بنيه صعب ينطفي ضيها.

Part 115

((اعتذر على الأخطاء الإملائية ))

︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.

وقفت روز عند فله او بالأصح قصر
كانت فله فخمه بما تعنيه الكلمه
روز ناظرت المكان نظرات تفحص وإعجاب: واو ذوقه حلو
نزلت روز من السياره عدلت نفسها وتأكدت من مظهرها اخذت
مسدسها وحطته بخصرها عدلت سماعتها همست:اكين هل انت هنا؟
اكين :نعم يا انسه اسمعك
روز:اريد منك ان تقوم بتجسيل كل شي
اكين :بالطبع بالطبع
ابتسمت بخبث((نشوف الخفي ذا مين))
اخذت الشنطه وقفلت سيارتها وقفت قدام البوابه انتبه له احد الحراس قرب بهدوء: مين انت؟وش تبي!!
روز بخشونه:روبيرتو أرسلني
ناظرها بتفحص تكلم عبر السماعه اللي بأذنه بعدها ناظر روز
وفتح الباب لها دخلت روز بخطوات واثقه بعكس اللي داخلها
كانت تحس بربكه من المجهول اللي ينتظرها
جذبتها النافورة الكبيره اللي تتوسط الحديقه ومواجهه لمدخل الفله من غير الورود اللي متوزعه بشكل منتظم والألوان معينه
جلسات خارجيه هاديه
وقفت عند الباب وقبل لاترن الجرس
انفتح الباب كانت خادمه أجنبيه: تفضل سيدي
دخلت روز بخطوات حذره انتبهت لشخص معطيها ظهره وواقف التفت عليها وهو راسم ابتسامه: اهلا بمرسول روبيرتو
روز :أهلا بك سيد..؟
ابتسم بثقة:داود
روز:سيد داود
داود أشر لها على الكنبه جلست على المفرده بعد ما حرصت انها تجلس على كنبه خلفها جدار عشان مايصير شي خطير اوو..
دخل احد الرجال ووقف خلف داود للحمايه
ناظرته بنظرات بارده:زي ماعرفت انت شخص صعب جداً اقناعك او التعامل معك
جلس وحط رجل على رجل أشر بيده :برأيك؟
روز ناظرته بهدوء: برأي انت شخص يهتم كثير لمصلحته ويحرص على أن اي شراكه ينشئها ماتعود عليه بالضرر
ابتسم بأعجاب: احسنت التفكير يافتى
روز سحبت الشنطته بسرعه وفتحتها ولفته له بسرعه
بنفس الوقت والسرعه خرج حارس داوود مسدسه وصوبه على روز
روز ضحكة بسخريه: مو جاي للأذى
داوود بنظرات استصغار :مو من حدك تجي هنا للأذى
ناظرته ببرود نظره حاده:هذا المبلغ المقدم وبعد الإنتهاء راح نكمل الباقي
داود ابتسم بسخريه وستصغار لروز واللي ارسها: هذا العجوز خاصتك على مايبدو انتهت موضته شوي
روز سندت ظهرها بأريحية مصطنعه:اممم لو سألتني اقولك لاتستصغر به كثير لانه مو شخص يستهان فيه
يعرف كيف يدهش الواحد تماماً
تعالت ضحكة منه ناظر بروز :تضخمه كذا بنظرك لانه مديرك
تعدلت روز بجلستها وناظرت نظره ثاقبه وبحده:اولاً هو مو مديري او كذا انا وهو نعمل مع بعض فقط
ثانياً انا مو شخص اضخم اي احد في نظري
جاء الكثير ومر الكثير من ذا العالم
"غمزة روز وهي تقول " كلنا نعرف ذا
اخفئ ابتسامه الإعجاب اللي شبه مرسومه:يا سلام
روز بتدارك للوضع والكلام اللي قالته :اا قلت اللي برأسي فقط سيد داوود
هز رأسه داود:فهمت
روز ناظرته :جد وش صار بينكم تشان العلاقه تكون مشحونه كذا؟!
داود شبك يدينه بببعض وناظر لروز بغرور: برأيك؟ كان يبي يعمل معنا لكن هو مو من مستوانا
بأختصار انتم مو من مستوانا يعني روبيرتو صار قديم وتغيرت الأساليب القديمه كل شي صار جديد والمدير مايبي يعمل مع شخص بمستواه
روز بضحكه: واوو
ناظرته بتفحص وبثقه وتريقه بنفس الوقت:مين انتم؟وش مستواكم؟
بغيت أسألك عن ذا؟
داود تعدل وبنظرات عدوانيه:لاتسأل
لاتسأل اسئلة كثيرة
روز رفعت يدينها بأستسلام: تمام تمام براحتك
عدلت نظاراتها بهدوء
داود:الآن اللي ابيك توصله لروبيرتو فكرة العمل مع بعض مرفوضه تماماً
وقفت روز واخذت الشنطه بيدها وبثقه:أشكرك على وقتك واتمنى تفكر مره ثانيه وترد لي خبر
لان لو جيت مره ثالثه لذا المكان ماراح تكون جيه محموده
رفع حاجبه وبحده:تهدد انت ووجهك!
