بنيه صعب ينطفي ضيها.

Part 94

الأمل يخلق دواعي الكفاح.

((أعتذر على الأخطاء الاملائية ))
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
وقفت روز عند البوابه ونزلت انتبهت لخليل وعرفت ان جاك بأنتظارها بداخل ماتنكر انها حست بشي من الخوف لكن ما اهتمت مشت بخطوات واثقه بلعة ريقها وهي توقف عند الباب طرقت الباب سمعت صوت ابواحمد:ادخل
دخلت روز طاحت عيونها بعيونه شمقت وناظرت بأبواحمد: طلبتني!
جاك ناظرها بغضب من حركتها المستفزه
ابواحمد:اي رامي تعال
روز تقدمت خطوات ووقفت:تفضل
جاك رفع حاجبه وهو يناظر بعيونه الرماديه الحاده: اخذت شي لي!
روز :......
ابو احمد:الشحنه يا رامي من وين اخذتها؟
روز بهدوء: طال عمرك انت ارسلتني للموقع الاول واللي هو مستودع**** لكن جيت المستودع فاضي والشحنه غير موجوده يعني مفقوده
ابو احمد بتصنع: رامي جاك جاس هنا يقول انت سارق شحنته
روز:الدليل!
جاك ببرود:انا جاي هنا ومعاي الأدلة
روز:....
جاك تنرفز من تطنيشها له: العجوز
ناظرته روز ببرود:اي عجوز؟
جاك بخبث خرج جواله وشغل مقطع فيديو كان للعجوز مربط ويشرح اللي صار معه ومع روز
روز بهدوء:ما كملت كلامي باقي!
جاك بتريقه: تفضل استاذ رامي
روز ببرود:زي ماقلت كانت الشحنه مسروقه عرفت مين سرقها واسترجعتها فقط هذا اللي صار
ابواحمد:طيب وشحنة جاك؟جاي هنا يقول انت سارقها
روز ببرود وسخريه: طال عمرك بما اني سرقت بضاعته يتأكد اول هو سرقها من مين! انا فقط استرجعت البضاعه المسروقه
في فرق بين استرجاع وسرقه في فرق بين المصطلحين وفرق شاسع على ما اضن ف من البدايه حاب ان اوضح
من البدايه اذا هذا الشخص!راح يتعاون معنا!ونعتبره شريك لنا؟
لايخطط او يلعب بذيلع من ورانا
ياليت لو نكون واضحين وصريحين اتجاه بعض من البدايه تجنب للمشاكل اللي ممكن تصير لنا
كانت مرسومه على شفايفه ابتسامة اعجاب بشخية رامي القويه والصارمه
ابواحمد:اعتذر
روز بنظره خطيره بعيونها خاف ابواحمد:انا ماسويت خطا عشان اعتذر
ابواحمد بصرامه:انت سرقت بضاعته
روز:انا ما راح اعتذر الا اذا اعتذر هو مني بالأول
جاك بعصبيه ضرب على الطاوله الخشبيه اللي امامه :انا اعتذر من شخص مثلك!
روز ببرود وكره:وانا ماراح اعتذر من شخص مثلك
ابواحمد بعصبيه:رامي
روز سكتت وهي تناظر وتفكر ((ياربي ليش ما اسحب المسدس من خصري وافرغه بروسهم بما انهم مجتمعين بمكان واحد فرصه ثمينه لي ارسح نفسي منهم اووف بكن اللي برا بيذبحوني لكن يلا يلا مره ثانيه ان شاء الله اذبحهم**
جاك ببرود:انتظر اعتذارك
روز بعناد: ماراح اعتذر الا اذا انت اعتذرت لي لأن اللي غلطان من اول انت اللي اعتداء على شي يخصنا مو حنا اللي اعتدينا على شي يخصك! لو انا جيت على بضاعتك وسرقتها وهي بضاعه لك ركز على ضمير الملكيه صدقني راح اعتذر بكل سرور لكن بما انك انت اول شي سرقت منا انا استرجعت في فرق ما يحتاج اشرح الفرق بينهم لشخص كبير مثلك
