في مكان تاني بعيد عن احداث قصتنا في مكان مهجور ف بيت ضلمه وفي مكتب اضلم كان قاعد على مكتبه بيشرب سيجارة.
-: مفيش اي اخبار عنها؟
=: مفيش يا بيه كل حاجة زي ما هي.
-:دور وراها كويس البت دي مش سهلة.
=: اوامرك يا بيه
-: بقى انا يا بنت عيسى تعلمي عليا.. الصبر عليا بس... هندمك على اليوم اللي اتخلقتي فيه.
شاور للي واقف معاه انه يمشي.
-: اه ومتنساش تشوفلي اللي اسمه سامح دا هو الاخر.
=: حاجة تانية؟
-: لا روح شوف شغلك.
وكمل تدخين السيجارة بتاعته.
----------------------------------------
عند الهام في مكتب المدير.
الهام: انتي؟!... بتعملي ايه هنا؟
ملاك ومريم وحبيبة وايهم موجودين هناك. ملاك بصتلها بهدوء وهي ساكتة.
الهام بتريقة: ايه؟.. القط اكل لسانك؟!... ولا انتي اشتكيتي للمدير زي ما عملتي مع شاكر قبل كدا.
كلهم كانوا ساكتين وبيبصولها بهدوء بس المدير قرر يتكلم.
المدير بهدوء: اتفضلي اقعدي يا الهام.
الهام قعدت جنب ايهم لما لقت في مكان فاضي جنبه ومريم وحبيبة بصوا لبعض بنظرة كانوا بيشتموا فيها الهام. الاتنين قالو في نفسهم نفس الحاجة: ابو تلزيق امك ياشيخة!
الهام بفروغ صبر: انتوا جايبني هنا ليه؟!
حبيبة: الصبر يااااااا.. انسة الهام... انسة بردو صح؟
الهام بعصبية: قصدك ايه؟!
حبيبة باستفزاز: مقصديش.
الهام بزعيق: اتكلمي عدل يا بتاعة انتي.
حبيبة تجاهلتها ودا استفز الهام اكتر بس قاطعها دا دخول ياسين ووراه شاكر.... شاكر؟؟؟!!! اتصدمت الهام لما شافت ياسين جايبه.. جايبه؟! جايبه مين؟! دا هو جاي لوحده طواعية. الهام وشها اصفر بس حاولت تهدي نفسها وتخفي توترها.
حبيبة: ندخل بقى في الموضوع على طول.... انتي والاخدا المفروض تعتذروا لاختي.
الهام ببرود واستفزاز: اعتذرلها ليه؟! هي اللي واحدة رخيصة ومقضياها مع دا شوية ومع-
حبيبة نزلت باديها على وش الهام بقلم خلت ودانها صفرت منه... لحظة صمت وهي حاطة ايدها على وشها بصدمة والمدير على غير العادة معملش أي رد فعل عاللي حصل وماتفاجئش.
الهام بعصبية: انتي ازاي تضربيني؟!... انتي عارفة انا ابقى مين؟!
حبيبة بعصبية مكتومة: عارفة والدك يبقى مين... استاذ حسين السيد مدير شركات الزهرة للتجارة.. راجل محترم وحقيقي معرفش انتي طالعة لمين.. هتعتذري انتي والزفت دا لاختى وحالا بدل ما ميحصلش خير.
أنت تقرأ
أوقَعتَني في غرامك
Romanceهي كارهة للرجال وعنيدة لكنها أيضا غامضة. وهو وسيم وهادئ وثري لكنه جدي وعملي جدا. هي تراه متكبر ومغرور ولا يختلف عن بقية الرجال . وهو يراها ذات لسان سليط وفتاة مزعجة لا يمكنه تحملها. كل منهما يكره الاخر ولا يفترقان الا والشجار سيد الموقف... يختلفان...
