بنيه صعب ينطفي ضيها.

Part 122

((أعتذر عن الأخطاء الإملائية ))

بارت خفيف 🤭لطيف مثلكم♥️♥️

.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
الساعه ٧:٢٠م
دخلت كالعاده من ثلاث ايام وكان اخر مريض تشيك عليه بعدها تخرج
عدلت المغذي واخذت قياس حرارته حطت الجهاز على الطاولة بجانب جوالها
حست فيه يفتح عيونه بشويش حرك عيونه الرماديه لها ناظر فيها ورجع غمض عيونه بهدوء
ابتسمت بهدوء بعد ما تأكدت ان كل شي تمام اخذت الملف بيدها واتجهت للخارج بعد ما عبت البيانات
قفلت الباب بهدوء كانت تبيه ياخذ اكبر وقت ممكن من الراحه وكانت دايم تعطيه مسكنات للألم واللي بنفس الوقت تنوم لأنها عرفت شدة احتياج جسمه لراحه ولان جرحه اللي من اسبوع فقط نزف من جديد وهذا يعتبر شي خطير
صادفت بطريقها دكتور استغربت شكله طاحت عيونها بعيونه ابتسم لها مجامله وكمل طريقه
رفعت كتوفها بعدم إهتمام وكملت طريقها هي الثانيه
بعد ماركبت المصعد ووصلت الطابق الأولى بدأت تدور لجوالها اللي ما كان بجيبها تذكرت انها حطته على الطاولة بغرفة جاك رجعت من جديد اتجهت لغرفته لكن استغربت وقت ما كان الباب مفتوح قربت لكن وقفت بصدمه عند الباب وهي تشوف شخص يطير جهتها
..
قبل دقايق معدوده وبالممر اللي كان فيه جوان
همس بالسماعه اللي كانت بأذنه:خرجت الممرضه بتم تصفيته الأن
:اقضي عليه بأسرع وقت لاترجع الا وروحه معك
ابتسم لجوان اللي مرت بجانبه بتسليك
فتح الباب بهدوء ودخل ببطى
دخل يده بجيبه وخرج السكين المتعددة الاستخدام
وفتحها وقرب ببطئ من جاك اللي مقفل عيونه بهدوء
رفعها وهجم بقوة وهو مستهدف صدره
لكن انصدم وقت مافجأة فتح جاك عيونه ومسك يدينه بقوة وهو يحاول يقاومه ويبعده عنه
بدأ جاك يلف يده للجانب بصعوبه شديده
رفع رأسه وضرب خشم المهاجم بقوة رجع على وراء بسرعه بعد ما طاحت السكين من يده
استغل الفرصه جاك وسحب المغذي بقوة من يده وابعده
رجع المهاجم التقط السكين من الارض وتوجه لجاك وهو ناوي يقضي عليه
سحب جاك الغطاء ولفه بيده واعطاه لكمه قويه
اكتس وجهه جاك الاحمرار من الألم اللي سيطر عليه لكن مو وقته يستسلم لوجعه لأن حياته بتكون هي الثمن
التفت المهاجم وكان فيه زجاجة على الطاولة وعدت تدخل جراحي
اخذ الزجاجة ورماها بقوة على جاك اللي جت بيده وتكسرت
الى اشلاء ما اهتم جاك وبدأ يضغط بجهاز الصدمات الكهربائي
اخذ المشرط وبدأ يقرب من جاك اللي صار يرجع على وراء ويتراوغ عن هجماته
قدر المهاجم بحركه سريعه يمسك جاك من الخلف ويحط المشرط بنحره لكن جاك مسك يده بسرعه وهو يحاول يسحبها
لف ودفه بقوة تراجع المهاجم خطوات وهجم بقوة لكن اللي
ما انتبه له جاك اللي اخذ جهاز الصدمات وضغط بقوة على صدر المهاجم اللي كان متوجهه له وطار لرجول جوان اللي كانت واقفه بذهول من اللي شافته
جاك تحرك بسرعه بعد ما تأكد ان المهاجم فقد وعيهه
وخرج بتعب وهو يتسند على الجدار ركب المصعد وخرج بسرعه للخارج كانت جوان بتلحقه لكن انجلطت من الشخص اللي مسك رجلها صرخت بفجعه ورعب
بدون شعور اعطته ركله قويه افقدته وعيه بجد
الكل تجمع خرجت جوان من بينهم تركض تدور لجاك اللي خرج وهو بحالة حرجه
لكن اختفئ جاك من المشفى بكبره وحتى من أمام المشفى
تنهدت جوان في النهايه هو رجال كبير
رجعت من جديد لداخل واحذت اغراضها ووقعت واتجهت لبيت ابوها بعد ما وافقت تنتقل للعيش معه
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
قامت بملل من خرجت من المشفى وهي منسدحه
تركت سريرها وقامت بأتجااه البباب
خرجت بهدوء من غرفتها اللي معطيها جدها كان مكتب جدها بالطرف الثاني من الممر مشت على اطراف اصابعها وقربت من الباب اللي كان مفتوح شوي
سمعت صوته الكريه اللي كان غاضب :اقلب البيت فوق تحت اكيد حاطها بمكتبه... اقولك شيل النمله وشوف تحتها سامعني!!
