بنيه صعب ينطفي ضيها.

Part 121

‏باقي يومين ع رمضان 🌙

ربنا يجعل رمضان بداية خير وفرح وعفو وعافية علينا كلنا ويعوضنا بكرمه وعوضه ♥️
‏و لعلَ رمضانَ يُزيل هُموماً أثقلتَ علىٰ أرواحَنا منذُ شُهور ،
اللهُمَّ بلغنا أياه يارب العالمين 🌙❤️
وارحم موتانا وموتى المسلمين أجمعين يارب واجعل رمضانهم بالجنة أجمل .

(

(اعتذر على الأخطاء الإملائية ))

.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.

يوم جديد على ابطالنا
فتحت عيونها وهي تحس بصداع برأسها لان ما ارتاحت بنومتها بسبب تغير المكان عليها
قامت بكسل على دق باب غرفتها:تفضل
دخلت الخادمه:آنستي السيد بأنتظارك على طاولة الإفطار
هزت رأسها بالايجاب
اتجهت للحمام تكرمون غسلت وجهها وجففته خرجت كانت ملابسها جاهزه على السرير وخادمتها الخاصه اللي عينها جدها عندها
ناظرتها وديان ببرود وابتسمت:شكرا
الخادمه بإحترام: في خدمتك آنستي
اخذت وديان الملابس ودخلت لغرفة الملابس تغير لبسها كان فستان ناعم بلون خمري لنص الساق وصندل كعب اسود
لبسته وديان ((ايه مسوي فيها اتكيت وحركات متى ارجع بيتنا البس بجامه سروال ممن الهند والبلوزه من السند واحلى راحه اخخه بس))
اخذت عطر هادي وطبطبت بتنت على شفايفها وخرجت
الخادمه ناظرتها بأعجاب:تبدين رائعه آنستي
وديان(منافقه ام وجهين ):اشكرك
اخذت جوالها وفتحته بس انجلطت من المكالمات الكثيره اللي من روز تذكرت انها مقفله جوالها من الليل
وكانت تتفرج على الآب نقدر نقول انعزلت شوي بنفسها
قررت تتصل فيها بعد الفطور عشان تاخذ راحتها
خرجت من غرفتها متجهه لغرفة الطعام
اللي كان الجد جالس على رأس الطاولة وقدامه اصناف كثيرة من الأكل
وديان:السلام عليكم،صباح الخير
الجد اللي كان منزل رأسه ويعد لعشره عشان يمسك اعصابه رسم ابتسامة زائفة:صباح النور
جلست وديان وهي راسمة ابتسامة
بدأت الخادمه بتقديم الخدمه ما كانت وديان مرتاحه
رن جوالها اللي كانت حاطته على جنب
ناظرها الجد اللي صار بجبسنه عرق ينبض من النرفزة
ابتسمت وديان:اسفه بس ضروري ارد
ما اعطت جدها مجال وردت:الو هلا روز
روز :وديان وينك؟
وديان ناظرت جدها وابتسمت لها:جالسه افطر مع جدي
روز بجديه:اسمعيني ولاتوضحين اي شي فاهمه اللي بتسمعيه بيصدمك
وديان خافت بس ما بينت: وش؟
روز:جدك هو روبيرتو
وديان رفعت عيونها بصدمه وهي تناظر لجدها كانت الملعقه بيدها طاحت بالأرض انتبهت لها وديان وناظرت لجدها اللي كان يناظرها بأستغراب ابتسمت ابتسامة صفراء له
ابعدت الجوال عن اذنه همست لجدها: معليش
رجعت الجوال:تمام حبيبتي اكلمك بعدين ما ابي افوت الفطور مع جدي
كانت تحاول تسيطر على نظراتها العدوانيه
ابتسامة رضا انرسمت على وجه الجد من كلام وديان
شربت مويه بيد ترجف ناظرت لجدها اللي كان يناظر بصحنه
كانت صدمه عمرها بجدها بدأت تربط الأحداث مع بعض
وفاة اهلها ..جاك!! أوامر؟؟روبيرتو!!!!!!
صار صدرها يصعد ويهبط وهي تتنفس وتحاول تسحب أكسجين وقفت بسرعه وهي تبي تخرج تأخذ أكسجين
ناظرها الجد بخوف ووقف لها:وديان وش فيك!!
وديان كانت تحاول تأشر وتتكلم بس ماقدرت بصوت مكتوم:بخ..خاخ
الجد يعرف ان وديان عندها ربو من هي صغيره صرخ بالخادمه:بخاخ الربو بغرفتها بسرعه
صعدت الخادمه تركض لغرفة وديان وبدأت تدور بأغراضها اخذته ونزلت بسرعه
كانت وديان جالسه مع جدها بكرسي بالخارج
اعطتها الخادمه الجهاز بفمها وضغطته
صارت تتنفس وديان وكان وجهها احمر وبدأت تتعرق اخذت الخادمه الثانيه كأس مويه لها شربت شوي
اخذه الجد منها وحط بيدها مسح على وجهها ارتاحت وديان شوي
الجد بشك:جاك خبر مو حلو بالمكالمة الاخيره؟
وديان هزت رأسها بالنفي وبصوت تاعب:لا صديقتي اللي كلمتني تبي تسولف عادي ماافي اي خبر
هز رأسه ناظر للخادمه:رافقيها لغرفتها لترتاح قليل
الخادمه:حاضر
وقفت وديان لكن ماقدرت تسيطر على نفسها بدأت الدنيا تدور فيها وتسود بعيونها طاحت على الأرض جثه هامده
ركض الكل له بدأ الجد يحاول يصحيها لكن ما كان في اي استجابه منها صرخ بالخادمه تنادي احد من برا
ركضت الخادمه ودخل احد الحراس بينما الثاني ركض يجهز السياره احتياط
شالو وديان وخرجو فيها وعلى اقرب مشفى
..
