بنيه صعب ينطفي ضيها.

Part 88

لا يصنع الرجل الحياة، بينما الحياة تصنع منه رجلاً

..
((أعتذر على الأخطاء الاملائية ))

︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
دخل بخطوات بطيئه وخافته ناظر بطرف عينه كانت تالا جالسه وسانده ظهرها للخلف وحاضنه مخدتها وبيدها جوالها اهتز جوالها بيدها وكان رنين اتصال من صقر ابتسمت بخجل فتحت الخط بس مانطقت بحرف واحد :..
صقر:الو تالا
تالا مدت يدها وصارت تلعب بأطراف الورد الموجود بفازه بجانبها وهي تجهل الشخص اللي ارسله لها
صقر ابتسم: يازين المنحرجين والله
تالا رمت الجوال بأحراج بعيد وهي مو قادره تهرج معه تحس انها تسرعت بس بنفس الوقت مبسوطه لكن مشاعرها مضروبه
رفعت عيونها وشهقت بصدمه وهي تشوف شخص واقف بس الصدمه وقت مابانت ملامحه بخوف:عادل!
عادل بعصبيه مكتومه: اي عادل يا تالا
صقر كان يسمع اللي يدور بينهم:تالا تالا تسمعيني تالا!
بأمر :حرك بسرعه اقصى سرعه
تحرق حارس صقر بسرعه كبيره متجه لبيت تالا وهو ناوي يذبح عادل
تالا قامت بخوف وهي تحس اطرافها خلاص جمدت من الخوف اهلها مو موجودين ومحد بالبيت حتى الخدم بدأت الرجفه تتمكن منها تقدمت خطوات عادل لها وبعصبيه:أنتي تضني برفضك لي وموافقتك على الثاني كل شي بينتهي!؟
لا ياتالا غلطانه "بصراخ"انتي بتكوني لي غصب عنك او برضااك واذا ماخذيتك بالطيب بااخذك بالغصب ياتالا
تالا تحركت بسرعه وهي ناويه تخرج من غرفتها وتهرب منه
لكن عادل وقف بوجهها وابتسامة خبث مرسومه على وجهه
تالا برعب وبهمس:عادل!
قرب عادل اكثر منها:اي عادل
تالا برجفه:وش جابك هنا وانت كيف تتجرأ تدخل غرفتي!والله اقول لأبوي عنك
عادل بضحكة مستفزه: هههههههههههههههههههههه ههههههههههههههههههههههههههههههههه تسهلي علي الطريق عطول كذا بضمن تكوني لي
تالا بقوة ماتدري من وين جتها:تخسى والله اكون لك تخسى وتعقب انا مابكون لك لو بموتي
عادل ببرود :صدقيني بعد اللي بيصير راح تغير تفكيرك وغصب عنك بتكوني لي لأن محد بيرضئ فيك
تالا برعب:اانت وش تضن نفسك!عادل اصحى على نفسك انا بنت عمك؟وش الحقارة والدنائه اللي فيك
عادل:بسببك انتي جننتيني
تالا بصراخ وبكاء:كذااب انت كذااااب لو تحبني من أول كان جيت لأبوي وطلبتني منه ماكان حاولت تعتدي علي ببيت جدي اذا مو فاكر افكرك انت واحد حقير عديم الرجولة ضعيف الشخصية قليل ادب وخسارة الدم اللي يمشي بعروقي نفسه اللي يمشي بعروقك خساره
عادل جن جنونه منها :لا لا انتي مو رافضتني كذا الا عشانه صح!
