تاني يوم بعد الفرح في جناح عز وحبيبة
حبيبة فاقت قبل عز وهي جنيها واجعها وراسها مصدعة ومش فاكرة حاجة. بصت حواليها وعلى نفسها وانرعبت لما شافت عز نايم جنبها.
حبيبة بخوف وزعيق: عااااااااااااااااااا.. انت بتعمل ايه هناااااا؟
عز قام مخضوض على صوتها: ايه؟ في ايه؟ بتزعقي كدا ليه؟ فيكي حاجة؟
حبيبة بخوف ودموع: ا-انت.. انت بتعمل ايه هنا؟.. ليه نايم جنبي؟.. واحنا فين؟
عز بارتياح ونوم: يا شيخية حرام عليكي صرعتيني.
حبيبة بعياط: انت.. انت عملتلي ايه؟.. يالهوي.. يا نهار اسود.. يا فضحتك يا حبيبة.. ايه اللي انتي هببتيه في نفسك دا؟!... انا هموت.. بابا هيقتلني وانا هدخل جهنم.. انا ايه اللي انا عملته في نفسي دا؟!... انا مكنش ينفع اثق فيك واحبك.. ادي جزاتي اهو استغليتني وخسرت نفسي وكل حاجة.. حسبي الله ونعم الوكيل فيك يا عز... يا رب يا رب سامحني... انا اسفة ... انا مش عارفة دا حصل ازاي بس-
عز بزهق: بااااااس.. انتي اللي بس!... عمالة تهري من بدري في اييييييه؟!
حبيبة سكتت خالص من زعيقه بس عينيها بتنزل دموع كتيرة.
عز قلق: حبيبة!.. اهدي انتي نسيتي ولا ايه؟! احنا فرحنا كان امبارح!
حبيبة بطلت عياط مرة واحدة وبصتله بصدمة وبدات كل ذكريات ليلة امبارح ترجعلها.
حطت ايدها على خدها: اه صح.. احنا فرحنا كان امبارح.
عز بتريقة: لا والله!.. بقى دي طريقة تصحيني بيها يوم صباحيتنا؟!
حبيبة: معلش يا حبيبي انا اسفة كمل نوم.
عز بغيظ: يعني امبارح كنتي عايزة تحطيلي منوم وانهرادة مصحاني مسروع.. اعمل فيكي ايييه؟
حبيبة كتمت ضحكتها: انا اسفة كمل نوم يلا.. معلش.
عز: انام ايه بعد اللي عملتيه دا؟!
حبيبة: طب اعملك حاجة تشربها؟
عز حط المخدة على وشه: لا....
سكت شوية بعدين نزل المخدة: بقى انا مكنش ينفع تثقي فيا؟
حبيبة بتوتر: ابدا والله دا انت جدير بالثقة.
عز بهدوء وهو بيقرب منها: ودي جزاتك لانك وثقتي فيا واستغليتك صح؟
حبيبة بترجع لورا بخوف: مش صح.
عز لسه بيقرب بهدوء: وخسرتي نفسك وكل حاجة ها؟
حبيبة بلعت ريقها: ابدا دا انا كسبت كل حاجة.
عز: وحسبي الله ونعم الوكيل فيا.
حبيبة بتهز راسها بلا: لا فيا انا.
عز: هو ايه اللي فيكي انتي؟
أنت تقرأ
أوقَعتَني في غرامك
Romanceهي كارهة للرجال وعنيدة لكنها أيضا غامضة. وهو وسيم وهادئ وثري لكنه جدي وعملي جدا. هي تراه متكبر ومغرور ولا يختلف عن بقية الرجال . وهو يراها ذات لسان سليط وفتاة مزعجة لا يمكنه تحملها. كل منهما يكره الاخر ولا يفترقان الا والشجار سيد الموقف... يختلفان...
