في كافيه هادي كان ياسين قاعد على ترابيزة وبيذاكر ومش منتبه للي حواليه شوية وسمع صوت بنت فوق راسه.
البنت: احم.. لو سمحت..... ممكن اقعد؟
ياسين رفع راسه وبصلها باستغراب: نعم؟!
البنت وهي بتقعد: بص يا سيدي انا بدرس اعلام والدكاترة عندنا طلبوا مننا نعمل مقابلة عن موضوع معين احنا نختاره مع اي حد في الشارع وانا عملت كذا مقابلة مع اللي في الكافيه بالترتيب ودلوقتي دا دورك.
ياسين وهو متلخبط: هاا؟!.. انتي بتقولي ايه؟؟
البنت: لا صحصح كدا لان الاسئلة كتيرة... دلوقتي تسمحلي اقعد وابدا المقابلة معاك؟؟؟
ياسين وهو بيتنهد: ما انتي قعدتي خلاص.. ابداي يا انسة.
البنت: تمام.
-----------------------------
عند حبيبة في المستشفى.
كانت قاعدة مع الست وسمعت حد خبط ودخل.
حبيبة بصدمة: انت؟!.. قصدي استاذ عز؟!
عز باستغراب: انتي بتعملي ايه هنا؟
حبيبة: انا جيت اطمن على طنط دي.. انت اللي بتعمل ايه هنا؟
عز: هكون بعمل ايه هنا يعني؟... امي وجاي اشوفها.
حبيبة بصدمة: امك؟!... قصدي مامت حضرتك؟
عز وهو بيقعد جمب امه: اه امي.
ام عز: انتوا تعرفوا بعض؟
حبيبة وهي متلخبطة: ه-هو يعني انا مش عارفة...لا احنا اللي نعرف بعض ولا احنا اللي غرباء عن بعض.. مفيش مسمى للحالة اللي احنا فيها دي-قصدي-انا-لا-هو-لا....
سكتت شوية وخدت نفس وكملت: لا....
ام عز ضحكت عليها: اهدي يابنتي.. انتي مش في المخابرات ودا سؤال بسيط.
حبيبة: معلش اصل محدش سالني سؤال زي دا قبل كده.. قصدي عن شاب.. مش بتعامل معاهم كتير.. او تقريبا خالص.
عز كان مبسوط انها متعاملش مع شباب قبل كدا وامه لاحظت كدا وابتسمت في نفسها.
حبيبة وهي بتقوم: طب انا همشي بقى بما ان في حد مع حضرتك.
ام عز: ليه بس؟ خليكي شوية.
حبيبة: معلش مش هقدر عشان في واحدة صاحبتي مستنياني بلاش اتاخر عليها احسن وانا بكرا هاجي عندك.
وطلعت من عندهم وراحت عند مريم.
ام عز بصت عليها لحد ما مشيت بعدين بصت لعز.
عز: انتوا تعرفوا بعض بقى ازاي؟
هي حكيتله عن كل حاجة وكان مصدوم ان حبيبة ضربت الممرضة لانه متخيلش انها ممكن تعمل كدا.
أنت تقرأ
أوقَعتَني في غرامك
Romanceهي كارهة للرجال وعنيدة لكنها أيضا غامضة. وهو وسيم وهادئ وثري لكنه جدي وعملي جدا. هي تراه متكبر ومغرور ولا يختلف عن بقية الرجال . وهو يراها ذات لسان سليط وفتاة مزعجة لا يمكنه تحملها. كل منهما يكره الاخر ولا يفترقان الا والشجار سيد الموقف... يختلفان...
