بنيه صعب ينطفي ضيها.

Part 132

((اعتذر على على الأخطاء الإملائية ))

.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.

برجفة مسكت يد لارا :يمه بطني يوجعني
لارا بحماس: اقول لا ارنك كف الحين
تالا:أقسم بالله مامنك رجاء
رهف: بنات انا خارجه بقابل روز تقول اصرفها تبي تصعد بدون لا احد ينتبه لارا تعالي معي
لارا:يلاا
نزلت رهف مع لارا لروز اللي
وقفت قدام الباب تنتظر رهف سمعت الباب الصغير ينفتح توجهت له بعد ماطلت رهف برأسها: هي روز هنا
لارا حضنتها بقوة: يا هلا والله
روز بهدوء: هلافيك
رههف دفت لارا وحضنت روز :اسفرت وانورت
روز: نورك
لارا :تعالي معي نصعد لتالا
روز واللي يعافيكم ما ابي اصادف المعازيم
لارا :لا لا ماعليك بغرفة الضيوف وتعتبر معزوله عن الصاله والدرج
روز: كويس
رهف:روزي انتي بخير؟
روز بتظاهر:اي اي بس مستحيه لان تأخرت وكذا
رهف:ياشيخه عادي المهم جيتي
صعدت روز مع البنات ولغرفة لارا مباشره
لبست الفستان اللي اخذته معها دخلت لغرفة الملابس وغيرت لبسها وهي تحاول تخبيه عن البنات اللي كان ينتظرونها بالغرفه
حطت الكيس على جنب وخرجت بعد مافكت شعرها وبدأت تسرحه وتعدله
رهف:روز انا اسوي شعرك وانتي سوي مكياجك
روز: تفكي ازمه صراحه
جلست روز وبدأت تحط ميك اب خفيف ورهف تعدل شعرها
لارا رن جوالها وكان طلال اللي قال لها تسوي له طريق بيصعد لتالا
خرجت ركض لغرفة تالا: هيااااا بنااات خروج جماااعي الا جزوي
الجازي بخرعه:بسم الله اشبك
تالا مسكت بطنها: يمه لاتقولين طلال
غمزت لها لارا:ذكيه اختي
الجازي وقفت وانحاشت اول وحده لحقتها تالا عند الباب ومسكتها وصارت تحاول فيها تدخلها من جديد للغرفه
الجازي بقهر:يا نذله اتركيني نووور جوووود رناا الفزعه
رنا صارت تدور لسلك شاحن تشحط لارا فيه بينما
ركضت لها نور ومسكت الجازي وبدأت تسحبها من لارا
وجود مسكت لارا بخصرها وصارت تدغدغ فيها
لارا :ههههههههههههههههههههههههههههههههه خلاااص خلااص
الجازي ماصدقت لارا فكتها انحاشت لغرفة لارا
لحقوها البنات وطلع طلال لتالا
رنا دخلت بحماس:رووزي هلا والله
روز وقفت وبدأت تسلم عليهم
نور:يالكك وحشششه الحمدلله على السلامه
رهف:اي والله صدق اني خبله الحمدلله على السلامه
الجازي:كيفك روزي والحمدلله على سلامة الوصول
جود:روزي حمدالله على السلامه
روز ابتسمت بحب: الله يسلمكم جميع حبايبي
رهف:هيا تعدلي اكملك
روز:طيب طيب
اتجهت نور لسرير جلست ولحقوها البنات
الجازي بقهر بعد ماجلست على السرير:ياالله يارب اشوف بالارا يوم النذله هذه
جود تربعت جنبها:اقسم بالله تفقع القلب هبله ذي
روز :ليش وش فيه؟
الجازي بقهر:تخيل الحم*** تبي تمسكني مع تالا عشان طلال بيصعد لها اقسم بالله نذله هذه بنت خاله هذه؟
روز ورهف:هههههههههههههههههههههه ههههههههههههههههههههههههههههههههه
رهف:الله يهديك هيا تبي طلال يشوف كشختك
روز غمزت لها: حرام الجمال ذا كله ولايشوفه
الجازي انصبغ وجهها أحمر ودفنت رأسها بالمخده: اااااااوووووص
البنات:ههههههههههههههههههههههههههههههههههههههههههههههههههههههه
سمعت رهف ام طلال اللي تزغرط
رهف بحماس:ملكت تالا
الكل:كككلللللللللللووووووووووشششش كككلللللللللللووووووووووشششش الف الصلاة والسلام عليك يا حبيب الله محمد كككلللللللللللووووووووووشششش
لارا فتحت الباب ومعها تالا اللي مبتسمه بأحراج
لارا:خلاص ذي تزوجت رسمي
الكل بدأ يسلم عليها ويبارك لها
وتالا ترد بأحراج حست بضربة على ظهرها
رنا بمزح:ااوه تالا عاد مو متعودين على حياك
روز :اي والله تويله
تالا: ياليل الواحد مايمثل انه مستحي هفف
الكل:ههههههههههههههههههههههههههههههههههههههههههههه
ام طلال دخلت عليهم:تالا حبيبتي يلا تنزلين الحين
روز :خالتي كيفك
ام طلال انتبهت لروز:يا هلا والله روز
روز سلمت عليها:الحمدلله انتي كيفك
ام طلال:الحمدلله طيبه ياروحي
لارا:يمه زين قولي لأي وحده من العاملات تشغل ميوزك هادي عشان نزفها عليه
الجازي :انا بروح اشوف لهم
ام طلال: شوفيهم بالمطبخ اكيد هناك
الجازي :تمام خالتي
نزلت الجازي تجهز لزفة تالا اللي خرجت مع البنات وقفت بأعلى الدرج بتردد:يمه كثير هم؟
ام طلال: لا لا مو بواجد الحريم
تالا بتوتر:زين يمه مين فيه؟
ام طلال:اهله صقر بس ثنتين حريم والباقي المعارف والجيران
تالا هزت رأسها بتوتر :اي زين
نزلت ام طلال واتجهت لغرفة الضيوف وقفت عند الباب تستقبل بنتها البنات نزلن وقفن بأسفل الدرج نزلت تالا معهم وهي تتكلم بصوت خفيف:مصدقين انتم بنزل حبه حبه ومدري وش امشوا بس نبدأ الزفه من نص الصاله
رهف مسكت رأسها بيأس من تالا
روز :بيني وبينك اتفق معك دامهم مو بالصاله جالسين ياحبيبي نبدأ الزفه من مجال الرؤيه لديهم
الجازي:حبيت مجال الرؤيه لديهم
روز حكت رقبتها بأحراج: هه
وبداخلها
((مأثره عليك الاكشن اللي كل يوم مسويته مجال الرؤيه اجل ياروز ااهخ الله ياخذك ياعجوز النار ))
فجأة اشتغلت السماعه الكل قمز من الخرعه
