بنيه صعب ينطفي ضيها.

Part 72

اقترب يوم ٢٣ سبتمبر لِـ يحكي قصّة عشق شعب و أرض و ملِك 💚🇸🇦
كل عام، والشعب السعوديّ في أمان الله، وفي كنفه، وفي رعايته💚

((أعتذر على الأخطاء الاملائية ))
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
كان الدكتور لازال واقف معهم وقف وحده من الممرضات :وش حالة المريضه!؟
الممرضه بربكه:تنفسها غير منتظم مافي استجابة من أطراف الجسم ما في استجابة لحدقة العين للضوء
ركض الدكتور معها ودخل قسم العنايه ولايلاف تحديداً
الدكتور:مناعتها ضعيفه جداً في سم بجسمها ..مين اصحاب المريضه!؟
الممرضة :الأشخاص اللي كنت واقف معهم
هز الدكتور رأسه وعرف ان إيلاف كانت تحاول تساعد سلطان :في احتمال انها تدخل بغيبوبه
ركب لها التنفس الصناعي والمضادات الحيويه وخرج وملامح وجهه ماتبشر بخير فز الكل عنده
متعب:دكتور اختي كيفها!
دكتور:والله ياخوي وضعها على الله سبحانه مناعتها ضعيفه جداً وعنده سوء بالتغذيه وانتقل السم لها و..
الكل بصدمه:سم!
الدكتور:اي والواضح انتقل وهي تحاول تسحبه من المصاب
مهند بصدمه:يعني ايلاف ممكن تمو..
الدكتور قاطعه:لاتقول كذا وخل املك بالله قوي بأذن الله تقوم بالسلامه عليكم بالدعاء
الجد جلس على الكرسي ورجوله مو شايلته وهو يتخيل يفقد حفيدته واللي غير عن كل حفيداته:ااه ياقلبي عليها ايلاف كيف تخاطر وهي تعرف ان مناعتها ضعيفه وكل يوم طايحه علينا ليش ليش
تسللت دمعها حاره من عينه رفع طرف شماغه ومسحها
جلس متعب بجانب جده:ياجد تعرفها ايلاف مضحيه وبتسوي اللي تقدر عليه عشان تساعد شخص محتاج للمساعده قدامه لكن الحين مالنا الا الدعاء
مهند:امي يامتعب امي كيف نقول لها
مشاري:خالتي مو متحمله دخولها للعنايه كيف بنقول لها
متعب:بأذن الله ايلاف بتقوم
الدكتور وهو يطمنهم:ياشباب استهدو بالله واذكرو الله في حالات اكثر خطورة مرت علينا والحمدلله اصحابها احياء يرزقون اختكم اللي دهور حالتها ان مناعتها ضعيفه جدا واهتمامها بغذائها صفر وبأذن الله بتتشافى وتتعافئ ماعليكم وزي ماقلت في حالات اشد خطور والحمدلله تعافى أصحابها
مشاري :بأذن الله
رن جوال مشاري رفعه له وهو يشوف خالته ام سلطان تدق ابتعد شوي عنهم ورد:الو
ام سلطان وهي تبكي:طمني عن وليدي يامشاري
مشاري:هلا خالتي سلطان الحمدلله طيب وبأذن الله ماعليه شر ركبو له مصل وبكره انه عندك ان شاء الله
ام سلطان:متعب وصلكم
مشاري بربكه:اي
ام سلطان:وراها اخيتي ماترد على جوالها هي وينها
مشاري سكت شوي بعدها:خالتي طاحت علينا
فزت ام سلطان :بسم الله عليها وش فيها يامشاري اصدقني القول ايلاف فيها شي
مشاري:ايلاف محتاجه دعواتكم ياخاله
ام سلطان ضربة على خده بفجعه:ماتت
مشاري بسرعه:لا لا لا دخلت للعنايه واحتمال تدخل بغيبوبه
ام سلطان :لا اله إلا الله وش فيها
مشاري:ايلاف حاولت تساعد سلطان وانتقل السم لها حالتها اخطر من سلطان لأن مناعتها وتغذيتها سيئه جداً
ام سلطان:يارب سترك الله يشفيها يارب
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
جلسن البنات على الفرشه الخفيفه اللي فرشوها على العشب بعد ما كل وحده غيرت لبسها واستحمت