تالا بلعة ريقها بخوف من عيونه اللي تطاير شرر هي خلاص مالها لا حيل ولاقوة فيه بدأ عادل يتقدم وتالا ترجع مد يده واعطاها كف قوي ودفها بقوة طاحت على السرير بس جلست بسرعه وسحبت نفسها لأخره قرب عادل منها تالا ناظرت بجانبها وناظرت بعادل اللي خلاص انهارت قواها قدام قرب منها عادل والشيطان معمي عيونه لكنه ما وعئ بنفسه الا وشي قوي صفق برأسه دفته تالا برجلها بعد ماضربة بالفازه على رأسه داخ عادل من قوة الضربه قامت تالا برعب وهي قصدها تنحاش بس وقفت بنص الغرفه وهي جامده مكانها بعد ما التقت عيونها بعيونه الغاضب والفاقده لسيطره هجم بكل قوته على عادل ومسكه بياقته ورفعه واعطاه بوكس قوي كان كفيل بأنه ينزف انفه بسبب طاح ضرب فيه وبصراخ:أجل تاخذ اللي تبيه بالغصب ياحيوان انا ماافرط بشعرها منها وانت ياحيوان تمد يدك عليها !مين تكون ؟ومين تضن نفسك عشان تناظرها؟
عادل كان وجهه مغطئ بالدم من انفه اللي ينزف وشفايفه اللي تجرحت ابتعد صقر عن السرير مسافه وخرج المسدس من خصره وصوبه على عادل ركضت تالا وقفت بينه وبين عادل وصار المسدس مصوب عليها انصدم صقر منها :ليش! ليش بعد كل اللي سواه لك تدافعي عنه؟يعني تحبيه!
تالا بنظرات كلها رجاء:صقر تكفى لاتلطخ يدينك فيه
صقر ناظرها: لكن هو كان بيعتد عليك!
تالا بيدينها اللي ترجف مسكت المسدس وهي تنزله باتجاه الأرض وهزت رأسها بالنفي وبهمس:لاترسم بذاكرتي مشهد ما انساه مادمت تكفى ياصقر لاتدمر حياتك عشان واحد حقير زيه ما ابي اخسرك
ارتخت تالا بس مسكها صقر بسرعه قبل تطيح بالأرض استندت تالا على يده وشدت عليها بهمس:والله ليندم عادل ابي جوالي اكلم ابوي
صقر:وين جوالك!؟
تالا :مدري
صقر خرج جواله من جيبه واللي لازالت مكالمته مع تالا شغاله انصدمت تالا وفهمت وش عرفه ان عادل معها بالغرفه
قفل صقر ورجع دق من جديد sakr
اخذه صقر واعطاها وهو يسندها وصلها لجدار الممر تحركت تالا وهي تسند نفسها على الجدار ودخلت لغرفة لارا اخذت عباية من عبايتها ولبستها وجلست على السرير دقت على أبوها وهي تبكي بحرقه: بابا
ابو طلال بخوف:تالا وش فيك!
تالا بشهقات قويه:بابا تعال للبيت بسرعه
قام ابو طلال تارك زوجتة ولارا خلفه وركب سيارته وحرك بسرعه للبيت وقلبه يرجف خوف على بنته اللي كانت تبكي وقف عند البوابه بس استغرب وهو يشوف سيارتين واقفه واحده فيهم لعادل والثاني مو معروفه له واللي استنكره اكثر الشخصين الواقفين عند السياره بملابس سوداء دخل لداخل بسرعه وتحديد لغرفة تالا بس انصدم وهو يشوف رجال غريب واقف
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
دخلت روز لغرفتها بعد ما ودعت وديان وصل عبدالعزيز واخذ وديان جلست على السرير سمعت رنين جوالها الثاني واللي كان خاص بالعصابه تلفتت حولها ماتدري وين حطته بس الصوت جاي من غرفة الملابس نطت بسرعه ودخلت للغرفه انتبهت له فوق رف الشنط اخذته وردت بسرعه وخشونه:الو
احمد بصوت هادي:رامي في اجتماع برسلك الموقع بسرعه تعال
روز بصدمه وفهاوه:ها
احمد مسح على ذقنه بنفاذ صبر رص على اسنانه وبهمس: مو فاضي لفهاوتك بسرعه تعال
قفل الخط بوجهها
روز ناظرت للجوال:يستهبل ذاا يااليل وش اقول لأمي اذا صرت خارجه ااي صح نسيت خطبة جود بأخذها عذر اني بدور لفستان
بدات روز تدور للمشد اللي كانت مخبيته بغت تنجلط وقت ما لقته ضربة خدها: ياويلي وينه وينه
رجعت تدور من جديد تنهدت براحه وهي تلاقيه بدلت روز ملابسها وغيرت اخذت احتياطاتها مسكت السلسلة اللي بعنقها وهي تتأملها قدام المرايا للطويله بهمس حزين:قربت نهايتهم وكثير انتظر تعاونهم مع الأفعى بس اوراق كثيره بيدي راح تدمرهم
لبست عبايتها وهي ناسيه تمام السلسلة اللي واضحه وظاهره
اخذت مفاتيح السياره ونزلت بعجله صادفت امها كالعاده بالصاله جالسه حبت رأسها:يمه عن اذنك بخرج ادور لي فستان لخطبة جود
ام فهد:انخطبت ماشاءالله
روز بعجله:اي يمه
ام فهد: الله معك
ركبت روز سيارتها وحركت بسرعه كبيره وهي تتجه للمكان اللي قال لها احمد عنه رن جوالها من جديد تأففت وهي تشوف المتصل"النفسية" :الو
احمد بعصبيه مكتومه: وينك ساعه!