بنفس الوقت عند روز اللي قفلت من وديان كانت تناظر باللوحة البيضاء الكبيره اللي حطتها بغرفة ملابسها بعيد عن الانظار
ابتعدت خطوتين للخلف بعد ما ثبتت صورة جد وديان
برأس الهرم اللي انشئته ويندرج تحته كل من ابواحمد ..ابوفراس..جاك..محمود..حمزة..داود..
احمد..فراس
كانت تمرر نظرها على القائمه وبيدها سهم صغير
رمت وارتكز بنص صورة روبيرتو
ابتسمت بخبث وحماس:وبدأت الإثارة والاكشن مستر روبيرتو
اخذت جوالها واتصلت بأكين
:الو مرحبا هل قمت بتسليم الصور؟
اكين:اجل عند مغادرتك الأجتماع يوم امس لقد سمعت روبيرتو يتحدث ولكن لم افهم ماذا قال
روز بفضول:حقاااا ؟؟
اكين:اجل ولكن قمت بتسجيل صوتي له
روز:اكين هل انت متأكد لن يكتشف جهاز التنصتت؟
اكين:لا اضن ذلك لأنه كان بقنينة ماء ومن المؤكد تم رميها
روز بتوتر:اتمنى ذلك
اكين :سأقوم بأرسل التسجيل لك
روز:حسنا بأنتظارك
قفلت من اكين ورجعت تناظر للوحة اللي قدامها اخذت القلم الأحمر اللي بيدها واتجهت لصورة هدفها الأول واللي كان محمود
بسبب ان روبيرتو معتمد عليه بأشياء كثيره ونقدر نقول هو يده اليمين
قربت منها وخطت / نصف خطا وتكمل الثاني بعد القضاء عليه
اهتز جوالها برساله فتحتها كان اكين
فتحت تسجيل روبيرتو: اي شخص جديد برسله لك واختبره
...من الممكن انه جاسوس لأن هو الوحيد اللي قلت له عن شحنة روسيا ..لا تكون شحنة زائفة وهو اللي يسوقها اذا اعترضتنا الشرطه مباشرة بصنع ثقب برأسه ...نشوف كفائته
مو اي شخص يقدر يوصل لي
إنتهى التسجيل
ابتسمت روز:ثقتك العمياء بنفسك واستصغارك لغيرك هي نهايتك
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
فتحت عيونها على ريحة القهوه العربيه اللي روقتها ريحة فقط
قامت من نومها وهي تتمغط وتفرك عيونها اخذت شال خفيف عليها بحكم ان خيمة الطبخ كانت بجانب خيمتهم
خرجت لريحة
ايلاف :صباح الخير
التفتت سجى عليها:ياصباح النور والنوير ارحبي
ايلاف بصوت كله نوم:الله الريحة تروق
سجى بحلطمه:تروق لكن شوفي انكب البن علي وماشاء الله على الحوسه
ايلاف بضحكه:قومي بدلي ملابسك وانا بنتبه للقهوه
سجى:يازينك تمام دقايق وراجعه
قامت ايلاف غسلت وجهها وجففته وجلست بجانب القهوه تنتظرها تجهز
قامت من جديد جهزت الفناجين والتمر وحطت بعض الحلاويات اللي كانت موجوده ورتبتها بصينيه
اتجهت لدلة القهوة كانت بتمسكها بدون حماية بس حست بلسعة حراره:ااح
بدأت تنفخ يدها رجعت خصله من شعرها خلف أذنها وقربت من جديد بعد ما اخذت وقايه وبدأت تحط القهوه بترمسها
اعطت مدخل الخيمه ظهرها حست فيها تنفتح ابتسمت: ماعرفتك سريعه يا حلوه!!الزبده جهزت القهوة و..
