بنيه صعب ينطفي ضيها.

Part 133

((اعتذر على الأخطاء الإملائية ))
.
.
.

وقفت بتعب تلهث ثواني بعد ما سندت نفسها على الجدار((تحملي لحظات بس)) خرجت مسدسها بحذر وفتحت الأمان ناظرت بطرف عينها للحارسين اللي واقفين قدام البوابه الكبيره غيرت اتجاهه للخلف وبدأت تمشي حول المكان تدور مدخل ثاني ما كان فيها حيل تدخل بعراك معهم وماكانت حابه تتهور قبل لاتعرف كم شخص بالمكان انتبهت لضوء خفيف خارج من شباك ركضت له بسرعه وقفت بحذر شديد بجانب الشباك طلت برأسها كانت غرفة فاضيه بس كرسين وأحدهم احمد عليه مقيد تأكدت من عدم وجود اشخاص كان مقبض الشباك للخارج بمعنى ينفتح ويتقفل من برا..

فتحت الشباك بحذر وقبل لاتدخل سمعت اصوات الحراس بأتجااهها بخفة قفزت لداخل وجلست بسرعه تحت الشباك بدأت الاصوات تقرب منها اكثر واكثر بدأ الرعب يتسلل لقلبها
غمضت عيونها بقوة بعد ماسمعت صوت فوقها:انت فتحت الشباك؟!
بأستغراب: لا ممكن محمود
رفع كتوفه بعدم إهتمام :ممكن
قفل الشباك وكمل طريقه مع زميله رفعت رأسها ببطى وهي تراقبهم حتى اختفوا عن انظارها وقفت بسرعه وركضت لأحمد اللي فاقد وعيه مسكت وجهه وهي تضربه على خفيف: اصحى اصحى
بدأت تحررها من القيود اللي عليه بصوت باكي بعد ماشافت الدم اللي مغطيه: احمد تكفى رد علي احمد
ناظرت حولها كان في صنبور ماء بالجدار ركضت له وفتحته اخذت بيدها شوي وبدأت ترشه على احمد وتمسح وجهه جلست على ركبها وهي ماسكه وجهه بين كفوفها بعد ماحطت مسدسها بالأرض:احمد تسمعني؟
احمد بدون وعي: روز
روز صنمت مكانها((عرفني!))غيرت صوتها بتتدارك:انت بخير؟
احمد وعى على نفسه ناظرها بأستغراب: انت وش جابك هنا؟
روز بنص عين:جايه اتصور معك وماشيه بعدها بالله جايه ليش اساعدك طبعا
رفع احمد نظره للباب بعد ماسمع صوت خطوات
روز التفتت على الباب التقطت مسدسها وبكل سرعه وخفه وقفت خلف الباب وهي متهيئ ومستعده أشرت لأحمد يرجع يسوي نفسه نايم
انفتح الباب ودخل حارس يشيك على احمد لكن استغرب من الحبال المفكوكه قرب من احمد بقصد تقييديه من جديد
لكن فجأة احمد فتح عيونه وناظر للحارس اللي انخرش ما اعطته روز فرصه يقول بسم الله حتى اخذت العصا اللي كانت بالأرض وضربت رأسه بقوة بحكم انه طويل وماتدري اذا بتقدر عليه بالمسدس كالعاده او لا
وقف احمد بسرعه وانحنئ لمسدس الحارس اخذه
روز ناظرت لأحمد اللي مسك يده بألم مشى خطوه لكن خانته رجله طاح جالس وهو ماسك ركبته بألم: الله ياخذك يامحمود
روز بحقد:هو اللي ضربك كذا!!
احمد بألم وقف بعد ما اخذ جوالهاللي كان مرمي بالأرض:اي
روز مسكت يده اللي بخير وحطتها من على كتفها وبدأت تساعده يمشي
احمد بعدم راحه:اقدر امشي ات..
قاطعته روز بصوت خفيف: اي شفنا كيف مشيت قبل ثواني
خرجت مع الباب وصارت تناظر بالممرات الطويله ماتدري من وين لهم مخرج سمعت اصوات من اليمين اخذت ممر اليسار
مع احمد اللي يمشي ببطئ
فجأه الاصوات بدأت تعلى اكثر واكثر انفتح باب التفتت روز على مصدره انتبهم لهم الحارس اللي خرج من الغرفه المتجمعين فيها صرخ بقوة:هرب احمد ههههرررررررربببب