جاك بغضب:وش الوقاحه هذه برجالك يا ابواحمد ؤجالك وقحين رجاء رجاء الوقاحه هذه ما ابغاها اثناء شراكتنا
ابو احمد بسرعه وتوتر:لا ماعليك خطأ ما راح يتكرر..أعتذر لك بنيابه عن رامي
وقف جاك من مكانه ناظر بروز وخرج من عندهم عرف جاك ان رامي شخص خطير بحيث انه اول شخص قدر يجيب معلومات بسرعه عن احدا اماكنه البي مخفيه عن الكل
ابواحمد تنهد براحه: تقدر تنصرف
روز خرجت بسرعه وهي تسب بداخلها وتلعن بجاك اتجهت لسيارتها فتحت الباب بس وقفت مكانه وهي تنتبه لزجاج سيارة جاك اللي انفتح ناظرته روز ببرود وحده
قربت السياره منها بمسافه بسيطه جاك بخبث ابتسم: تورطت مع الشخص الخطأ رامي
روز رفعت يدها وهي تعمل بأصابعها حركه كأنها مسدس
صوبت على جاك وعملت نفسها تطلق عليه وغمزت بنفس الوقت
اعطته ظهرها وركبت سيارتها وحركت بسرعه كبيره جداً
وصلت لبيتهم ونزلت بشويش وهي تحاول تخفي خطواتها دخلت من الباب وبسرعه ركضت لغرفتها قفلت الباب وهي تتنهد براحه اتجهت لغرفة الملابس اخذت بجامه بيدها تذكرت الشخص اللي يراقبها غطت نفسها زين ودخلت للحمام اخذت شاور مريح من الكرف اللي كرفته لبست بجامتها خرجت رمت نفسها على السرير ودخلت بنومه عميقه ومتعبه
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
يوم جديد وصبح جديد رن المنبه للمره الثانيه عند رأسها مدت يدها بأنزعاج وهي تحاول تطفيه فتحت نص عين بس توسعت عيونها بصدمه وهي تشوف الساعه٩:٥٠ ص
نطت ملاك من سريرها بسرعه دخلت للحمام(تكرمون ) اخذت شاور صحصحت بعده خرجت جففت شعرها بسرعه لبست ملابسها وعبابتها لفت الحجاب على رأسها وعدلته اخذت شنطتها والنموذج التجريبي خرجت من غرفتها مستعجله ومن البيت كله
لبست نظاراتها الشمسيه فتح لها السواق الباب ركبت السياره
ملاك:لشركة *** بسرعه
السواق:حاضر
كانت تناظر بساعتها ((اووف تأخرت بالنومه ان شاء الله المكان مايكون بعيد ))
بعد نص ساعه وقف السواق عند الشركه واللي كانت لجهاد
ناظرت ملاك وكان بجانبها فرع ستار بكس ناظرت بساعتها كان معها عشر دقايق
نزلت ملاك واتجهت لستار اخذت قهوة وبعدها دخلت لشركه
اتجهت للأستقبال :مكتب الاستاذ جهاد؟
...:حضرتك عندك موعد؟
ملاك:اي انا مصممة الديكور
ناظر بشاشة الاب بعدها ابتسم لها: الانسه ملاك؟
شالت ملاك نظاراتها: اي
...:تفضلي الدور الثاني اخر غرفة بالممر
ملاك:Thank you.
اتجهت ملاك للمصعد وقفت عند الباب بتردد بلعة ريقها سمت بالله ودخلت ضغطت رقم ٢ تقفل المصعد غمضت عيونها وهي تحس المشهد المرعب قدامها هزت رأسها بالنفي وهي تحاول تطرد الافكار من رأسها انفتح الباب اتجهت ملاك للمكتب
..
بنفس المكان والزمان بجانب غرفة جهاد غرفة الاجتماعات
وقف بهيبته وصافح جهاد :اتفقنا
جهاد :شرف لي العمل معك
متعب: مشكور
جهاد:عن أذنك عندي شخص مهم بأنتظاري