عاد هنا بدأت نوبات الضحك عند الجميع والكل عرف ان العروس جايه
انزفت تالا على اغنيه هاديه دخلت على الحريم وبدأت تسلم الكل كان يذكر الله على نعومتها وجمالها لكن في عيون حاسده حاقده تراقبها وأخرى كارهه لها
وقفت تالا وكانت بتجلس لكن انتبهت لبنت متجهه لها
تعدلت سلمت عليها البنت وبهمس:اهلين انا لين
تالا بهدوء: هلا فيك
لين بنعومه وتصنع:اممم انا من طرف العريس زي ما انتي شايفه
تالا ابتسمت ابتسامة خفيفه: تشرفنا
لين بنظرات مافهمت معناها: الشرف مو لي
تالا رفعت حاجبها بأستغراب من وقاحتها بالرد
قربت من أذنها
بخبث وهمست لتالا:ترا صقر كان يحبني لكن انا كنت بارده اتجاهه ..عشان كذا تخلى عني راح يدوره له وحده ثانيه
ابتسمت تالا ببرود وبنظرات حاده زادت عيونها جمال:هذا الفرق بيني وبينك انا بعد كنت بارده معه واتجاهله لكنه ماتخلى عني بعكسك
لين بلعة ريقها من القهر والغضب اللي تملكها عرفت تالا كيف ترد عليها وتقلب سحرها عليها
او بالاصح لين عرفت ان تالا مو بشخص سهل
تالا ناظرت بالارا اللي فهمت عليها وقامت بسرعه لها همست لها تالا وبعيونها تأشر على لين اللي رجعت جلست بجانب صباح
ناظرت لارا بنص عين لصباح وهي تخزها بعيونها ابتسمت بخبث: والله لأوريك فيها هين
تالا بهمس: مو الحين لاتتهورين
لارا كانت بترد عليها لكن رن جوالها وكان طلال ناظرت بخبث في تالا:وقت العريس يدخل
تالا بردت اطرافها وبدأت تحس الأصوات من حولها مشوشه
ردت لارا على طلال اللي بالفعل طلب منها تالا تخرج للمجلس
تالا ناظرت بنص عين لصباح اللي كانت تكلم امها وماهي الاثواني حتى وقفت لين واخذت عبايتها وشنطتها بسرعه واتجهت للحمامات(تكرمون ) بدأت تعدل نفسها وفستانها لبست عبايتها وكانت مفتوحه من الامام و واضح فستانها اللي ماسك وبذيل طويل وجزء من شعرها اللي منسدل على جانبها
حطت الطرحة على رأسها بشكل خفيف وخرجت لصباح اللي اتجهت مع ام طلال للمجلس اللي بيدخل فيه صقر
ام طلال ابتسمت لصباح:تفضلي حبيبتي هنا بيدخل المعرس
صباح بخبث وكذب:مشكوره حبيبتي عاد صقر قاعد يوصي اكون بأستقباله تعرفين يستحي وكذا
ام طلال: الله يوفقهم يارب
صباح من دون نفس:امين
ام طلال ناظرت بأستغراب للين:تصيرين لصقر؟
صباح بسرعه وتلعثم:بحسبة اخته
ام طلال مادققت وكانت تضنها اخته من الرضاعه او شي زي كذا:تمام حبي
سمعوا صوت خشن: يمه
ام طلال: هلا حبيبي اهل العريس هنا
عقد صقر حواجبه بأنزعاج لكن عدل ملامحه ورسم ابتسامة بارده
طلال: زين يمه صقر داخل
ام طلال بأحراج: حياك الله عريسنا
دخل صقر بهيبته وحظوره اللي يجبر الكل على احترامه :هلا فيك خالتي
حب رأسها وكفها سلمت عليه ام طلال وهي محرجه منه لكن تزيف الجراءة :تفضل حياك الله
صقر :البقى
تجاهل لين وصباح اللي واقفين بكل برود اتجه للكنبة اللي كانت مقابله لطاولة اللي مجهز عليها كيكه وعصائر من غير الصحون والملاعق وبعض الحلويات المتوزعه بترتيب وتنظيم
لين همست بقهر وحرقه: شوفيه مو معبرني انا والجدار واحد بالنسبه له
صباح بخبث :فشلي الحيه اذا دخلت ابيك تمدين رجلك لها وتطيح تتفشل قدامه
لين بحقد وكره: أوريك فيها
دخلت ام طلال وضربت الباب بخفه تنبه الكل بوجودهم وقف صقر وقلبه فاز معه واخيراً تالا صارت له ملكه حلاله
دخلت تالا والخجل مكتسي ملامحها عيونها بالأرض رفعت رأسها ببطى لكن انصدمت من وجود لين بمنظرها الغير محتشم معها عرفت انها وحده بايعتها وخبيثه بنفس الوقت لكن سرعان ما تحولت نظراتها الى نظرات حاده ممزوجه بالبرود
ابتسم على جنب وهو يشوف الغيره بعيونها الحاده
التفت تالا عليه وسرعان ماكسرت نظرتها للأرض تقدم صقر لها وهي مصنمه مكانها طبع قبله على جبينها وهمس بأذنها: مبروك عليك انا
تالا انصبغ وجهها أحمر همست بحرج: الله يبارك فيك
ام طلال بحرج وهي تبي النحشه من صقر :اعذرني استاذنك مشغوله شوي
صقر:معذوره خالتي
صباح كانت بتأكلهم بعيونها
ولين تحس بنار بقلبها قربت بكل جراءة: مبروك صقر
صقر كانت عيونه على تالا اللي رفعت رأسها له بغيره ماتبيه يناظر للين ابتسم وهو يشوفها ترفع رأسها قرب من أذنها وهمس :مابناظر لها وش ابي بالنجوم دام القمر معي
تالا غمضت عيونها بقوة ونزلت رأسها بأحراج
صقر ببرود مسك يد تالا:لوسمحتوا حابين نجلس وحدنا
لين بنعومه: من عيوني
تالا بدون لاتحس شدت على يده بقهر وهمست: لا ذي تبي اجلده
صقر:ههههههههههههههههههههههههههههههههههههههههههههههههه
لين ناظرته بأستغراب: قلت شي يضحك؟
صقر حب تالا بخدها
اللي كان نفسها تسطره كف على جرائته
لين لفت بغضب تبي تخرج من عندهم لكن الذيبه تالا انتبهت لطرف فستانها رفعت رجلها وداست طرفه
تعثرت لين لكن مسكتها صباح اللي ناظرت لتالا بحقد
تالا بنعومه وخبث:سلمتي؟
لين بقهر التفتت على تالا قربت من أذنها وبهمس: ادري سويتيها عمد
تالا ابتسمت بخبث وبرود مسكت كتف لين بقوة وقربت لين منها وهمست لها: لاتلعبين بالنار تحرقك!