اكيد في خزنه بمكتبه مايبي لها اكسرها وجيب كل شي بداخلها
حطه سبيكر ورمى الجوال على المكتب ورجع رأسه للخلف وهو يمسك رأسه بيدينه من العصبيه
:طال عمرك في خزنة صغيرة لكن فاضيه
الجد ضرب المكتب بغضب :كيف فاضيه هاا؟؟
خاف من عصبيته:اا طال عمرك اساس مكتبه نظيف مافيه اي اوراق او اي شي
الجد صرخ صرخه فجعة وديان اللي واقف عند الباب :فااااضي!كيف؟اسمعني اقسم بالله لو ماتدبرها ولو من تحب الأرض لأنهي سلالتك وابيد عائلتك ..قلت لك ذاكره صغيره لكن فيها مصايب الدنيا كله جيبها لي قبل تطيح بيد شخص ثاني
بخوف:ابشر طال عمرك
سمعت صوت كعب متجهه لهم انخرشت وديان ماتدري وين تروح ناظرت بالزاوية وكان في تمثال كبير ركضت وجلست بجانبه وهي تدعي ربي ماتنكشف
ما انتبهت الخادمه لها واللي كان بيدها قهوة وماء لعجوز قريح>>معليش عصبت
تحركت وديان على أطراف اصابعها تبي تنحاش قبل احد ينتبه لها
بكن وقفت وهي تسمع كلامهم
روبيرتو: هل رأيتي اي تصرفات تدل على ان حفيدتي تعلم بسري؟
الخادمه بأحترام:لا ياسيدي لايوجد اي فعل مثير لشك ولكن انا حريصه على مراقبتها
روبيرتو ببرود:عند ادنئ شك لديك قومي بالقضاء عليها حسنا؟
الخادمه:أمرك
تحركت وديان بسرعه وهي مصدومه من حقارته ووحشيته لهذه الدرجه؟!
دخلت الغرفة وقفلت عليها
تنهدت بحزن اتجهت لشنطتها وخرجت ساعة ابوها وحضنتها بدأت تهمس :بابا تدري من يوم رحت لربنا والمشاكل دايم تواجهني انا وعزوزي؟كنت مستغربه ليش حنا بذات!! ليش عزوز عنده اعداء؟وليش دايم يصير شي
لكن الآن عرفت السبب
بابا اتذكر الرساله اللي وصلتك قبل نطلع بخمس دقايق لكن انت تجاهلتها وكأنك تعاند وتبين لشخص انك مو خايف منه تدري بابا كانت الرساله هذه لغز لي لكن اليوم عرفت مين الشخص اللي انت كنت تثبت له انك مستحيل تستسلم له كان ابو زوجتك اللي حسافه انه ابوها
جلست بهدوء على السرير وهي تفكر كيف تلعب على جدها؟
هي الآن ببيت الشيطان اللي متهيئ على شكل انسان بيدها تاخذ انتقام عائلتها منه لكن كيف؟
سمعت صوت طرقات على بابها
دخلت الساعة بجيبها
:تفضل
انفتح الباب وظهر لها الجد وهو راسم ابتسامه خفيفه زائفة على شفايفه:وديان
وديان ابتسمت بهدوء: تفضل
الجد بخبث :تعالي معي للحديقه نشرب قهوة ونسولف شوي
وديان وقفت :ابشر
ابتسم الجد برضا وخرج من عندها كانت وديان خلفه
((تسولف معي ها؟ههههاي ما لقيت بمكتب ابوي شي يالخسيس وتبي تستدرجني؟هين اقسم بالله اجننك
ذاكره اجل))
اتجه الجد للجلسات اللي كانت بجانب المسبح جلس بهدوء وجلست وديان مقابله
ابتسم له بهدوء وهو مو عارف كيف يبدأ الموضوع:عساك مرتاحه هنا؟
وديان ابتسمت: اي مشكور ماقصرت معاي بشي
الجد ابتسم:شرايك نسافر أسبوع نغير جو ونرجع؟!
وديان رفعت عيونها له:وين؟
الجد:إيطاليا
وديان عقدت حواجبها بأستغراب: إيطاليا؟
الجد ابتسم بخبث:اي عشان تغيري جو وتتعدل نفسيتك
وديان سكتت شوي بعدها ناظرت للجد: موافقه لكن بشرط
روز اعتبرها مثل اختي ابيها تسافر معي؟
الجد كان بيطير من الفرحه انها وافقت واللي بباله بيصير
الجد:موافق ماعندي مشكله
وديان بخبث:حلو بكلمها تجيني بكره ونتفق وكذا
الجد:خذي راحتك
رن جوال الجد اللي وقف بتوتر ملحوظ وابتعد مسافه كبيره:الو
: مرحبا سيد روبيرتو
روبيرتو:سيد لوكا سعيد بأتصالك
لوكا :حسنا روبيرتو ستتأتي بعد الغد صحيح؟
روبيرتو: أجل واريد منك التخلص من الهدف بشكل احترافي
لوكا بخبث:لاعليك
روبيرتو: سوف اقوم باعطائك صوره واريد منك التجهيزات والتأكد ان كل شي على مايرام
لوكا: هذا اختصاصي لا عليك
روبيرتو: سعيد بسماع ذلك
لوكا:اريد تنبيهك بأن بعد اتمام طلبك ستقوم بتوقيع الأتفاق الذي طلبته منك
روبيرتو: لا عليك
لوكا: حسنا،الى اللقاء
روبيرتو: وداعاً
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
كانت متحمسه وهي تتسابق مع سجى على الدباب اللي من الصباح يحاولون بجدهم بالغصب رضي لهم
كان متعب وسلطان متضايقين من فكرة ان البنات بيفرفرون بالدبابات بالمكان وخصوص ان المخيمات المجاوره بعضها شبابيه
ايلاف بحماس وقفت وناظرت سجى:اسمعي شرايك نتسابق مين تاخذ لفه كامله بالمكان ونرجع لنفس النقطه ذيه
سجى بحماس:واللي تفوز؟
ايلاف بخبث:تسمع لثانيه ٢٤ ساعه؟هاااا وش قلتي!!