روز ببرود:تبيني اطير لك يعني!معروفه زحمة جدة ترا
احمد رص على اسنانه وبهمس حاد: رامي لاتحدني اذبحك
روز قفلت بوجهه وهي تحس بردت قلبها دايم يقفل احمد بوجهها
شالت عبايتها كالعادة
وصلت للمكان بس بلعة ريقها بتوتر وهي تشوف احمد الواقف ويهز رجله ويضرب فيها الأرض قربت بهدوء وانتبهت لكاسبر الواقف قريب من احمد اتجهت لكاسبر وبهمس:كاسبر
كاسبر انتبه ولف لها:رامي هلا!
روز بلعة ريقها: احمد ليش معصب
كاسبر:شكل احد قفل الخط بوجهه لأن الحركه ذي تستفزه
روز بهمس: وصيتي لك
كاسبر استغرب:ها!
روز:وصيتي لك اذا مت..
فزت بخوف على صوت احمد الغاضب:رامي
روز لفت ببطئ له وبعباطه:لا ظله ههه ههه
ناظرت بكاسبر وبهمس:اضحك لابارك الله بالعدو
احمد أشر لها وبحده:تعاال
روز مشت بشويش وببطئ
وقفت بجانبه
احمد هز رأسه بتوعد لها ودخل لداخل مع كاسبر وروز
دخلت روز بس انصدمت من الأشكال اللي تشوفها وبهمس كان مسموع له:يمامي يخوفون
ابتسم بداخله((تبقئ انثئ مهمها تظاهرت عكسه))
بدون ماتحس روز تحولت نظراتها لنظرات بارده وحاده نظرات تقشعر منها الأبدان وقفت بهدوء بجانب احمد اللي جلس على احد الكراسي وبجانبه كاسبر
ثبتت نظراتها على ذاك الشخص واللي كان موجود بالتسجيلات الموجودة معها بدأت يدها تتسلل لخصرها وهي ناويه تسحب السلاح وتفجر رأسه تحس بكره وحقد له هو ذاك الشخص الموجود بفيديو الخاص بأختها ونفس صوته وكل شي حست بيد تمسك يدها وعت روز على نفسها وناظرت بأحمد اللي مسك يدها واللي كانت ملبستها قفاز أسود بهمس :رامي
انحنت روز شوي لمستواه:هلا
انتبهت روز لسلسلة اللي بانت مع انحائها لمحها احمد بس روز ما اعطته فرصه يناظرها صح بسرعه دخلتها خلف التيشيرت
احمد تجاهل اللي صار :وش فيك تناظر بنظرات حاده؟
روز ببراءة :انا
احمد :لا اللي وراك
روز بدلاخه:اي زين عبالي انا
احمد هز رأسه بيأس: وش مسلطك علي انت
روز بهمس: اقول وش سالفة الاجتماع ذا عبالي كالعادة بس الظاهر في وجيه جديده
احمد ببرود وسخريه:او بالاصح في ضحايا جديده
روز ابتسمت ببرود
انتبه احمد لشخص متجه لهم ابتسم ببرود وهو يناظره
روز رفعت رأسها بس شهقت بدون ماتحس بعد ماشافت جاك
احمد بهمس وهو يرص على اسنانه: فضحتنا
روز:بالغلط بالغلط
احمد :وش فيك مصدوم!