متعب:لا ابد خذ راحتك براجع الاوراق مع الشباب وبخرج
جهاد:تسلم
خرج جهاد بسرعه وهو متحمس لملاك اللي التقاها صدفه بالمطار ودخلت رأسه ارسل شخص خلفها وعرف هي مين والتصميم اللي طلبه كانت حجه فقط عشان يوصل لها ويقابلها
دخل جهاد كانت ملاك جالسه وقفت بهدوء
جهاد :اعتذر اذا تاخرت عليك
ملاك بهدوء: لا مافي اي تأخير
جهاد:اهلين آنسه ملاك
ملاك:هلا وسهلا فيك
جلس جهاد: تفضلي
جلست ملاك بهدوء
جهاد:صراحه سمعت ان تصاميمك جميله جداً
ملاك:تسلم من ذوقك
اخذت النموذج وحطت على مكتبه دفته بأطراف اصابعها
هذه نموذج تجريبي زي ما قلت لك
جهاد بخبث: تنا متأكد انه راح يبهرني
ملاك:اتمنى
جهاد ابتسم:اا سؤال بعيد عن موضوعنا اعتبريه من باب الفضول
ملاك رفعت حاجبها: تفضل؟
جهاد:في شخص بحياتك؟
ملاك ببرود:اتوقع هذا شي مايخصك؟
جهاد:فضول
ملاك بسخريه:الفضول الزايد يسبب لصاحبه المشاكل
جهاد قام من مكانه وقرب منها بخبث:كنت ابي اعرف اذا لي فرصه فيك او لا
ملاك استنكرت كلامه وقفت بهدوء :استأذن
تحركت ملاك بس انصدمت بيده اللي مسكتها بيدها وسحبها له حاوط خصرها بيده: يوم واحد بس واوعدك بكل اللي تبينه
ملاك ماتحملت وقاحته وحقارته حست بالإهانة لنفسها
رفعت يدها بكل عصبيه اعطته كف قوي ودفته بيدها ابتعد خطوات قليل وهو ماسك خده بصدمه
اخذت القهوه اللي كانت تشرب منها فتحتها ورمتها بوجهه اخذت نموذجها وخرجت بسرعه وهي ماتشوف طريقها من الدموع اللي تجمعت بعيونها بدأت تنزل دموعها بغزارة حطت يدها على وفمها تمنع شهقاتها اللي بدأت تطلع دخلت للمصعد
وضغطت على ١ قبل مايتقفل المصعد امتدت يد ومنعت الباب
نزلت رأسها ومسحت دموعها بس دموعها مارضت توقف
دخل متعب بهدوء وهو مو منتبه مين البنت اللي معه تقفل المصعد بس حس بشهقات مكتومه بجانبه ناظرها بفضول بس انصدم وهو يشوفها:ملاك؟
ملاك صدت عنه
وقف متعب المصعد بالنص
ملاك خافت من توقف المصعد ناظرته بخوف
متعب :ملاك وش فيك؟
ملاك التزمت الصمت وبس شهقاتها اللي واضحه
متعب:احد من اهلك فيه شي؟
ملاك هزت رأسها بالنفي
متعب بدأ يتنرفز من سكوتها:قسم بالله ماتطلعين من هنا حتى تقولين لي وش فيك
ملاك بصوت مبحوح وشهقه:يقــ ـــول يـ ــبـ ـي لـيـ ـلـ ـه يضـ ـني مـ ــن بــ ـناــت الـ ـيـ ـل
متعب بعدم فهم: ها؟
ملاك: طـ لــ ـب مـ ـنــ ـي اخـ ــرج مـعــ ــه و يـ ـدفـ ـع لي
متعب بصدمه :ايش!مين الحيوان ذا؟
ملاك بصوت يرجف: جهاد
متعب ضغط ٢ من جديد
ملاك ببكاء: ليش رجعت
متعب يحس الدم يفور فيه من الغضب فقد السيطره على نفسه انفتح المصعد وخرج متعب بعصبيه لحقته ملاك وهي تحاول فيه يرجع اتجه لمكتب جهاد فتح الباب بقوة خاف جهاد من عصبية متعب واللي ارعبه اكثر ملاك اللي دخلت خلف متعب
قرب متعب منه ومسكه بياقته ورفعه واعطاها بوكس قوي كان كفيل بأنه ينزف انفه بسببه :تخرج معك اجل هااا
اعطاه كف قوي:مو بنت ناس هي!