سجى بحماس:يبوي قدامممم
وكل وحده تضغط على البانزين ويطيرون الثنتين بالليل وكل وحده مو شايفه قدامها
وحده يمين والثانيه يسار
ابتعدت سجى بدون لاتحس مسافه كبيره عن مخيمهم وتاهت وسط المكان فجأة قفل الدباب صارت تضغط على البنزين بس بدون فايده
صارت تتلفت حولها زي المجنونه ماتدري هي وين بدأت تدور جوالها بجيوبها بس ما كان معها المكان كان مظلم وخالي
بدأت دموعها تنزل وهي تبكي بخوف كانت تشوف اضواء المخيمات حولها بس ماتدري وينه مخيم العائلة اللي هم فيه
صارت تمشي بشكل عشوائي وهي تبكي وتشاهق بصمت وقف قلبها وهي تسمع صوت شخص وراها ما كانت تدرين هو من فوق الأرض ولا من تحتها غمضت عيونها بخوف وصنمت مكانها وهي تقرأ آية الكرسي وبدأت اطرافها ترجف من الخوف
صارت تمشي شوي شوي ومقرره تروح اول مخيم او بالاصح اقرب مخيم لها وبداخلها تدعي وتسب بإيلاف اللي جابت الفكره لها تعثرت بحفره صغيره بالأرض وطاحت صرخت بألم بعد ما حست بوجع بيدها اللي طاحت عليها
بنفس المكان وقف وهو يهمس:بعدين اكلمك
قفل جواله وهو يسمي بالله بعد ما انتبه لشي اسود يتحرك قدامه فجأة اختفى
قرب اكثر واكثر وشغل كشاف الجوال وحطه عليها كانت جالسه بالأرض وحالتها حاله وتبكي وماسكه يدها
بلع ريقه برعب: بسم الله مين انتي؟
نقزت بخرعه من الصوت الي فجأة صار قريب منها
ناظرت ماتشوف من الدموع اللي بعيونها زود على ظلام المكان اللي هي فيه همست بخوف:مين انت؟
:انتي اللي مين وش جابك هنا؟
سجى بقوة مصطنعه:انا جيت بالدباب هنا لكنه خرب علي وو تهت
:اها طيب تعالي معي اوصلك لأهلك
سجى ما ارتاحت له:لا مشكور كلمت اخوي وهو جاي بياخذ دباب ثاني وبيجيني
بخبث:ممكن يتأخر تعالي اوصلك
سجى صارت ترجف من الخوف:لا لو سمحت اتركني
بخبث بدأ يقرب:مابتندمين ترا نتسلى ..
قاطعته سجى بغضب:والله اصارخ والم الناس عليك
..بسخريه: اي ناس ترا انتي باعده مسافه كبيره عن مخيمات العوائل للمعلوميه وداخله المنطقه الشبابيه
سجى بخوف:خلاص تيسر ياخوي ما ابي اجي معك غصب؟
مسك يدها وبشر:اي غصب
سجى بدأت تصارخ بقوة سحبها وحط يده على فمها :اششش لا اسمع صوتك
التفتو الأثنين على صوت خلفهم وكشاف قوي عليهم:مازن ليش تأخر..مين هذه؟
مازن بخبث غمز له:صيدة اليوم
سجى عضت يده بقوة وصارت تحاول تفك نفسها منه: اتركني ياحقير ياكلب اتركني الله لايوفقك اتركني يانجس
بغضب :انا نجس
سجى بقرف وبصوت باكي:اي نجس وخسيس اتركني الله ينتقم منك
مازن بخبث :نتسلئ ساعتين واتركك
قرب بغضب واعطئ مازن بوكس قوي على وجهه
صنمت سجى مكانه بخوف
مازن بصدمه ابتعد عن سجى وهو ماسك وجهه ناظر بخويه وبغضب:كيف تتجرأ تمد يدك علي!
بعصبيه:انت اللي كيف تتجرأ تفكر التفكير الخسيس ذا ياعديم الرجوله
مازن بعصبيه: انا عديم الرجوله
سجى تحركت بسرعه ووقفت خلف اللي ماسك الكشاف ومسكت بطرف جاكيته وبصوت يرجف: ساعدني
قرب مازن:لا تتدخل بينا وابتعد احسن لك قبل لايجي مشكله مالها داعي
بجديه :دامها احتمت بي اقسم بالله ان لمست شعره منها لأذبحك مكانك
مازن بصدمه :باسل منجدك؟تنهي صداقتنا عشان بنت انت ماتعرفها؟
باسل بعصبيه: اقسم بالله لو تجرأت بس تقرب لا انهيك وتعرفني زين اقول وانفذ
تراجع مازن بعد ماشاف الشر والحده بعيون باسل اللي التفتت على سجى اللي منهاره بكاء
باسل بهدوء: انتي بخير؟
سجى ناظرته وجلست على الأرض لأن رجولها مو شايلتها من الموقف اللي صار لها
باسل:يابنت الحلال قومي اوصلك لأهلك
سجى ضغطت على نفسها وقامت وقفت وهي ترجف بقوة مو قادره تسيطر على رجفتها حمدت ربها اللي ارسله لها يساعدها ولا كان ممكن يصير شي يدمرها وللأبد
بدأت تمشي خلفه وهو ناوي يلف فيها المخيمات كلها حتى تلاقي اهلها ما كان عارف هي مين او من وين او بالاصح من أي مخيم
كان مشغل كشافه :ماتعرفين اسم مخيمك؟
سجى بصوت خافت ومحرج: لا مدري
باسل:زين انتي وش جابك هنا؟
سجى بأنفعال وعصبيه:كلها بسبب ايلافوه الخبله هي اللي اقترح نفر فره حول المكان واللي توصل اول تتحكم بالثانيه ٢٤ ساعه ماصدقت على الله ان الخبله الثانيه ودعست بقوة وفجأة طفى الدباب انكسر ابهامي وانا اضغط عليه لكن بدون فايده شوي الا طلع ذا اللي مايتسمى الله يجعله بأمساك ا..