انقطع صوتها بعد ما التفتت خلفها وكان سلطان واقف قدامه ويناظرها بعيونه الناعسه وكانت نظراته وعيونه تحكي الكثير
صدت بحرج عنه ورفعت الشال على رأسها
ولمت يدينها لحضنها وهي تدعي ربي انه يخرج
تنهدت براحه بعد ماسمعت مدخل الخيمه يتحرك وخطوات تبتعد لفت وبسرعه انحاشت قبل يرجع سلطان دخلت لخيمتهم وهي ترجف بقوة مسكت قلبها اللي كانت نبضاته متسارعه
ابتسمت بخجل وهي تتذكر عيونه اللي قدرت تهزمها
حطت يدينها على وجهها وهي منحرجه
سمعت صوته:احم احم
فتحت طرف الخيمه وهي تسرق النظر له كان واقف قدام خيمة الطبخ شوي وبعد ما سمع اي رد من الداخل دخل اخذ القهوة وخرج لمحت ابتسامة جانبية على وجهه رجعت بسرعه لداخل وهي خايفه يشوفها
جلست وهي تتنفس ولا زال وجهها مصبوغ بالأحمر
دخلت سجى عندها:ايلاف القهوه؟
ايلاف بزعل:اخذها اخوك وانا مبسوطه ان قمت على ريحة قهوة
سجى صرخت:هااااااااااااااااااا ذي حقتنا خيرررررررر
ايلاف قمطت من صرختها :بسم الله طيب طيب لاتعصبين نسوي مره ثانيه حصل خير
سجى فتحت فمها بذهول:ها!
ايلاف تناظرها بشك:بسم الله وش فيك؟
سجى تربعت قدامها:ما اصدق ايلاف بشحمها ولحمها ما تقوم الدنيا وتقعدها عشان سلطان اخذ شي لنا
ايلاف توترت:وش دخل الحين؟وبعدين لاتنسين اخواني بيتقهون منها ولو هو وحده هيهات هيهات
سجى تخصرت:لا ياشيخه ترا انا اللي مسويتها هاا
ايلاف تخصرت:خلاص اجل لاتزعلي من سلطان
سجى دخلت اصبعها بأذنها وكانها تنفضها:عيدي؟
ايلاف بأستغراب: خلاص اجل لاتزعلي
سجى:لا لا الكلمه الاخيره
ايلاف بحرج حاولت ما توضحه:سلطان؟
سجى حضنتها بقوة: يا بنت خالتي لا اله الا الله محمد رسول الله وش صار لك ها؟لا الظاهر مو بس غيرتي لوكك الخارجي لا الظاهر برضو من داخلك عرفتي مدري مدري
ايلاف صارت تبعدها بقوة وسجى تحضن فيها وايلاف تدفها:هييياااا وشبك؟اللي يشوفك يقول اني مريضه يااه؟؟
سجى ابتسمت بخبث وغمزت لها: اقول اصدقيني القول سلطان ها!
ايلاف:اشبه هو بعد؟
سجى ناظرتها شويه: لا لا قلتي هو المره ذي مانطقتي اسمه
ايلاف رفعت يدها لسماء:يارب تشفيها وتعافيها من اللي فيها
سجى:اقول شرايك العصر نركب دبابات؟والله في مكان تفحيط هناك يحبه قلبك
ايلاف بحماس:اي والله تكفين من زمان عنها هنا احس حريه مو بمزرعة جدي مسوين لنا حاجز يحجز حريتنا !!
سجى :اي والله
ايلاف:اقول ريوف وسوزي مالهم حس!
سجى:يوه ذول ماناموا الا الصباح
ايلاف: امشي بس نطلق رجيلاتنا على قولت جدتي
سجى:قدام قبل تشتد الشمس
ايلاف وسجى كل واحد قامت لبست عبايتها اخذت ايلاف شنطه وحطت فيها ماء+عصائر وبعص الشبسات
ودخلت شالها فيه عشان اذا اشتدت حرارة الشمس وهم بعيد تاخذه فوقها
خرج الثنائي المرح من الخيمه وكان الجد جالس مع عيال بناته قدام خيمة الرجال اللي كانت بعيده مسافه شوي
مسكت ايلاف يد سجى وتخبو خلف الخيمه اللي خرجو منها
ايلاف:امشي من هنا الحين متعب بيرفض نمشي لحالنا ومدري ايش
سجى :زين امشي من هنا
ايلاف لمحت طائر جذبها :هي سجى شرايك نتبع ذاك؟
سجى صارت تصغر عيونها عشان تشوفه صح :وش ذا؟
ايلاف: مدري بس شرايك ناخذه؟
سجى:يامامي صراحه اخاف اقرب منه شوفيه كبير مو حمامه ولا عصفور عشان اقرب
ايلاف بحماس:تكفين تعالي معي بس
سجى :تمام
هبط الطائر على الأرض
قربو الثنتين لكن فجأة وقفت سجى بخوف: يمه ايلافي ناظريه يتصارع مع وش؟
ركزت ايلاف وانخرشت وهي تشوفه يتصارع مع طائر اصغر منه ويحاول يصيده
سجى بخوف:يماما النحشه
ايلاف بدأت تنسحب انسحاب تكتيكي هي وسجى
فجأة انتبه الطائر لهم وبسرعه خاطفه ابتعد عن الأرض بقصد الطيران لكن علق بفخ كانت شبكة صيد مموها بالأرض ابتعد الطائر الجريح عن المكان قربت ايلاف منه وبحماس فتحت شنطتها خرجت الشال ورمته فوق الطير وقربت منه وهي تثبته
وسجى تساعدها كان يحاول يطير ويبتعد بس كان عالق
جلست ايلاف على طرف الشال الكبير واخذت جوالها اتصلت بخادمتها
:الو جيبي كرتون كبير مره بسرعه بسرعه انا ورا خيمة حريم بسرعه
سجى:بنت وش بتسوين فيه مجنونه انتي!!