لين ناظرتها بكرهه وخرجت بسرعه وخلفها صباح
تالا نست وجود صقر اللي يناظر لها بضحكه
شبكت يدينها خلف ظهرها وبتوعد: والله البنت ذي واللي معها يبي لهم تسطير محترم
حست بصقر يحضنها صرخت بفجعه: يمههه
صقر انفجع وتركها:اااشبكك؟
تالا التفتت بتوتر وهي منحرجه كيف تصارحه انها نست وجوده معها بهمس:كنت مسرحه عشان كذا
صقر بضحكه: مسرحه كيف بتسطرين صباح وبنت اختها
تالا بحرج:انا اسفه إذا...
قاطعها صقر اللي مسك يدها وسحبها معه للكنبة جلس بهدوء وجلسها بجانبه :تالتي
تالا ناظرته
تعلقت عيونه الحاده بعيونها البندقيه:انا ماعندي بالدنيا هذه غيرك انتي وسعود اخوي
الأحترام يكون لأبوي بس لكن غيره انتي حره فتصرفك معهم واي شخص اقولك وركزي اي شخص يتجاوز حدوده معك الزميه ايها غصب عنه انا للأمانه كنت خايف من صباح ولين االي ناشبة لي انهم ممكن يقدرون عليك لكن الحين انا تطمنت ان زوجتي ماينخاف عليها
تالا بغيره تحاول ماتوضحها مسكت طرف شماغه اللي نازل وبدأت تلعب فيه بدون لاتحس: زين ولين ذي صدق انت كنت تحبها؟
صقر ابتسم: اقص يدي اذا مو هي اللي قايله لك
تالا وقفت لعب بشماغه وناظرته :يعني صدق!
صقر بهمس: قلبي نبض لشخص واحد وهالشخص هو قدامي
تالا دور لها ماتلقونها من الأحراج
صقر مسك يدها ورفعها لشفايفه وهو يطبع قبله خفيفه على كفها:الدنيا اليوم ماسايعتني من الفرحه
تالا((تكفى تكفى لاتتكلم كذا بموت اااه ياربي انقذني من هذا الأحراج اهى اهى ماما ابغى ماما))
سمعت صوت تنحنح دخل طلال بمرح:هااا شرايك بأختي؟
صقر ابتسم وبنفس نبرة طلال: هااا شرايك تفارق؟
طلال بخبث:ههههههههههههههههههههههههههههههههههههههههههههه شكلي شكلي والله اعلم خربت عليكم
تالا جاها بكيه اكثر اثنين جريئين بالحياه اجتمعوا مع بعض عليها وقفت بسرعه تتدارك حالها
ناظرها صقر ورفع حاجبه بأنزعاج
طلال رحمها وهو يشوفها ترجف اتجه لها وحط يده على كتفها: معليش عريسنا لكن خلص وقتك
صقر وقف بهدوء
طلال لف تالا لصقر وحط يده على عيونه:ودعي زوجك
تالا رفعت رجلها وبطرف الكعب داست على رجل طلال بقوة ابعد يدينه بألم
وهو كاتم الصرخه مايبي الهيبه تخترب قدام صقر
صقر مد يده وصافحته تالا
لكن بجرأة
سحبها وسلم عليها بالخد تالا اول مافك يدها انحاشت
وطلال يضحك بشماته وقهر من رجله اللي تشنجت من الكعب
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
حطت الوسادة الخاصه بالرقبة تحت طرحتها كانت صغيره نوعا ما
سندت رقبتها بتعب وكسل
انتبهت على دق خفيف على الباب عدلت جلستها بسرعه: تفضل
دخلت زميلتها:جوان في مريض يبيك بالغرفه ١٨٢ الطابق الثاني
جوان بأستغراب: انا؟
..:اي طالبينك بالأسم
جوان وقفت بهدوء: تمام
خرجت من غرفة المكتب متجهه لطابق الثاني وقلبها ناغزها من اللي استدعاها ركبت المصعد رن جوالها برقم غريب صمتته بعدم إهتمام انفتح المصعد خرجت بخطوات واثقه عكس التوتر اللي بداخلها واللي تحس فيه كان في طبيب واقف يتكلم مع شخص بملابس رسميه ناظرت حولها استغربت الممرات الهاديه والغرف الصامته
تقدمت بتردد وطرقت الباب بهدوء دخلت للغرفه لكن كانت ستائر الأسرة مقفله ومايوضح مين خلفها رن جوالها مره ثانيه كانت بتعطيه مشغول لكن ردت بالغلط وما انتبهت لشاشة الجوال رجعته بجيبها: طلبتوني هنا؟
انفتحت الستائر ببطئ وضح لها شخص سمين واقف قدام الشباك وبجانبه شخص بنفس الملابس الرسميه
التفت بهدوء وعلى شفايفه ابتسامه خبيثه: جوان عاصم ال*
جوان بهدوء: غرفة ١٨٢ اللي اعرفه هنا في مريض؟ بس ما اشوف اي شخص مصاب
تقدم لها بخطوات بطيئه وبسخريه: تدرين انتي سببتي فوضى بالنسبه لنا واضطرينا نرسل خلفك رجال كثيره لكن الكل فشل بالقبض عليك لكن هووبا فجأة ظهرتي من جديد زي ما اختفيتي فجأة عاد المره ذي قلت اجي بنفسي عشان اتأكد انك ماتنحاشين
جوان بدأت تتراجع للخلف وبحده:مرسول من روبيرتو صح؟
بخبث: لا لا روبيرتو مايعرف بوجودي هنا لكن انا اللي ابيك مو هو لأن انا شخصيا مو مقتنع ان احمد مايعرف مكان ملف الموت راح استدرجه لهنا واخذ الملف منه
قاطعته جوان بغضب:ماراح اسمح لك
انتبهت للأبتسامه الساخره اللي ارتسمت على شفايفه اشر بيده ببرود مافهمت معناها لكن عرفتها بعد ماحست بضربه قويه على رقبتها بدأت تشوش الدنيا بعيونها اقتحم الظلام عالمها
طاحت على الأرض
ابتسم بخبث وقرب بهدوء منها ازاح اللثامه عنها صفر بأعجاب: حلوه بنت اللذينا وقف بسخريه بعد مااخذ جوالها من جيبها رفع حاجبه بأنزعاج وقت ماشاف مكالمه جاريه قفله بعدم اهتمام وحطه بجيبه
صورها بجواله صوره ليثبت لأحمد ان جوان معه
