بنيه صعب ينطفي ضيها.

Part 38

((أعتذر على الأخطاء الإملائية))
▪▪▪▪▪▪▪▪▪▪▪▪▪▪▪▪

..:انا اللي
عبدالعزيز:ايه
..:لا لا انسئ
اعطتها ظهرها ومشت عنه بس وقفت وهي تسمع يقول:اها انتي اللي فتح جرحي ذاك اليوم
حطت يدها على وجهها بحرج تحرك عبدالعزيز وصار واقف قدامها رفعت رأسها له وهي تبعد اصابعها عن عيونها :والله أسفه من قلب قلبي
عبدالعزيز بتلاعب:امم مدري اقبل اعتذارك او لا
لارا:الله يهديك بس مايبي لها تفكير اقبله اقبله
عبدالعزيز بنص عين :اقبله هاا
لارا ببرود:اللي علي سويته قبلته او لا بكيفك
تركته ومشت من عنده
ابتسم عبدالعزيز
▪▪▪▪▪▪▪▪▪▪▪▪▪▪▪▪
دق الباب على غرفة امه ودخل كانت واقفه تصلي العشاء
جلس على الكنبه اللي كانت تزين ركن الغرفه
انتهت ام وليد من صلاتها التفتت لوليد:هلا يمه
وليد:هلابك ابيك بموضوع
ام وليد:عسى خير
وليد:خير إن شاء الله رنا جاها عريس وشبه موافقه
ام وليد بفرحه:كككلللللللووووووش ذي الساعه المباركه والله
وليد:يعني ماعندك مانع او شي
ام وليد:ماعندي شي الله يوفقها ويسعدها يارب
وليد:امين يارب
ام وليد:ها وانت متى نفرح فيك
وليد:اذا كتب ربي ان شاء الله
ام وليد:الله يوفقك يارب ويرزقك ببنت الحلال
وليد:امين يالغاليه
ام وليد:الا ابيك تجهز لنا شاليه نطلع فيها ثلاث او اربع ايام ونغير جو
وليد:ابشري
ام وليد:وكلم عبدالعزيز واخته وابوفهد وربعه وانا بكلم ام طلال
وليد:ابشري
▪▪▪▪▪▪▪▪▪▪▪▪▪▪▪▪
عند البنات
جود :والله حبيتك ياروز
روز:ياعمري يشهد الله دخلتي قلبي من شفتك
نور:ياعيني ياعيني جود لوتعرفتي على الشله كلها بتحبيهم والله يجننون
روز:اي والله لازم نتجمع كلنا مع بعض عاد بجهز لنا يوم كذا ونسهر لصبح ونسولف ونستانس
جود:تمام
روز (لازم اسألها ليش دخلت غيبوبه واعرف اذا هي نفس البنت او لا):الا سلامتك سمعة من ابوي كنتي بغيبوبه
جود:الله يسلمك كان عندي القلب والحمدلله الحين كل شي بخير
روز:جعلك بخير يارب
جود:وياك
نور:ترا انتي واخوها بنفس اليوم صحيتم من الغيبوبه
جود:اما !
