بنيه صعب ينطفي ضيها.

Part 108

((أعتذر على الأخطاء الاملائية ))
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
..

ومرت الايام وجاء اليوم اللي كان الكل ينتظره الا أثنين على الرغم ان اليوم يومهم
الساعه ١٠:٣٠ص الجمعة
كانت منسدحه على سريرها وحاضنه مخدتها وهي تحس انها اليوم بتنزف لقبرها مو لزوجها كانت طاقتها تحت الصفر ماقدرت تنام الليل سمعت صوت دق الباب غمضت عيونها بسرعه انفتح الباب ودخلت رهف بحماس: رنااااااااااا قوووووووووممممميييي بببببسرعه ياااعروووسه قومي قومي
فتحت رنا عيونها بثقل: نعم؟! بلاش ازعاج
رهف جلست بحماس بجانبها:قومي قومي اخيرا صرت اخت العروس حمااااااااس
رنا جلست ومسحت على وجهها :الكوافيرة جت؟
رهف:اي اي الكل ينتظرك بسرعه قومي
رنا هزت رأسها: طيب بتحمم واجيكم
رهف :بسرعه طيب!
رنا هزت رأسها :طيب
خرجت رهف مفحطه من غرفة رنا كانت الجازي خارجه من غرفة رهف وبيدها فرشه الأسنان وعيونها مفقعه نوم وبدأت تتكلم ورهف تناظرها بأستغراب: هاااا وش تقولين؟
الجازي هزت رأسها بتوعد ورجعت من جديد رهف ما اهتمت
ام وليد كانت لابسه عبايتها ومجهزهه اغراض مع الخادمه اللي كانت تركبها مع السواق
ام وليد:انا خارجه مع ام طلال واهله لصالون بنتجهز من هناك رهف خذي اختك اتجهو للقاعه الكوافيرة بتجيكم هناك بنتجهز حنا بمكان ثاني عشان الزحمه واللويه
رهف: زين يمه والجازي و
قاطعتها ام وليد:كلنا بنروح مع بعض
رهف :زين يمه
ام وليد :الجااااازي حبيبتي وينك؟
الجازي كانت نازله من الدرج بسرعه وبيدها عبايتها تلبسها:جايه ياخالتي جايه
ام وليد:يلا مع السلامه
الجازي:امي..
ام وليد:بسياره تنتظرنا
خرجت ام وليد واختها وبنتها وبقت رهف اللي كانت تجهز اغراضهم فساتين ووووالخخ
خرجت رنا اللي كانت بروب الحمام والمنشفه برأسها
:رهف امي وخالتي وين!؟
رهف :امي راحت لصالون تتجهز مناك
رنا بفهاوه: هااا وانا؟!
رهف:انتي تجين معي للقاعه وتجينا الكوافيرة هناك
رنا :اها
رهف:عجلي جهز اللي تبينه السواق راجع لنا عشان نروح
رنا هزت رأسها: تمام تمام
رجعت رنا من عند الباب بعد ما استوعبت :رههههففففف!!!
رهف:بسم الله وش فيك؟
رنا بعصبيه: ياااانصابه ما تقولي الكوافيرة جت!
رهف مدت لسانها: هههههههههههههههههههههه ههههههههههههههههههههههههههههههههه عشان تقومي بعدين نسيتي انو متفقين تجي للقاعه!؟
رنا:نذله وربي
رهف:اخلصي علي شغلتنا شغله
رنا ناظرته بنص عين:ياشيخه؟
رهف ابتسمت بعباطه
دخلت رنا تلبس
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
حست باهتزاز جوالها العالي فتحت عيونها بكسل مدت يدها واخذته من على الكوميدينه ناظرت بساعه ١٠ص
كانت إشعارات من الكوافيرة اللي حاجزه عندها
غمضت تكمل نوم لظهر وتقوم على رواقه تتجهز وتشوف وش عندها الكوافيرة سمعت صوت ابوها اللي ينادي على فيصل
:فيصل يا فــــــــيـــــــــصـــل
فيصل :هلا يبه جااايك جااايك
روز دفنت رأسها بالمخده طار النوم من عينها
قامت بكسل وهي مفتحه عين ومقفله الثانيه تأففت بعد ما تذكرت ان ملكتها بكره ولأول مره روز تحس نفسها مقيده او عاجزه ماتقدر تكسر بكلمة ابوها قررت تتمشى مع الوضع بس تكره بدر بعيشته وتطلع عيونه
اخذت جوالها
لفت على وديان النايمه بجانبها استغربت انها باقي نايمه توقعت انها بتشوفها صاحيه قامت من على السرير واتجهت للحمام((تكرمون))
اخذت شور وجففت شعرها وصارت تجهز أغراضها الفستان والكعب والخ***
فتحت جوالها بس توسعت عيونها بصدمه :لاااااااااااااااا
قامت وديان من نومه بخوف وبنص عين مفتوحه والثانيه مقفله:بسم الله وش فيه!!
روز ناظرتها:الكوافيرة اعتذرت يااارأسي
وديان صحصحت معها:هاا!! كيف بنتجهز؟!