قاطعتها ضحكته العاليه:هههههههههههههههههههههههههههههههههههههههههههههههههههههههههههههههههههههههههههههههههههههههههههه دعوتك من قلب
سجى انحرجت وسكتت بسرعه بعد ما استوعبت انها سردت قصة حياتها له
باسل تذكر ايلاف؟اسم مألوف لمسامعه
دقيقه دقيقه التفت بسرعه على سجى اللي وقفت بخوف :بسم الله
باسل بشك:انتي اللي كسرتي خشم..
قاطعته سجى:خشمك؟اش خشمك لا غلطان مو انا اللي قفلت الباب وكسر خشمك
باسل:هههههههههههههههههههههههههههههههههههههههههههههههههههههههههههههههههههههههههههه الآن تأكدت مية بالمية انتي هي نفسها
سجى نقطه وتبكي من الاحراج كلمة زايده وتبكي خلاص
باسل بضحكه:امشي امشي عارف موقع مخيمك
سجى بفرحه:جد؟
باسل ابتسم على خفيف: اي
قربوا كثير من المخيم وصارت تشوف اهلها
التفتت على باسل اللي كان واقف ينتظرها تدخل:جميلك ما انساه ما حييت مشكور وبيض الله وجهك
باسل :ماسويت الا الواجب
سجى مسحت دموعها اللي بعيونها وبدأت تنفض عبايتها وتعدل شكلها دخلت للمخيم ومحد حس فيها كانت تدور لأيلاف وهي ناويه عليها
ما لقتها بالمخيم اخذت جوالها اللي نسته من اول هنا واتصلت
بإيلاف
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
:وديان اكلمك بعدين جدك الحبيب يتصل
وديان بأستغراب: جدي؟
روز:اي وش فيك؟
وديان بهمس:روز جدي جالس قدامي يناظر التلفزيون انا واقفه بعيد شوي ما بيده لا جوال ولا شي
روز بأستغراب: نعم؟منجدك اجل مين ذا!!
وديان:ممكن احد استخدم جواله انتبهي لنفسك
روز:تمام برد اشوف وش فيه
قفلت من وديان وردت على جوالها الثاني:الو
:رامي
روز بخشونه:تفضل؟
..:اتجه ل**** الآن بدون تأخير ابيك تجيب لي شنطة من احد الأشخاص اهميتها مثل الأوكسجين لناس سامعني؟
روز بسخريه:اقدر اعرف الأوامر تصدر من مين!!
بجديه:روبيرتو ولانس..
قاطعته روز بسخريه: انا حالياً مع السيد روبيرتو
بصدمه:نعم!!
روز:اي نعم ممكن اعرف مين انت؟
بسرعه:رامي تكفى لاتقوله اني انتحل شخصيته تكفى اسمع بطلب منك طلب والله اعطيك اللي تبي واعتبره دين برقبتي
ابيك تجيب لي الشنطه ذي ورجالي ما اثق فيهم وانت الشخص اللي مناسب
روز رفعت حاجبها بسخريه: محمود؟
محمود بحرج:اي بس يارامي وش قلت موافق!!
روز بتفكير ونذاله:اممممم افكر
محمود:رامي ما انساه لك وجميله برده لك
روز بخبث :تمام وين الموقع!
محمود بخبث وشر دفين:ب****
روز:تمام
قفلت الخط بوجهه ناظر محمود جواله للمره المليون تخرب عليه روز فكرة انه هو اللي يقفل بوجهها
ناظر لشخص بجانبه وابتسم بخبث:تمت الخطه
ابتسم على جنب: برسله شخص بيقتله مباشرة بدون لايميز
هو مين بس مجرد فكرة انه هدد اخته راح تفقده السيطره على نفسه
محمود ناظره بأعجاب: خبيث فعلاً
تعالت ضحكاتهم بالمكان ..
.
.
قامت روز لغرفة الملابس تغير لبسها اخذت بنطلون اسود فضفاض وتيشيرت اسود لبسته واخذت جاكيت جلد عليه واخذت شنطتها الظهر اللي بلون اسود واللي كانت مزوده بأشياء ممكن تحتاجها "حبل +سكين +كشاف+منظار الخ.."
لبست عبايتها وخرجت من غرفتها كان ابوها جالس بالصاله مع امها ويسولفون ناظرو لروز اللي كانت نازلة ولابسه عبايتها
:السلام عليكم
:وعليكم السلام
ام فهد:روز على وين يمه؟
روز بحزن مصطنع:وديان يمه وهو في غيرها!!