روز ابتسمت بخبث :افهمه زي ماتبي
... استأذن
خرجت روز من عنده ورفعت الجوال اتصلت بمحمود
:الو
روز:داود رفض العمل معنا
محمود بتريقه:كنت عارف
روز ابتسمت بخبث: حلو وصله لمديرك اذن
باي
قفلت بوجهه
انجلط محمود منها رمى جواله بعصبيه: مين يضن نفسه هذا المبتدئ
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
نزل من سيارته وناظر لشاحنه الواقفه قرب منها ناظر بشخص واقف :الأمانات بالداخل؟
ناظره بتفحص: انت مين؟
كاسبر:انا كاسبر
..:اا من السيد عاصم صحيح؟
كاسبر ابتسم بسخريه: صحيح
.:تفضل تأكد من الأمانات
تقدم كاسبر بعد مافتحو باب الشاحنه له ناظر بمجموعة من الكرتون مرصوص فوق بعض
اخذ سكينه وشقها وبدأ يناظر
فجأة
انتشر صوت صفارات الشرطه ومن خلال مكبرات الصوت: الشرطه ارمو اسلحتكم
هربو الرجال وكل واحد ركب سيارته وانحاش ركب كاسبر سيارته وتحرك بسرعه هارب من المكان تارك الشحنه خلفه
شد على الطاره بقوة بتفكير:كيف احمد عرف انها فخ؟؟؟ كيف!!!
اتصل بعبدالعزيز: الو
عبدالعزيز: الو
كاسبر:عبدالعزيز تدري الشرطه داهمت شحنه عاصم
عبدالعزيز بصدمه:اماااا منجدك!!
كاسبر:اي والله انت مستوعب : اول مره يصير كذا!!
عبدالعزيز عدل جلسته: دقيقه كيف كذا دايم ذا مايترك اثر خلفه ودايم حريص
كاسبر بأستغراب :حتى انا مستغرب
مدري وش صار انا كنت موجود برضو
عبدالعزيز: طيب !
كاسبر مسح على ذقنه: مدري ياعبدالعزيز وش صار
اسمع اكلمك بعدين الحين بقفل
عبدالعزيز بسخريه: انتظرك تقول لي ردة فعله
كاسبر بضحكه: واخيراً
قفل كاسبر ونزل بسرعه دخل لأبو احمد اللي ناظره :رجعت بدري!!
كاسبر بتلعثم: مدري كيف اقول
ابواحمد عقد حواجبه: وش؟
كاسبر:اا الشرطه داهمت المكان والشحنه اخذوها
ضرب مكتبه بقهر وعصبيه: كيف كذااااا عمرها الشرطه ما داهمت شحناتي!!
كاسبر:هذا اللي صار
وقف ابواحمد وهو يمشي :كيف كيف!!!!!
احمد وينه!! هااا؟؟؟
كاسبر بكذب:الكل هرب وقت ماسمعنا صفارات الشرطه
ابواحمد بعصبيه: كيف وصل المكان لشرطه!!مين الخائن اللي بيناا!!!! مين ؟؟؟؟
كاسبر:مدري مين!! اللي اعرفه ان حركاتك صارت مراقبه يعني وصلو اليوم لمكان الشحنه بكره الله اعلم وش بيوصلون له
ابواحمد صار يتنفس بقوة من العصبيه :
لا من المؤكد شخص من الداخل
كاسبر بجديه:كيف شخص من الداخل؟طيب لو بيقول ليش ما قال على اللي قبلها!!
ابواحمد جلس وهو ماسك رأسه:هنا اوقف انا
كاسبر :استأذنك
ابواحمد أشر بيده يعني اخرج
خرج كاسبر وأتصل بروز :الو
روز بكره:نعم؟
كاسبر:بسم الله وش فيك؟
روز:في شي مهم؟
كاسبر:داهمتنا الشرطه
روز ابتسمت ببرود: المطلوب؟
كاسبر:لا بس حبيتك تدري!
روز:اوك دريت وش صار؟
كاسبر:شكل النفسيه بالحضيض
روز: جداً يلا باي
قفلت بوجهه
كاسبر ناظر جواله بأستغراب: وش فيها ذي ؟
ما اهتم كثير ركب سيارته وحرك متجهه لشقته
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
صباح يوم جديد
قامت بنشاط بعد مانامت واخذت كفايتها من النوم
تمططت وقفت واتجهت لستائر المنسدله فتحتها كان الصبح ببداياته اتجهت للحمام تكرمون توضت
وصلت الفجر بعدها اتجهت للمطبخ اخذت توست وجبن وكأس عصير افطرت ناظرت بساعتها باقي ساعه على موعد دوامها
فتحت جوالها تطمن على امها
جوان :صباح الخير يمه
ام احمد:صباح النور حبيبتي كيفك اخبارك!
جوان:الحمدلله يمه انتي كيفك عساك مرتاحه؟
ام احمد:بخير الحمدلله انتي وش مسويه وحدك؟نمتي؟ اكلتي!
جوان:اي يمه نمت امس بعد ما خرجتو دوب صحيت قبل شوي صليت والحين افطر
ام احمد:بالعافيه عليك متى دوامك؟
جوان:بعد ساعه يمه
ام احمد:الله يحفظك يارب اذا خرجتي وصلتي طمنيني
جوان :ابشري يمه
ام احمد:استودعتك الله
قفلت جوان من امها
ناظرت بساعتها ((ليش ما اتعرف على المكان بالساعه ذي ومع بداية الصباح؟يكون احسن))
قامت بحماس تتجهز لبست ملابس مريحه بعدها لبست عبايتها وعدلت حجابها تلثمت اخذت شنطتها واغراضها
اتصلت بسواقها يجهز السياره فتحت باب الجناح وخرجت وقفت عند المصعد تنتظرها شويات وانفتح
لكن
شهقت بصدمه وهي تشوفه ملطخ بالدم
حطت يدها على فمها
كان واقف وساند جسمه بتعب على المصعد ويتنفس بصعوبه ومتعرق بشكل كبير
كان ماسك على جرحه ويضغط عليه قربت جوان بسرعه منه
وبخوف وربكه:انت مصاب!