خرج بهدوء وناظر لشخصين اللي برفقته:لو طلعت من الباب قتلتكم سامعيني
:ابشر طال عمرك
بدأ يلعب بالجوال بيده واتجه للمصعد وهو متجه للمكان اللي بيستدرج احمد له ويبدأ يحقق معه عن ملف الموت ليثبت لروبيرتو انه قد المسؤولية اللي عليه
عند جوان اللي فتحت نص عيونها بشويش وناظرت حولها كان الباب مقفل بأحكام عدلت جلستها ومسكت رقبتها بألم بعد مانزلت الوساده اللي نستها من اول واللي امتصت جزء كبير من الضربه والخبل االي ضربها ماانتبه اذا ذا رقبة انسان او لا
تربعت مكانها وهي تدرس الوضع وتحلل اللي يصير ناظرت للباب وناظرت لشباك قامت بشويش وقبل لاتقوم شالت الجزمه اللي برجلها(تكرمون ) بدأت تمشي على اطراف اصابعها للشباك فتحته ببطى كبير تنفست بعمق وناظرت للأسفل بلعة ريقها بخوف وتسليك لنفسها((جوان المكان مو مره مرتفع انتي قدها بس اوووف )) قربت بشويش من العدة الطبيه الموجوده بدولاب حديد قريب من الباب فتحت بشويش اخذت مقص منه ورجعت ببطئ اتجهت لأخر سرير بالغرفه بعيد عن الباب وقفت فوقه وبدأت تقص الستائر بحذر جلست على السرير بعد ما اخذت الستاره كامله وبدأت تقصها لأكثر من قطعه وكل قطعه تربطها بالثانيه بقوة((ههه جوان يا الخبله لو بتقلدين فلم شفتيه الله يرحمك بس شسوي عاد الحياه تجارب الله يرحمني))
ربطتها بالسرير اخذت جزمتها ((تكرمون)) رمتها بالأرض تأكدت مافي احد حولها كان المكان مظلم واللي يضويه بعض الإنارة الموجوده بالممر الخارجي
تشهدت جوان وتأكدت ان الحبل اللي صنعته موثق بالسرير ركبت على حافة الشباك ببتردد وبدأت تنزل لكن جتها ام الركب ونشبت ماقدرت ترجع تتسلق او تكمل تنزل صارت معلقه بالهواء ودموعها اربع اربع
بنفس الوقت والمكان وقف بسرعه كبيره نزل وهو يركض لداخل صعد الدرج لان ماعنده وقت للمصعد اتجه لدور الثاني واللي كان مليئ بالممرات بدأ يركض ويدور على الغرفة ١٨٢
مر بسرعه من احد الممرات لكن انتبه لشخصين واقفين رجع للخلف دخل غرفة عشوائياً وكانت مكتب اخذ البالطو الابيض لبسه بعجله سحب كمامه طبيه اخفى فيها نصف ملامحه
اتجه بسرعه للغرفة اللي فيها جوان والغضب مسيطر عليه ((تصرفي معك يامحمود بيكون قاسي وجداً ))
انتبهوا الشخصين له لكن ما كان عندهم اي فرصه امام غضبه وعصبيته بدأو عشوائي يوجهون لكمات له بكل قوة مسك يد واحد ولفها بعنف حتى سمع صوت طربقات عظامه دف بقوة للخلف
تراجع الثاني بخوف لكن ماحس الا وهو طاير بسبب الركله اللي توجهت له
ناظرهم بقرف وفتح الباب بسرعه وهو يناظر بالغرفه فاضيه انجلط وقت ماشاف الشباك مفتوح وفي شي معلق منه
قرب بسرعه ناظر بالسرير وبالرباط اللي فيه واللي كان على وشك التمزق ركض لشباك ومسك الربطات بقوة وبخوف:جوان
جوان رفعت رأسها لفوق وهي تشاهق :اهى كيف تعرف اسمي
بدأ يسحبها لفوق
جوان ببكى:يدي ماتتحمل اكثر
صار يسحبها اقوى وبقوة وهو يرص على اسنانه:تحملي ثواني بس حتى امسك يدك
جوان كانت تعني كل كلمه قالتها يدينها ماكانت قادره تشيلها اكثر غمضت عيونها بأستسلام وانفكت يدينها اللي صارت ميته من التعب
مسكها بأخر لحظه رفعها بسرعه طاح على ظهره بالأرض مسكه بألم
طاحت جوان بجانبه على وجهها
التفتت عليها وبقلق:انتي بخير؟
لكن ماكان في اي رد من جوان
مسكها بكتفها ورفعها بخوف:جوان جوان ردي بنت
شالها بحضنه وركض فيها خرج من الغرفه لكن انصدم من عدم وجود الشخصين بالممر عرف انهم هربوا واكيد رجال محمود القريبين متوجهين للمشفى
عدل جوان بين يدينه وبدأ يركض فيها متوجهه لمخرج الطواريء نزل بحذر وتوجه للمواقف الداخليه للمشفئ
تلفتت حوله وانتبه على سيارة إسعاف وكان شخص نزل منها ودخل للمصعد
ركض للسيارة فتحها وانفتحت اتجه للخلف وركب جوان
وقفل الباب ورجع بعجله لمكان السائق ركب وشغل صفارة الإسعاف وحركها خارج من المشفى ومن المكان بكبره
قطع مسافه كبيره
رفع جواله واتصل بأحد رجاله اللي يثق فيهم:جهز لي سياره في*** بسرعه
وقف سيارة الإسعاف على جنب ونزل
فتح الباب الخلفي وصعد بجانب جوان الممده
بدأ ينده بأسمها: جوان جوان
استجابة جوان له فتحت عيونها بشويش وكانت عيونه الرماديه اول شي تشوفه فزت بقوة ارتطم جبينها بذقن جاك الي جاه دوخه من الضربه
جوان بألم:رأسي اهه
جاك مسح ذقنه بألم: انتي بخير؟
جوان تلفتت برعب:لا لا يكون مت وذا كله حلم وش موديني سيارة إسعاف
جاك هز رأسه بيأس منها
نزلت بسرعه لكن قمطت العافيه من الظلام اللي حولها
نزل جاك معها قفل الباب وسند نفسه على الطرف
جوان برعب:اا حنا وين؟
جاك ببرود:طريق مهجور
جوان برعب قمزت:هااا يمامي منجدك
جاك :اعتقد مو وقت مزح الحين ولا؟
جوان :لا
جاك بسخريه: ليش خايفه انتي!!
