عدى الشهر عادي ودلوقتي عز قاعد مع عمرو عشان يتفقوا على كتب الكتاب.
عز: خلاص كدا كتب الكتاب بكرا انشاءالله.
عمرو كان هيوافق بس افتكر حاجة: خليه بعد بكرا احسن.
عز استغرب: ليه يعني؟
عمرو: معلش انت استنيت شهر مش هتيجي على كام يوم.
عز كان مستغرب: ماشي.
------------------------------
في اليوم اللي بعديه مريم راحت المستشفى بس كان فيها حاجة مختلفة كانت منطفية وهادية اوي على عكس العادة وباين عليها الزعل تقريبا المستشفى كلها لاحظت كدا حتى محمد. خلصت شغل وروحت هي وحبيبة.
حبيبة بقلق: اجي معاكي؟
مريم: لا مش لازم.
حبيبة: طب متتاخريش.
مريم: ماشي.
نزلت حبيبة وفضلت باصة على مريم لحد ما مشيت وهي قلقانة وقلبها واجعها عليها.
--------------------------------
عند مريم راحت اشترت ورد ابيض وراحت المقابر. راحت عند قبر امها وابوها وحطت الورد على قبر ابوها.
قالت بابتسامة هادية: كل سنة وانت طيب يا بابا.. متخافيش يا ماما مش هنساكي هجيبلك ورد احمر مع انى مش بحبه عشان بيفكرني بمنظرك لما موتي بس هجيبهولك.... تعرفوا حبيبة هتكتب كتابها بكرا والفرح بعد شهرين.... ياااااهه حاسة انه كان امبارح لما كنا بنقعد نهزر ونقولها مش هتعمري كتير... متخافوش انا مش بعيط.. دا عيد ميلادك يا بابا فمش هعيط.
فضلت قاعدة تتكلم كانت بتتكلم بابتسامة واسعة وبعدين قرتلهم الفاتحة ومشت.
--------------------------
في ييت عز كان قاعد هو ومحمد بيتكلموا.
محمد: ايوة ياعم هتكتب كتابك بكرا والعة معاك اهي.
عز: ياعم اقعد في الارض دا انا بقالي شهر مشوفتهاش ولا سمعت صوتها حتى.... قال والعه قال.
محمد: انا مش قادر اتخيل ان عز دا هو نفسه عز بتاع زمان اتغيرت اوي.
عز بضحك: ما انت كمان اتغيرت اوي.
محمد استغرب: ازاي يعني؟
عز: عايز تفهمني انك علطول كدا؟! دا انت من ساعة ما قابلتها وانت كل يوم بحس انك في مود جديد... قبل كدا مكنتش بتعمل حاجه غير الشغل وكنت علطول هادي وبارد ومكنتش بتهتم باي بنت... بس دلوقتي كل شوية بمود جديد مرة فرحان مرة غيران، متعصب، مضايق، بتضحك كتير مبسوط، تستفز فيها وانت مستمتع.
محمد بضحك: ماشي كلامك ممكن يكون صح بس ايه غيران دي؟
عز: ياريتها كانت غيران بس دا انت كنت هتولع في اللي اسمه سامر دا من بسبب نظراته ليها.
أنت تقرأ
أوقَعتَني في غرامك
Romanceهي كارهة للرجال وعنيدة لكنها أيضا غامضة. وهو وسيم وهادئ وثري لكنه جدي وعملي جدا. هي تراه متكبر ومغرور ولا يختلف عن بقية الرجال . وهو يراها ذات لسان سليط وفتاة مزعجة لا يمكنه تحملها. كل منهما يكره الاخر ولا يفترقان الا والشجار سيد الموقف... يختلفان...