ايلاف بحماس: تكفين بوديه لجدي
سجى تربعت على طرف الشال :وليش؟
ايلاف: لان جدي يحب ذا الأمور بعدين ماتدرين يمكن ذا نسر؟
سجى:نسر!يمه على فكره ترا هو طائر جارح يعني بيجرحك طيب؟
ايلاف :اي زين
انتبهو البنات على اصوات رجال قربت من المكان التفتو وكان ٤ رجال
ايلاف بخرعه:يمه ذول وش يبون؟
سجى وقفت بتنحاش لكن وقفت على صوت ايلاف:والله لو طار طيرتك وراه
سجى بخوف:طيب وذول اللي وراك جاين!!
ايلاف :و..
قاطعها صوت خشن خلفها :لوسمحتي
ايلاف رفعت رأسها لفوق تناظره وكان واقف خلفها لكم ان تتخيلو المنظر
ايلاف تعدلت:نعم؟
...:ماشفتو صقر هنا!
سجى صارت تناظر بالطائر اللي كان يتحرك بسرعه وبقوة
لكن طاحت عينها على اللي واقف بالخلف ويناظر لهم وهي مشبه علي بس ماتشوفه صح
لان واحد تقدم وثلاثه كانو ينتظرونه
ايلاف بكذب:اي صقر؟
الرجال رفع حاجبه: ممكن ياترى يكون اللي تحت الشال؟ذا صقرنا وحنا اللي كنا نطارده
ايلاف بعناد:لكن انا اللي مسكه؟
طق له عرق صار له ثلاث ايام يحاول يصيده وبالاخير تجي بنت وترفض تعطيه!!:يابنت الناس العني الشيطان واعطيني الصقر صار لي ثلاثة ايام وانا ابيه
سجى ناظرت لأيلاف: ايلاف بليززززز اعطيهم وتعالي نرجع بدأت ادوخ من الشمس هيا
ايلاف فتحت شنطتها ورمت لها قارورة ماء بارده: اشربي لا تطيحي علي وابتلش بك
فتحت الماء تشرب لكن شرقت وهي تسمع صوت تعرفه
:يا اختي لو سمحتي ذا الصقر لنا والله من ثلاث ايام وخوي يحاول يصيده
ايلاف ناظرت بسجى اللي صارت تكح بقوة
سجى ناظرت ايلاف وهي تأشر لها بعيونها
وايلاف فاهيه مو فاهمتها
جتهم الخادمه بكرتون بيدها تشيله انجلط الرجال بتريقه :ماشاءالله مجهزه كل شي بعد؟؟
ايلاف بعناد: ذا حقي انا اللي نطيت عليه
سجى قربت وهي تهمس لايلاف:ايلاف ذا صاحب وائل خطيب ريوف
ايلاف شهقت بصدمه: اماااانه
ناظر بعيونها وهو يحسها مألوفه له
سجى بهمس:اي تكفين ذا اللي كسرت له خشمه امشي
والله متفشله
ايلاف الفضيحه بحماس:كسرتي خشمه!!!!
سجى مسكت على وجهها من الفشله خلاص عرفها
ابتسم على جنب بعد ماتأكد هي مين
سجى بعصبيه وأول مره تشوفها ايلاف كذا:ايلاف اقسم بالله لو ماتقومين وتعطينهم بلوتهم ذي لا اسحبك من ياقتك سااامعتني؟؟؟
ايلاف بفهاوه: ها!