كف ثالث:كم بتدفع ياحقير يا خسيس
وقف جهاد ورجع البوكس لمتعب وبدأت بينهم مضاربه قويه
لكن الغلبه كانت لمتعب اللي رمى جهاد على كرسيه تمسك جهاد قبل يطيح ناظر متعب وككان قدام عيونه عقده معه واللي وقعه ما صار له ربع ساعة اخذه
جهاد بصدمه:موقع لا تتجرأ تسو..
قاطعه متعب بعصبيه:موقع واذا يعني الورقه الموقعه ما تتقطع؟ لا تتقطع ونص بعد
قطعها لقطع صغيرها ورماها بوجهه
ملاك قربت منه وبرجاء وهمس:متعب واللي يخليك خلاص
متعب بعصبيه ناظرها:تبين اترك...
لوهله تبخرت عصبيته بعد ماناظر بعيونها الرماديه ناظر بجهاد وخرج بسرعه بعد ماسحب ملاك بيدها
خرجت ملاك خلفه وهي تمسح دموعها لبست نظاراتها الشمسيه لتخفي دموعها ركبت المصعد مع متعب
وصل لطابق الاول انفتح الباب خرجت ملاك ومتعب
متعب التزم الصمت مايدري وش سبب انفعاله وعصبيته القويه
ركب ملاك بسياره وركب انطلق بسرعه جنونيه
غمضت ملاك عيونها بخوف شوي وحست أن السياره وقفت وصوت باب متعب اللي تقفل بقوة كانت تسمع صوت ارتطام الامواج فتحت عيونها ببطئ شافت متعب واقف وساند ظهره على السياره وواضح من حركة جسمه يتنفس بقوة
ناظرت ملاك حولها وهي تدور بعيونها على شنطة الاسعافات فتحت الدرج وشافتها اخذتها ونزلت بتردد قربت من متعب وهي منزله رأسها بهمس:ممكن اعالج جروحك؟
متعب ببرود: مايحتاج
ناظرتها ملاك :الا يحتاج
متعب بحده:قلت مايحتاج
ملاك بعناد:الا يحتاج ولو سمحت لا تتحرك
فتحت الشنطه خرجت المطهر اخذت قطن وحطت فيها تغيرت ملامح وجهها لتألم رفعت رجولها لتوصل لمستواه بدأت تمسح على الجرح اللي كان فوق حاجبه والثاني تحت عينه شوي
ملاك بهمس :كسر ان شاءالله
متعب تألم:احح
ملاك شهقت:هئ آسفه آسفه والله
رفعت رأسها وهي تنفخ على الجرح
متعب كانت عيونه مركزه على البحر وهو متوتر من قرب ملاك منه واهتمامها نساه الجروح اللي بوجهه
انتهت ملاك حطت لاصق جروح مسحت بأطراف اصابعها عليه
رجعت رتبت الادوات بالشنطه ودخلتها لسياره انتبهت بقارورة ماء اخذتها قربت من متعب:اشرب شوي عشان تهدأ
متعب اخذ الماء منها وشرب
ملاك:شكراً
متعب ماعرف وش يرد عليها بالضبط بتصريف:كأني شفت ثوبه معدوم قهوه؟
ملاك بفخر وحماس:اي انا كبيت القهوه بوجهه وفوقها كف
متعب ناظرها وهي تتكلم بحماس ابتسم:كفو
ملاك :بس صدق ما ارتاح قلبي الا من الكفوف حقت اوووه ياهي مسحت على قلبي مره شكراً
متعب رجع نظره على البحر:العفو ... وش جابك هناك؟
ملاك تنهدت: قبل ٣ ايام تقريبا جاء شخص لشركه وقدم طلب تصميم خاص انا قبلت طلبه وصممت
اتصل امس وطلب من اجتماع الساعه ١٠ اليوم وافقت طبعاً ماعرفت بنيتي الشينه جعله العمى
وعاد صار اللي صار
متعب هز رأسه
وقفت سياره خلفهم كان سواق ملاك
متعب :متى جتك الفرصه تكلميه؟
ملاك بهدوء: أرسلت الموقع له ..شكرا مره ثانيه
ركبت ملاك انطلقت السياره فيها بينما أفكارها بمتعب بدأت تتغير وكبر متعب بعينها