ناظرها بألم وكبرياء: مافي شي حصل حادث بسيط
تحرك من قدامها وخرج من المصعد بخطوات بطيئه وغير ثابته
مال بجسمها وكان بيطيح ركضت جوان له بسرعه ومسكته
بجديه:إصابتك جديه لزم تنتقل للمشفى
ناظرها بسرعه:لا مايحتاج دكتوري بالطريق
جوان ناظرته وبقلق:لكن جرحك عميق مايتحمل تأخر دكتورك
ناظرها :انا معتاد على الجروح العميقه
صد بنظره عنها
جوان :وين جناحك؟
تحرك ببطئ متجهه له خرج البطاقه وفتح الباب
سند نفسه على الجدار ومشى بخطوات بطيئه للكنبة الموجوده بالصاله سند يدينه وهو مو قادر يجلس دخلت جوان بسرعه رمت اغراضها بأهمال بالأرض بعجله:وين شنطة الاسعافات؟؟
بصوت تاعب بدأ يتغير:بدولاب الحمام
دخلت بسرعه وهي عارفه الحمام وين بحكم ان جناحها نفس التصميم اخذتها ورجعت بسرعه له
قربت بهدوء: ممكن تبعد يدك؟
ابعد يده ببطئ
مسكته جوان ببطئ وساعدته يجلس على الكنبه عدلت المخدات خلفه ومد ظهره
قربت منه وبدأت تعقم الجرح وتنظفه عقدت حواجبها من عمق الجرح :ضروري خياطه له لأنه عميق
حط يده على عيونه بتعب:دكتوري..جاي
جوان فزت بسرعه:ثواني وراجعه
خرجت ركض من عنده دخلت لجناحها بسرعه وهي تدور بعشوائيه على الشنطة الصغيره اللي اخذتها معها من امريكا
لقتها واخيراً رجعت بسرعه لقته شبه فاقد لوعيه
جوان بتوتر:تقدر تتحمل الخياطه بدون بنج؟
كان يقاوم الألم :ا..ي
جوان بهمس:اسفه
خرجت القلفز ولبسته بدأت تعقم حول المنطقة فتحت الشنطه اللي اخذتها كانت محتويه على ملقط ومقص وأبر وخيوط جراحيه
سمت بالله وبدأت تخيط الجرح كانت تشوف ملامحه اللي تعتصر من الألم حزنت عليه
خلصت تنهدت براحه غطت الجرح وتأكدت ان كل شي تمام كان هلكان من التعب
ناظرت جوان بقميصه اللي ملطخه بالدم
جمعت الاشياء الملوثه وقامت ترميها
اتجهت لغرفة الملابس اخذت قميص بشكل عشوائي
خرجت ومرت المطبخ اخذت منشفه وبللتها
بعدها اتجهت له مسحت وجهه ساعدته يجلس تخلصت من قميصه الملطخ بالدم وساعدته يلبس قميصه الثاني
عدلت المخدات تحت رأسه وعدلته رجعت لغرفة النوم اخذت لحاف وغطته فيه ناظرت بساعتها وصل وقت دوامها
اعطته مسكنات سمعت صوت الجرس وقفت بسرعه اخذت اغراضها فتحت الباب كان في شخص واقف ويلهث بتعب:السيد جاك وينه؟
جوان:بداخل مين انت؟
...:انا طبيبه
جوان:تفضل
دخل الدكتور وخرجت جوان من عنده ركب المصعد واتجهت لدوامها
دخل الدكتور لجاك اللي كان منسدح بتعب وإرهاق
:سيد جاك
جاك:همم
الدكتور:ممكن اكشف عليك؟
جاك بهمس:اي
رفع قميصه وناظر بالجرح بس استغرب كان الجرح نظيف وخياطته ممتازه
رفع حاجبه: كل شي تمام
جاك ناظره بعدها غمض عيونه:ابي مسكن قوي
الدكتور :حاضر
اخذ ابره منومه وغرزها بيد جاك ماهي إلا دقائق معدودة ودخل جاك بنومه عميقه
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
فتحت عيونها بشويش على صوت جهاز التخطيط
من كابوس مزعج جداً
كان الدكتور المسؤول عن حالتها واقف عندها يكشف عليها
ابتسم وهو يشوفها صحت
ايلاف كانت تحاول تتكلم بس ريقها ناشف
الدكتور أشر للممرضه اللي اخذت مويه وقربت من ايلاف وشربتها بشويش
ايلاف بصوت تاعب: وش..صار؟انا...وين!
الدكتور:أولاً الحمدلله على السلامه ثانياً انتي بالعنايه المركزه
ايلاف عقدت حواجبها: العنايه...المركزه؟
الدكتور:اي نعم فجأة انخفضت وظائف الكلى عندك عشان كذا اضطرينا ندخلك للعنايه
ايلاف غمضت عيونها وفتحتها
:اهلي..وين؟
الدكتور :اهلك موجودين
ايلاف بتعب:ابيهم
الدكتور: تمام واحد منهم بيدخل لك
ايلاف بهمس:طيب
خرج الدكتور كان متعب جالس وساند رأسه بسرحان
اتجه له الدكتور:اخ متعب
وقف متعب بسرعه: اي نعم!