سجى بعصبيه مسكت يد ايلاف وقفت بسرعه ووقفت ايلاف معها اللي كانت تبي تقاوم بس سجى كسرت يدها وهي تضغط عليها:نعتذر على إزعاجككم
ايلاف:اا
سحبتها سجى اللي ما اعطتها فرصه تتكلم
ايلاف بصراخ: طيب شالي شالي
سجى تسحبها بصوت باكي :اسكتي الله لايلعنك ياحما***انتي ماقدرتي تمسكي لسانك هااا؟؟
اكيد الحين عرف اني المقروده اللي قفلت بوجهه الباب وكسرت خشمه و اااااااااااااااءءء
ايلاف: طيب يدي انكسرت فكيها
التفت ايلاف على الرجال اللي اخذو صقرهم اللي كانت ايلاف بتجيب العيد فيه
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
كان الكل متجمعين على طاولة الإفطار
رنا كانت تأكل بدون نفس وكانت سرحانه
انتبهت لفراس اللي وقف :الحمدلله
ام فراس:افطر حبيبي ما افطرت زين؟
فراس:لا الحمدلله يمه افطرت والحين أستاذن عندي شغل
وقفت رنا معه :الحمدلله
اتجه فراس للمغاسل وغسل يدينه وفمه وجففها وخرج متجه للباب البيت الرئيسي انتبه لرنا اللي واقفه تنتظره وصلته للباب فتحت له
وبصوت هادي:انتبه لنفسك
فراس كان بيطلع لكن رجع من جديد طبع قبله على خدها وخرج بسرعه
انحرجت رنا من حركته
قفلت الباب بشويش واتجهت لغرفة ميلا لأنها اشتاقت لها
دخلت الغرفه كانت ميلا صاحيه وحده وتلعب بلعبة بيدها
قربت منها انتبهت ميلا لها وصارت تضحك وتتحرك بعشوائيه وترفع يدينها لرنا اللي تخرفنت على حركات ذا النتفه
لبستها وبدلت لها واخذتها معها ونزلت من جديد وبيدها ميلا تلاعبها
ابوفراس ناظر لرنا وهو يراقب حركاتها مع ميلا اللي كان واضح على ميلا انها متعلقه برنا ابتسم برضا على حنان رنا
ام فراس:رنا حبيبتي
رنا رفعت رأسها تناظر لخالتها: هلا خالتي؟
ام فراس:اليوم جهزي نفسك ان شاء الله بيجونا بعض الأقارب اللي يبون يتعرفون عليك ويباركون لك
رنا ابتسمت بحرج:الله يحييهم
وصل ابو فراس اتصال قام من عندهم وخرج شوي وجاء
:ام فراس جهزو ميلا اليوم تطعيمها
ام فراس بحنيه:ياروحي بالله انه اليوم؟
رنا بلعة ريقها من طاري الحقنه
ام فراس:المشكله اني مشغوله اليوم عشان الضيوف
ابوفراس ناظر برنا:رنا ماعليك كلافه لو رحتي بدل ام فراس؟
رنا بابتسامة تسليك:ط..طبعا عمي بس اصعد البس عبايتي واجيكم
ابوفراس:زين انا بكلم فراس يرجع يوديكم
رنا بملامح متورطه هزت رأسها بالأيجاب قامت وحطت ميلا بحضن جدتها وصعدت لجناح فراس
بسرعه اتصلت بفراس اللي كان دوب مقفل من ابوه:فراس!!
فراس(عيونه):هلا؟
رنا بصوت يرجف: صدق اليوم تطعيم ميلا؟
فراس بأستغراب: اي بس قابليني انا راجع
رنا: اا
قفل فراس ما انتبه انها تتكلم
رنا صارت تنطط مكانها :يماااامي يماااامي وش اسوي اااا انا رنا اروح مع طفل صغير مسكين يثقبون يده!! ببكي
انتبهت لصوت ام فراس اللي كانت تنادي عليها اخذت عبايتها ولبست بسرعه وخرجت نازله والغصه خانقتها
نزلت بهدوء ظاهري اخذت ميلا وخرجت وكان فراس دوبه موقف ركبت وحرك من جديد متجهه للمشفى
رنا كانت حاضنه ميلا وماسكه البكيه
بعد نص ساعه وقف فراس عند المشفى ونزلت رنا وهي شايله ميلا وشاده عليها بحضنها
وتمشي بجانب فراس دخلوا لداخل وبدا فراس الإجراءات المعتاده ودخلوهم على الطبيب
جلست رنا وبحضنها ميلا اللي تضحك لفراس اللي قدامها
عضت شفايفها بقوة وهي ماسكه البكيه
دخل الطبيب اللي كان يعرف فراس: السلام عليكم
استاز فراس اهلابيك
فراس:وعليكم السلام هلا فيك
الطبيب ناظر لميلا اللي كانت بحضن رنا:النهارد تطعيمها ؟
فراس:اي
جهزت له الممرضه الأبره توسعت عيون رنا وطارت بالأبره
بلعة ريقها بخوف وهي ترجف من الابره لان رنا تخاف من الأبر وتكرهها
قرب منها الطبيب وجلس على الكرسي اللي مدعوم بكفر وقرب من رنا وبيده الأبره وبالعاده الامهات يتعاونون معه يعني اللي ترفع الملابس عن كتف طفلها او تحاول تلهي او
لكن
وقف على صوت رنا :دقيقه دقيقه
حضنت ميلا لها وصارت تناظر الطبيب بعتاب:ليش تحقن طفله صغيره ها ماعندك قلب؟
الطبيب:بوصي حاضرتك دا لقاح وقاي من فايروس الكبد ب
رنا هزت رأسها وتعدلت قرب من جديد منها لكن وقف
على صوتها اللي يرجف:دقيقه انتظر بليز حاول ماتوجعها طيب؟
ابتسم لها:ماتخافيش
قرب اكثر ومسك يد ميلا
رنا بخوف:وقف وقف وقف متأكد ذا أمن ها؟؟؟
الطبيب:ايوا حضرتك
رنا هزت رأسها بالأيجاب
فراس كان واقف وهو ماسك ضحكته بصعوبه كبيره
قرب الطبيب ومسك كتف ميلا وبدأ يحقنها
رنا ماتحملت بدأت تبكي وتشاهق بألم وكأنها هي اللي انضربت بالأبره
ميلا التفتت ببرائه على رنا اللي تبكي وانشغلت بها عن الأبره اللي انضربت بها بكتفها
الكل صار يناظر برنا قرب فراس منها وهو مصدوم ليش تبكي!!