روز:لا بس نسيت اني مشغل النار على الاندومي
احمد بصدمه:هاااااااا
روز بوهقه:عن أذنك بروح اكلم حارس العماره يشوف له
احمد :بسرعه بسرعه لاتفجر ارواح كثيره
ابتعدت روز قد ماتقدر عن المكان تنهدت بقوة((يااربي وش ذااا؟انا وش جاابني هنا؟لايكون اجتماع للمافيات مع بعض أشهد أن لا اله الا الله وأشهد أن محمدا عبده ورسوله يارب سامحني على كل شي سويته خلاص الظاهر بطلع من هنا جثه يمه يمه مشيت بجانب واحد والله يا بيده بس يشيلني ويرميني
..))
"كان المكان اللي روز فيه مكان من الخارج يوحي انه خرابه ومعدوم لكن من داخله مجهز بارقئ الاثاث وافخم القطع
انتبهت لشخصين شايلين ملف بيدهم واتجهو بعيد عن الأنظار تلفتت حولها وبعدها تبعتهم بهدوء وصلو لباب ذهبي صغير دخلو منه كانت تراقب بصمت بعد دقيقتين تقريبا خرجو وابتعدو عن المكان انتظرت روز شوي وبعدها بخطوات خفيفه دخلت من الباب كان ممر قصير وبداخله غرفه تتوسطها طاوله رخام كان في ملف عليها بس اللي صدمها اكثر الاسلحة اللي كانت مرتبه بالغرفه كامله تحركت بسرعه لداخل وهي تشوف الملف فتحته وطلعت جوالها وبدأت تصوره خلصت وبسرعه تحركت خارجه بس قبل تمسك مقبض الباب وتفتحه تحرك المقبض وانفتح الباب تخبت روز وهي شاده نفسها خلف الباب دخله منه شخص واحد فقط مشت روز على اطراف اصابعها ومسكت الباب قبل يتقفل لأنه بيطلع صوت لو فتحت المقبض مره ثانيه خرجت بسرعه وركضت بخوف قبل ماتدخل اصطدمت بصدر عريض غمضت عيونها بقوة بوجع رجعت خطوتين للخلف وهي ماسكه رأسها:آسف
رفعت عيونها على صوته الحاد:اعمئ!؟
روز بحده حطت عيونها بعيونه الرماديه:قلنا آسفين
جاك ببرود:ماقبلت اعتذارك
روز سوت حركه بيدها وكأنها ترمي طرف يدها لفوق:بطقاق عسى عمرك ماقبلته
جاك بحده وغضب :ايش!
روز ناظرته ببرود:اللي سمعته
جاك بسخريه ممزوجة بالجديه: انت عارف انا مين!
روز ببرود: وانت عارف انا مين!؟
جاك:ليش مهم اعرف انت مين؟
روز:زي مو مهم اعرف انت مين
>>وبطتنا بطت بطتكم ^_^
جاك رفع حاجبه: بتندم
روز ناظرته من فوق لتحت وشمقت بعيونها وتحركت من عنده
جاك:هههههههههههههههههههههه ههههههههههههههههههههههههههههههههه
روز:ضحكة من سرك بلاء
جاك ببرود:بنت!
وقفت روز برعب مكانها وهي تسمع الكلمه الاخيره
جاك لف لها وهي لازالت معطيته ظهرها :..
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
دخل وليد لغرفة امه بعد ما دق الباب :يمه
ام وليد:هلا حبيبي
وليد حب رأسها:كيفك!
ام وليد:الحمدلله انت كيفك!؟
وليد:الحمدلله ااا يمه
ام وليد: لبيه
وليد:ابوفراس كلمني يقول يبى الزواج والملكه بيوم واحد وبيحددونه قريب يعني بعد اسبوعين واذا مره شهر
ام وليد:الله يحييهم مافي مشكله ياحبيبي
وليد:زين يمه وش ارد عليه!
