اخيرا رجعت وهنزلكوا بارتين انهاردة تعويض للمدة الطويلة دي يلا هيصوا. 🥳🥳🥳🥳
------------------------------------------------------------
مريم كانت واقفة بعيد في مكان ضلمة وبارد وشايفة ست بتجري بخوف ووراها اتنين بلطجية بيجروا وراها والست بتصرخ ومسكوها ومسكوا سكينة ونزلوا بيها على بطنها بدون اي رحمة والدم بيطير على وشهم وحواليهم وبعد وقت سابوها لكن بعد ما صفوها دمها حرفيا.... مريم طلعت تجري عندها وكل ما تقرب منها الصورة تبعد وهي تصوت بدموع: "مااااماااا... ماما.. ماااماا.... متسيبنيش.... لاااا..."
وقامت مرة واحدة وهي مفزوعة وصرخت: ماامااا...
مكنتش قادرة تاخد نفسها وبتنهج جامد شوية واستوعبت انها في اوضتها واتنهدت جامد وحطت ايدها على جبهتها وعينيها.. كانت مليانة عرق بارد وجسمها بيترعش كل ما تفتكر اللي حصل.. كانت حاسة ان اللي حصل من سنين كتير حصل امبارح كانت حاسة برجليها بترتعش وكانها كانت بتجري فعلا... بصت على نفسها في المراية لقت شعرها متبهدل ومبلول من العرق زي ما تكون بتجري في سباق.
قعدت تهدي في نفسها وتستغفر وتستعيذ بالله بصت عالساعة لقتها تلاتة الفجر حاولت تنام تاني معرفتش فراحت الاوضة بتاعت التدريب فضلت تلعب فيها وتتمرن لحد ما تعبت بعدين راحت خدت دش ولبست هدومها وخرجت تجيب حبيبة وراحوا الشعل وبداوا شغل عادي.
عدى اكتر من يوم وحبيبة بتتجنب عز ومريم مستنية محمد يجي عشان يكملوا اللي كانوا بيعملوه... وفي يوم جه عز وكان محمد موجود في المستشفى ودخل مرة واحدة على محمد.
محمد: ايه يابني الدخلة دي؟!
عز بضيق: مفيش...
محمد: غور ياض من هنا... يعني انت داخل عليا زي داعش ببوز امك دا وفي الاخر تقولي مفيش؟!
عز نفخ بضيق: طب هحكيلك... بس نفذلي الطلب دا...
------------------------------------------------------------
عند حبيبة كانت بتكلم ملاك في التيليفون.
حبيبة: عملتي اللي قولتلك عليه؟
ملاك بتوتر: اه... بعمل زي ماقولتوا بس انا خايفة اوي.
حبيبة: متخافيش هنخلص كل حاجة انهاردة.
ملاك: طيب سلام دلوقتي.
قفلت معاها وراحت تكمل شغلها شوية وتليفون مكتبها رن.
حبيبة: الو؟.. ايوة يا سمر.
سمر: استاذ محمد عايزك في مكتبه.
حبيبة: والله العظيم يا بيه ما عملت حاجة تلاقيها البت مريم!
سمر بضحك: اه لو تسمعك.
حبيبة: احم لا بلاش... متعرفيش عايزني ليه؟
سمر بضحك: لا والله ما اعرف.
أنت تقرأ
أوقَعتَني في غرامك
Romanceهي كارهة للرجال وعنيدة لكنها أيضا غامضة. وهو وسيم وهادئ وثري لكنه جدي وعملي جدا. هي تراه متكبر ومغرور ولا يختلف عن بقية الرجال . وهو يراها ذات لسان سليط وفتاة مزعجة لا يمكنه تحملها. كل منهما يكره الاخر ولا يفترقان الا والشجار سيد الموقف... يختلفان...