رهف:يمه يابنات والله للحين كل شوي يقشعر جسمي كل ماتذكرت
رنا حضنت نفسها بخوف:اي والله ((ااه بس ليش تذكرت الزفت فراس وقت ماحطني بالقبو!؟ممكن لان الاصوات كانت نفسها ))
لارا:الخبله ذي بغت تنجن
تالا:اقولكم من البدايه جتني ام الركب بس بعدها ضحكة من الخرعه وبكيت من الفجعه يمه بناات امانه ماشفتو شي!؟
نور لفت بسرعه على جود وهي ترميها بقارورة المويه الفاضيه اللي بيدها:مهبوله انتي ليش تقومي من مكانك هاا بغيت انجن من الخوف عليك
جود مسكت يدها مكان مارمتها نور:ااحح وشدراني انا صوت زي صوتك ناداني وانا الخبله قمت
روز:رحم الله امرئً عرف قدر نفسه
وديان بنص عين:شف من يتكلم بس
روز:هااوش قصدك
وديان:ابد ماقصدي شي
تالا:اقول الحين نهجد لبكره والله امي تشم ريحة بس أن بنسوي شي جديد تنحرنا
رهف:هها خالتي على الأقل اذا بتنحرك بتستقبل القبلة لكن امي عطول بدون تفااهم
لارا:بنات دونت اكشن زياده ياويلكم مني ترا اعلم خالتي نجلاء
رهف بضحكة شر:اي عشان اقوم عليك انا
لارا:انن والله ماتصيديني
رهف ضربة صدرها:افا وانا ام هندي كيف ما اصيدك لا اصيدك ليش لا
لاراقامت بسرعه وهي تشوف رهف تقوم وتهجم عليها ركضت بسرعه وصارت تدور على البنات:رههههف ياحماااره ام الركب باقي في رجولي من المغرب لاتجلطيني
رهف بعناد:اصيدك يعني اصيدك
تالا داخت :الله يدوخكم ادوختوني لا تدورن حولنا
نور مسكت رجل رهف وطاحت رهف على نور اللي صرخت بوجع:اااااااااا كسرتيني ااه ياظهري
رهف وهي تحاول تفك نفسها:فكيني
نور بصراخ:لاااااراااا انحاااااااااشي
لارا ماصدقت خبر وركضت على الله ماتدري وين الله قاطها
رهف قامت بسرعه وهي تخطف القارورة من يد روز اللي كانت بتشرب وتركض خلف لارا وروز تصارخ :موووويتي ياااارهف ياااحمااااره موووويتي عطشاااانه
رنا بخبال:عطشان يابرق السماء
جود شبكت معها على طول:بموووت من طول الغياب
روز بصوت نشاااز وكله مشاعر :بموووت من كثر الظما
وديان فتحت مويه ومدتها لروز:امسكي اشربي لاتموتي علينا قال ايش قال "بتريقه"بموت من كثر الظما
تالا مسكت راسها بصداع:انا مدري القاها من رهف ولارا ولا من ذول اللي اصواتهم تفقع الطبله ولا من ايش بالضبط
روز اخذت المويه وهي تتحلطم:استغفرالله ياربي الواحد مايقدر يعبر عن مشاعره قدامكم
عند لارااللي كانت تركض ومتحمسه تنحاش من رهف الي خلفها بقارورة الماء صرخت رهف:لارا
لارا بغباء لفت لها :هااا
رهف حذفت القارورة عليها بس صنمت مكانها وهي تشوف الشخص اللي تألم من القارورةاللي جت برأسه
لارا ناظرت قدامها بس ما حست الا رأسها صافق بجدار
مسكت رأسها بوجع وهي دايخه لارا ماسكه رأسها من جههة وفهد ماسك رأسه من الجهه الثانيه رفع رأسه وهو يناظر برهف اللي واقفه وعاضه على شفايفها بقوة
فهد:مره وحده بس ابي اشوفك بدون اصابة آآه يارأسي كسرتيه لي
لارا رفعت رأسها ببطئ وناظرت بعبد العزيز الواقف قدامها نزل لمستوئ اذنها وهمس :الظاهر مو ناويه على جرحي يطيب
لأن لارا ضربة بجرح الرصاصه اللي بكتفه واللي طاب بشكل كبير بس لازالت تجيه نغزات منه
ركضت لارا بسرعه وهي تسحب رهف المصنمه مكانها
وركض للبنات اللي استغربو اول ماشافوهم مع بعض
روز عقدت حواجبها:بنات!
