل حاجة بتقول انها...
سكت ومكملش فعز اتلكم: شوفت؟ مش قادر تقولها لانك عارف ومتاكد انها استحالة تعمل كدا... انت يمكن متعرفش بس لما سامر دخل السكينة في دراعك هي كانت بتنهار وكانت عاملة زي اللي حياتها بتتهد قدامها ولما عملنا فيها مقلب الحادثة كان وشها شاحب وعاملة زي اللي روحها بتطلع لدرجة اني كنت عايز اقولها انه مقلب عشان تعترفلك... محمد بالنسبالها عيلتها الوحيدة دلوقتي هي نت وحبيبة فهي اكيد عندها تفسير لكل حاجة.
محمد اتنهد بوجع:... مش عارف... مبقتش عارف حاجة..
ع ربت على كتفه: انت طول عمرك بتفكر في الحاجة مليون جاي دلوقتي وتتصرف بدون تفكير؟! انت عكيت الدنيا جامد يا محمد.. انت عارف لو كنت سكت او كنت وريتها الصور وما اتكلمتش كانت الامور هتكون اسهل بكتير.
محمد بعصبية: عز! انا مش فايقلك! ياريت تسيبني في حالي.
عز اتنهد ومشي ومحمد فضل مكانه يفكر وكل ما يفتكر الصور يتعصب اكتر، ركب عربيته ومشي بيها... كام متر بعيد عن محمد كان في واحد واقف بيراقب محمد وبيتكلم في التليفون.
-: ايوة يا بيه هو بيركب عربيته دلوقتي.
هاني: خليك وراه وخلي عينك عليه.
-: تمام يا بيه.
قفل معاه ولف عشان يروح ورا محمد بس اتفاجئ بكذا شخص قدامه وواحد منهم اداله لكمة قوية خلت توازنه يختل وكتفوه.
-----------------------------------
مريم راحت مكان مهجور وضلمة وكانت متوترة وبتاخد حذرها وحطت ايدها على رقبتها.
هاني من وراها: منورة يا بنت اخويا.
مريم لفتله واتكلمت بحقد: اتصلت ليه؟
هاني: ما انا قولتلك حاجة تخص نسيبنا الحلو.
مريم فهمت انه عايز يعصبها فاتكلمت بهدوء: اومال فين اصالة واسماعيل؟ معقولة يكونوا غدروا بيك؟
هاني ضحك وباشارة منه كانت مريم متحاصرة ومسكوها وحطوا ايديها ورا ضهرها وخلوها تنزل على ركبتها بالعافية وهاني طلع تليفونه واتصل بحد وفتح الاسبيكر عشان مريم تسمع.
هاني: ها؟ عملت ايه؟
-: ايوة يا بيه هو بيركب عربيته دلوقتي.
أنت تقرأ
أوقَعتَني في غرامك
Romanceهي كارهة للرجال وعنيدة لكنها أيضا غامضة. وهو وسيم وهادئ وثري لكنه جدي وعملي جدا. هي تراه متكبر ومغرور ولا يختلف عن بقية الرجال . وهو يراها ذات لسان سليط وفتاة مزعجة لا يمكنه تحملها. كل منهما يكره الاخر ولا يفترقان الا والشجار سيد الموقف... يختلفان...