اطلقت روز عليه بكتفه اليمين وبدأ احمد يضغط على نفسه ويركض مع روز اللي انعطفت بشكل عشوائي ودخلت لغرفة بعد ما عرفت ان الممر مسدود بدأ تبادل الإطلاق بين روز واحمد والحراس وقفت روز وتخبت بجانب الباب بعد ماقفلته تبي فرصه تفكر كيف تتصرف ناظرت بالشباك واللي نفس الغرفه اللي قبلها مقفل من برا صوبت عليه واطلق النار بنفس اللحظة تكسر زجاج الباب العلوي((الباب كان يتوسطه مستطيل بالطول عباره عن زجاج)) دخل يده الحارس وبدأ يطلق بعشوائية بالغرفه قربت روز بحذر بعد ما اخذت طفاية الحريق وضربت يده ضربه قويه تأكدت انها كسرتها له صرخ بألم مبتعد بعد ماطاح مسدسه بالأرض التقطته بسرعه وخرجت يدها بالممر وصارت تطلق بعشوائية عليهم همست لأحمد:افتح الشباك وأوهمهم بخروجنا منه بسرعه
احمد بأستغراب: ليش مانهرب جد؟
روز :تستهبل؟ بالله كيف تنحاش ورجلك ويدك ماتقدر تحركهم عشان تقدر تنط من مسافه مرتفعه كذا
احمد ناظرها بحده واتجه للشباك فتحه للأخير ورجع بجانبها
طلعت طفاية الحريق والبودره وبدأت ترشها بالممر انتشرت بالممر وبدأ الكل ويحط يده على فمه وانفه دف واحد منهم الباب بقوة ودخل لداخل كان الشباك مفتوح الكل ركض ونط منه للخارج
سحبت روز احمد وخرجت بالممر تركته وتقدمت عنه تشوف اذا قبلهم احد او لا تأكدت مافي قدامها احد لفت على احمد تبي تقوله يتقدم اكثر الطريق أمن لكن انخطف لونها وهي تشوف الحارس اللي طلع من نفس الغرفه والظاهر انتبه لها ولأحمد ورجع وراهم كان رافع مسدسه ومصوبه على أحمد اللي كان يناظر لها بعدم ارتياح ما كان ضامن البنت ذي بتساعده او لا كان يخاف يكون استدراج من روبيرتو له اوو الخخ
افكار كثيره كانت تتصارع برأسه لكن انصدم وهو يشوفها ترفع المسدس وتصوبه عليه وتطلق بسرعه كبيره بقهر:كنت حاس فخ رفع مسدسه وصوبها بعد ما اطلقت طلقه عليه لكن اخطأت الهدف بحسب ضنه صوب عليها واطلق
توقف الزمن عند روز اللي اخترقت الرصاص جسمها كانت تحس بشي غريب للحظه ما حست بأي ألم او وجع للحظة في شي بقلبها انكسر اكثر من كونها رصاص اخترقتها ناظرت بعيون دامعه لأحمد اللي كان واقف مكان بذهول بعد ما
التفتت بصدمه على الرجل اللي طاح خلفه ناظرها وعيونه متوسعه :سوء فهم!
روز بألم وبصوتها اللي يمليه الوجع:كان..بيقـ ـتــ لـ ـك
حست بدمائها الدافئة تسيل بغزارة على خصرها مسكته بيدها للحظه ارتخت يد روز وبدأ الظلام يقتحم عالمها بدأت الأصوات تختفي من حولها كل اللي تحس فيه حرارة مهلكه بصدرها
انصدم من صوتها اي صوتها اللي طالما عشقه كذب نفسه لكن كيف يكذب قلبه اللي فز لصوتها التاعب نسى كل الألم اللي بجسمه ركض لها متجاهل رجله اللي توجعه مسكها قبل لاتطيح بالأرض ابعد الكمام وهو يدعي يكون سمع خطأ لكن وقف الزمن عنده لثواني وهو يشوف ملامحها اللي محفوره بقلبه
ارتخت يده بقلة حيله وبهمس من بين أنفاسه المتقطعه :روز..حبي افـ تــ ـحـ ـي عـ ــيونـ ـك.. اه يـ ـاربي.. روزي افـ ـتـ ـحــ ـي عــ ـيـ ـونـ ك
صرخ بقهر وألم :رووووووووووووووووززززز