رنا:بسم الله لايكون شافو لهم شي من تحت الأرض
تالا:الوانهم مخطوفه
لارا ناظرت برهف اللي كانت تناظرها بعدها كل وحده غطت وجها بيدينها وصرخن مع بعض
جود كانت قريبه منهم نقزت لوراء بخوف:بسم الله بسم الله
وديان:بنات وش فيكم رجلي مكسره ما اقدر اقوم انحاش وش فيكم
لارا ناظرت بوديان وانحرجت زيادة
قامت رنا وركض لداخل شوي ورجعت وبيدها قارورة مويه ترجها بيدها وطشششششششش على لارا ورهف اللي ماكانوا منتبهين لها :بسم الله بسم الله
رهف ولارا شهقو مع بعض:هئ رررررننننناااااااااااا
رنا بخوف رجعت لوراء وبسرعه وتبرير:ماء وملح والله قلت يمكن فيكم شي
لارا ورهف ركضو لها ومسكوها وكل وحده تضربها من جهه ورنا بينهم تحرك يدينها عشوائي البنات كانوا يضحكون على اشكالهم :هههههههههههههههههههههههههه هههههههههههههههههههههههههه
رنا بصراخ:الفزعه يابنات الفزعه
جود بفزعه كذاب طقت الصدر وهي تقلد رهف:عندي وانا ام هندي
ركضت بسرعه ناحيتهم لكن غيرت مسارها بعد ماركضت لارا جهتها وانحاشت منها تدور على البنات بس ما مداها تاخذ لفه الا وتعثرت بطرف الفرشه الا انها على وجهها ولارا متكسرتن فوقها
البنات انجلطن من الضحك على اشكالهم:ههههههههههههههههههههههههههههههههههههههههههههههههههههههههههههههههه
جود قعدت وهي تمسك خشمها:اااه خشمي انكسر ااه ياخشمي
لارا :كوعي لا بارك الله فيك ااي اي
رنا استغلت الفرصه ودفت رهف وانحاشت ورهف وراها دخلت رنا لداخل ورهف خلفها ركضت رنا جهة المطبخ بس دخلت لغرفة التنظيف القريبه بدل ماتدخل للمطبخ لكن رهف كملت طريقها للمطبخ وهي تدور على رنا شافت على طاولة المطبخ ملعقه خشب اخذتها و انحنت تدور لها تحت الطاوله اللي تتوسط المطبخ انتبهت لشخص داخل من الباب الثاني وبدون مقدمات رفعت يدها وحذفت الملعقه عليه لكنها انجلطت وهي تشوف فهد الواقف واللي كتف يدينه اول ماشافها :راح استغرب لو ماصرعتيني بشي
رهف جمدت مكانها ونظراتها على فهد وهي تحس انها بتغوص من الاحراج اط اف جسمها بردت وتحس بالحر ومغص ببطنها نقطه وتبكي خلاص بصوت مرتبك:آ آسف..
قاطعها فهد :تعتذري عن ايش ولا ايش مابقى شي فيني ماكسرتيه
رهف بصوت يرجف:ما قصدي لك حسبتك رنا
فهد:رجال وش كبري تخلطين بيني وبين بنت!
رهف بأنفعال :خلاص قلت اسفه ومو ذنبي اذا انت كل شوي طالع لي
فهد بصوت عالي شوي:هي صوتك لا يعلى اسمع مو برأس جبل انا
رهف بكت اول مارفع صوته عليها وخرجت بسرعه
فهد كان منصدم مكانها:امزح معها وش فيها زعلت!