جوان بكذب وشجاعة زائفه:ههه انا اخاف؟ لا طبعا
جاك:كويس
جوان التتفت صوبه وهي بالكاد تميز مكان وجوده :وش اللي كويس؟
جاك ببرود: سمعت ان هنا مقبره قريبه
جوان صرخت: بسم الله
جاك عاجبه الوضع: لا المصيبه مو هنا
جوان لطمت وجهها:يانهار اسود المصيبه بعد هو في مصيبه غير االي احنا فيها!!!
جاك بضحكه حاول يكتمها:لا يقولون هنا تعرفين ذاك مدري وش اسمه ناسيه بس هو يحرس القبور وكذا
جوان برجفه وخرعه: اي ذا بشري عادي
جاك:هو كان بشري لكن اتقتل وصار شبح هنا
جوان بصوت يرجف:اهبل انت؟ ياحبيبي الاشباح مافيه هذا اول شي ثاني شي مات الله يرحمه ويغفر له روحه تروح لعالم البرزخ ماتقعد تتجول حول المقبره
جاك كانت معلومه جديده بالنسبه له بأستغراب: عالم البرزخ؟
جوان بلعة ريقها بتوتر: اي
جاك باهتمام: مو الشخص اذا مات روحه تنولد بطفل جديد؟
جوان تلفتت حولها لايطلع لهم شي من المقبره:لا في دين الإسلام معروف ان الشخص اذا توفى ينتقل لعالم البرزخ اللي ينتظرون فيه المسلمين يوم القيامه
جاك:اها
جوان برعب ووشوي تبكي:عشان كذا مافي شبح لكن في جن
جاك ببرود جلطها :عادي واذا خرج لنا
جوان ضربت يدينها ببعض وكانها تنفضها: لا والله انت بايعها
ياخي اقولك جني تقول عادي؟ على فكره تراهم يقدرون بغير المسلمين
جاك ببرود: ديانتي الإسلام
جوان سمعت صوت خطوات ما انتظرت حتى يوضح لهم وش
صارت تنطط مكانها برعب: ممممااااااااممممممااااااااااا
جاك ارتاع من صراخها وكان بيطيح على جنبه لأن توازنه اختل
:what happened?
(ماذا حدث؟)
جوان برعب: Please let's go now I can't stand standing here
(أرجوك لنذهب الان لا أستطيع الوقوف هنا)
جاك مسك رأسه :اهدي طيب
جوان ببكاء: رجعني اهى مااااماااا
جاك طق له عرق من صياحها بصوت حاد:ارجعك لمحمود؟؟؟
جوان سكتت لثواني وبعدها استوعبت اساس كانت بتنخطف من محمود:لاتصارخ علي اهى
جاك بصدمه: متى صرخت انا؟
جوان سكتت بعد ماسمعت صوت نباح كلاب قربت من باب السياره وصارت تحاول تفتحه ويدينها ترجف من الخوف
ابعدها جاك عن الباب وفتحها بقوة
جوان من بين شهقاتها: نمشي من هنا
جاك تنهد بضيق: ما اقدر ذا المكان الوحيد اللي ممكن تكوني سليمه فيه اكيد محمود وزع رجاله بالطرقات لكن اذا وصلت سيارتي عندها بتصرف
جوان مسحت دموعها: يعني الحين انت تنتظر سياره؟
جاك :بالضبط
تنهدت براحه: اشوا
انتبه جاك لنور سياره من بعيد سحب جوان وقفل الباب وتخبئ بالجانب الثاني لسياره بعد ما اخذ مسدسه
وقفت السياره خلف الإسعاف سمع صوت يناديه:سيد جاك
جاك تنهد براحه: خليل تعالي
تحركت جوان بانصياع ركبت بالخلف وركب جاك بجانب خليل
:قدرت تتواصل مع احمد؟
خليل: لا جواله خارج التغطية
جاك:اتجه ل***
خليل: حاضر
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
سحبت اللحاف بعجله عن ايلاف وهي تصارخ :قووومي بسرعه بسرعه اهل وائل جاين
فزت ايلاف بفجعه :هااااااااااا هنا!!
سجى بأنزعاج وبصوت كله نوم: كذابه بالمزرعه وش جابهم لنا
ريوف:يالمقروده نسيتي مين جيرانا ؟؟
فتحت عيونها سجى وهي تتذكر مزرعة وائل اللي بجانبهم
فزت بسرعه
ريوف جلست بيأس على الكنبه:ضاقت بكم الدنيا كلها ومانمتو الا بغرفة الضيوف؟
دخلت الخادمه وسحبت الفرش والمخدات خرجتها
ريوف:بعدين وش ذا اللي بشعرك انتي وياها؟
سجى تحسست رأسها:ياويلي رأسي كله عصير
ايلاف مسكت شعرها اللي يابس من السكر :ورأسي مو أحسن منه
سجى بنرفزه: كله منك حطيتيه فوق وانكب علينا كله منك
ايلاف :لا والله حطيها فيني مين الهبله اللي سندت نفسها بقوة على الكنبه
سجى:غبيه انتي تحطين العصير بمكان مو قاسي صح اكيد بيميل وي..