نور:اي والله
روز:من الحين اقولك انتي محجوزة لا أخوي انتهئ
جود:‏‎هههههههههههههههههههههههههههههههههههههههههههههههههههههه الله يقطع شرك سيارة اللي قدامك
روز بخباال:لا طياره
قاطعهم رنين جوال روز قامت بأرتباك :معليش بس مهم
ابتعدت شوي :الو
احمد:رامي تعال للمقر
روز بصدمه:الحين؟
احمد بسخريه:لا بعدين
روز:طيب
قفلت بوجهه المره ذي لانه دايم يقفل بوجهها
احمد ناظر جواله بصدمه:قفل الخط بوجهي!مين يضن نفسه
راحت روز عند امها :يمه انا ضروري امشي الحين وديان تعبانه بروح لها
ام فهد:سلامتها وش فيها؟
روز بربكه:اللي فهمته انها تعبانه فبروح واشوف
ام جود:ياحبيبتي ماطولتي معنا
روز ابتسمت:معليش خالتي بس بأذن الله مو اخر زياره وبينا تواصل إن شاء الله
راحت روز للبنات:معليش ياحلوين بمشي الحين
جود :لااا مو منجدك الحين؟
روز:اي والله صحبتي تعبانه بروح لها ضروري
نور:مين!؟
روز:وديان
نور:ماتشوف شر
روز:الشر مايجيك
طلعت روز من عندهم بسرعه (اعوذبالله منه وش يبي مني الحين؟ابد مودي مووو مود شغل واكشن والله اووووووف )
اتصلت بوديان ثواني وجاها الرد
:الووو
روز:الو سلام كيفك؟
وديان:هلا والله وعليكم السلام الحمدلله كيفك انتي؟
روز:الحمدلله وديان استدعوني بالمقر بروح البيت اخذ سيارتي وبمرك احتاج جهاز التنصت قدرتي تدبريه؟
وديان:اي موجود من حسن حظك وصلني قبل نص ساعه
روز براحه:الحمدلله..زين أجل دقايق واكون عندك
اتجهت روز لبيتها دخلت بخفه عن الخدم وطلعت لغرفتها لبست كالعاده اسود بأسود نزلت وهي تسحب خطواتها لا أحد يحس فيها(اااههههخخخ الله يأخذكم نعم امين كان ببيتي امشي كني حرامي حسبي الله عليكمم)اخذت سيارتها اللي كانت دائم توقفها بالشارع الخلفي لبيتهم تحركت بسرعه لبيت وديان كانت وديان بأنتظارها عند الباب اعطتها الجهاز وحركت للمقر وصلت روز
ونزلت طلعت البطاقه التعريفيه ودخلت
كان احمد بأنتظارها جالس على كرسي خارجي
اتتبه لها قام:تأخرت؟
روز بخشونه:زحمة الطريق
احمد بتعقيد حواجب:انتي كيف تجرأت؟
روز(ياليل مطولك واضح وراه بلاء من تعقديته لحواجبه ذي):في شنو بالظبط؟
احمد وهو يرص على أسنانه:تقفل الخط بوجهي يا استاذ رامي!
روز قمطت العافيه:اما انا قفلته؟
احمد بعصبيه:لاتتغابئ على رأسي
روز:اوك اوك آسفين المهم وش سبب استدعائي؟
احمد وهو يتذكر ليش(يوووه نسيت ):في شحنه الاسبوع الجاي وكذا ادخل عند ابوي يقولك
روز بشك:وليش ماتكمل انت؟
احمد:بدون برربره زياده وادخل ابوي يقولك
روز(ليش مصر ادخل عند ابوه؟):تمام
احمد بهمس كان مسموع لها:وبنعرف حقيقتك ياسيد رامي
ابتسمت روز واتجهت للمكتب دقت الباب ودخلت كان ابو احمد يكلم قربت منه وقفت صارت تدور عيونها بالغرفة كيف توصل لمكان ابو احمد بدون مايشك بشي!انتبهت لسلك الإضاءة المشبوك كان ابو احمد مركز بالمكالمه ويتناقش رفعت نظرها للمكتب وكان في كوب مويه بجانب الإضاءة كانت متعمده من البدايه توقف بنقطه عمياء عن الكاميرا اللي تصور كل شي طلعت جهاز التنصت من داخل بدلتها اللي كان كمها طويل صارت تسحب رجلها لحد ماداست على السلك وسحبته طاحت الإضاءة على المكتب بينما روز تحركت بسرعه وهي تمسكها وتشيل الاوراق اللي كانت بتعدمها المويه قام ابو احمد بسرعه وهو معقد حواجبه أشرت له روز نزلت نفسها لتحت المكتب وهي تشيل الأوراق اللي طاحت وبهذه الاثناء حطت جهاز التنصت رتبت الأوراق ورتبت المكتب من جديد خلص ابو احمد مكالمه ولف لها
روز بخشونه:طال عمرك طلبتني!