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
بنفس الوقت بمكان ثاني بالتحديد عند نور اللي ناظرت بساعتها((باقي ساعه وبخرج بعدها وراي شغل طويل))
تأففت بعد ما ناظرت بيدها خرجت من شنطتها المرهم وبدأت تحطه بلطف على كفها انفتح الباب دخل خالد وخلفه سديم
نور قفلت المرهم وحطته بشنطتها ورجعت تناظر بالملف اللي موجود قدامها أنتهت من مراجعته اخذته وقامت رن جوالها كانت جود ابتسمت: هلا والله بالحب
جود بتوتر:نور
نور خرجت من الغرفه :جود وش فيك؟
جود:كيف ارفض بس بأدب؟
نور :هااا!!
جود:كيف ارفض بس بأدب!
نور :دقيقه دقيقه انتي مو راضيه؟
جود بتوتر:انا كنت راضيه بس تغير رأي امس احس ما ارتحت
نور:جود الله يسامحك تعرفي ذا زواج مو لعب
جود:تدرين انا اعرف كيف اتصرف
نور :تعالي تعالي وش ناويه عليه!
جود:لو رفضت انا ممكن ابوي يتضرر
نور رفعت حاجبها بأستغراب: ابوك؟ليش!!
جود:اللي عرفته ان ذا الشخص مره ماشاء الله ابوه عنده خير وكذا وابوي وابوه بينهم شراكه تقدري تقولي زواجنا ذا مدبر فهمتي
نور:طيب؟مو غصب توافقين
جود:لو رفضت ممكن يصير في حساسيه وكذا لكن لو جاء الرفض منهم ابوه راح يحاول يعوض ابوي وكذا
نور :ههههههههههههههههههههههههههههههههههه تفكيرك احترافي الله لايلعنك
جود:لو انه غير ذا الشخص والله لأرفض مباشره
نور:طيب وش بتسوين؟
جود بضحكه: هههههههههههههههههههههه نور اللي ابيه منك تجيبي شنطة مكياجك وتخبيه قريب من المجلس الداخلي
نور:ليش؟
جود :اذا جيتي بشرح لك كل شي
نور:تمام الله يستر منك طيب خطتك مين بيشترك فيه؟
جود:انتي واذا احتجت شي زياده بكلم البنات واتفق معهم
نور امانه تعالي تغدي عندنا
نور:تمام انا بعد نص ساعه بخرج للبيت بغير ملابسي وبجيك
جود:اطلق من يجي
نور:فديتك
جود تأففت: المشكله انه صاحب طارق
نور:ياشيخه واذا صاحبه اهم شي انتي هذا من اهم القرارات اللي بتاخذينها لاتتهوري
جود تنهدت: ان شاء الله
نور :يلا يلا بقفل مشغوله
جود :تمام مع السلامه
قفلت نور من جود واتجهت لمكتب جدها
دقت الباب ودخلت لداخل كان جدها يكلم بجواله حطت نور الملف وخرجت بعدها راجعه لمكتبها انتبهت لسديم اللي كانت على مكتبها وواضح وراها بلاء من حركاتها المتوتره ما وضحت نور لها انها منتبهه لها
ابتسمت ببرود وناظرت بسديم بعدها دخلت للمكتب اخذت اغراضها انقهر خالد من تطنيشها له قام من مكانه واخذ ملف صدم بنور وهي خارجه متعمد صرخت نور بوجع :ااااااه
خالد انفجع :هي هي بلا دلع ترا بالغلط
نور ناظرت بيدها صارت تهف بيدها عليها
انصدم خالد بيدها اللي رفعتها نور وكانت محروقه بخوف:نور يدك وش فيها؟
نور ناظرته بغضب خرجت من عنده بسرعه خرج خالد وراها وهو حاس بالندم :نور
نور لفت عليه :خالد لو سمحت لهنا وبس
خالد: يدك وش فيها؟
نور :مايخصك فاهم
خالد:الا يخصني ونص
نور :بصفتك مين!
خالد:بصفتي...