فراس انحنى واخذ ميلا من يد رنا اخذت الممرضه ميلا منه التفتت على رنا وانحنئ لها وبهمس:رنوش؟وش فيك ليش تبكي
رنا غطت وجهها بيدينها وهي تحاول تسكت وبصوت يرجف ومبحوح: انت ..ماشفت..كبرها؟؟
وقفها فراس وهو يطبطب على كتفها وحضنها خفيف :اش خلاص اهدي شوفي ميلا مابكت
رفعت رأسها وهي تناظر بعيونها المدمعه لميلا اللي كانت مع الممرضه اتجهت لها واخذتها وحضنتها بقوة وصارت تمسح دموعها
خرجت قبل فراس شويات لحقها فراس اللي كان منجلط من حركات رنا مايدري مين الطفله هي ولا ميلا
ركبت رنا السياره وركب فراس
اللي كان ماسك ضحكته :منجدك انتي بكيتي؟
رنا بدأت شفايفها ترجف علامة انها بتبكي
بعصبيه: انتم اشرار
عدلت ميلا اللي بدأت تنوم بحضنها
وصدت عن فراس بزعل
فراس كان يبيها تكلمه:تبين مويه؟
رنا التفتت عليه: اي
فتح فراس ماء واعطها شربت شوي منه ورجعته له
اخذها فراس وشرب الباقي
رنا بهمس:اضحك وجهك بينفجر من كثر ما انت ماسك الضحكه
فراس: هههههههههههههههههههههه ههههههههههههههههههههههههههههههههه ههههههههههههههههههههههههههههههههههههههههههههه
رنا صدت بزعل عنه
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
بصدمه: عنده حفيده؟
بخبث:اي حفيدتها بنت بنته اللي ماتت من سنتين
ابتسم بشر:ولقينا له نقطة ضعف يعني حلو حلو
تعدل بجلسته:وش رأيك نبدأ فيها؟
مسح على ذقنه: روبيرتو راح يندم اشد الندم
اندق الباب ودخل حارس:طال عمرك روبيرتو خرج مع حفيدته للمشفى
ناظره بحده:والان وينهم؟
الحارس:خرج مع حراسه للبيت وحفيدته بقت بالمشفى
عقد حواجبه بأستغراب: وحيده بدون حراس!!
الحارس:اي طال عمرك
ضحك ضحكة بشعه وخبيثه: هههههههههههههههههههههه ههههههههههههههههههههههههههههههههه وكأنه يقدمها لنا على طبق من ذهب كلم الشباب وارسل واحد يبلغ روبيرتو سلامنا من خلال حفيدته
الحارس:أمرك
خرج من عنده هو ينادي لقاتلهم المأجور واللي كانت مهمته يقتل الناس ويظهرها على انها حادثه
الحارس:مفلح ظهر لك عمل جديد
ابتسم بخبث: واخيرا شوية اثارة
العنوان؟
خرج الحارس عنوان المشفى ورقم الغرفه
:بنت بعمر العشرين اقتلها وأظهر انها حادثه
ابتسم بشر:لعبتي
ركب سيارته وحرك بسرعة متجهه للعنوان
بنفس الوقت خرج بسرعه وعجله ولحق مفلح وهو ناوي يمنعه من قتل شخص بريئ
كان يحاول يسبقه بدأ يقطع الإشارات ويتجاوز السيارات وصل للمشفى قبل مفلح نزل من سيارته وهو يركض دخل للأستقبال: غرفة ٢٧٩ اي طابق؟
:الثالث يم..
ركض بدون لايسمع واخذ الدرج بدأ يركض لدور الثالث وصل وهو يحس رجوله انشلت من الركض كمل وبدأ يتلفت وقعت عينه على الغرفه المطلوبه فتح الباب بسرعه يبي يشوف مفلح فيها او لا
لكن طاحت عينه عليها وهي متربعه على الكرسي الجانبي بجانب وديان ورافعه شعرها لفوق بيدينها وترتبه التفتت بسرعه على الباب اللي انفتح بقوة
انصدمت وهي تشوف احمد اللي قدامها
(اي احمد اللي سمع ابوها اللي ارسل مفلح لقتل بنت هو مايعرف مين لكن الصدمه اللجتمه بعد ماعرف انها وديان ماغيرها هي حفيده روبيرتو الف سؤال يتردد بباله وقتها بس ما كان عنده اي فرصه يتكلم او يوضح او يشرح)
وقفت روز بسرعه وتركت شعرها من يدها وتناثر حولها بأستغراب: انت وش جابك؟!
احمد سحب المفتاح من داخل الغرفه وناظرها:لاتحاولين تخرجين مهما صار
قفل الباب من الخارج وحط المفتاح بجيبه وكان مفلح وراه وشاف اللي صار التفت وكان المسدس بوجهه
مفلح لابس بالطو دكتور ابتسم بخبث:اعطني المفتاح بالطيب وابتعد من هنا اذا تبي تحافظ على حياتك
بنفس الوقت اندق الباب
روز:احمد افتح ليش قفلت احمد!!