ام فهد صدقتها :انتبهي لنفسك والله يحفظك
روز ناظرت بنص عين لأبوها اللي كان هو الثاني يناظرها بنص عين :توصي على شي ابو فهد؟
ابوفهد :سلامتك
روز :مع السلامة
خرجت من عندهم بسرعه وركض لسيارتها ركبت وحركت بشويش حتى خرجت من الحي اللي هي فيه وماتسمعون الا صوت الكفر بعد مادعست روز
اتجهت للموقع اللي ارسله محمود وهي متحمسه تبي الشنطه ذي لو لا اهميتها ما كان وافقت بس شافت قد ايش مهمه لمحمود واكيد بتلاقي فيها شي يزجه السجن
وقفت قريب من البيت الي قالها
كان اشبه مايكون بيت شعبي قديم لكنه كبير جدا، وفي اكثر من رجال واقف حول المكان
وقفت وصعدت فوق سيارتها وانبطحت وهي تناظر لهم بالمنظار الليلي وبدأت تعدهم:١..٢..٣..٤..٥..٦..٧..٩..١٣ اوووح اهب كثيرين كيف اقدر عليهم وحدي اووف
بدأت تفكر روز كيف تقدر تتخلص منهم واحد واحد اللي لاحظته كلهم مقنعين واستغربت ذا الشي
كانت تبي تستدرج واحد فيهم وتاخذ قناعه لكن كيف ماتدري بدأت تفكر كيف تسوي!
ما كان عندها أي حل شوي حست بأنوار سيارة اخذت المنظار ورجعت تراقب شافت شخص داخل لكن ماشافت وجهه لأنه مو واضح لها معطيها ظهره ماعرفت هو مين!
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
خرجت جوالها من جيبها بترد لكن فجأة حست بنفسها طاييرة بالجو ما استوعبت الا وشي ثقيل على ظهرها صرخت بألم:ااه ظهري
ناظرت لجوالها اللي رن بعيد عنها ما كانت قادره تشيل الدباب عن نفسها بعد ما حست ان رجلها انشلت
صارت تحاول ترفع بطنها وصدرها بإستخدام يدينها لعل وعسى تقدر تدف ولو شوي من الدباب
انزاح شوي عن جسمها لكن لا زال على رجلها
سمعت صوت دباب متجهه جهتها ومن الممكن يدعسها بدون لايشوفها لأن الدنيا ظلام
زحفت ومدت يدها بالغصب لجوالها وشغلت كشافها بسرعه وقف الدباب بالقرب منها بأخر لحظه بعد ما كان بيمر من عليها
عضت شفايفها بقوة وألم فخذها تحسه مقسوم من غير جسمها اللي تكسر
نزل بسرعه وبخوف:سجى!!
عرفت صوته ورفعت رأسها وهي تناظر له
بصوت فيه البكيه: لا مو سجى
عقد حواجبه: ايلاف!
ايلاف بصوت مكتوم:اي
سلطان شغل الكشاف اليدوي اللي اخذن معه وخرج يدور للبنات لأنهم تأخرو
انتبه لدباب اللي على رجل ايلاف قرب
وشال الدباب عن رجلها اللي تجرحت بعد مازحفت غصب عشان توصل لجوالها
بخوف يحاول يخفي نبرته بصوته:سلمتي؟
ايلاف هزت رأسها بالأيجاب
سلطان بشك:تحسي بوجع؟
ايلاف عضت شفايفها بقوة وهي مو قادرة تتحمل الألم بس ما كانت تبي تبكي وتوضح وجعها
سلطان بترقب:قومي نرجع للمخيم
ايلاف بصوت باكي:مو قادره اوقف رجلي
غطت وجهها بيدينها وصارت تبكي بتوجع وألم
سلطان خاف قرب لها:كيف تحسي؟من وين توجعك؟
ايلاف بين شهقاتها المكتومه: من فـ ـوق ركــ بتي توجـ ــعني مره
سلطان بقلق:زين تقدرين تركبين الدباب؟
ايلاف رفعت رأسها له :مدري بحاول
سحب الدباب وقربه منها ناظرته بتردد :ما اضن اقدر
سلطان بتريقه: زين تركبين معي اوصلك؟
ايلاف نست الوجع وناظرته بانفعال: لا الله تخيل اركب معك؟ اقسم بالله ازحف من هنا للمخيم ولا اركب
سلطان:هههههههههههههههههههههه ادري يامجنونه مايصيركنت استهبل قومي حاولي تصعدي الدباب لان رجلك ما بتوصلك الا اذا صامله تزحفين؟
ايلاف بتسليك: هه كنت اتريق تخيل ازحف !؟مستحيل طبعاً
بحاول ويارب اقدر
سلطان:تمام يالله
ايلاف وقفت لكن حست بألم شدها جلست من جديد
وبكت:مو قادره والله دق على مهند
سلطان بخوف عليها:ايلاف حاولي تصبري شويات بس
خرج جواله واتصل بمهند:الو..مهند اسمعني جيب السياره وتعال خلف المخيم بسرعه ..ياخي بتشوفني كشاف كبر رأسك بيدي تعال جهته بسرعه ايلاف انقلب بالدباب ورجلها توجعها
..لا ماعليك سليمه ..ابشر
ايلاف صارت تمسح دموعها ماتبي تضعف قدام سلطان
قرب سلطان بيلتقط جوالها اللي بالأرض ويعطيها
ايلاف بصوت شبه عالي :بعععد عني
سلطان عقد حواجبه: ايلاف وش فيك؟
ايلاف بصوت باكي :أنت ليش تساعدني اليوم؟بعكس ذاك اليوم!!