نور ناظرته وهي تنتظره يكمل بس سكت خالد واعطاها ظهره ومشى
نور هزت رأسهابيأس منه:انفصام حاد بالشخصيه
ما اهتمت نور وخرجت وهي تدعي على يده تحترق زي يدها بسبب الألم اللي سببه لها بصطدامه فيها ركبت نور مع السواق واتجهت لبيتها
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
بعناد:لا لا لا
ريوف :ياااااليل ايلاف ترا كف على وجهك والله
ايلاف:اتحداك
ريوف بتهديد: لاتتحدين
ايلاف:هي هي لاتنسين ان ببيت جدي عادي بنحاش له
ريوف :لاحقتك وش علي انا
ايلاف رمتها بالمخده وقامت منحاشه من الصاله متجهه للباب الخارجي بس قبل ماتفتحه انفتح بقوة صفق بووجهه طاحت ايلاف بقوة على الأرض
ريوف صنمت مكانها من الموقف اللي قدامها
استندت ايلاف على يدها رفعت رأسها بس كانت تحس الدنيا تدور فيها
سلطان كان واقف عند الباب اللي تقفل بقوة بوجهه مفجوع من الشي اللي اصطدم الباب فيه انصدم من صراخ ريوف الخائف:ايلاف خشمك
ايلاف حطت يدها على خشمها اللي كان ينزف بقوة
قامت بمساعده من ريوف وجلست على الكنبه امالت رأسها لقدام شوي ومسكت انفها بمنديل
ام متعب خرجت من المطبخ على صراخهم وازعاجهم انصدمت بالمناديل(فاين) الملطخ بالدم واللي كان حول ايلاف ركضت بخوف لها: ايلاف وش فيك؟
ايلاف هزت يدها ولا شي
ام متعب:بسم الله عليك
ريوف:كانت تركض قصدها تروح لجدي انفتح الباب بوجهه بقوة وصار اللي صار
ايلاف كانت تتفل دم
ام متعب بسرعه:ريوف جيبي ثلج بمنشفه بسرعه
ريوف هزت رأسهاوركضت بسرعه للمطبخ تجيب اللي امها قالت لها عليه رجعت بسرعه
اخذت ام متعب الثلج وحطته على خشم ايلاف
ايلاف بصوت غير مفهوم من الدم اللي كل شوي يتجمع بفهما :هسبي الله ئليه ااي فته ((حسبي الله على اللي فتح))
ريوف بتفكير:اي والله مين
ام متعب:اصص لاتتكلمي خلي راسك بمستوى اعلى من قلبك
ريوف:اهه ياخشمي
ايلاف ناظرتها بنص عين
ريوف:اقسم بالله خشمي قام يوجعني منك
متعب دخل بهدوء: السلام عليك..ايلاااف
ايلاف :متغب
متعب :ايلاف
ام متعب:وي وش بوجهك
متعب:حادث بسيط يمه ماعليك
ام متعب :متعب وش صار بوجهك
متعب :يمه واحد قليل ادب ربيته
ريوف:احسن تسلم يدك
متعب:ايلاف وش فيك !
ايلاف تأشر بيدها وتشرح
متعب:ريوف وش صار عليها
رجعت ريوف تشرح له

︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

رأيكم توقعاتكم؟؟

.

.
.
.

مقتطفات من البارت الجاي..
-شخصين اقتحمو غرفتك
-تستهبلين على رأسي!!
-انصدم وهو يشوف البنت اللي دخلت عليه
-طاحت على الأرض تضحك :والله جننته
-بعصبيه :وش هدفك !

ياحلوين فتحت حساب انستا لروايه راح انزلها هناك
طلباً من وحده حلوه من القراء ... طبعاً اتمنى الدعم اي سؤال او استفسار تقدرو ترسلو انستا ..موعد تنزيل البارتات كل شي راح يكون هناك
xli.p1

https://instagram.com/xli.p1?igshid=na34wh2sqxcy

إضافة ولايك لطفاً
حتى اللي قرأ وكذا 🤭😂😂🧡.