روز ارسلت فويس بقروب البنات:حسبي الله بنااات هيلب مي تخيلوو الكوافيرة اعتذرت دوبها !! انا توووهقت
رمت جوالها على الفراش بعصبيه: اوووووووووف
وديان حكت رأسها بنوم :ابي انااام ما شبعت نوم
روز :اقول قومي اجهزي ندور لنا مكان نصرف انفسنا فيه
وديان ابعدت اللحاف عنها وقامت بخطوات متثاقله
للحمام(تكرمون )اخذت شور صحصحت بعده
خرجت وجففت شعرها
رن جوال روز وكانت رهف
:الو السلام عليكم
روز:وعليكم السلام ارحبي
رهف:كيفك؟
روز:الحمدلله كيفك انتي؟
رهف :طيبه الحمدلله روز تعالي لنا للقاعه انا ورنا بس بنجهز بسرعه تجهزي معنا مره وحده شرايك؟
روز بفرحه:منجدك!!
رهف ابتسمت: اي بس انا وهي يعني بنخلص بدري وبعدها تبدأ بالعروس
روز تنهدت براحه: اااحببككككك شكراً فكيتي ازمه على فكره وديان معي
رهف :اي اي ادري تعالي انتي وهي
روز:تمام أجل بمر مكان وبعدها اتجهه لكم ارسلي الموقع طيب
رهف:تمام يلا سيو
روز:سيو
ناظرت بوديان: اسمعي انا بسبقكك لسياره والحقيني لاتطولي
وديان: تمام اغراضي جاهزه بس بلبس عباتي واجيك
نزلت بعد م لبست عباءتها وشافت فيصل:على وين تعالي افطري؟
قالت روز بخبث:بفطر عند رنا مع البنات وجود بنروح مع بعض بسرعه وقف: اوصلك
روز:هههههههههههههههههههههههه،امزح بروح بسيارتي وطلعت ضحك فيصل ورجع يفطر
نزلت وديان اللي كانت منقبه وشايله اغراضها بيدها انتبهت لفيصل بهدوء:صباح الخير
فيصل:صباح النور روز سبقتك خرجت
وديان هزت رأسها وخرجت من عنده ركبت روز
اتجهت لهدية رنا اللي اتفقت مع منسقة هدايا تجهزها لها اخذتها ومباشرة للقاعه بعد ما ارسلت رهف لها الموقع نزلت وديان بأغراضها لداخل رفعت طرف عبايتها من بقعة الماء اللي قدام الدرج :ياليل وش ذا؟
روز:اوووه شغله
اخذت اغراضها بيدها ودخلت وعند المدخل تذكرت الكعب اللي نسته رجعت له من جديد بعد ماحطت اغراضها كانت تمشي بحذر
ماحست بنفسها الا وهي متشقلبه بالجو طاحت على وجهها بنص بقعة الماء صرخت بقهر:لاااااااااااااااااااااااااا
قامت من جديد بس تعثرت وطاحت على ظهرها
انتبهت لصوت ضحك عالي:هههههههههههههههههههههههههههههههههههههههههههههههههههههههههههههههههههههههههههههههههههههههههههههه
التفت بعصبيه كان احمد ماسك بيده أكياس ويضحك تنرفزت روز منه اخذت بيدها ورمت عليه
احمد صرخ بعصبيه:لاااااااااااااااااااا
روز فطست ضحك على ملامحه اللي كانت متنرفزه
:ههههههههههههههههههههههههههههههههههههههههههههههههههههههه
قامت وهي تمشي وتضحك
شد احمد قبضته بقوة وعصبيه لكن ابتسم بخبث وبصوت عالي: اضحكي اضحكي الوعد باكر
روز مافهمت وش يقصد بس ما اهتمت دخلت لداخل عند البنات
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
قامت ايلاف وهي تمسح دموعها نزلت من فراشها واتجهت للصاله على اصوات اهله الكل سكت وقت ماشافها
ايلاف بصوت خافت: مقبرة**** القبر الأولى
متعب عقد حواجبه وفز لها:ايش!!
