تعالوا نرجع بالفيديو لورا شوية... عندك! اقف هنا... ايون... عند كتب الكتاب لما سابوا حبيبة وعز لوحدهم.... مش عندهم بقى... لا دا برا. طبعا محمد اما شاف شاف مريم بالفستان مقدرش يشيل عينيه من عليها ومريم من غير ما تحس كانت بتدور عليه بين الناس الموجودة. فجاة عينيها جات في عينيه لثواني حست فيها ان قلبها هيطلع من مكانه وبصت بعيد وهو كمان حاول ميبصش عليها ويغض بصره.
ايهم كان بقاله فترة مبيشوفش ملاك كتير فلما شافها بفستانها حس انها ملاك بجد ونازل من السما. ملاك كانت متوترة من فكرة انها ممكن تقابل ايهم ولما لمحته اتوترت اكتر.
ياسين كان واقف بيتامل اللي حواليه.
ياسين في نفسه: حرباية هتتجوز؟!.. يعني خلاص... محدش هياخد على قفاه تاني؟!.. ادي ملاك القفا؟!... لا دي ممكن تموت فيها ورقبتها تتكسر.. خلاص بقى هضربها على قفاها الشهرين دول كتير وابقى اروحلها بعد الفرح اديها براحتي.
وهو بيخطط ازاي هيضرب حرباية-قصدي حبيبة قفا شاف واحدة شكلها مالوف بتتكلم مع ملاك وبتضحك. ركز معاها شوية كدا لقاها لمى واول ما عرف انها لمى لقاها بتضحك فسرح فيها بعدين فاق لنفسه وحاول يشغل باله.
ياسين في نفسه: كنت بقول ايه؟... اه صح القفا.. هاين عليا اروح ارزعها قفا دلوقتي قدام خطيبها اللي بقى جوزها بس دي فيها رقبتي.
طبعا من غير ما نقول حسام ودينا كانوا واقفين وماسكين ايد بعض وقاعدين يتكلموا ويضحكوا ومل شوية حسام يهمس بحاجة في ودان دينا تخليها تتكسف وحاجة في متنهى تيمور وشفيقة.
---------------------------------------
ملاك كانت رايحة الحمام تعدل طرحتها وهي راجعة كانت سرحانة من لما قابلت ايهم لحد دلوقتي ومخدتش بالها من الطريق. فجاة خبطت في حاجة بس مش جامدة اوي بصت عليها لقتها ايد حد.
-: هو انا ليه كل ما اشوفك بساعدك؟
ملاك قلبها نبض بجنون وحست ان الصوت مش غريب فرفعت راسها بسرعة ولقت... ايهم! كان باين اوي انها مثدومة او متفاجئة بمعنى اصح.
ملاك بتوتر: ا-ايه؟
ايهم: ايه ايه؟ كنتي هتخبطي في الحيطة وانتي مش واخدة بالك.
ملاك بصت قدامها لقت حيطة مكنش يفصل بينها غير ايد ايهم وكانت خبطت فيها.
ملاك بحرج: ا-ا... ش-شكرا.
وسابته ومشيت بسرعة ولما بعدت شوية حطت ايدها على جبهتها وافتكرت لمسه جبهتهالايد ايهم وقلبها نبض اكتر.
---------------------------------------
لمى راحت تشرب مايه وهي راجعة تاهت وفضلت تحاول ترجع معرفتش. ياسين جيهعليها ولقاها محتاسة فاستغربها.
ياسين: مالك؟
لمى انتبهتله: ا-انا تايهة.
ياسين باستغراب: تابهة؟!... تايهة ازاي يعني؟!
أنت تقرأ
أوقَعتَني في غرامك
Romanceهي كارهة للرجال وعنيدة لكنها أيضا غامضة. وهو وسيم وهادئ وثري لكنه جدي وعملي جدا. هي تراه متكبر ومغرور ولا يختلف عن بقية الرجال . وهو يراها ذات لسان سليط وفتاة مزعجة لا يمكنه تحملها. كل منهما يكره الاخر ولا يفترقان الا والشجار سيد الموقف... يختلفان...