ام وليد:حياهم الله وخلاص من بكره تبدأ رنا تجهز نفسها أن شاء الله
وليد ابتسم بحزن:الله يوفقها يارب
ام وليد ربتت على كتفه
وليد:ااه يمه الأيام تمشي بسرعه ما اصدق رنا اللي كنت اتهاوش معه ونتضارب على الألعاب الحين بتصير عروسه وبفستانها الأبيض بزفها بيدي لعريسها لو ابوي الله يرحمه هنا
سكت بحزن وهو مو قادر يكمل
قام :عن أذنك
خرج من عند امه ودخل لغرفته رمى نفسه على السرير وهو يناظر لسقف تسللت دمعه حاره من عينه وهو يتذكر موت ابوه قدام عيونه
..
..
نرجع بالسنين لقبل ١٩ سنة بالضبط
طفل صغير بعمر ٦ سنوات يلعب بالكورة ويركلها يمين ويسار تحمس شوي وركلها بقوة طارت الكورة لقدام شباك مكتب ابوه ركض لها بسرعه يبي يأخذها ويرجع يكمل لعبه بس وقف مكانه وشده الصوت العالي الجاي من الغرفه واللي كان صراخ وهواش قرب بشويش من الشباك وناظر بطرف عينه شاف عمه وابوه والواضح عليهم الزعل والنقاش بصوت عالي وحاد تعلقت عيونه بعمه اللي خرج السلاح من خصره وصوبه على ابوه وهو يتكلم بغضب معه شاف ملامح ابوه اللي كانت خايف بس وقفت الدنيا فيه وهو يشوف الرصاصه اخترقت صدر ابوه وطاح بالأرض يسبح بدمه جف الدم بعروقه وانقطع الأكسجين عنه بردت اطرافه ورجفت عظامه ناظر تحركت عيونه مع حركات عمه اللي أخذ السلاح ومسحه وحطه بيد اخوه وخرج بسرعه من المكان بدون ماينتبه لتلك العيون اللي انطفأت براءتها بمشهد عنيف ودموي ولأحب الناس له اظلمت الدنيا بعيونه وطاح على الأرض...بعد ساعات طويله فتح عيونه على صراخ وبكاء اصوات كثيره ناس غريبه رجال الشرطه الأسعاف المحققين ناظرهم بصمت قرب احد الرجال منه وبصوت عالي:الولد صحى
اجتمع اكثر من شخص عليه جلس رجل امامه بذقن اسود يتخلله بعض البياض :حاس بشي يوجعك !
وليد ناظر بالفراغ بدون مايعطيه جواب
...:وش آخر شي شفته!؟
وليد تحركت عيونه بسرعه وهو يدور بنظره على ابوه قام من مكانه وركض بسرعه متجه لمكتب ابوه شاف الشريط الأصفر اللي حول المكان دخل من تحته متجاهله بس لقى مكان ابوه فاضي بس الدم
حس بيدين ترفعه عن الأرض وتشيله من المكان وتخرجه للخارج
جلسه الرجل اللي شاله على الطاولة وجلس هو على الكرسي قدامه ناظر فيه شوي وبحنيه مسح دمعه نزلت من عينه :شفت شي ياولدي!
وليد برجفه نطق:بابا
هز رأسه وغمض عيونه بقوة :هذا اللي كنت خايف منه
..:وش اللي خايف منه؟
ناظره الشخص:القضيه انتحار او جريمة قتل!
...:المحقق اغلق الملف على انها انتحار لأن مافي اي دليل يثبتت انها جريمة قتل لكن وش اللي كنت تقوله قبل شوي!
...تنهد بحزن: الظاهر الولد شاهد على اللي صار
بصدمه:ايش!
هز رأسه بالإيجاب: اي لأن كل تصؤفاته تدل على هذا
وليد تعلقت عيونه فيه نزل من مكانه وركض لداخل يدور على امه ))
قاطع عليه تفكيره اتصال من احمد عليه
مسح دموعه وجلس وهو يرد على احمد...

︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
رأيكم +توقعاتكم !
لطفا ً تصويت +كومنت لطيف مثلكم