ابواحمد:لا
روز بأستغراب:لكن السيد احمد ...
قاطعها ابواحمد:اي اي صحيح كنت بنسئ الاسبوع الجاي في شحنه بنستلمها سريه للغايه
روز :طيب؟
ابواحمد:في ***** الساعه١١ الليل
روز:طيب طال عمرك المطلوب مني الحين؟
ابواحمد:كنت برسلك تستلمها لكن تكفل كاسبر فيها
روز:تأمر على شي
ابو احمد :سلامتك
طلعت روز من عنده(كلامه في تردد كبير و ليش يخبرني دام انها سريه؟كان يقدر يقول خلاص ما ابي شي!واحمد وتصرفاته وكلامه؟)
كان احمد بمكانه ويناظرها نظرات غامضه
تجاهلته روز كان بتطلع من المقر لكن صوت طلقات النار اللي انتشرت بالمكان والزجاج الي تناثر بالأرض طلع احمد سلاحه وروز كذلك من غير الحراس الموجودين وابتدأ تبادل اطلاق النار بينهم
▪▪▪▪▪▪▪▪▪▪▪▪▪▪▪▪
حطت رأسها على الطاوله وهي تفكر بعمق (مين الشخص اللي بيرتبط اسمي بأسمه؟ليش ماعندي حق الاختيار في القبول او الرفض؟ليش عمي يبي يزوجني؟انا مجبوره طيب هو مجبور ولا راضي!؟كيف بعيش مع شخص ما اعرف حتى اسمه ؟) بدأت دموعها تنزل بغزارة على وجهها وهي تمنع صوت شهقاتها مسحت دموعها وقامت غسلت وجهها وهي طالعه من عند المغسله سمعت طرقات الباب:ادخل
دخلت ام وليد وهي مبتسمه بس انمحت ابتسامتها وهي تشوف عيون بنتها الحمراء وبخوف:رنا فيك شي كنتي تبكين!
رنا ابتسمت ابتسامة صفراء :لا يمه شدعوه ابكي كنت اغسل وجهي وكالعاده دخل الغسول بعيوني مو شي جديد
ام وليد براحه:اشوا
جلست على السرير وجلست رنا بجانبها مسكت يدها:حبيبتي كلمني وليد في شخص تقدم لك
رنا نزلت رأسها وهي تخفي عيونها عن امها:اي
ام وليد:وأهم شي الحين تصلي استخاره والله يوفقك
رنا(ااهخ يمه لو تدرين ان عمي مهددني فيكم والله لو مو انتم واعرف عمي عديم الإنسانية لو على جثتي ما اتزوج):يمه انا فكرت و انا موافقه
حضنتها ام وليد وهي تكفف دموعها :وكبرتي يارنا وصرتي عروس الله يا مسرع الايام
رنا:اي والله يمه اي والله
ام وليد:انا برد بوليد يرد بالرجال الله يحييهم
هزت رأسها رنا وطلعت امها من عندها
دخلت بنوبة بكاء صامتة
▪▪▪▪▪▪▪▪▪▪▪▪▪▪▪▪
كانت تحتمي بأحد الصناديق الموجودة في المكان واحمد بجانبها بأستغراب سألت:مين ذول؟
احمد وهو مركز على إطلاق النار:مدري بس اعدائنا كثير
روز بصوت مسموع :اكيد كثير دامكم بذا الطريق
احمد ناظرها:قلت شي؟
روز:لا لا سلامتك
الرصاص كان يمطر عليهم ودفاع العصابه ضعف روز صارت تراقب العدو وهي تحاول تعرف مين الشخص اللي يقود الهجوم هذا؟!