سلطان بأستغراب: ذاك اليوم اي يوم؟
ايلاف بأنفعال وهي مو قادره تكتم بقلبها اكثر :ذاك اليوم الي كنا نلعب فيه وتخبيت انا بمخزن جدي القديم وطاح علي الدولاب الحديدي انا متأكده شفتك عند الباب ضحكت علي واعطيتني ظهرك ومشيت كانت ضحكتك بارده وكأنك تستمتع بشوفتي اتألم لا تنكر وش فرقك عن ذاك اليوم ابعد
سلطان كان يستمع لها بأنتباه وتركيز ابتسم بحزن وهو منزل رأسه:يعني عشان كذا طول هالسنين انتي كنتي تكرهين حتى اسمي؟
ايلاف رفعت رأسها وناظرته بعيونها اللي كانت مليانه دموع
رفع رأسه وناظرها وثبت عيونه بعيونها وبصدق:تأكدي يا ايلاف لو تبين عيوني ماتغلى عليك واللي شفتيه ذاك اليوم من نسج خيالك واسألي خالتي عن ذاك اليوم وهي تقول لك
وقف بسرعه وهوحاز بخاطره كلام ايلاف وابتعد عنها
ناظرته ايلاف وبهمس:كيف مو انت!كيف
وقف مهند اللي نزل وهو خايف على ايلاف
:ايلاف انتي بخير !
ايلاف رفعت يدها له قرب مهند وساعدها توقف وركبها السياره
ناظر لسلطلان اللي فهم عليه:لا انا بجلس
مهند:تمام
ركب مهند وحرك بسرعه بإيلاف وخرج من منطقة المخيمات متجهه لأقرب مشفى
اخذ سلطان الدباب واتصل بالعامل يجيه ياخذ الثاني
رجع للمخيم وبلغ الجد ان مهند اخذ ايلاف الخ..
دخل الخيمه بحجة ترتيب أغراضه وهو بالحقيقه كان متضايق وجداً((تضن اني تركتها بذاك اليوم؟!))
{{تذكر قبل سنين طويله كان يركض تحت قطرات المطر اللي تنزل بغزارة والرؤية مو واضحه من قوته كان مرعوب من صوت الرعد اللي يهز المكان لكن ما اهتمت لخوفه على نفسه كثر ماهو خايف على إيلاف اللي اختفت فجأة وهم يلعبون
تعثر بحجر وطاح بقوة على يده اللي انغرز فيها حجر حاد بدأت تنزف تألم بقوة لكنه كابر وقف من جديد يناديها بصوت عالي:ايــــــــــــــــــــــــــــــلاااااااااااف وووووينننككككك
ماسمع لها اي رد ركض بعد ماقرب من مخزن جده القديم ودخل يبي يحتمي شوي ويرجع يكمل
كان الباب مفتوح شوي دخل وهو يلهث بتعب ويلقط انفاسه
بدأ يعصر ملابسه عشان يخفف الماء اللي فيها
لكن انتبه لجسدها النحيل الملقى على الأرض والواضح ان رجلها عالقه تحت الدولاب الحديد
ركض بسرعه لها رفع رأسها بحضنه وهو يضرب على خدها بخوف:ايلاف ايلاف تسمعيني ايلاف ايلاف ايلااااف
جن جنونه قرب أذنه من انفاسها للتأكد من انها تتنفس
تنهد براحه وهو يسمع نفسها المنتظم
عرف انها مغمى عليها حطها بالأرض وقرب من الدولاب
وصار يحاول بكل قوته ان يرفعه قدر يرفعه حاجه بسيطه دف رجل ايلاف برجله وابتعد بسرعه وطاح من جديد الدولاب
شال ايلاف وخرج يركض فيها متجه للبيت وهو يصارخ على خالته وخاله
قابله ابو ايلاف اللي كان يدور على بنته اخذها منه وركض فيها للمشفى }}
تنهد بضيق فتح زر ياقته وسند ظهره للمركئ
كان وده يتصل بمهند لكن استحئ بصفته مين يسأل؟!
عند الجد
كلم الحريم عن ايلاف وشالو اغراضهم واساس كان اخر يوم لهم بالمخيم
ورجعو كل واحد لبيته كانت سجى تحس بالذنب لأنها وافقت ايلاف على فكرتها
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
جت ببالها فكره قمزت بسرعه من على السيارة وصارت تركض حتى وصلت لسيارة الشخص اللي دوبه جاي وقفت عند باب الراكب واللي كان بالجهه الثانيه والبيت جهة باب السواق سندت ظهرها بأريحية مصطنعه وخرجت جوالها تناظر فيه
انتبه لها احد الرجال قرب منها وهومصوب السلاح عليها
بحده :مين انت؟
روز ناظرته ببرود:انا جاي مع خوي قالي بينزل يخلص شغله مع صاحب البيت وبيرجع
بشك:خويك؟
روز أشرت على سيارته:اي راكب معه ماتشوف؟
بحده:اشوفك واقف عند السياره مو راكب
روز رفعت حاجبها بسخريه: ليش ممنوع اشم شوية هواء؟!