سكتت وهي تسمع صوت شي يطيح بالأرض
كان المسدس اللي طيره احمد من يد مفلح واعطه لكمه بوجهه
بنفس الوقت مفلح ضرب احمد بكوعه وجت الضربه بخده
تراجع احمد للخلف ورجع بسرعه مسك كتف مفلح وضربه بركبته ببطنه
ابعده مفلح وجه ركله قويه له
روز صارت تضرب بقوة:احمد وش يصير ليش قفلت الباب!!!
افتتتتح افتح
صارت تدور بالغرفه تدور شي تكسر فيه الباب او تفتحه
كان مفلح يحاول ياخذ مسدسه اللي احمد طيره بعيد
وكان احمد له بالمرصاد ويتبادلون اللكمات والركلات
سحبت روز مسدسها وصوبت على قفل الباب
صارت تتنفس بقوة:ياربي مقدر مقدر بتدخل الشرطه بالموضوع في النهايه ذا مو مكان اقدر اخفي نفسي
رجعت مسدسها وقررت تكسر الباب واللي يصير يصير
بنفس اللحظه احمد وجه ضربه قويه لمفلح اللي طاح بجانب مسدسه وكان بياخذه بس وقف وقت ما احمد خرج مسدسه وصوبه عليه وبغضب:اوقف بسرعه
مفلح رفع يدينه بأستسلام: تمام
بس انجلطوا الأثنين وقت ما انفتح الباب بقوة وخرجت روز اللي طاحت عيونها على احمد وما انتبهت لمفلح الواقف خلفها
:وش يصير هن...
بس حست بشخص سحبها وحط المسدس برأسها
ناظر مفلح بأحمد وهو يلهث بتعب:لو تبي سلامتها نزل سلاحك
احمد ناظرها بقلة حيله:انا ما قلت لك لاتخرجين؟
روز :اا اي قلت شي زي كذا
ناظرها مفلح ورجع ناظر احمد
اللي نطق بحده: طيب ليش خرجتي؟
روز ناظرت مفلح:ممكن بس تخفف يدك شوي عن عنقي عشان اتكلم براحه؟
مفلح هز رأسه بفهاوه: طيب
ناظرت روز باحمد:كنت اضن انك بحاجه للمساعده
احمد ناظرها بقهر:لو كنت بحاجه للمساعده ما كان قلت لك لاتخرجين صح ولا لا؟
وش قلت انا؟قلت لاتخرجين قلت لك ولا ماقلت؟قلت
طيب ليش تخرجين!!
روز بتبرير:اي صح لكن وشدراني سمعت اصوات ومدري وش وقلت لازم اخرج
احمد بينجلط منها:انا اتضارب مع واحد هنا وش اللي يهمك!! ليش انتي متهوره؟؟ليش تتدخلي!!!
مفلح كان مندمج بنقاشهم
روز حست على نفسها ناظرت احمد:اا برأيك ذا الوقت المناسب لنقاشنا؟
مفلح ناظر احمد وكأنه يقول يعني صادقه
احمد ناظر مفلح:شوف انت بتورط نفسك اتركها
مفلح بسخريه: تبيها تعيش؟معك!
احمد صارت يتنفس بغضب:اتركها اتركهاااااا صدقني ماراح اتركك
مفلح:هي طوق النجاه لي لو تبيها تعيش اتركني امشي من هنا
احمد:تمام اوعدك ما أذيك بس اتركها
روز صارت تناظر لأحمد وهي تأشر بعيونها واحمد مو فاهم عليها
مفلح:لو تبيها تعيش اترك سلاحك الان
احمد رمى سلاحه بالأرض: تمام تركته
روز:هي انت اطلق بخاف منك؟والله لنهيك
مفلح بعصبيه: انتي اصص لااسمع صوتك
احمد:صادق اسكتي
روز:لا والله اسكت؟انت والله ما اتركك وانا بنت ابوي هين
سحبها مفلح:امشي بس
روز بتهديد:اقسم بالله ما اتركك والله لتندم طيب
ما ان اختفى مفلح وروز بالممر التقط احمد سلاحه وركض خلفهم
دخل مفلح بدرج الطورائ وبدأ ينزل بسرعه وروز معه
وتهدد فيه واحمد وراهم انتبه له مفلح
وبعصبيه: انا ما قلت لك لاتتبعنا؟هاا
احمد:اسمع انا راح امشي معك للباب عشان اضمن سلامتها ما راح أذيك
صار يتراجع مفلح للخلف للباب وبيده روز اللي كانت تحاول
تفك نفسها
واحمد قدامهم
مفلح بكل قوة دف روز على احمد اللي مسكها قبل لاتطيح
وركض هو وانحاش
مسك احمد روز وناظرها بعصبيه:لو مره وحده سمعتي الكلام ما كان خسرتي شي
روز :مين ..
قاطعها احمد اللي حضنها بقوة وهو مو مصدق انها سلمت
همس بقلة حيله:ليش تعانديني؟
روز سكتت ما كانت تدري وش تقول او وش تسوي!