وقفت إطلاق وركزت
لف احمد وبعصبيه:راامي وش تسوي انت؟
روز طنشته ابتسمت ببرود وعيونها كأنها صقر يناظر فريسته اطلقت على ذاك الشخص الواقف بينهم اخترقت الرصاصه كتفه اضطرب الكل من اصابته ابتسمت ببرود عرفت انها اختارت الشخص الصح
احمد ناظرها وبهمس:كنت عارف؟
روز:لضمان انتصارك على مجموعة اقضي على قائدهم
احمد(مو هين والله بس في شي غريب الشخص ذا احس اني اعرفه حركاته وعيونه مألوفه لي )
صرخ احمد من الرصاص اللي مرت من جانبه وهي تخترق يده صار ينزف بقوة
روز بخوف :احمد احمد وش صار
احمد بتألم:رصاصه خدشتني
روز بتوتر:متأكد خدش بس
احمد بتعب يحاول يخفيه ويتماسك :ركز معهم لا معي
روز :انسحابهم مؤكد بسبب اصابة قائدهم
ماهي الا دقائق وبدأ العدو بالانسحاب
روز بصراخ على الحراس الموجودين:احمد انصاب بسرعه المشفى
احمد مسك يدها:مجنوون؟
روز:ليش؟
احمد:رصاصه ترا اللي فيني!
روز انجلطت منه:اي وعشان كذا بتروح يعالجونها
احمد:اكيد بيدخلون الشرطه بالموضوع
روز ضربت جبتها :يووووه صح صح
روز بأمر :دخلوه للمكتب بسرعه
الكل استجاب لها دخلو احمد ومدوه على الكنبه دخلت روز وهي تدور بالمكان:علبة الإسعافات الأولية بسرعه
خرج أحد الحراس ورجع وهي بيده جلست احمد بصعوبه الكل طلع بعد ما أشر احمد بعيونه لهم
روز لفت بأستغراب:شفيهم خرجو؟
احمد(مو غبي اتركهم يشوفون وجعي وتألمي)
روز لفت رأس احمد للجهة االمعاكسه :مهما يصير لا تلف هنا اماانه
احمد بأستغراب :ليش
روز:اتمنى تسوي كذا عشان اعرف اشوف شغلي على مايوصل الدكتور
احمد بتعب ومو فاضي للمناقشه لف رأسه
نزلت الكاب على عيونها عشان لايوضح شكلها له ونزلت الكمامه بدأت تنظف الجرح
احمد بوجع من المطهر اللي حطته:ااححح
روز بهمس:اسفه بدأت تنفخ عليه محاوله التخفيف عنه
التفت احمد وهو يحس بنفخ على جرحه وكله فضول يشوف وش يخبي رامي بوجهه؟
▪▪▪▪▪▪▪▪▪▪▪▪▪▪▪▪
هرب ابو احمد من الباب المخفي بعد ماحس بالخطر واتجه لبيته جاته مكالمه من وليد
ابتسم ابو احمد بخبث بعد مارد عليه وليد بالموافقة ورفع طلب بأجتماع للرد على اقتراح الهدنه بينه وبين عدوه القديم والحين هو متجه للأجتماع
دخل والكل كان موجود ومن ضمنهم عدوه القديم
الرئيس بصوته الخشن:وش ردك على طلب الهدنه بينكم!؟
ابو احمد:انا للأسف ماعندي الا ولد واحد بس
تكلم سليمان :افهم من كلامك ان ماعندك بنت لزواج
ابو احمد بخبث:هه لا تستعجل صحيح ماعندي بنت لكن عندي بنت اخوي اللي اعتبرها بنتي!
