مريم: انتي؟؟... انتي بتعملي ايه هنا؟
قدامها كان في ست في الخمسينات من عمرها وجميلة وشها كان عليه ميك اب كتير الست بصتلها بقرف وكره.
-: هو انتي؟!.. ازيك يابنت ضدرتي قصدي يابنت سلفتي.
مريم بعصبية: لمي نفسك انا ابويا واحد محترم وعمره ما بصلك ولا حتى فكر يتجوزك.. انتي اللي كنت عايزة تتجوزيه.
سكتت شوية وراحت قعدت على مكتبها وكملت باستفزاز: انتي واحدة قذرة وعمرك ما كنتي محترمة خاصةً بعد جوازك من عمي.. بصراحة لايقين على بعض.. الطماع والفاجرة!... كابل يجنن!
-: اتلمي يابنت عنيات.. امك هي اللي سرقت عيسى مني.
مريم: ما تهدي كدا يا ست اصالة ومتتحمقيش اوي كدا اصلا مكنش في علاقة من أي نوع بينك وبين بابا ولا خطوبة ولا اي كلام من دا خالص انتي اللي كنت رامية نفسك عليه ولما قابل ماما واتجوزها انتي كنتي هتولعي بنارك واتجوزتي اللي ميستحقش كلمة عمي عشان تنتقمي منهم بس هما سابوكي وسافروا يا عيني...وبعدين انتي مبتزهقيش؟! كل ما بنتقابل بتعيدي نفس الاسطوانة عايزين تغيير.
اصالة بصتلها بحقد لانها عارفة ان كل كلمة هي قالتها كانت صح.
اصالة بغل: ماشي... ماشي يابنت عنيات-
مريم قاطعتها: وعيسى... بنت عنيات وعيسى.
اصالة بتريقة: انتي وامك ******.... امك دفعت التمن والدور عليكي.
قامت تمشي بس مريم وقفتها.
مريم: استني... اولا انا وامي محترمين مش زيك... ثانيا والاهم.. انتى مش كنت جاية تكشفي؟... على ايه بقى؟ ولا كنت جاية تعملي عملية اجهاض زي كل مرة؟!... فكراني مش عارفة انك مقضياها مع دا ودا كل شوية؟! . ولا.. لا انتي كبرتي اصلا ومش معقولة تكوني حامل دلوقتي.. جايه تعملي عملية تجميل ولا ايه؟!.... عارفة ايه اللي مخليني ساكتة على اللي انتي بتعمليه دا ومفضحتكيش قدام جوزك؟ اللي مصبرني انه يستاهل وانك قذرة وكمان مش هيكفيني بعد ما قتلتوا اهلي. انتوا اقذر من اني اعمل فيكوا غير الموت.
اصالة قاطعتها وكانت هتضربها قلم بس هي مسكت ايدها جامد ولفتها ورا ضهرها لحد ما حست ان دراعها هيتكسر فسابتها.
مريم بحقد: اوعي تفتكري انك تقدري تضربيني ولا تمدي ايدك عليا... دا انا اكسرلك راسك وراس اللي جابوكي كمان... امي اه كانت ساكته على الكلام اللي كنتي بتقوليه ليها والاهانات الكتيرة... بس انا مش امي... وانا مش هسكت... فاهمة؟
اصالة بحقد والم: هخليكي تندمي.
اصالة بدات تبهدل هدومها وشعرها وزعقت بصوت عالي لحد ما الناس دخلوا عليهم.
اصالة بتمثيل: الحقوني ياناس.. بنت سلفتي بتمد ايدها عليا.. اااااهه انا عملتلك ايه طيب؟!!!
أنت تقرأ
أوقَعتَني في غرامك
Romansaهي كارهة للرجال وعنيدة لكنها أيضا غامضة. وهو وسيم وهادئ وثري لكنه جدي وعملي جدا. هي تراه متكبر ومغرور ولا يختلف عن بقية الرجال . وهو يراها ذات لسان سليط وفتاة مزعجة لا يمكنه تحملها. كل منهما يكره الاخر ولا يفترقان الا والشجار سيد الموقف... يختلفان...