الدكتور ابتسم: الحمدلله على سلامة الأخت ايلاف صحت والحمدلله حالتها طبيعيه ممكن بعد شوي ننقلها لغرفه عاديه
لو حبيت تقدر تتفضل تدخل
متعب بفرحه:اي اي
الدكتور:تفضل مع الممرضه
تحرك متعب مع الممرضه لبس البس الخاص ودخل لأيلاف
قرب منها وبحنيه:ايلافي
ايلاف فتحت عيونها ابتسمت بتعب:متعب
متعب قرب اكثر :عيونه لبسه ياعين اخوك
ايلاف:متعب انا..في..احلام..تتكر..علي
ابي..مفسر..ضروري
متعب:ابشري على خشمي اجيبه لك المهم تصيرين بخير
ايلاف:انا..بخير..الحمدلله
متعب :الحمدلله الحمدلله
دخلت الممرضه خرجت متعب
بعد نص ساعه خرجت ايلاف من العنايه لغرفه عاديه
كان الدكتور محتار بحالة ايلاف الغريبه فجأة تمرض وفجأة تصير بخير وكل التحاليل تقول انها سليمه بس اللي جلطه تحاليل وظائف الكلى اللي كانت اليوم الماضي تدل على ان ايلاف مصابه في الكلى لكن اللي اليوم سليمه
دخل متعب ودخل مهند واامها واختها
ام متعب جلست بجانب بنتها بحنان:ايلاف اخبارك!
ايلاف ابتسمت بذبول: الحمدلله يمه انا طيبه
ريوف كانت الدمعه بطرف عينها ركضت لها وانحنت لمستواها وحضنتها بشويش:خوفتينا عليك
ايلاف رفعت يدها بشويش ومسحت على ظهرها
متعب رن جواله خرج من الغرفه شوي الا دخل :ايلاف في شخص ممكن يقدر يساعدك بتفسير اللي تبين
ايلاف: دخله ابيه
ناظر متعب بأمه اللي هزت رأسها وقامت وخرجت الكل خرج معها
خرج مهند وابتسم وهو يشوفه نفس الراقي اللي عن طريق صديق متعب
:السلام عليكم
:وعليكم السلام حياك الله ياولدي
مهند: اخبارك ياشيخ
:الله يسلمك كيفك انت !
مهند:الحمدلله
متعب:تقدر تتفضل
دق متعب الباب كانت ايلاف شبه جالسه ومغطيه نفسها بطرحه اعطتها امها
دخل الراقي:السلام عليكم
ايلاف بصوت خافت ومحرج: وعليكم السلام
:اخت ايلاف بلغني متعب ان عندك رؤى لتفسيرها بأذن الله اكون قادر افسرها لك
بس اولاً حاب أسألك عن اخر مره كنتي ببيتكم ماذا حدث لك وصرختي بقوة؟
ايلاف ارتعش جسمها وهي تتذكر اللي صار لها برعب وتعب بدأت تروي كل شي :وصلني اتصال وابتعدت شوي عن ازعاج البنت بالممر الجانبي لصاله الجانبيه اذكر وقتها ببعد ما انتهيت من المكالمه فجأة كل شي حولي بدأ يتغير بدأت اسمع اصوات وهمس وضحك وبكاء مسكت شعري بقصد افك المشبك اللي فيه لأني كنت مصدعه جداً بس حسيت بخصله كبيره طاحت بيدي ركضت للمرايا بس اللي صار انا شفت شخص ثاني تماما كان شعري ابيض وجهي تملئه التجاعيد بدأ كل شي يسود بعيوني صرخت بفجعه واللي صار بعدها مدري انا ماوعيت على نفسي اني بالمشفى الا قبل شوي
هز رأسه بتجاوب:طيب تتذكري شي صار لك خلال ذا الفتره يعني!
ايلاف سكتت ثواني تفكر بعدها ناظرته:الا جاني شخص غريب جداً حامل بيده لوحه سوداء عليها كلام مقلوب بالون الذهبي
كان يطلب مني بأصرار أقرأها صحيح ماتكلم بس كان يأشر عليها
الراقي: حلو طيب وش الأحلام الي تتكرر عليك
ايلاف: اول من قبل أكثر من مره حلمت بأبوي يمسكني من يدي ويروح فيني لمقبرة معينه ويأشر على قبر محدد ويقول حسبي الله ونعم الوكيل
الراقي :ممتاز طيب في شي ثاني !
ايلاف بسرحان:شخص دايم يطاردني ويتصارع معي بقمة جيل اسفله بحر لكن دايم اتغلب عليه وادفه ويطيح بالماء
الراقي ابتسم: الحمدلله الحمدلله
بأذن الله كلها احلام خير وتباشير وش اسم المقبره!