خرجت رهف وهي تلعن وتسب في رنا بصوت عالي وتسب فهد اللي فاهم عليها:اعوذبالله منك يارنا ياحماره ومن اللي ببالي معك الله لايلعنك انتي واللي بباالي
رنا بفضول خرجت من الغرفة وهي تسأل:مين اللي ببالك
رهف صرخت بفرحه وهي متحمسه تطلع حرتها برنا:لقيتك
رنا صرخت بخرعه من رهف:يمههههه
وركضت للبنات من جديد ورهف وراها تتحلف فيها بسبب الموقف المحرج اللي صار لها
رنا وقفت خلف روز اللي وقفت تروح المطبخ :انا في وجهك ياروز
روز :رهف رنا بوجهي ساامعه!
رهف بحقد على روز بسبب فهد:انتي ولا كلمه
روز توسعت عيونها:افا رهيف وش فيك
رهف:ااه روز
روز:بسم الله اقول وش فيك انتي مهبوله!
رهف:رنا مابتمر لك على خير
جلست رهف وتربعت وكتفت يدينها وهي مبوزه
وديان:اللهم ارزقنا العقل
رهف ناظرتها:وش قصدك هااا!
وديان:كلمتك انا!؟
روز:ياربي بس اص اص عندي لكم فكره
تالا رن جوالها برقم غريب ناظرته بس ما اهتمت:اي وش فكرتك!
روز:نلعب لعبة واللي تفوز تحكم على اللي تخسر
رنا:طيب وكيف؟
روز:اسمعو نجيب الورق ونوزعه بينا طيب ونطلع البنات بس تبقى بنت وحده ونوزعه واللي تخلص اوراقها اول وحده تفوز واللي تبقى معها البنت اخر وحده تخسر طيب!
البنات:طيب
قامت جود اللي كانت هي متكلفه تجيب الالعاب معها وجابت الورق واللي كانت ثلاث من نفس النوع ودمجوها مع بعض
وبدأو يلعبون
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
بعد ساعات طويله على البعض وقصيره على البعض الآخر مرت بسرعة عند البعض ومرت ببطئ عند البعض
الآخر فتح عيونه ببطئ وهو يشوف كل شي حوله ابيض ويسمع اصوات الأجهزة المزعجه اللي عنده اصوات الناس والضجيج اللي خارج غرفته لف رأسه بشويش وانتبه للمغذي اللي بيده غمض عيونه من جديد بأنزعاج من الضوء الي بدأ يتسلل من النافذه الموجوده بالغرفه انفتح الباب ودخل الدكتور وهو راسم ابتسامه لطيفه على وجهه :صباح الخير سلطان
سلطان بصوت مبحوح:صباح النور
قرب الدكتور منه بعد مافتح قارورة ماء وبدأ يشربه :كيف حاس الحين!