ايلاف ناظرته بعيون ميته وتركته واتجهت لغرفتها من جديد
الكل قام وراها دخلت للغرفة وانسدحت غمضت عيونها ونامت من جديد
قرب مهند منها وجلس قريب منها بهمس: ايلاف ايلاف
ايلاف فتحت عيونها بثقل: همممم
مهند:قومي ابيك
ايلاف ناظرته غمضت عيونها بكسل: بنام
متعب بصوت هادي: ايلاف تجهزي الشيخ جاي
ايلاف فزت بخوف وصوت شوي غريب :نعم! الشيخ؟ لا لا
"لكن سرعان ماتغيرت نبرة صوتها الخايفه الى صوتها العادي "
لاتضنون اني بأستسلم لكم لا والله لا أحاربكم بأشد الطرق تأثيراً
بدأت يدها اليسار تنفض بشكل ملحوظ ومريب وكأنه إجابه لكلامها
ابتسمت ايلاف بسخريه وهي تحس بقوة بداخلها تجهل سببها ما تنكر انها خايفه من الشي المتواجد بداخلها بس تأكدت ١٠٠% كلام الله فوق كل شي {وَمَنْ يَتَوَكَّلْ عَلَى اللَّهِ فَهُوَ حَسْبُهُ}
نفضت يدها بقوة مسكتهت بيدها اليمين
ام متعب بخوف:ايلاف يمه وش فيك؟
ايلاف ابتسمت بذبول: عادي يمه تعودت على الحركه اللاراديه ذي
ريوف بلعة ريقها بخوف :بسم الله يعني الحين اللي يتحرك؟
ايلاف هزت رأسها: اي اللي فيني مو انا
ريوف بغت تنصرع مكانها
قامت ايلاف لبست عبايتها بمساعدة امها
متعب:الشيخ بيقرأ عليك من العصر للمغرب طيب؟
ايلاف بدأت تكح بقوه هزت رأسها ونزلت مع اخوانها للمجلس الداخلي بأنتظار الشيخ
متعب جلس بجانبها:وش قصدك بالمقبره والقبر؟
الكل تعلقت أنظارهم على ايلاف
ايلاف بحزن:صار لي كذا يوم احلم ابوي ياخذ بيدي لمقبرة ***** ويأشر على القبر الأولى منها ويقول حسبي الله ونعم الوكيل
كحت ايلاف بقوة لدرجة عيونها صارت تدمع
دق جوال مهند وكان الشيخ وصل خرج متعب له بينما مهند جلس مع ايلاف
خرجت ام متعب وريوف من المجلس الداخلي شويات ودخل متعب مع الشيخ ارتعبت ايلاف وهي تشوفه
قرب الشيخ منها
:السلام عليكم
ايلاف بصوت ذابل: وعليكم السلام
مهند:وعليكم السلام ورحمة الله وبركاته حياك الله شيخنا
الشيخ:سلمك الله وعافاك
ناظر بايلاف اللي كانت جالس قريب من مهند وسانده رأسها على كتفه
تعوذ بالله من الشيطان الرجيم وبدأ يسمي بالله وقرأ القرآن
ويركز على أيات السحر كانت ايلاف تبكي بصوت عالي وتصارخ صارت تشد شعرها بقوة ومهند يمسك يدينها ويذكر الله بداخله
الشيخ قرب منها بعد ماسمع :لا لا ما اتركها ما اتركهااااا
الشيخ:الا تتركها بأذن الله تتركها
ايلاف هزت رأسها بالنفي وبتعب:لاااااا هي لي انا احبها احبهااااا
الشيخ:اخرج ياعدو الله
بدا الشيخ يكرر آية الاحراق:فَأَصَابَهَا إِعْصَارٌ فِيهِ نَارٌ فَاحْتَرَقَتْ
ويعلي بصوته اكثر واكثر وايلاف يزيد صراخها
صارت ترجف بقوة بحضن مهند لدرجة متعب قام يعاونه فيها
ايلاف بصراخ خشن:ياااااشيخ لا تكفى خلااااص خلااااص ياشيخ خلاااااص
الشيخ :وَقَالُوا إِنْ هَذَا إِلاَّ سِحْرٌ مُّبِين
كرره اكثر من ٢٠ مره بعدها بدا يرقيها
:اللهم فك العقد
ايلاف صرخت بقوة:لاااااااااااااااااااااااااا ااااه لاااااااااااااااااااااااااا
تحول صراخها لضحك:هههههههههههههههههههههه ههههههههههههههههههههههههههههههههه ههههههههههههههههههههههههههههههههههههههههههههه
ما راح تقدر فيني ياشيخ ممكن تقدر فيه لكن فيني ما تقدر
الشيخ:اقدر بقدرة الله اقدر عليك وعلى من ارسلك
اعوذبالله من الشيطان الرجيم
فَلَمَّا أَلْقَوْا قَالَ مُوسَىٰ مَا جِئْتُم بِهِ السِّحْرُ ۖ إِنَّ اللَّهَ سَيُبْطِلُهُ ۖ إِنَّ اللَّهَ لَا يُصْلِحُ عَمَلَ الْمُفْسِدِينَ
ايلاف كحت بقوة
والشيخ يردد الاية
الشيخ بدأ يعرف وش سحرها من خلال الايات اللي تتأثر منها
مهند حس بإيلاف اللي ارتخت بحضنه
:اغمى عليها ياشيخ
الشيخ انتهى من القراءة عليها :بأذن الله نكثف القراءة عليها لان اختكم اجتمع فيها مس عاشق وسحر
متعب:طيب ياشيخ ان شاء الله تتحسن؟
الشيخ:بأذن الله هذا ما مرقي وزيت ابيها كل يوم لمدة ٧ ايام تغتسل فيه وتشرب منه وتحافظ على أذكارها وتحضن نفسها وتحاول تقرأ سورة البقرة بشكل يومي بالبدايه راح تواجه صعوبه لكن بأذن الله الفرج يكون بعدها
مهند :بأذن الله جزاك الله خير الجزاء
بدأ الشيخ يتكلم مع متعب بينما مهند شال اخته وخرج
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
نبدأ بفساتين البنات وأولهم رهف اخت العروسه