بدأت ايلاف تلهث بتعب كانت تحاول تنطق وتتكلم ولكن زي شي يخنقها
الراقي:خلاص مايحتاج اسم المقبره
ناظر الراقي بمتعب وأشر له بعيونه
خرج متعب معه
الراقي:شكي كان بمحله كان في محاولة لسحرها بالسحر الاسود وهو اخطر انواع السحر بس الحمدلله ربي حماها اما بالنسبه لحالتها الاخيره فهي محاولة لخطفها
متعب:جزاك الله خير
الراقي: جميع جميع الا ماسبق وذكرت لكم اسم المقبره
متعب هز رأسه بالنفي: مدري ياشيخ ما اذكر قالت كذا لنا
الراقي:بأذن الله
خرج من عندهم ورجعو لأيلاف اللي كانت جالسه معاهم بدون تركيز
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
ناظرت بجدولها بس كان عندها اوف ابتسمت بخبث:فرصه
جهزت نفسها عشان تروح للجامعه
لكن تجهزت كرامي مو روز
لبست عبايتها بعد ما لبست بنطلون اسود وقميص اسود وفوقه بلوفر واسع اسود
ناظرت بشنطة مخبئه اخذتها وخرجت منها جهاز الصاعق الكهربائي وهي مو ناويه خير ابداً
حطته بشنطتها خرجت بسرعه وعلى عجله
خرجت من البيت صادفت ابوها جالس بالحديقه بس تجاهلت وجوده لازالت عتبانه عليه من يوم ملكتها
كانت تحس قلبها يتقطع وهي ماره من جانبه وماسلمت عليه بالعاده تروح له وتحب رأسه تستأذنه اذا يبي شي يقول لها
لكن المره هذه علاقتهم بارده جداً
ركبت سيارتها وحركت متجهه للجامعه نزلت وهي ناويه ماتحط العبايه اللي كانت تبيه تمسك سمر وتتصفقها حتى تتفل العافيه
اتجهت للكافتريا وزي ماتوقعت كانت سمر جالسه اخذت كمام طبي لبسته وجلست فتحت جوالها وصارت تناظره لتمويه بين فتره وفتره تناظر بسمر
كانت تناظر حولها تدور على اصايل اللي اختفت من بعد الملف اللي رمته لهم
وصل سمر اتصال وقامت
قامت روز معها بسرعه اخذت سمر عبايتها اللي لو تتركها احسن لبستها وحطت الطرحة عىى رقبتها وخرجت ما كانت حاسه بالعيون اللي تراقبها
ركب روز سيارتها بسرعه شالت العبايه وحركت خلف سيارة سمر صحيح كان صعب عليها تتعقب احد بالنهار بس بتسوي اللي تقدر عليه عشان تستفرد فيها بعيد عن الكل
بدأت سمر تخرج عن المسار العادي لمنطقه شبه خاليه
وقفت روز شوي بعدها لحقتها
وقفت سمر ونزلت وهي تتلفت حولها نزلت روز بسرعه بعد مادخلت لبيت مهجور ركضت روز وقربت ببطئ ناظرت من فتحه بالجدار الخلفي كان سمر واقف مكانها وتهز رجلها بملل
خرجت روز جوالها ببطئ وشغلت الكاميرا وبدأت تحاول تعدله من الفتحه عشان تصور وش بيصر لانها متأكده سمر مو جايه هنا لفعل خير
خرجت روز مسدسها وفكت الأمان وكان على اهبة الاستعداد
شي بداخل روز كان يقولها تذكر الله وتتعوذ من ابليس واعاونه لان فعلاً حست بأن الدنيا حولها بدأت تحاط بهاله غريبه
وكأنه شي خطير يقرب منها
بدأت روز تقرأ آية الكرسي وترددها بداخلها
مسكت فمها بقوة قبل تشهق بخرعه
فجأة انفتح باب من باطن الأرض وخرج منه عجوز اشعث بملابس قديمه ممزقه
خرجت سمر ظرف فتحه وكان فلوس
سمر:لو صار اللي ببالي اعطيك اضعافه ثلاث مرات
بصوت خشن مقزز:بعد ثلاث ايام بتموت لأن الآن هي محميه
سمر بقهر: كيف محميه هاا ايلاف ياتكون لي او لاتكون ابداً اقتلوها
بصوت يخرع:انا ارسلتهم لكن هي مختفيه عنهم
سمر بعصبيه: كيف مختفيه!! انا جالسه ادفع فلوس
..:بعد ثلاث ايام تعالي
سمر:نشوف
تلفت حوله بسرعه وبخوف:في احد معنا هنا اهربي
رجع لمكانه هو وكأن الباب اختفى
ركضت سمر لسيارتها ركضت روز وركبت بسرعه خرجت سمر لحقتها روز بنفس الوقت اتصلت بالشرطه:الو السلام عليكم حبيت ابلغ عن مكان تواجد ساحر في***** بسرعه قبل يهرب
قفلت وركزت على سيارة سمر
انتبهت سمر لسيارة تلحقها صارت تحاول تضيعها بس اللي صار هي ضاعت ودخلت اماكن اول مره تدخلها وقفت سيارتها بعد مادخلت بطريق مسدود نزلت بسرعه وركضت وقفت روز سيارتها ونزلت تركض وراها كانت روز متخفيه عشان كذا سمر
ماعرفت مين يلحقها
بدأت سمر تركض بشكل عشوائي دخلت على مزارع فتحت سور مزرعه ودخلت وهي تركض بسرعه بينما روز نقزت من فوق السور بخفه ولحقتها
صرخت سمر برعب وبنفس الوقت صرخو العيال برعب
كان في شبة شباب متجمعين يفطرون اخرعتهم سمر اللي ظهرت لهم فجأة بين النخيل
وقفت وهي تلهث بتعب :ساعدوني في شخص يحاول يخطفني
ضربة روز بريك وهي تشوف ٤ شباب واقفين واحد منه يكح والثاني يضربه بظهره والثالث يمضغ لقمته والرابع يتلفتت حوله زي الخبل