قاطعتهم ريوف بغضب:قوموا اسبحواااا
فزت ايلاف وسجى يتسابقون على الحمام اللي بغرفتهم العلويه
سجى بصياح:والله انا اللي اول مالي صلاح
ايلاف تجري وراها:هاها احلمي
دخلوا الثنتين مع بعض للغرفة وقفوا عند باب الحمام ناظروا ببعض وبنفس الوقت:حجره ورقه مقص
ايلاف ورقه وسجى مقص
سجى بفرحه:يس اناا
ايلاف بتأفف:بسرعه اخلصي
سجى :بالله جهزي لي لبس
ايلاف دفتها لداخل:زين زين اخلصي علي
دخلت سجى ورجعت ايلاف تجهز ملابس لها ولسجى
دخلت سوزي اللي بيدها مبخره تبخر:بنت ماخلصتي؟
ايلاف بعصبيه مكتومه:لا انتظر سجى تخلص علي بغسل كشتي ذي
سوزي: ياويلي الجماعه وصلوا قوومي لغرفة جدي اسبحي بحمامه
ايلاف حكت رأسها بكسل:لا مايحتاج عادي حتى لوتاخرت شويه
سوزي:زين بكيفك بروح ابخر المجلس الخارجي
ايلاف:ليش طلعتي هنا؟
سوزي فتحت درج التسريحه وخرجت علبة بخور:عشان ذا
ايلاف بأستغراب: اما ذا من متى هنا عمري ماشفته
سوزي :مدري بس امي قالت لي اخذ منه ابخر
ايلاف هزت رأسها:اها
سوزي نزلت بسرعه متجهه لمجلس الرجال دخلت دايركت بدون لاتناظر يمينها او يسارها حطت المبخره بالأرض ونزلت نفسها وبدأت تحط البخور :الله ريحته تهبل وينه ذا من زمان
مسكت شعرها كله على جنب وبدأت تبخره وقفت وبيدها المبخره تبي تدور فيها بالمجلس كامل
لفت لكن شهقت بصدمه وانخطف لونها وهي تشوفه منسدحه بالزاوية وحاط يده على عيونها وكأنه نايم
ضربة جبينها وهي تعصر ملامح وجهها وكأنها تبكي بدأت تتسحب بشويش لطاولة وحطت المبخرة عليها وركضت مباشره للخارج تعكرفت عند الباب كانت بتطيح لكن مسكت بمقبض الباب بقوة
التفتت ببطئ لايكون صحى لكن بنفس وضعه مسكت قلبها وهي تتنفس براحه نقزت من العتبه وركضت لداخل
ابعد يده عن عيونه وجلس وهو يضحك على حركاتها
بضحكه:لوتدري اني صاحي من البدايه وش بتسوي؟
ههههههههههههههههههههههههههههههههههههههههههههه
دخل سلطان وبيده القهوه والشاي بتفاجئ:اووه مشاري هلا والله
مشاري وقف لسلطان: هلا بك
سلم عليه سلطان بعد ماحط اللي بيده على الطاولة: اخبارك عساك طيب
مشاري:الحمدلله طيب انت اخبارك
سلطان :بخير جعلك في خير غريبه جاي وعندك شغل وكذا
مشاري عدل شماغه: ابد والله عندي أوراق لازم اوقعها من المكتب اللي هنا وراجع ان شاء الله
سلطان:بالله مابتريح اليوم هنا؟!
مشاري: لا والله قلت أمركم كلمت جدتي وقالت الكل بالمزرعه
عاد جيت اسلم وامشي
سلطان: الله يسلمك زين دامك عازم امرك لازم تتعشئ هنا وبعدها الله يسهلك
مشاري:في ضيوف؟
سلطان: اي وائل زوج ريوف هو واهله
مشاري: الله يحييهم
سلطان:الله يبقيك
دخل مهند اللي يكلم بالجوال:والله يامتعب انحاش الله لايوفقه
..ياخي وش اسوي فيه فقس من يدي ...انا تقطع قلبي وانا اجري وراه تعبت ..انا دايم مظلووم اهى طيب طيب
انتبه مهند لمشاري بفرحه:مشاري هلا والله بخوي اللي بيفزع معي
مشاري رفع حاجبه: لا والله اقول توكل بس
مهند التفتت لسلطان ومسك يده :ساعدني سلطان
سلطان دفه :ابعد اقول ذي سوالفك كل مره نجيب خروف ينحاش منك غبي انت؟
مهند بعصبيه: انتم السبب بكل مره ترسلوني
صد بزعل واتجه للخارج شمر اكمامه بغضب وبدأ يدور له
..
وصل وائل واهله واستقبلوهم اهل ريوف
متعب واقف مع الجد بالخارج أشر لوائل اللي يسوق فيهم لمدخل الحريم نزلهم ورجع لرجال بعد ماوقف سيارته عل جنب
الجد:ياهلا ومسهلا أرحب
وائل: هلا بكم زود
متعب :تفضل استريح
وائل: زاد فضلك
متعب تلفت حوله يدور لمهند اللي راح وضاع((بمعنى تأخر مره))
سلطان وقف يقهويهم بحكم ان مهند المسكين مو موجود
الكل فجأة سمع صراخ من الخارج حط سلطان الدله وركض وخلفه متعب ومشاري
الجد استحى يقوم ويترك وائل
رجع مشاري وسلطان وهم منحرجين وماسكين الضحكه
على ايلاف اللي تصارخ وتركض والخروف يلاحق وراها ومهند يصارخ لها تمسك الخروف وايلاف منحاشه تركض
بصياح:غغغغبببببببببيييي كيفففف امسكككككههههه يمااااااامااااا
مهند انهد حيله من الركض: ياحماره لفي عليه هو بيخاف ويوقف
ايلاف كملت ركض ولاعليها من مهند اللي يحاول يقنعها تساعده يمسكون الخروف
شويه وتبكي :ياربي وانت ربي ياربي سترك من هالخروف
متعب مسك رأسه من الفشله كل اللي يبيه يمسك ايلاف ومهند ويجلدهم
لكن انتبه للخروف اللي قرب من ايلاف صرخ عليها:ايلاااااف انتبهههههيي
ايلاف التفتت:هاا اااااااااااءءءءءءءء
حست نفسها بالسماء فجأة وقف الخروف يناظر لأيلاف اللي تشقلبت وعلى ظهرها طاحت بقوة قامت بألم وهي تبكي خوف
اكثر من انها متوجعه
:ظهري
ركض لها متعب ومهند نط على الخروف مسكها خرج الجد اللي سمع صراخ متعب على ايلاف وخاف وسلطان الود وده يخرج لكن مايقدر
متعب كان ماسك ضحكته بصعوبه كبيره
مسك ايلاف ووقفها بيدها :سلمتي؟
ايلاف بصوت باكي: ظهري متعب ظهري
مهند بصراخ:سلطان تعال ساعدني اذبحه
ايلاف بفجعه :هيااااا لاتقتله قدامي اقتلك انا انتظر حتى ادخل
الجد:دوبك متسبحه صح
ايلاف ببكيه قهر ودراما:اي ياجدي ما مداني اطلع واجفف شعري الا وجوالي يرن وهذه المقرود يتصل بي رديت واذا هو يستنجد فيني تركت كل شي بيدي ونزلت اركض كنت بخرج بوجهه وائل واهله لكن ضربة بريك وخرجت من باب المطبخ
