كله كان مصدوم وخاصتا مريم!!.. محدش كان يتوقع ان ياسين يضرب مروان.
ياسين بغضب: اياك تجيب سيرتها او سيرة أهلها على لسانك القذر دا تاني.
صحيح ان ياسين علطول بيهزر بس لما بيتعصب مبيهداش وخاصة لما حد يتكلم بسوء عن اهله اومريم وأهلها لانه بيعتبرهم زي اهله.
عمرو راح عند أبو مروان: شكرا ليكم عالزيارة واحنا هنوصلكم ردنا قريب ان شاء الله.
أبو مروان بتاسف: رد ايه بعد كل دا؟!.. والله احنا اسفبن على اللي حصل.. بجد مش عارف اقولك ايه...
راح اخد مروان وخرجوا كلهم بس وقفوا على صوت مريم.
مريم: أستاذ مروان... انا معرفش حد اسمه سلوى... حبيت اقولك بس.
ابتسمتله باستفزاز وهي بتعمله باي وهو متغاظ منها ومشيوا كلهم ومريم راحت رمت نفسها عالكنبة وهي بتضحك.
عمرو بصلها بتريقة: بتضحكي؟!
مريم: يا جماعة اضحكوا.. محدش واخد مننا حاجة.
مروة لاحظت ان ايد ياسين بتنزف.
مروة بخوف: ياسين!!.. ايدك بتنزف!!.. روحي يا ملاك هاتي الشاش والمطهر بسرعة.
ياسين وهو بيحاول يهدي اعصابه: متخافيش يا ماما.. دا مش مني دا من الزفت اللي ميتسماش.
ملاك: دا ايه جو المسلسلات المصرية دا؟!
حبيبة: لا يا جماعة.. احنا نطلب بيتزا ونحتفل عشان مريم مضربتش حد انهاردة!
مريم: والله كنت عايزة اضربه بس سكت وأهله هيتوصوا بيه اكتر مني.
ياسين بعد ما هدي شوية: والنبي انتوا رايقين اوي!!.. بقى انتي مش متغاظة منه؟!
مريم: متغاظة طبعا بس انت قومت بالواجب ولو كنت اخرت شوية كنت انا روحت رزعته قلم.
حبيبة: ايه اللي حصل بالضبط؟
حكتلهم مريم كل اللي حصل.
مريم: ودا كل اللي حصل من طق طق لسلاموعليكو وانتي ياوختشي؟ حصل معاكي حاجة؟
حبيبة: بصي يا ستي....
-------------------------------
نرجع لورا شوية بالشريط لحبيبة وعبد الله لما الكل خرج. الاتنين كانوا ساكتين بس سكوت مختلف. حبيبة زهقانة ومش عايزة تتكلم وشاغل بالها ادم وليه هو عنده الجاثوم هي مش عارفة هو ايه اللي قالقه مع ان الامتحانات لسه عليها شوية... طب ايه اللي مخليه مضطرب؟! قررت تطفش اللي قاعد قدامها الأول وبعدين تفكر في الموضوع دا.
حبيبة: انت مش بتشرب عصير ليه؟
عبد الله: هشرب اهو.
حبيبة في نفسها: هو مين اللي متقدم لمين؟..
أنت تقرأ
أوقَعتَني في غرامك
Romanceهي كارهة للرجال وعنيدة لكنها أيضا غامضة. وهو وسيم وهادئ وثري لكنه جدي وعملي جدا. هي تراه متكبر ومغرور ولا يختلف عن بقية الرجال . وهو يراها ذات لسان سليط وفتاة مزعجة لا يمكنه تحملها. كل منهما يكره الاخر ولا يفترقان الا والشجار سيد الموقف... يختلفان...
