((أعتذر على الاخطاء الاملائية))
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
يوم جديد على ابطالنا
وبتحديد على بطلتنا جود اللي كانت واقفه عند الباب الرئيسي للبيت وتحضن امها وابوها اللي كانوا متجهين للمطار بعد اصرار جود عليهم يسافرون يغيرون جو وهي بتبقئ كانت مجهزه لهم كل شي من حجز تذاكر لحجز فندق لكل شي..
ام جود بحنيه:انتبهي لنفسك ياروحي
جود حبت رأسها:من عيوني يمه
ابوجود قبل جبين بنته وبحنيه:استودعتك الله
خرجو وعيون جود تراقبهم ابتسمت بحب((استودعتكم الله الذي لاتضيع ودائعه))قفلت باب البيت جلست على الكنب الموجود بالصاله وسرحت بتفكيرها بعيد ابتسمت لا أرادي وهي تتذكر او لقاء لها مع فيصل يوم سافرو اهلها تذكرت برودة ولعبه بأعصابها وقت ماراح فيها المشفئ ووو انتبهت لنفسها ضربة خدها بخفيف:جوود اصحي على نفسك ذا فيصل لاتنسي وش سوا لك وش عانيتي بسببه
هزت رأسها وهي تنفي الافكار برأسها اخذت جوالها واتصلت بنور
نور:هلا والله
جود:هلابك زود اخبارك!
نور:والله الحمدلله طيبه كيفك انتي!؟
جود:الحمدلله شرايك تجيني اليوم ونسهر للفجر!؟بكره الجمعه ويكند لك صح!
نور بتفكير:امممممممم بشوف الاوضاع وارد لك
جود:تمام انا بكلم البنات كلهم يتجمعون عندي امي وابوي سافرو
نور :بالله متى!
جود :قبل شوي
نور:الله يحفظهم يارب
جود:امين وياك يارب
نور:يلا باي
جود:بايات
قفلت الخط من نور واتصلت برنا :
الو رنوش
رنا بحماس:هلا والله جود اخبارك يالقاطعه
جود:والله طيبه اخبارك انتي
رنا:تمام الحمدلله
جود:تقدرون تجوني اليوم!
رنا:ها
جود:اقول تقدرون تجوني اليوم!
رنا:والله مدري
جود :بليز تعالو وجيبو بنت خالتكم نتعرف عليها وكذا
رنا:والله من عيوني بكلم الجازي واشوف لها
جود:اقول اسحبيها معك كذا يعني عشان متحمسين نتعرف عليها!
رنا:هههههههههههههههههههههههههه ابشري ابشري
جود بضحكة: تسلمي يلا باي بكلم الباقي
رنا:بايات
كلمت لارا ووديان باقي روز اتصلت عليها وصلها صوت روز:هلا والله بشيخة البنات
جود بحرج:هلا فيك ياروحي كيفك!
روز:والله الحمدلله انتي كيفك اخبارك!
جود:طيبه ياعيني روزي
روز:عيونها
جود:فديتها تعالي عندي البنات بيجتمعون ..سكتت لحظات وهي تسمع لصوته اللي تحس اشتاقت له
:يمه تأمريني على شي
روز:الو جود
وقف فيصل مكان بعد ماسمع اسمها جلس يعدل حبل جزمته(تكرمون)كتصريف له
جود :اا اي اقولك تعالي لي البنات بيجتمعون عندي
روز:حلو دقيقة فصيل فصولي
فيصل وقف ولف لها:فصيل اصغر عيالك انا
روز:هههههه قبل لاتخرج ابيك توديني عند جود
فيصل فز قلبه:وسيارتك وينها!
روز بربكه:سيارتي عند المهندس
فيصل:والسواق وين؟
روز:ياليل خلاص اذا ماتبي توديني قول لا
رجعت تكلم بالجوال:جود معليش ما اقدر اجيك مافي ..
قاطعها صوت فيصل اللي جلس على الكنبه:ربع ساعه بس اذا مانزلتي امشي ترى
روز نطت بحماس:فددديت الاخو الكفو جود جهزي القهوه جايه
جود:حيلك بأنتظارك
قفلت منها وهي تتحس قلبها غمضت عيونها بقوة :اوف ياربي وش فيه قلبي يدق كذا
قامت جود تجهز للبنات بمساعدة الخخدم
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
كان جالس بالجلسة الخارجيه والقريبه من المسبح وسرحان يفكر ((ليش كانت بالقارب او بالاصح وش تدور عليه؟ليش حطت نفسها بموقف خطير زي كذا!لازم اتأكد اذا هي نفس الشخص او لا لازم مو مصدق الجراءة الي عندها بدرجة ذي انا كنت خايفه على الرغم من اني رجل لكن هي))قاطعه تفكير صوت صديق عمره اللي ناداه :سعود!وشفيك؟
سعود ابتسم له:هلا هلا لافي شي شاغل تفكير شوي
ابتسم له:عسى ماشر بس
سعود:لا ماشر بس تاكدت من شكوكي فقط
ناظره بحمااس:منجدك انت اللي ببالي ببالك!!!!
