عند محمد ومريم
محمد بيصحي مريم: مريم.. يا مريم يا حبيبتي قومي بقى.
مريم بنعاس: امممممم... انت رخم يا محمد سيبني انام شوية.
محمد: بقى دي اول حاجة تقوليهالي عالصبح كدا؟! رخم؟!
مريم فتحت عنيها: ما الاستاذ مخلانيش انام كويس امبارح.
محمد ابتسم وداعب طرف طرف مناخيرها: امبارح كانت اخر ليلة لينا هنا بدون شغل او مشاكل او اشخاص.. اخر ليلة لينا لوحدنا.
مريم ابتسمت غصب عنها: على اساس يعني اننا لما نرجع هنلاقي مصر كلها قاعدة فوق دماغنا.. دا انت حتى بنيت فيلا مخصوص لينا نعيش فيها لوحدنا مع اننا كان ممكن نعيش مع ماما وسام في الفيلا ولولا اني اصريت مكنتش الفيلا هتكون قريبة منهم.
محمد: عشان عايز اكون لوحدي معاكي وكمان انتي تكوني واخدة راحتك ومتبقيش قلقانة وانتي قاعدة بهدوم البيت.
مريم بصتله وتاهت في عيونه الخضر اللي كانت بتبصلها بكمية حب مش طبيعية وحنان افتقدته بعد ما اهلها ماتوا.. كل حاجة فيه اسرتها واسرت قلبها.. لمساته.. دفئه.. ريحته اللي بتعشقها.. مهما حاولت كان من المستحيل انها متقعش في حبه.. قد ايه اتغيرت بعد ما كانت بتخاف تقرب من حد عشان متخسروش وكرهت الرجالة بسبب اللي هاني واسماعيل عملوه فيها.. بقت مختلفة تماما وحبت اخيرا ايوة هي لسه خايفة يروح منها بس هي بتحس معاه براحة وامان محستش بيهم من فترة كبيرة.
محمد حسس بايده على خدها: هو انا عيني حلوة للدرجادي؟
مريم فاقت على صوته وضحكت: هو انا قولتلك كام مرة اني بحبك؟
محمد: بصلى عالنبي كدا ولا مرة الحقيقة.
مريم: طب بحبك.
محمد: انتي جاية تقوليلي كدا في اخر يوم لينا؟! ما كان قدامك شهر بحاله انتي عايزة تجننيني؟!
مريم ضحكت: اه هجننك وهخليك تصلي الجمعة في التلات.
محمد ضحك: طب قمي يلا خليني اشبع منك قبل ما نمشي.
---------------------------------------
عند عز وحبيبة
عز نايم وحبيبة بتصحيه.
حبيبة بهمس جنب ودانه: بس... بسس... بسبس.. عز.. زيزو.. اصحى يلا.
عز لف واخدها في حضنه وهو لسه مغمض عينه: بس بقى يا قطة خلينا ننام شوية.
حبيبة: مينفعش.. عشان انت والقطة راجعين مصر انهاردة.
عز فتح عين واحدة وبص عليها وهي في حضنه وابتسم: لازم نرجع؟
حبيبة: اها.. عشان حماتي الحلوة قاعدة لوحدها واكيد وحشتك ولازم نروح نقعد معاها وماما وبابا كمان وحشوني وكمان لازم نرجع شغلنا.
أنت تقرأ
أوقَعتَني في غرامك
Romanceهي كارهة للرجال وعنيدة لكنها أيضا غامضة. وهو وسيم وهادئ وثري لكنه جدي وعملي جدا. هي تراه متكبر ومغرور ولا يختلف عن بقية الرجال . وهو يراها ذات لسان سليط وفتاة مزعجة لا يمكنه تحملها. كل منهما يكره الاخر ولا يفترقان الا والشجار سيد الموقف... يختلفان...