روز كانت تلهث بتعب ونظراتها قاسيه وحاده
ما كانت تشوف حولها الا الملعونه سمر كانت ناوين تقتلها وخصوص بعد ماسمعت كلامها مع الساحر ماكانت
مستوعبه الحقارة والشر اللي فيها ماكانت قادرة تستوعب كميه الدناءة اللي فيها
اللي كان يكح انحنى اخذ مويه وشرب وهو يتنفس:حسبي الله عليك من بنت بغيت اموت
سمر بخبث:يبي يخطفني ذا الرجال ساعدوني
روز بدأت تناظرهم واحد واحد وتقدر قوتهم الجسديه
وبحده :لاتدخلون بينا
ناظرها واحد منهم وبحده:البنت احتمت فينا منجدك نتركها؟
روز بسخريه: لو تدري وش مسويه كان ذبحتها انت
الثاني:اللي تسويه مالنا دخل فيه اللي لنا دخل به هو حميتها بنا احلم تلمسها وهي هنا
روز طربقت اصابعها: لاتجبروني على استخدام القوة
الكل:ههههههههههههههههههههههههههههههههههههههههههههههههههههههه
..بتريقه:ياعيال اخاف اطاير من قوته
..بسخريه:لا ذا يجي يركض يبي يلكمك الهواء بالغلط يطيره
:هههههههههههههههههههههه ياعيال الله الله تهاون معه
روز انتبهت لسمر اللي تحاول تنسحب بشويش
بصرخه ارعبت الكل: ســــــــــمر
وقفت سمر برعب من المجهول اللي يطاردها
ركضت روز الكل تهيئ يهجم عليها
كانت ترواغ بشكل ممتاز ما وجهت اي ضربه لهم ماكانت تبي تأذيهم او تلحق الضرر فيهم
استغلت سمر الفرصه وهربت
روز هنا اضطرت تستخدم القوه صدق مسكت يد واحد فيهم مسك كتفها لفت بسرعه ولكمته بوجهه لفت بسرعه لثاني ركلته انحنت بعد ما الاثنين الباقين وجهو لكمه لها
بس اللي صار الأثنين لكمو بعض
اللي كان دايخ من اللكمه اللي بوجه مسك كاب روز اللي تحركت بسرعه ونشب الكاب ببنس شعرها اللي اهمل
مسكت يدها عفطتها بقوة واخذت الكاب عدلته انحنت بسرعه بعد ماتوجه ركله قويه لها
وللمره الثانيه مسك الكاب واحد ثاني ركضت روز بسرعه من عندهم بس الصدمه الجمت الكل وقت ماتناثر شعرها حولها
روز بصراخ:بتندمون لو انحااااااااشت
ركضت بسرعه من حسن الحظ سمر آثار رجولها واضحه تتبعته كان في غرفه صغيره وقفت الاثار عندها تحركت روز ببطئ وهي تحاول ماتطلع صوت قربت من فتحت الباب اللي بدون باب سمعت صوت سمر الخايف:بسرعه برسلك الموقع وتعال
خرجت الصاعق التفت وهي تسمع اصواتهم متجهين لها
روز تنهدت بيأس: ياليل مايتوبون ذول!
كانت سمر خارجه بسرعه بس اصعقتها روز طاحت مكانها بدون حركه
روز بسخريه وبرود ناظرتها:احلام تعيسه وكوابيس قريبه
خرجت المسدس اللي بيدها وصوبت عليهم الكل وقف وهم يشوفون المسدس اللي بيدها انلحست عقولهم
مايدرون بنت ولا ولد؟
الجسم والشعر بنت!
القوة ولد؟
...:مين انتي!
روز رفعت قبوع البلوفر على رأسها
وبصوت حاد:احد يتدخل قتلته
أشرت على واحد فيهم :هي نت
أشر على نفسه:انا!
روز:لا اللي وراك
تنهد براحه:اشوا
صرخت روز فيه نقز برعب:اي انت تستهبل!!
بخرعه: نعم خير!
طلقت روز طلقه عند رجولهم وبجديه:لاتضننون انا هنا للعب انا جديه للغايه وانت تعال شيل ذا الملعونه
ناظرها بأعتراض وكأنه بزر:دقيقه ليش مو واحد منهم؟
روز بانفعال:يا اهبل عشان انت اللي ماضربته بقوة الباقي أكلو ماقسم الرحمن لهم
:اها اي زين
قرب من سمر الطايحه وهو يناظر بروز وهو ناوي يباغتها
ناظرته روز وبتهديد:ترا اسبب لك إعاقة برجلك لوفكرة تهجم علي الحركات ذي ماتمشي عندي
انتبهت روز ان واحد منهم مو موجود وكانت حاسه انه بيباغتها من الخلف تأكدت وقت الكل فجأة ناظر خلفها انحنت بسرعه لكن حست بضربه قويه على ظهرها هوت على الأرض بألم وصرخت بوجع: اااااه
قرب بسرعه انحنئ ياخذ المسدس منها وقبل لايلقطه مسكت روز يده وهي تقاوم الألم اللي بظهرها رفعت طرف المسدس صوب قلبه وبهمس خافت من الألم: سبب واحد عشان اتركك تعيش؟
صنم مكانه برعب حركه واحده خطأ وحياته تكون الثمن
رفع نظره لها التقت عيونه بعيونها الحاده
كانت نظرات روز ثاقبه وواثقه
تراجع للخلف بسرعه وقفت روز وهي تأشر بالمسدس على اللي قالت له يشيل سمر انحنى وشالها
روز بعصبيه وهي بدأت تفصل عليهم
:انقلعو قدامي لابارك الله فيكم
وانت اقسم بالله لتندم جعل يدك للكسر ان شاء الله شقالو لك ظهري حديد تضربه الضربه ذيك كلها الله لايوفقك سمعت صوت طرابق فيه اخاف فقراتي تكسرت من ضربتك
:لا لا ماعليك دامك تمشين ماتكسرت
روز بتفكير:اي والله صح نسيت اني اقدر امشي اشوا
.:هي انتي وش السالفه ليش خطفتها؟ وانتي بنت او ولد!!