سليمان:ازوج بنت اخوك لولدي؟
ابواحمد:اي
سليمان:تمام موافق
ابواحمد:كلمت البنت وهي موافقه
سليمان:طيب متى تكون الخطبه!وزي ما انت عارف الشهر الجاي يكون الزواج
ابواحمد:اي حياكم بعد بكره
سليمان:تمام
▪▪▪▪▪▪▪▪▪▪▪▪▪▪▪▪
طلع ابو فهد واهله وبقت نور بس وطلعو لغرفة جود
جود:يالله يانور تجنن روز تجنن طيبه مره يااااخي
نور:مره من اول موقف لها معي عرفت انها انسانه لطيفه!
جود:ليش وش كان الموقف؟
نور:انا اخذت قهوه طيب وانا ماشيه بالممر صدمت فيني وطاح الكوب من يدي وانكبت اعتذرت مني وقالت الحقيني
جود:ايوا
نور:اتحداك وش سوت؟
جود:مدري
نور:انقلعي ماتحمسين المهم جابت لي قهوة جديدة وفوق ذا كوكيز كأعتذار مني
جود:يازينها والله منجد لطيفه
نور:الا بكلم وديان اشوف كيفها
اخذت جوالها ودقت على وديان شوي وردت
وديان:الو
نور:الو سلام
وديان:وعليكم السلام هلا والله
نور:هلا فيك كيفك وماتشوفي شر إن شاء الله
وديان بأستغراب:ما اشوف شر
نور:اي روز تقول انك تعبانه
وديان بدلاخه:تعبانه...وكأنها استوعبت
وديان وهي تغير صوتها:كح كح كح اي شوي الله يسلمك
نور:وكيفك الحين إن شاء الله تمام
وديان:كح الحمدلله مشكوره على اتصالك
نور:شدعوه عاد الواجب فديتك وش فيك؟
وديان بسرعه:صداع ببطني ااا اقصد صداع برأسي وحرارة وكحه
نور:الله يعافيك يارب ويشفيك ما اطول عليك حبيبتي حبيت اتطمن عليك
وديان:فديتك والله بحفظ الله
قفلت وديان وبصرخه قويه:ررررررررروووووووووووووووووزززززززززز
▪▪▪▪▪▪▪▪▪▪▪▪▪▪▪▪
طلع من الاجتماع ودق على ولده وهو يطلب يقابله وصل لمكتبه ودخل ينتظر ولده بعد إنتظار ما دام طويل دخل ولده
سليمان:ابو احمد رد ماعنده بنت!
..ابتسم بفرحه:كووويس
سليمان :لكن..
....:لكن ايش؟
سليمان :بنت اخوه موجوده وهي اللي يتكون زوجتك
عصب:وش الاشخاص ذول اللي ماعندهم كرامه يقطون بناتهم على اي شخص
سليمان :اسمع ٤ شهور بس وانت حر في اللي تسويه بس الحين لازم نكلم امك لأن بعد بكره بتكون الخطبه
انصدم:بعد بكره!؟؟؟
سليمان:الزواج الشهر الجاي
بصدمه اكبر:يبه انت وش تقووووول؟؟
سليمان:هذي فرصتنا ندمر ابواحمد ياولدي اسمع مني
بحقد:والله لا اوريها نجوم الليل بعز الظهر
سليمان:ابيك تروح معي لأمك وتقول انها اخت صديقك ووو انت وشطارتك تقنعها
:اووووه يبه
قام سليمان من مكانه ومسك كتف ولده وخرجو متجهين لبيتهم
وصلو ونزلو وكانت امه جالسه مع حفيدتها الصغيره
ابتسمت وهي تشوف ولدها وزوجها مقبلين عليها:ياهلا والله
حب رأس امه وجلس وقفت وهي تحب خد سليمان
جلس سليمان وهو يأخذ حفيدته ويسلم عليها
سليمان:احمم هيفاء نبيك بموضوع
هيفاء ابتسمت :عسى ماشر