سلطان عقد حواجبه:رجلي توجعني
ابتسم الدكتور:طبيعي لأن ثعبان شوي قوي اللي لذغك بس الحمدلله خرجت منها بأقل الاضرار
سلطان هز رأسه :الحمدلله
كشف الدكتور وعبئ بياناته
وخرج بعدها بدقايق
دخل الجد والجده وبناته واحفاده
الجد:السلام عليكم ..الحمدلله على سلااامتك
سلطان:وعليكم السسلام
مشاري:ماتشوف شر يالغالي
متعب:ماتشوف شر حبيببنا
سلطان:الشر مايجيكم
ام سلطان دمعت عيونها وقربت من ولدها وحبت جبينه:الحمدلله على سلامتك حبيبي
سلطان :الله يسلمك يمه
الكل بدأ يتحمد له بالسلامه وسلطان يرد عليهم لكن عيونه كانت تدور لها بينهم ماكانت موجوده نزل رأسه بحزن وحز بخاطره انه ماجت تزوره ولو من باب المجامله غمض عيونه بقوة وهو يحاول بتذكر اللي شافه صدق او هلوسه ما كان متأكد اذا فعلاً صادف ايلاف وقتها او لا بس اللي يعرفه ان الشخص اللي صادفه وقتها رافضه صورته تخرج من باله لأنه مو ايلاف اللي يعرفها واللي معتاد عليهاا شاف ايلاف ثانيه او بالاصح ايلاف الحقيقه واللي لأول مره ماتظاهرت بالكره له او وضحت له او او او سرح بتفكيره بعيد عن الكل وباله مشغول من ايلاف ابتسم بحزن((لذا الدرجه تكرهني معقوله!حتى ماجت تزورني؟))تنهد بحزن خفيف نبه من سرحانه على صوت امه الحنون:بسم الله عليك حاس بشي يمه!؟
سلطان هز رأسه:لا يمه
ناظر خالته اللي كانت جالسه وبس دموعها تنزل عقد حواجبه بأستغراب كان بيتكلم بس سكت وهو يشوف الجده جلست بجانبها وحضنتها همست لها بحنيه:يايمه اذكري الله ووحديه وايلاف ربي يشفيها ان شاء الله صبري نفسك قدام سلطان على الأقل عشان لايحس بالذنب وتنكس حالته
ام متعب مسحت دموعها:لا إله الا الله
استأذنت الجده وراحت مع البنات وامهاتهم لأن اصحاب سلطان عرفو باللي صار وزملائه ومن باب الواجب كان بيزورونه البعض منهم واللي مستعجل او بيسافر او او
شويات ودخل الدكتور من جديد وهو يكشف على سلطان اللي فضت الغرفه عنده خرج الدكتور بس صادفه متعب عند الباب وسأله عن ايلاف :دكتور بشر مافي شي جديد في حالة إيلاف!
الدكتور حط يده عل كتف متعب:والله ياخي مدري وش اقول لك من امس وهي على التنفس الصناعي والمضادات الحيويه بس بأذن الله تتخطئ مرحلة الخطر اللي هي فيها ودخلناها العنايه عشان تبقى تحت الملاحظه المستمر خوفاً من تدهور حالتها
متعب نزل رأسه بحزن:ان شاء الله الله يششفيها
الدكتور:وزي ماقلت لكم امس والله يعافيها ويعافي جميع مرضى المسلمين
متعب تنهد:امين
كانت زي الصفعه له وهو يسمع حوارهم ((دقيقه ايلاف! تنفس صناعي!؟وش فيه ))قام سلطان من مكانه وهو يحس بخوف على ايلاف دخل متعب للغرفه :سلطان عسى ماشر!
سلطان هز رأسه بصمت ورجع لسريره كان ينتظر متى يخرج متعب عشان يروح لأيلاف ويسأل عنها انشغل باله على ايلاف وفكره تجيبه وفكره توديه كان متعب جالس معه ويكلمه بس سلطان سرحان ولايدرب وش يقول دخل مشاري ومهند اللي نزلو يجيبون أكل لسلطان
مشاري:سلطان الأكل اللي طلبته
سلطان بدون نفس:الحمدلله ما ابي شي
مهند:مين اللي قبل شوي يقول جوعااان ابي أكل
سلطان بهدوء :الحمدلله ما ابي شي
مهند:سلطان ترا انا مقدر انك تعبان لا تجبرني اتوطئ ببطنك كل تغذ واللي يرحم والديك يكفي..
ناظره سلطان وهو ينتظرها يكمل جملته والي كانت يكفي ايلاف تغذيتها سيئه
متعب:سلطان كل ولو شوي
سلطان ناظر متعب وبعدها ناظر بالفارغ((كيف يكون لي نفس وايلاف حالته خطير كيف ليش مايقولون لي ليش !!))
مشاري :شباب مين بيرافق مع سلطان!
مهند:انا
سلطان:مايحتاج
مهند:الا يمكن تحتاج شي
سلطان :مهند انت ما ارتحت من امس انا عارف وماعليك انا بدبر نفسي
مهند:بس
سلطان:لا بس ولاشي ارتاح قلت لك
مشاري:انا بجلس معك
سلطان شد قبضته اللي كانت تحت الغطا اللي يغطيه :ماعليك اذا ابي مساعده في جرس عند رأسي ما ابي اثقل عليكم
متعب:شباب خلاص مشينا وسلطان رجال ماعليه شي
مهند ومشاري هزو رؤسهم بالموافقه
مهند:اذا احتجت شي ولا دق علي طيب!