ناظرها نظرات تفحص وهو شاك فيها رجع وهو ناوي يسأل بداخل اعطاها ظهره وماحس الأ بضربه قويه افقدته وعيه
دخلت المسدس بخصرها بعد ماضربته بطرفه وسحبت لسيارة اسندت عليها اخذت القناع اللي على وجهه ولبسته وتحركت بسرعه بعد ما اخذت سلاحه منه ورجعت وقفت بنقطة المراقبه اللي كان هو واقف فيها ناظرت حولها ابتسمت بعد ماقدرت توصل لذا المكان التفت من الخلف ونقزت من الشباك المفتوح ودخلت لداخل كان الغرفه مظلمه والنور يتسلل من فتحت الباب اللي كانت بدون الباب من الواضح انه مكسور
تحركت بشويش وهي تسحب خطواتها
صارت تناظر ما حبت تغامر وتخرج رأسها فتحت جوالها وصورت فيديو بعد ماخرجت يدها من اخر الباب تحت عشان محد ينتبه لها
كان الممر فاضي طلعت بشويش وتحركت بأتجااه غرفة فيها اصوات رجال قربت اكثر ناظرت من فتحة الباب كان شخص متلثم والثاني معطيها ظهره سمعت صوت خطوات تخبت بزاويه زي الستاره اللي من جدار
قبل الغرفه بشوي انتبهت لشخص مار باغتته بضربه قويه وقبل لايطيح مسكته وحطته بالأرض بشويش عشان مايطلع صوت طيحه وينتبهون لها اتجهت لنفس المكان اللي جاء منه ومشت بطول الممر عشان تتأكد اذا في احد او لا
كان الممر كبير وفاضي رجعت بسرعه للغرفة اللي فيها الاصوات لكن فجأة انفتح الباب وخرج شخص منها دخلت للغرفة اللي بجانبها لكن صرخت بفجعه بعد ما بدأت الدواجن تنط من حولها خرجت بسرعه من الغرفه وبصراخ:مين الغبي اللي مآخذ دجاج ببيته هااا
صنمت على صوت حاد:الغبي اللي تتكلم عنه هو انا ارفع يدينك لا اثور السلاح برأسك
بلعة ريقها بخوف ولفت ببطئ عليه
خرج بسرعه من الغرفه بعصبيه وبيده الشنطة
طاحت عيون روز عليها
وقف مكانه بصدمه وهو بتعرف عليها ناظر باللي مصوب عليها
اللي كان مبتسم بخبث :هذا مرسول محمود اللي طلب منا القضاء عليه
روز بصدمه:نعم القضاء علي؟خدعني الحقير
مسك اعصابه وقرب ببطئ منه ورفعه سلاحه وضربه بكل قوته على رأسه طاح الممسدس من يده وطاح على الأرض
روز ناظرته بأستغراب: ليش ساعدتني استاذ احمد؟
احمد بهدوء:امشي نخرج من هنا انا وانتي ضحايا العابهم القذره
عقدت حواجبهابأستغراب: كيف انت؟
احمد بعجله:بعدين اشرح لك كل شي بسرعه تعالي
روز ركضت بجهته اخذت الشنطه
وركضو الاثنين مع بعض خارجين احمد اول ماشاف رامي او بالاصح روز عرف الخدعه الخبيثه اللي كان ابوه بيحطه فيها
انتبهت روز لواحدخلفهم صرخ بعد ما شاف رئيسه بالأرض طايح رفع المسدس اطلق بسرعه لكن روز اطلقت بيده بعد ثلاث طلقات عشوائيه
سحبها احمد ودخلوا غرفة فاضيه
احمد بهمس: حاولي تفتحي الشباك بسرعه مافي وقت انا براقب
على صوت إطلاق النار الرجال اللي بالخارج بدأو يدخلون لداخل ويدورون
فتحت روز الشباك لكن من سوء حظهم كان مقفل بحديد من الخارج
رجعت لأحمد بسرعه وما عندهم الا مخرج واللي هو لازم يتعدون الرجال الموجودين
روز صارت تحسب بأصابعها احمد يناظرها منجلط منها
:تلعبين انتي ووجهك؟
روز:اسكت لاتقاطع تركيزي
احمد:يعنني مركزه اقول الرجال بدأ يقربون الغرفه فاضيه كيف نتخبئ
روز بتوتر :شوف هم باقي ١٠ اشخاص بالمكان
احمد ناظرها: وشدراك؟
روز:حسبتهم قبل ادخل
احمد شوي وينجلط:حماره انتي! ١٠ وتدخلين بينهم؟؟
روز بنرفزه:مثلي مثلك
احمد انتبه لشخص من الجههة الثانيه من الممر جايهم عرف انه في باب بالجههة ذيك
صوب عليه واطلق ناظر بروز:عند العدد ثلاثه نهرب طيب؟
روز هزت رأسها بالأيجاب
احمد:١..٢..٣..
ركضو الأثنين للنهاية الممر بدأ الاشخاص يطلقون عليهم بسرعه
احمد لف يمين بزاويه وروز دخلت بغرفه يسار وكل واحد يلهث بتعب بدأت روز تطلق وتوقف ويستلم بعدها احمد
روز أشرت لأحمد بيدها على الشباك اللي خلفها
وبدأت تشرح له بيدها وكأنها تسوق سياره
أشرت له مفتاح سيارتك؟
احمد فهم عليها واشر بيده ليش؟
روز اشرت له بسرعه
تنهد احمد ي النهايه هو مجبور يجاريها
رمى المفتاح بقوة وسرعه عاليه عشان لايعرفون وش الي رماه
اخذته روز بعد ما طاح على الأرض خرجت يدها وبدأت تطلق بسرعه وعشوائيه
تراجعت للخلف ونقزت من الشباك اللي كان مفتوح بعكس الغرفه الاولى اللي كانت فيها مع احمد
تسللت بخفه وركبت كاتم بالمسدس اللي معها ما تدري وين سيارة احمد اللي كانت قدام الباب الرئيسي
صارت تمشي تراجعت بسرعه بعد ما كانت بتمر من قدام شباك مفتوح ورجال محمود واقفين بالممر قدامها
عدلت نفسها وصوبت سلاحها على اخر واحد فيهم واصابته بكتفه طاح على الأرض نزلت نفسها بسرعه من تحت الشبك وكملت وهي تهرول بمشيها
ضربة فرامل بعد ما كانت بتجيب العيد وبتصدم بظهر واحد فيهم
كان حاط سماعته العازلة ويلعب ببجي ولا على باله
واللي صاير ويصير وهو مو حول احد
:لاااا اي شفه وراك ..انتبه انتبه
ماحس الابضربه على رأسه
روز بهبال:اوبز المفروض انت اللي ينتبه
نطت من فوقه وركضت بسرعه بعد ما لمحت سيارة احمد ركبت وشغلتها وتحركت بسرعه لنفس الشباك اللي خرجت منه شافها احمد وبدأ يطلق اكثر وقدر انه يمر للغرفة وينقز مع روز ودعست بقوة وانحاشت ركضوا الرجال خلفهم لكن ما صادوهم
احمد بتعب وهو يتسند على المقعد:وش جابك هنا؟
روز بضحكه شر:الحقير محمود والله ماتبرد لك
احمد:محمود؟
روز:اي
اخذ احمد القارورة اللي كانت عند بالدرج فتحها وبدأ يشرب فجأة
روز وقفت السياره على جنب وناظرته بفهاوه: سيارتي عندهم
احمد اللي كان يشرب شرق بالماء وبدأ يكح
نطت روز وصارت تضربه بقوة:صحه صحه
((كانت روز ماخذه راحتها وهي تدري انه محرم له لكن احمد عكسها ))
احمد صار يحاول يبعد يدها:كسرتي كح كح ظهري
روز حكت رقبتها:زين الحين وش اسوي سيارتي حبيبتي عندهم
احمد مسح على وجهه بقلة صبر: ان لله وان اليه راجعون
روز بغباء: الله يرحمه لكن مين مات؟
احمد ناظرها:الحين كيف بتاخذينها!!