واذا هو المقرود واقف قدامي قلت له ها عسى ماشر
عاد انا تخيلت اجي ورأسه مفلوق دمه طايح سايح اي شي بالاخير يقول ساعديني امسك الخروف؟ بالله يايبه وجهي وجه وحده تطارد خروف تمسك شفت اللي صار الخروف هو اللي طاردني وفوق ذا طيرني اهى اهى الله لايلعنك يامهندوه
متعب:ههههههههههههههههههههههههههههههههههههههههههههههههه اهخ ياصرم قلبي على اختي
ايلاف بكت :اهى اهى تضحك علي لأن مو انت اللي متعور اهى ابعد عني لاتساعدني اهى ظهري الله يجعلك تزحلق وتتشقلب يامهند يارب يطيح
مهند بصراخ:سلطان تعال ساعدني بسرعه لاينحاش مره ثانيه
ايلاف بصراخ هي الثانيه: اصبر اصبر ادخل داخل لاتخرج الحين اصبر
متعب اتجه لها بسرعه وشالها بخفه وتحرك بخطوات سريعه حطها عند باب المطبخ: ادخلي الحين
ايلاف صدت بزعل:على اني زعلانه منك بس شكرا بارك الله فيك
متعب مسح على رأسها بحنيه ورجع لمهند وبتوعد:شورك معي بعدين
سلطان خرج للخارج يساعد مهند بالخروف
بينما ايلاف رجعت تتسبح من اول وجديد
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
انسحبت بهدوء من بين البنات اللي يرقصون بخبال وحماس
ناظرت بجوالها اللي يرن ردت بهمس:الو
:طال عمرك الشخص اللي نراقبه
روز بقلق:اشبه؟
:في سياره بأربعة اشخاص مسلحين وقفوه على جنب ونزل واحد منهم له تكلم معه بعدها تغفله من الخلف وحط قطعه قماش على انفه واخذوه معهم
بصدمه:انخطف يعني؟طول بعرض وينخطف!!
:اي مع الأسف حاولنا نتدخل لكن كان السائق ابرع بكثير
روز :تمام مشكور اذا وصلك اي شي جديد بلغني
:ابشري
روز قبل لاتسكر:دقيقه عارفين رقم لوحة السياره؟
:اي ****
روز :شكرا
قفلت منه وابتعدت اكثر عن المكان الصاخب اتصلت بأكين :الو
اكين: جيد كنت اريد الاتصال بك لقد تعقبت السياره التي تحمل اللوحه ****
روز بصدمه:حقا كيف عرفت؟
اكين:لقد طلبت مني الآنسة وديان ذلك
روز:جيد والآن اين هي؟
اكين:لقد ذهبت **** وعندها اختفت عن الانظار لعدم توفر كاميرات مراقبة بالشارع الثاني
روز:اللعنه
اكين بجديه:ولكن مايبدو لي ان الرجل المدعو بالشمس له علاقه بالأمر
روز:لماذا؟
اكين:لقد رصدت تحركاته من نفس الطريق والاتجاه ولا اعتقد ان هذه مصادفه
روز بتفكير:بالطبع لم تكن مصادفه شكرا لك
قفلت منه بسرعه واتصلت بالاشخاص المسؤولين عن مراقبة تحركات محمود
:الو مرحبا
:أهلا سيدتي
روز:هل انتم بالتتبع؟
:اجل سيدتي لقد خرج من المنطقة
روز:حسنا اريد الموقع حالآ وارجو الإنتباه بالأماكن المجاورة
:حالاً سيدتي
قفلت روز بضيق جلست على الكنبه بالصاله الداخليه وهي ماسكه رأسها بتألم
انتبهت لها لارا اللي كانت خارجه تشرب وترجع قربت بهدوء: روزي وش فيك؟
روز رفعت رأسها للارا:لارا ابي حبوب احس رأسي بينفجر من الصداع
لارا:بسم الله عليك والله من دخلت من الباب وانتي مو عاجبتني
روز((اههخ شقولك ييالارا كنت جايه من حافة الموت؟)):مصدعه شوي
لارا:ثواني واجيب لك
روز هزت رأسها بالأيجاب ورجعت مسكته بيدها وهي تضغط بقوة عليه
رجعت لارا وبيدها حبوب وماء لروز :روزي تطلعين تريحين بغرفتي؟
روز((دقيقه يبي لي اصعد عشان اغير ملابسي وبعدها استأذن اي مافي الا كذا لو قلت بطلع اغير بتستغرب بعد ما استأذن ابدل ملابسي هنا وانا رايحه للبيت؟)) ابتسمت روز:ياليت
لارا:زين حبيبتي اعتبري البيت بيتك
روز وقفت: مشكوره ياعيني
لارا ربتت على كتفها: مو بينا
صعدت روز لغرفة لارا ودايركت لغرفة الملابس اخذت الكيس وخرجت ملابسها اللي فيه وبدأت تلبس وتستعد للمهمه اللي تنتظرها
لبست عبايتها وطرحتها لتغطي شعرها اللي رفعته وثبتته
نزلت بهدوء وبعد وماوصلت اخر الدرج رنت على لارا :لارا تعالي الصاله
لارا:ابشري
خرجت لارا :روز ليش لابسه عبايتك؟
روز :انا راجعه والله مره مصدعه ارتاح و وقت ثاني ان شاءالله اعوض
لارا ماحبت تضغط عليها: تمام ياروحي الله يحفظك
روز:سلمي لي على البنات واعتذري لي منهم
لارا:معذوره
روز:يلا مع السلامه
لارا: بحفظ الله
وصلتها لارا للباب ورجعت للبنات
خرجت روز بسرعه وركبت سيارتها شالت عبايتها وطرحتها وعدلت الكاب والكمام حركت من قدام البيت اهتز جوالها برساله فتحتها كان الموقع
روز بتأفف:لا إله إلا الله وين راح الله لايوفقه ثلاث ساااااعات طريق؟ههه وفوق ذا مصدعه
انتبهت لكوفي بجانب الطريق وقفت عنده نزلت الزجاج: دبل اسبريسو
الموظف: ثواني اخوي
روز بدأت تناظر بالخريطه وهي تدور طريق مختصر لتوصل بسرعه
انتبهت لصوت الموظف اللي يناديها:لوسمحت طلبك جاهز
اخذته روز وحاسبت:شكرا
حركت بسرعه ماسكه خط لمحمود ورجاله
وبيدها الاسبريسو تبرده قدام المكيف
اخذت رشفه منه:ااا الله يديم النعمه ياطعمه اااخ لو ماصحصحت وتنشطت ياويلك يافصيل مني
تأكدت انه برد تمام مسكت طرف خشمها وشربته دفعه وحده معاملته معاملة الدواء
:كح اااااااا لساني
اخذت مويه وصارت تشرب لتزيل مرارته
عدلت جلستها :ونبدأ بسم الله
رن جوالها ناظرت المتصل وديان ردت بسرعه: الو
وديان: روز توجهتي لمحمود صح؟
روز بكذب:انا بالملكة ليش؟
وديان تنهدت براحه: اشوا لاتفكرين تروحين وحدك ساامعه المكان خطير واحمد ممكن مايثق فيك لأن كل اللي برأسه الحين جوان سااامعه!!