سليمان:ماشر ماشر شي بيطيرك فوق
هيفاء بحماس:وش؟؟
سليمان:بعد بكره خطبة الحلو اللي جانبك
هيفاء بصدمه:ايش!؟
سليمان خاف تكون رافضه ويخترب كل شي:اللي سمعتيه ازعجني احبها احبها وابيها ومن ذا الكلام
لفت هيفاء بحماس لولدها:ومين هي بنته؟وكيف تعرفها!زينه ولاشينه؟كيف اخلاقها!؟؟وش اسمها؟؟؟
....توهق:هههع يمه الله يهديك وش اجاوب وش اترك اخت خوي وشفتها صدفه
صار يناظر بأبوه وكأنه يقول انقذني
سليمان:الخطبه الرسميه بعد بكره ونبيك تطلبين البنت له مبدأين موافقين والزواج بيكون الشهر الجاي
هيفاء بصدمه:نعم الشهر الجاي
سليمان بوهقه:ههع هه مستعجل الولد الله يهديه
...بقهر:اي اي يمه مستعجل
هيفاء بفرحه:كككملللللوووووووووش واخيراً ياحبيبي مو مصدقه والله بقوم من الحين واجهز الهدايا واجهز نفسي
دخلت هيفاء للبيت
لف لا أبوه:يبه شسوووويت انت
سليمان:ياعمري يافرحتها
بقهر:يبه يبه
سليمان بضحكة:قوم جهز نفسك ياعريس
قام بقهر من عند ابوه وهو يستحلف فيها
▪▪▪▪▪▪▪▪▪▪▪▪▪▪▪▪
كان اليوم موعد اجتماع العائلة عند الجد كالعاده بس هي رافضة انها تروح كرهت بيت جدها (تالا انتي كذا بتثبتين لعادل ضعفك!قومي ولايهمك الحقي* ..ااه ياربي اوك كل شي بيكون تمام اهلي موجودين ابوي واخوي وامي واختي الكل معي مو صاير شي إن شاء الله )قامت وهي ناويه تنهي عزلتها هذه اللي سببها شخص تافه قامت اخذت لها دش منعش لبست روبها وطلعت لغرفة الملابس وهي تدور على شي هادي تاخذه وقعت عينها على فستان حرير ساده باللون الاسود بخيوط نحيفه على الكتف بحركة من عند الصدر كان يوصل لنص الساق ماسك على جسمها اخذت حلق ذهبي على شكل دائرة لبست ساعتها الذهبيه واسوارة ناعمه مع خاتم واحد مسكت المناكير بلون العنابي المطفي بدأت توزعها على اظافرها الطويله والنحيله لبست كعب عنابي غامق مسكت فرشة المكياج وبدأت توزعه على وجهها بأحتراف ختمت تجهيزها برشات من عطرها لبست عبايتها واخذت شنطتها وطلعت كان الكل جاهز اللي هي
لارا:سنه يالظالمه
تالا:اص اصص
ابو طلال:يلا
ركبت مع ابوها واتجهوو لبيت الجد وصلو هناك وكان عادل طالع حست بخوف منه نزل ابوها ونزلت معه ومسكت بيده لف ابوها عليها :فيك شي دايخه؟
تالا بهمس:لا يبه الكعب اخاف اطيح واتفشل
ابو طلال ضحك:هههههههههههههههههههههههههههههههههه الكعب مشكله والله
تالا :اي اي يبه مشكله بس كشخه والله
اتجه عادل لا أبوها يسلم عليه
عادل:السلام عليكم
ابوطلال:وعليكم السلام هلا والله بعادل
عادل:هلافيك ياعمي عساك طيب
ابو طلال :طيب الله يسلمك
تالا كانت ماسك ابوها ومتجاهله عادل تماماً
عادل عرف تالا :كيفك ياتالا؟
تالا طنشته :يبه انا بدخل