روز رفعت كتوفها :كالعاده
حركت من جديد بسرعه وهي متجهه لمجمع عشان احمد
معها وهي بسيارته بداخلها((ياربي استر من نظرات الشك اللي بعيونه ياربي استر))
احمد ((مألوفه لي احس اعرفها ممكن من خلال الفتره ذي؟
لا لا بس حركاتها وعيونها احس افففف احمد اهجد تذكر روز ابتسم على جنب لو عرفت انه انا هو نفسه اللي..))
قاطع تفكيره بريك قوي من روز نزلت بعد ماوقفت بجانب مجمع سحبت الشنطه اللي كانت بالخلف ونزلت
:شكرا على التوصيل
قفلت الباب بسرعه ودخلت لداخل المجمع وخرجت من البوابه الثانيه واخذت تاكسي متجهه لبيتهم
وهي مبيته النيه لمحمود
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
لارا بحماااس :خلااااااص اعطيتيهم االمواااافقه!
تالا بحرج:اي
لارا:كللللللوووووووشششش الف الصلاة والسلام عليك ياحبيب الله محمد كلللووووششش
تالا نطت تمسك فم لارا اللي احرجتها :اسكتي فضحتينا اصص
لارا حضنته:مبسوطه لأختي فيها شي؟
تالا بضحكه: لا
لارا ابعدتها وناظرتها بنص عين :صقوري هاا؟
تالا ضربتها بخفه:لاراوه عن المصاخه عاد
لارا بحماس:ببشر البنات
دخلت القروب اللي يجمعهم
وبحماس بدأت تسجل:بنااااااااات باركو لتالا تمت خطبتها من صقر واعطته الموافقه خلال ذا الأسبوعين بتملك عليه واذكركم
بعد ثواني
الجازي بحماس: اامممممماااااانننه منجدددككككك!!!!الف مبروك تالوه
رهف:يااااااازينك تيولي صرتي عروس مين قدك
رنا:ياحبيبتي انااااااااااا واخيرا اقدر احرجك براحتي
رهف :رنا حرام عليك اصبري شوي هههههههههههههههههههههه ههههههههههههههههههههههههههههههههه
وديان:مبرووووك تلوووش وعقبال لروووش
روز:👀وديان شفيش معلقه على حرف الشين!!
لارا:مدري لكن اكتشفت لتو اكتشاف خطير بنات
رهف:وش؟
روز:اكتشاف!!
وديان:زي ايش!!
الجازي:؟؟
لارا:تالا عندها اكثر من دلع يعني شكرا بنات على الاسماء الجديده اللي اخترعتوها
روز:يلعن ابليسك عبالي عندك شي صاحي
وديان:هه لارا يطلع منها شي صاحي!!
رنا:لا طبعا كل الناس الا هل المصفوقه
تالا :الله يبارك فيكم وعقبالكم
رنا :جت جت العروس ابعدو عنها بس
تالا:هههههههههههههههههههههه ههههههههههههههههههههههههههههههههه اههخ رنا
رهف:يووه بنات صراحه غرت خير الكل من حول اللي خطب اللي ملك واللي تزوج وانا الله المستعان
روز:يووه ولا يهمك اعطيك فهودي عاد فصولي محجوز
رهف انحرجت صدق وبدأت دقات قلبها تتسارع وكأن فهد قدامها استحت ترد حتى
نور:يووه مزعجين في شي مهم؟
رنا:تالا انخطبت
روز:اللي خطبها صقر
نور:صقر ماغيره!
وديان:اي صقر
نور:مبرووووووووووك الله يوفقك حبيبتي
لارا:بهذه المناسبة حياكم عندنا سهره بس حددو اليوممم طيب
روز:امممم والله مدري بس نحاول نفضي انفسنا
وديان:خفي علينا يالبزنس مان
روز:بزنس ومن لو سمحتي
رنا:هههههههههههههههههههههه ههههههههههههههههههههههههههههههههه
كملوا سوالف وحش بتالا اللي منحرجه منهم
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
رأيكم توقعاتكم؟؟!!