سعود بضحكة:اسمع السالفه اللي صارت لي امس انا صح رحت مهمه و ........الخ
توسعت عيونه بصدمه:والله بنت عن الف رجال صدق
سعود بسرحان:اي والله
....:طيب وش بتكشف شخصيتها؟
سعود:لا ماراح اتدخل
ابتسم له:كفو
رن جواله ورفعه :الو ...يوووه نسيتك...لا ياويلك مني ...جايك بالطريق قفل وقف بسرعه
سعود:ماتغيرت
هز رأسه بيأس :لا ولابتتغير
سعود ربت على كتف بعد ماوقف بجانبه:بتغيرها الأيام ياخوي
ابتسم له وخرج من عنده بسرعه...
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
قربت يدها بخوف وحذر وربتت على رأس الفرس اللي قدامها رجعت بسرعه على وراء
ايلاف بضحكة:افا للحين تخافين منهم؟خبري كنتِ محترفه بركوبهم
سجى بتسليك:هه لاوين خايفه
ريوف:من يوم طحتي من فوق الفرس ليومك ذا تخافين منهم!
سوزي:سجى سنه يالظالمه المفروض تكسرين خوفك ذا فاااهمه علي!
سجى:اي زين زين تعالو ندخل لداخل قبل يوصلون ضيوف العيال
ايلاف:يلا
تحركو البنات لداخل بس وقفو على صوت الجد اللي كان جالس بالجلسه الخارجيه مع بناته وعيالهم
ريوف:يافديت ذا الصوت مدري كيف امي اقنعته
سجى ابتسمت:خالتي اذا نوت نوت كفو والله
سوزي:تعالو ينادينا
اتجهو البنات لهم وبصوت واحد:السلام عليكم
الكل:وعليكم السلام
الجد:ياهلا والله ببنياتي
مهند بنص عين:اي ياجدي على كثر ماجيناك انا والعيال عمرك ماقلت هلا بعيالي الله يسامحك بس
ريوف:شف شف الغيره
سلطان كانت عيونه على ايلاف الهاديه على غير عادتها حس فيها شي متعود عليها دايم ترد على مهند متعود على حيويتها وسوالفها اللي ماتنمل لكن المره هذه شاف التعب بعيونه بس من وش مايدري!
الجد:شرايكم نشوي اليوم!
متعب:اليوم ياجد عندنا ضيوف لكن بكره ان شاء الله ابشر من الحين ارسل ابوصالح يجهز العده كلها
الجد ابتسم له:تسلم والله ..التفت لايلاف وأشر بجانبه وهو يدف مهند :قم قم خل اختك تجلس هنا
مهند بعصبيه طفوليه:الحين سليطان بجانبك تقومني انا ليش
الجد:انت بتقوم ولا العصى ذا برأسك
مهند بسرعه:لا لا بقوم الا ذا من عيوني اقوم
جلست ايلاف بجانب جدها وكل شخص انشغل بسوالفه مع الثاني لف الجد عليها وبهمس مسموع للي بجانبه
:وش فيها حبيبة جدها تعبانه يابوك
ايلاف لمعت عيونها رمشت بسرعه تخفي اللمعه اللي بعيونها لكن سلطان لمحها ردت بصوت فيه بحه:لا يبه مافيني شي
الجد بحنيه:متأكده
ايلاف:اي يبه صداع خفيف بس
الجد هز رأسه :زين يبه
رن جوال مهند ورد:هلا والله...اي اي ...حياكم الله انا خارج لكم الان
قفل الخط ووقف :متعب الضيوف وصلو
قامن البنات والامهات ودخلن لداخل
وقفت السيارة ونزل منها وائل وباسل
مهند بترحيب:ياهلا والله ارحبو يارجال
وائل:مرحبابك
باسل:هلافيك
سلم مهند ودخلهم للمجلس
دخل متعب بهيبة وسلطان بهدوئه وسلمو عليهم جلسو بدأ متعب يطرح الأسئلة على وائل
متعب ابتسم:ونعم والله عاد الوالد الله يرحمه كان ابوك عزيز وغالي عليه كان دايم يوصيني فيه لكن العم هاشم اختفئ فجأة وانقطعت اخباره
وائل شد على يده بحقد وهو يحاول يتصنع الأبتسامه
قال باسل يغير الموضوع:ماشاء الله المزرعة جد جميله وتصميمها روعه على الرغم ما اطلعت عليها كامله بس الهيكل الخارجي تبارك الرحمن
متعب :تسلم من ذوقك يالطيب هذا تصميمي الخاص
باسل:ماشااء الله مهندس معماري
ابتسم متعب:اي وعندي شركتي الخاصه
باسل:جذبتني اشجار كثير انتبهت لها من بعيد مو واضحه صح لأن وقت المغرب داخل بس كانت ملفته
متعب:اي الجزء الخلفي من المزرعه يعتبر غابة مصغره
باسل بأعجاب:واو ماشاء الله
مهند:الا ياباسل كم لك تعرف وائل
باسل:من ١٠ سنين
مهند:ماشاء الله مده طويله الله يديم المحبه بينكم
وائل وباسل:امين
كان سلطان ساكت ويفكر بإيلاف وتغيرها الغريب بالنسبة له
كملو سوالف عاديه ..