بس اللي جاء ببالها شي واحد همست له:كنت خايفه
وبداخلها((عليك))
تركها احمد ومسك بيدها وصعدو لغرفة وديان اللي كانت نايمه ومو حاسه بشي
احمد وصلها للغرفه وبعتاب:مره ثانيه لاتتهوري اذا كان شي يأذيك سامعه؟
روز:تمام
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
حب رأس ام جود:اخبارك يمه عساك بخير؟
ام جود:بخير جعلك في خير يارب انت كيفك عساك بخير؟
طارق:الحمدلله يارب وينها جود؟
ام جود بغرفتها تلاقيها تتابع لها من هالفلام والخرابيط
رفع يده وكان فيها كيس:جايب لها هديه يحبها قلبها
ام جود :ليش تكلف على نفسك حبيبي
طارق:تستاهل جودي عن اذنك بصعد لها وبرجع لك
ام جود:أذنك معك
صعد وكان باب غرفة جود مفتوح شوي قرب وكان بيدق الباب ولكن وقفت يده وهو يسمع صوت نور:بالضبط انا والله وافقت حتى ما عرفت مين الشخص اللي تقدم لي تدرين انا وافقت عناد بخالد لكن انصدمت انه طارق اللي تقدم لي انا ما استاهله والله ياجود حرام احس بظلمه معي يعني انا اعترف اني احب الزفت خالد بيكون قلبي معه حتى لو تزوجت انتي فاهمتني!
جود تنهدت بحزن على صديقتها:فاهمتك يانوري فاهمتك المشكله الحين صارت الخطبه علنيه؟
نور بصوت باكي:جود وربي طارق شخص طيب ما ابي اظلمه تكفين حاولي تكلميه بأسلوب حلو وتوصلي له اقسم بالله انا مابرفضه عشان نقص فيه لا حاشاه كامل والكامل الله لكن ما اقدر ارتبط برجل وبقلبي رجل ثاني ابي يضمد جرحي وبعدها افكر اذا اتزوج او لا لان خالد كسر فيني ثقتي بالرجال
جود بحنيه:انا متأكده طارق راح يتفاهم والله يعوضه يارب
نور :يارب
تراجع بسرعه للخلف ورجع من جديد وكان دوبه جاء دق الباب بخفه
سمع صوت جود:ادخل
دخل طارق وكأنه ما سمع حوارهم اللي قبل شوي
قفلت جود من نور بعد ما ودعتها
وقامت تسلم على طارق اللي جلس بجانبها: اخبارك؟
جود بحب:الحمدلله كيفك انت ان شاء الله طيب!
طارق:الحمدلله طيب كيف جامعتك
جود:اااهخ يا رأسي اقسم بالله تجيب الصداع
طارق: هههههههههههههههههههههه من يومك تكرهي الدراسه
جود حكت رأسها بضحكه: يعني
طارق سكت شوي وناظر جود اللي ابتسمت له:تبي تقول شي صح؟
طارق ابتسم:فاهمتني
جود تعدلت بجلستها وناظرته باهتمام: تفضل فضفض؟
طارق تربع قدامها: اسمعي انا سمعت حوارك قبل شوي مع نور والله ما كان قصدي اتجسس او شي لا كان الباب مفتوح
جود :يعني..
قاطعها طارق:اي بالضبط سمعت كلام نور عن خالد بس ابي اعرف وش سوا لها عشان تزعل منه وتوافق على اول شخص طلبها كذا؟
جود تنهدت وقالت له السالفه
طارق ابتسم: قولي لها خالد يحبها وافعاله تدل على ذا
جود:كيف مافهمت؟
طارق بجديه:شوفي انا صح معجب فيها لكن خالد يحبها واكثر من مره اثبت هذا الشي بالشركه اذا طاحت عيني بالغلط عليها احس بالخطر من نظرات خالد لي لو رتبت نور افكارها وفكرت بالمواقف اللي صارت وكم مره خالد اثبت لها انه يحبها بافعاله
شوفي انا غريب عنهم لكن انا قادر اشوف نظرات خالد لها ممكن يقدر يخفي مشاعره لكن مستحيل يقدر يخفي نظرات عيونه لها
ممكن انه يعاندها ويتهاوش معها لكن هو يسوي ذا كله عشان ينكر حبه لها او انه يحب يشوفها متنرفزه منه
جود:كيف فهمت عليه؟
طارق ابتسم وضرب باصبعه بخفه على خشمها:لاتنسين انا رجال وافهم خالد
جود:يعني تضن انه يحبها؟
طارق ابتسم: متأكد
لكن راح انسحب انا من بينهم بعد اللي سمع مستحيل اكون السبب بتفريق اثنين يحبون بعض او ادخل بينهم والله يوفقهم
جود ماتحملت لطافة اخوها وتفاهم حضنته بقوة:اقسم بالله محظوظه اللي بتكون من نصيبك
طارق مسح على رأسها بحنيه
ابتعدت جود:زين الحين وش بترد على الجد؟
طارق : ماعليك ذا الموضوع علي
جود:الله يريحك دنيا وآخره
طارق: آمين وياك يارب
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
رأيكم توقعاتكم!؟