سلطان هز رأسه:طيب كلها كم ساعه وتجوني ارتاحو الحين طيب
مهند:طيب طيب
خرج متعب والعيال انتظر سلطان شويات بعدها قاظ على هونه وهو يتسند على الجدار ويخرج من غرفته
صادف دكتوره بالممر تقدم له:عسى ماشر سلطان
سلطان كان يمشي ويعرج من رجله اللي توجعه قال بهدوء:دكتور كيف ايلاف!
الدكتور:تعرفها؟
سلطان وهو يبي يتأكد اذا صدق ايلاف كانت معه قبل يفقد وعيه او لا:هي كانت تساعدني وحتى انها تهورت وكانت تحاول تسحب السم مني
الدكتور :اي صحيح هي ان شاء الله طيبه
سلطان بنظرات مركزه على الدكتور:بس انا سمعت غير كذا!
الدكتور:سلطان ارتاح الحين وبعدين نشرح لك كل شي
سلطان بنبره حزينه:لو صار لها شي بسببي ما راح اسامح نفسي ابداً
الدكتور:بأذن الله بتكون بخير لاتشيل هم
سلطان ناظره وبقهر:انا السبب هي مناعتها ضعيفه من قبل هي من زمان تعاني وانا زدت المعانه عليها
الدكتور ربت على كتفه:لا تقول كذا هذا قضاء وقدر وبأذن الله بتكون بخير وياسلطان في حالات اخطر منها وصلت لنا والحمدلله الحين أصحابها بخير يارب لك الحمد
سلطان بنظرات حزن ورجاء:اقدر اشوفها!
الدكتور:هي بالعنايه يعني
سلطان:بس ٥دقايق
تنهد الدكتور وهو يشوف تعلق سلطان الواضح فيها
:تمام ٥ دقايق بس
اتجه سلطان مع الدكتور لقسم العنايه المركزه لبس اللبس المخصص ودخل بهدوء لغرفة كان يناظر بجهاز التنفس الصناعي وجهاز تخطيط القلب اللي موصل بجسمها حس قلبه ينعصر وهو يشوفها بهذه الحاله
قال بصوته الهادي واللي يخالطه حزن وتأنيب لضميره وهو يحمل نفسه المسؤولية: ليش يا ايلاف! ليش المره هذه جيتيني!ليش المره هذه ما طنشتيني كالعاده؟ليش عرضتي نفسك للخطر عشان سلطان عشان سلطان اللي تكرهينه ليش! انا مو قادر اتخيل حياتي بدونك!انتي ممكن ماتسمعيني لكن بقولك حتى لو تكرهيني حتى لو دايم تناقريني حتى لو بس انا متعود على ازعاجك لي واللي اعتبره طبطبه على قلبي مو ازعاج كوني قويه عشاني وعشان خالتي وعشان متعب ومهند وريوف وجدي وسجى وكل اللي يحبونك "وبهمس حزين "وانا أولهم
ناظرها شوي بعدها تراجعت خطواته وخرج من عندها بينما نزلت دمعه حاره على خدها وهي تسمع كلامه لها تحركوا الممرضات لداخل بسرعه بعد خروج سلطان من الغرفه خرجت الممرضه تنادي الدكتور اللي صادفها بالممر
:دكتور المريضه استعادة وعيها واستجابة لنا
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
وبعد بكره ان شاء الله بيكون في بارت خفيف لطيف
بأذن الله وكالعاده رايكم؟!
.
.
.
.
وكل عام وشعبنا ووطنا العزيز بنعمه وامأن
وسلمك الله يا وطني وحفظك من الفتن والمحن، وجعلك دائماً شامخاً ورافعاً رايتك عالياً.💚🇸🇦💚🇸🇦💚🇸🇦
ابي الكومنتات كلها اخضر ياحلويني 🇸🇦💚