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الكل وصل عند جود اللي كانت متحمسه لهن وترحب فيهم من قلب انفتح الباب ودخلت روز كان البنات كلهم واقفين عند الباب باقي حتى عبايتهن ماشلحوها..
روز بتعب:ااهخ ظهري
ركضت لها جود :وش فيك سلامتك
روز أشرت عند الباب كان في كرتون
تحركت جود بتأخذه بس تعرفكت وكانت بتطيح وقت ماشافت الشخص اللي دخل وهو منزل نظره للكرتون الثاني اللي شايله بيده حطه رفع نظره على جود اللي كانت بتطيح قال بسرعه وبدون لايحس:بسم الله عليك
جود رجعت بخوف وخجل وتخبت خلف روز الواقف تحرك فيصل وخرج بسرعه ركب سيارته وحرك وابتسامه مرسومه على وجهه مو قادر يخبيها
..عند جود اللي كانت طماط متحرك من الأحراج البنات خلاص مو قادرين يوقفون ضحك
رهف بتمثيل تعثرت وكانت بتطيح كملت لارا وبصوت خشن:بسم الله عليك
رهف حطت يدينها على وجهه :ياي استحي
ركضت ركضه تضحك وتخبت خلف الجازي اللي كانت واقف وفاطسه ضحك هي الثانيه
جود بأحراج:ياااااااارب اشوف فيكم يوم ياااااااااارب اشوف فيكم يوم
رنا مسحت دموعها من الضحك:بنات خلاص خلونا ندخل
جود ولازالت محرجه كانت تتمنى الموقف صار بينعا وبين على الأقل مو قدام البنات:حياكم
روز:البقئ
دخلن البنات وكانت جود أخر وحده وقبلها روز اللي ابتسمت بعد ماسمعت همس جود:ليش قلبي يدق كذا
جلسو البنات بعد ماشالو عبيهم
رنا:وهذه الحلوه الجازي اللي ازعجتونا فيها نبيها نبيها
روز :احم احم ممكن النمبر ياعنبر
البنات:هههههههههههههههههههههههههههههههههههههههههههه
رهف:لا معليش محجوزه لي يعني
روز :هي رهيف
وديان:اي صح قبل انسى بنات يوم الثلاثاء عزوز يقول بنخرج لمزرعتنا
رهف:حلو بس
رنا:حسافه خالتي بترجع ببيتها الأثنين
وديان بحماس لفت للجازي:ماتقدرون تأجلون سفركم!
الجازي:لا والله امي مو راضيه ابد
روز:الا صح سلامتها امك؟
الجازي:الله يسلمك عندها مرض خبيث
نور:ياعمري الله يشفيها ويرفع عنها يارب
وديان:ويارب يكون تكفير لذنوبها
الكل:امين
روز:اي مرحلة!
الجازي:الثانيه
روز ابتسمت له وحطت يدها على كتفها:لا ان شاء الله المرحله الثانيه بأذن الله تقدر تعالجه الحمدلله اكتشفوه بوقت مبكر
الجازي:اي والله الحمدلله
وديان بحنيه:اللي عليك الحين تدعين لها وتهتمين بأكلها وصحتها
الجازي :بأذن الله
جهزت القهوة وبدأ يتقهون ويسولفون ويتعرفون على الجازي اكثر وتتعرف عليهم هي بعد
■■■■■■■■■■■■■■■
رايكم!؟
تصويت+كومنت=بارت جديد
اذا وصل البارت ذا ٤٠تصويت انزل البارت اللي بعده 😉💕
لأن المشاهدات دائم اعلى من التصويت
قدرو التعب ياحلوين 🦋🤍
مقتطفات من البارت القادم
-حضنته بخوف وهي تبكي وتشهق
-انصدم من ردها عليه قال بعصبيه:مين تضن نفسها ذي
-وقح مسوي فيها اخر حبه وجع
-شهقت بصدمه :انت! لف لها وعقد حواجبه:انتي!؟
-انا جاي اساعدك لاتخافي
-فقدت السيطره وصار يركض فيها انتبهت لشخص واقف صرخة بقوة:انــــــــــتـــــبــــــه
-ابتسمت ببرود وخبث: وزي ما ارسل لنا هديه لازم نردها ولا شرايك؟
أنت تقرأ
بنيه صعب ينطفي ضيها.
Action《نُــبذه عــن روايتي》 تتحدث عن فتاة تكتشف بالصدفه ان وفاة اختها الوحيدة كانت مدبرة فتبدأ بالبحث عن المتورطين والانتقام منهم تجد رئيس العصابه فتصبح حارسه الشخصي بعد ان قامت بالتنكر كرجل تجمعها الصدف بــ أبن رئيس العصابة ويبدأ بالانجذاب لها بينما...
