عدى الوقت بسرعة وجيه يوم الفرح وطبعا البنات كانوا عند مريم نايمين. مريم صحيت على المنبه بتاعها وبصت فيه واتصدمت.
مريم بزعيق: قوموا!.. يلا اتاخرنا.. اني يت جبلة متك ليها قوموا يلا.
كلهم بداوا يصحوا على صوتها ولما استوعبوا انهم اتاخروا بداوا يجروا في كل حتة، اللي بتاخد دش واللي بتجهز اللبس واللي بتنضف واللي بتعمل الفطار. بعد ما جهزوا راحوا الفندق عشان يغيروا هناك.
-----------------------------------------
عند محمد وعز
الاتنين فاقوا بدري عكس البنات وجهزوا نفسهم وراحوا الفندق.
---------------------------------------
في الفندق عند البنات
البنات خلصوا لبس وكل واحدة فيهم كانت جميلة بطريقتها.
حبيبة بخوف: وربنا مانا طالعة.
لمى: دا ايه التخلف دا ياربي؟!
دينا بضحك: تما مريم هادية اهي.
حبيبة: لا.. مريم خايفة اكتر مني بس هي بتعرف تخبي اما انا مبعرفش.
كلهم بصوا لمريم وهي ضحكت بتوتر.
مريم: معاها حق... انا من كتر الخوف راسي مصدعة ودايخة اوي وبتكلم بالعافية.
بصوا لبعض بصدمة وبعدين ضحكوا عليهم.
حبيبة: اضحكوا براحتكوا بس بعد كدا انا اللي عضحك.
ملاك: طب بس اطلعي انتي سليمة الاول وبعدين اضحكي.
حبيبة: ماشي يا ام نص لسان... بس بردو مش خارجة.... اقولكوا؟!.. قولوله حبيبة هربت او ماتت.
ملاك ولمى ودينا اتفتحوا في الضحك وسمية ووسام ومروة دخلوا عليهم.
مروة: واضح انكوا مش خايفين ولا متوترين من صوت الضحك دا.
ملاك: لا خالص... اتفضلي بنتك لزقت في الحيطة ومش عايزة تطلع والتانية مش قادرة تتكلم وهيغمى عليها.
كلهم ضحكوا عليهم ومروة راحت حضنت حبيبة ومريم: مبروك يا بناتي الاتنين.
مريم ابتسمت ورت هي وحبيبة: الله يبارك فيكي.
سمية: روشتونا ونسينا نباركلكوا... مبروك يا مريم.
مريم: الله يبارك فيكي يا طنط.
سمية بصت لحبيبة بفرحة: تعالي في حضني يا حبيبة... من هنا ورايح انتي زي بنتي اللي مخلفتهاش لو زعلتي من عز تعالي عندي وانا اخدلك حقك من تالت ومتلت.
حبيبة ضحكت: حاضر من عنيا بصي مع اول حرف يقولهولك هتلاقيني قاعدة عندك بشرب شاي وبونسك.
مريم: حبيبة انتي شكلك فهمتي غلط هي بتقولك لو اتخانقتوا واتكي على لة دي اوي مش افقعيله مرارته واعملي فيها بريئة.
أنت تقرأ
أوقَعتَني في غرامك
Romanceهي كارهة للرجال وعنيدة لكنها أيضا غامضة. وهو وسيم وهادئ وثري لكنه جدي وعملي جدا. هي تراه متكبر ومغرور ولا يختلف عن بقية الرجال . وهو يراها ذات لسان سليط وفتاة مزعجة لا يمكنه تحملها. كل منهما يكره الاخر ولا يفترقان الا والشجار سيد الموقف... يختلفان...