روز: لاتسأل اسئلة مالها داعي وامش وانت ساكت لا اسكتتك بذا المسدس
كانوا يمشون قدامها مرو من سفرة الفطور
واحد منهم:طيب تفضل افطر معنا
روز:تسلم والله بالعافيه عليكم بس شابعه
..:ياعيال قالت شابعه يعني بنت
روز مسكت جبهتها بغباء: يوو صدق اني فاهيه اي زين بنت ارتحت انت وهو وليش جايه وخاطفه ذي بما اني ما راح اقابلكم مره ثانيه البنت ذي سحرت صديقتي وطلبت منها تفكه لكن اللي صار ؤاحت لساحر وطلبت منه سحر يموت صديقتي عشان كذا انا اخذتها
عشان اجبرها تقول مكان السحر وبس
:ياشيخه الله يريحك ريحتني من فضولي اللي بياكلني
..:طيب ليش لابسه كذا كأنك ولد؟
روز:احتفظ بالإجابة لنفسي
وصلت روز لسيارتها
طلبت من واحد منهم يفتح المقعد الخلفي
:هي انت خذ الحبل من الجيب الخلفي وربطها
..:ياعيال ماتلاحظون صرنا شركاء بجريمة خطف
روز بحده:لاتجبرني اكون شريكه بجريمه قتل هنا
..بخوف:طيب طيب
ابتعدت روز عنهم وصوبت على سيارة سمر وبالتحديد الكفرات نسمتها كلها
ركبت سيارتها وحركت بسرعه من عندهم
:معقولة بنت!!
..:الله يعين اللي اخذتها
:اتركونا منهم تعالو بس
:شرايكم نبلغ الشرطه؟
:لا والله مابيروح فيها الا احنا
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
سحبت شنطتها من غرفة لارا خارجه بعد ما جهزت كل شي
كان اخر يوم لهم عند خالته لان عمها جابر وصل وبيروحون معه
كانت ثقيلة الشنطه عليها كانت تحاول ترفعها مسكت ظهرها بألم:اااي وش ذا الثقل
سمعت صوت باب انفتح كانت تضنها تالا اللي باقي نايمه
:تالا تعالي ساعديني انزل ذي تشيلني مو انا اشيلها
اخاف اسحبها من الدرج واتشقلب انا وهي يكفيني شقلبه ..
انصدمت بعد ماسمعت صوته خلفها هي متأكده خرج يستقبل عمها وش جابه فوق!!!!
:اتركيها انا اشيلها
صنمت مكانها وكأنه مشهد وتوقف
كانت ماسكه الشنطه ومصنمه
قرب طلال منها وهو يمد يده متعمد يكون قريب منها حست برقبته على كتفها فقدت احساسها وشعورها من الأحراج اللي تحس فيه همس بهدوء:يعني خلاص بفقد حسك هنا؟
الجازي:.....
سحب الشنطه ولف بجرأة حب خدها ابعد الشنطه عنها تحركت الجازي بسرعه تبي تنحاش منه بس تفأجات بيده اللي مسكتها من معصمها ولفها له حست بنفسها ترتطم بصدره
حضنها طلال بقوة وهو يشد عليها
سمع صوت امه اللي تنادي على الجازي
ابتعد عنها وحب جبينها اخذ الشنطه بيده ونزل
وقفت الجازي مكانها رفعت يدها اللي ترجف تحستت وجهها كانت حرارتها مرتفعه من الأحراج
ركضت بسرعه للحمام غسلت وجهها اكثر من مره جففتها وخرجت من جديد
نزلت كانت لارا وتالا وام طلال بالصاله سلمت عليهم و ودعتهم
نقطه وتبكي من بكاء خالتها عليهم
لبست حجابها وتنقبت خرجت كان عمها موجود وطلال واقف بجانبه
جابر ابتسم وهو يشوفها جايه له سلمت عليه الجازي وركبت السياره بسرعه
جابر ناظر بطلال:استأذنك الحين
طلال:الله يحفظكم أن شاء الله
ركب جابر السياره وحرك وعيون طلال تتبعهم حتى اختفت السياره عنه عيونه
رجع لداخل كانت امه تبكي ولارا وتالا دموعهم اربع اربع
طلال بصدمه:وش فيه!!
لارا وتالا بصوت واحد:الجازي ااااهى
طلال اخترع:شفيها؟دقيقه دوبها كانت معي مافيها شي؟!
تالا بين شهقاتها: يمه خلاص زوجي طلال
لارا مسحت دموعها:اي يمه تكفين نبيها تجلس معنا
طلال ابتسم:اقسم بالله انتم يالحريم مدري كيف اللي يشوفكم يقول عدوها مات ياهو ترا بتروح لبيتها
لارا:اي لكن متى بنشوفها؟ خلاص انتهت المناسبات وبدأت الدراسه يعني مابنشوفها الا بعد شهور طويله
تالا:اي بالضبط
ام طلال مسحت دموعها:ليتها تسمع كلامي وتجلس عندنا قريب منا
لارا:يمه خالتي تدرين تحب بيتها مره
ام طلال:ادري استودعناهم الله
تالا :لارا تطلعين معي نفطر!
طلال:الحين؟
تالا:اي ابي اشغل نفسي بأي شي
طلال:يلا تجهزو معزومين على حسابي
لارا وتالا نقزو بفرحه: يسسسسس كفووووووو
تالا:مسابقه ١..٢..٣
ركضو بسرعه يتسابقون لغرفهم
طلال ناظره امه:وانتي يمه مابتجين!