روز بهدوء: طيب لارا تنادي باي
قفلت بدون لاتعطي وديان فرصه انها تتكلم او ترد
وديان ناظرت بجوالها: والله يانبرة صوتك تقول غير كذا
اتصلت وديان بمساعد:الو وينك؟..طيب حلو اسمع ابيك تجخز قناصين وترسلهم يدعمون روز من الخارج ..الان برسلك موقع الاحداث ..استعجل لطفاً
قفلت من مساعد ولبست بنطلون اسود وهودي اسود واسع مو واضح بنت ولا ولد اخذت مسدس وحطتها بخصرها لبست كاب بعد ما رفعت نصف شعرها والباقي على رقبتها
حطت قبعة الهودي على الكاب الأسود لبست كمام طبي ماعندها غيره وخرجت بسرعه
ركبت الدراجه الناريه وانطلقت للموقع((ما راح اعرضك للخطر ياروز اكثر هذا جدي وانا اللي بتحمل افعاله المعفنه هذه))
ثبتت السماعه بأذنها وفتحت الموقع وبدأت تمشي على توجيهاته وقلبها ناغزها وتحس بعدم راحه
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
فتح عيونه على الماء البارد اللي حس فيه
نفض رأسه بهدوء وناظر بحده بمحمود اللي جالس قدامه على كرسي
:واخيرا حضرة الاستاذ فاق
بسخريه ابتسم: والله من مخدرك القوي ذا
محمود بخبث: اهلا اهلا بأحمد
احمد:الله لايهليبك يارب
محمود عقد حواجبه: الحين هذا اعتبرها سبه مدح ولا ايش؟
احمد بسخريه: اللي يعجبك
محمود وقف ببرود وبيده عصا خشب :والحين نترك الترحيب بك ونجي لموضوعنا
احمد رفع حاجبه ببرود وبنظرات حاده: مابينا مواضعي
محمود ابتسم على جنب وبصوت حاد:موضوعي معك ملف الموت ياسيد لو اعطيته لي راح اقنع السيد روبيرتو يطلق سراحك
احمد بغضب :قلت لكم مليون مره الملف مو معي اغبياااء ماتفهمون؟!
محمود رفع العصا واعطاه ضربه قويه على ذراعه
احمد رص على اسنانه بألم ناظر لمحمود وبسخريه: تدري وش اكبر دليل على ضعفك وعدم قدرتك؟! كونك مربطني لو انت رجال فك رباطي
محمود خرج جوال جوان من جيبه ببرود :تعرف صاحبته!!
احمد ناظره بتفحص: جوان؟ دقيقه وش جابه معك
محمود بغضب :شوف ترا اختك معي
احمد توسعت عيونه: نعم جوان!!
محمود بخبث: اي ليش عندك غيرها؟!
احمد بعصبيه وغضب: اقسم بالله لو أذيتها يا محمود لأوريك نجوم الليل بعز القايله والله العظيم ماتركك ياعديم الرجوله
محمود رفع العصا بقوة وبدأ يضربه بعنف
تعب ورجع لكرسيه جلس وهو يناظر لأحمد اللي منزل رأسه
ابتسم برضا بعد ماشافه يبصق دم من فمه لكن سرعان ما تلاشت ابتسامته بعد مارفع رأسه ومن بين خصلات شعره المبعثره كانت عيونه الحاده بعيون محمود
نظراته اللي كانت كرصاصه اخترقت قلب محمود من الخوف والرهبه
بلعة ريقها بتوتر وبصراخ يحاول يخفي خوفه:تكلم قلت لك
احمد ابتسم على جنب وبصوت هامس :بقولك بس بشرط
محمود بفرحه:كنت متأكد انه معكم
احمد رفع حاجبه بخبث:اقرب اقولك وحدك ما ابي احد يسمع
محمود: طيب
قرب محمود أذنه من فم احمد الي همس :الملف
محمود قرب اكثر: ايوا
احمد بكل قوة وغضب مسك أذنه بأسنانه وبدأ يضغط بقوة وغضب وحط حرته كلها بأذنه
محمود انجن وهو يصارخ قرب واحد من رجاله وبدأ يضرب احمد بعنف حتى فقد وعيه ومال رأسه على كتفه
ابتعد محمود اللي ماسك أذنه بوجع ناظر له وبكره:احسن ياحيواااان اتركوه بدون شرب او أكل يخيس ويموت هناا
الكل:حاضر طال عمرك
خرج محمود وهو ماسك اذنه بألم ويده تلطخت بدمائها اللي تنزف بغزارة
ومحمود قلبه طايح من الدم اللي يخرج منه
ركب مع سائقه الخاص متجهين لأقرب مشفى
.
.
.

︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
رأيكم توقعاتكم!؟

مقتطفات
-انفجعت من الشخص اللي قدامها وكله دم
صرخت بقوة: ممججججررررررمممممممم ماااامممماااا

-مسكت وجهه وهي تضربه على خفيف:اصحى اصحى

-من بين انفاسها التاعبه: قلت لك خذها انا بتصرف هنا

-رفع مسدسه وصوبها بعد ما اطلقت طلقه عليه لكن اخطأت الهدف

-التفتت بصدمه على الرجل اللي طاح خلفه ناظرها وعيونه متوسعه :سوء فهم!