ام طلال:لا والله ياوليدي مالي خلق
طلال:والله يمه تخرجين معنا
ام طلال:لكن
طلال:يلا فديتك بدون لكن وماكن قومي البسي انا بسيارتي انتظركم
ام طلال قامت بأستسلام تلبس عبايتها
بعد خمس دقايق
الكل ركب مع طلال
طلال:هاا وين حابين نفطر!
تالا ناظرت بلارا:شرايك بمطعم**** الي فطرنا فيه مع البنات؟
لارا:امم والله مش بطال حلو
طلال :اعتمد؟
لارا:اعتمد
وصلو للمطعم
طلال:ياولد انا صار لي اكثر من٢٠ سنه هنا وماعرفت ذا المطعم؟
لارا:اختيار روز و وديان
تالا بحزن:يالله شقد حزينه
على وديان انتم متخيلين اهلها كلهم ماتو؟؟
لارا ابتسمت بداخلها((مو كلهم يا تالا ))
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
رن جوالها ردت: الو
عبدالعزيز بعجله:ودياني تقدري تجيبي الملف لي بعد نص ساعه في ****
وديان :اكيد اعتمد ولايهمك
عبد العزيز تنهد براحه: حلو انتظرك
قفلت وديان ودقت على روز ثواني وردت روز اللي كانت واضح انها معصبه :الو
وديان :يمه وش فيك معصبه؟
روز ابتسمت: يووه عاد روقت وقت ماسمعت صوتك العادي الطبيعي
وديان ابتسمت: يازينها اللي ما اقدر اخبي عليها شي
روز :امري ياعيني
وديان:اسمعي انا بقابل شخص بعطيه ملفات هنا طيب انا مراقبه من العصابه وابيك تساعديني اعمل تمويه بسيط لهم
روز بخبث:لعبتي ذي كيف نسوي بس؟
وديان بجديه:انتي وينك؟
روز: ااه انا في *** معي الكل** سمر
وديان بصدمه:هاا! وش جابها عندك؟
روز حكت رأسها: ااا خطفتها؟
وديان بصدمه:مجنونه انتي!
روز:الإ جننتني هي الزبده وش الخطه؟
وديان :اسمعي وركزي ابيك تلبسي عبايتك اللي اخذناها من**** وبرضو الشوز اللي اعطيتك وقت مارجعنا من لندن
طيب والشنطه اللي انتي جبتيها لي تذكريها؟ اللي لونها عودي
روز:اايه تذكرتها طيب
وديان:حلو لللي بيصير******
روز:تم نص ساعه وانا في **
قفلت روز من وديان وناظرت بسمر اللي جالسه ومربطه على كرسي قدامها
ناظرتها من فوق لتحت وبتهديد :للمره الاخيره اسألك وين دفنتيه؟
سمر بإنكار:دفنت ايش؟
روز قربت بسرعه خافت منها سمر :لاتستغبي على رأسي
سمر بهياط:بتندمين لأنك
قاطعتها روز :اقطعي واخسي ياسمر اقول اقسم بالله لأرنك كف تصفر منه أذنك اسبوع قدام سامعه!
سمر بغرور:ما راح اقولك ساامعه ماخسرت فلوس عش..
قاطعها كف من روز صارت تشوف حول عيونها ضباب
روز بكره:اقسم بالله لو ماعندي شغل كان عرفت كيف تتكلمين
خرجت روز من عندها ناظرت بالرجال اللي طلبتهم يحرسونها:لو هربت الموت عقابكم
ركبت سيارتها وحركت بسرعه لبيتهم دخلت بسرعه كان البيت هادي
صعدت لغرفتها شالت عبايتها ولبست العبايه اللي طلبتها وديان واخذت الشوز والشنطه وخرجت بسرعه وعجله
متجهه للمكان اللي اتفقت عليه مع وديان وصلت للمول ونزلت بسرعه اتجهت للحمامات النسائية
اتصلت بوديان:الو وينك؟
وديان:انا دوب وصلت انتي وينك؟
روز:انا بالحمامات بسرعه تعالي سيارتي قريب من هنا عشان تأخذينها
وديان بسرعه:تمام تمام جايه
قفلت وديان ونزلت ناظرت حولها ابتسمت بخبث دخلت للمول
وبالتحديد للحمامات فتحت ودخلت كانت روز واقفه وتكلم
:اي بليز تأكد لي وش صار تمام شوي وارجع اكلمك
ناظرت بوديان وحضنتها بقوة
وديان ناظرت بروز:مافي وقت بسرعه
روز:تمام انا بنزل الحين
لفت ورمت لها مفتاح السياره
وديان ابتسمت :شكراً
روز غمزت لها: ولو بالخدمه
خرجت من الحمامات انتبهت لشخص واقف
ابتسمت بدهاء وهي تمر بكل برود من جانبه
سمعته يتكلم:طال عمرك خرجت وش هو أمرك؟
تحركت روز بسرعه وركبت سيارة وديان وحركت بسرعه كانت سيارة خلف وديان وهي السياره المكلفه بالحمايه لكن في سياره ثانيه مطارده لها
دعست على البنزين وهي تحاول تضيعهم ضربت بريك بسرعه بعد ماكانت بتصدم بسياره سوداء معترضه طريقها
وحولها ثلاث سيارات ناظرت خلفها كان اربع سيارات
قرب شخص منها دق الزجاج نزلت روز الزجاج بهدوء: آنسه وديان السيد بأنتظارك
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

رأيكم توقعاتكم؟!