ما تركت فرصه لا ابوها او لعادل يتكلمون ودخلت
انحرج عادل وانجرح من تصرفها
ابوطلال:ماعليه مستحيه منك
عادل بحزن(بلاك ياعمي ماتدري):لا عادي عادي
دخلت تالا وسلمت على الكل وتحس نفسها مو طايقة تشوف ام عادل
(تالا الحرمه مالها ذنب بسوات ولدها الحيوان وعمرك ماشفتي منها غلط .....الله ياااخذه..استغفرالله موذنبي اذا كرهت كل شي يتعلق فيه مو ذنبي والله)
اجتمعو البنات وبدأ سوالف وضحك ونسيت تالاعادل تماماً
▪▪▪▪▪▪▪▪▪▪▪▪▪▪▪▪
لف احمد لها بس كان الكاب يغطي وجهها حطت من جديد احمد بوجع:اااححح
روز بهمس:اسفه
ما انتبهت روز لكلمتها لكن احمد انتبه(اسفه!ليش مو اسف؟يمكن يكون متوتر )
روز :لفت على يده مسكت الكمام ورجعته على وجهها لمت الأغراض رفعت رأسها لا احمد بس انصدمت فيه وهو يناظرها بنظرات شك وحيره
تصنعت البرود:إن شاء الله يكون تدخلي صح عن أذنك
احمد:وقفي
صنمت روز مكانها(عرفني؟عرف!كل شي انتهئ؟)
بأستغراب وبتصنع:شايف بنت قدامك تقول وقفي؟
احمد :اا
قاطعته روز(والله لا اتغدأ فيك قبل تتعشى فيني):مشكور لكن مو لأن مظهري كذا تقول بنت ترا تجرح رجولتي بكلامك هذا مو ذنبي اذا ربي خلقني كذا
طلعت بسرعه وتحس نبضات قلبها من التوتر والخوف الكل يسمعها ركبت سيارتها اللي كان زجاجها الخلفي رايح فيها وتحركت بسرعه
..
احمد انصدم من ردة فعلها:يالله شكلي جرحت الرجال منجد انا وجهي بدل ما اشكره ياعيب علي
▪▪▪▪▪▪▪▪▪▪▪▪▪▪▪
اتجهت روز لوديان وصلت ونزلت لبست عبايتها
دخلت روز بعد مافتحت الخادمه الباب
وديان بصدمه: روز
روز حضنتها بقوة:يمه يااودياااااان
وديان بخوف:وش صاااار!!
روز برجفه:احمد اشك انه عرف اني بنت
وديان:كيف؟؟؟
روز:في ناس....الخ
وديان:طيب ما قال شي؟؟
روز:اا
قاطعها رنين جوالها وكان احمد
روز:وديان احمد احمد
وديان:رظي عشان لايشك اكثر
روز: طيب..حطته سبيكر وفتحت ...الو
احمد:الو
روز بخشونه:هلا
احمد:اا رامي
روز(الحمدلله شكله كان يهلوس قبل شوي):هلا
احمد:انت طلعت معصب من عندي وترا انا ما اقصد الكلام اللي قلته وشكراً لأنك انقذتني
روز براحه:اوه ذا اللي تببي تقول
احمد بأستغراب:اي ليه في شي
روز :ابد ابد ولاشكر على واجب وانا متأكد لو صار فيني كذا مابتقصر
احمد:تسلم
روز:تأمر على شي!؟
احمد:سلامتك
روز رمت نفسها على الكنبه براحه:اشواااا
وديان:الحمدلله
حست روز بمخده بوجهها بقوة :ااااي وش فيك
وديان بعصبيه خفيفه:ياحمار متفاوله علي دقت على نور تقول تعبانه وكيف رحتي لنور ياهبله ماتقولي بتروحي لصاحب ابوك
روز فطست ضحك:‏‎هههههههههههههههههههههههههههههههههههههههههههههههههههههههههههههههههههههههههههههههههه وش قلتي لها؟
وديان بحرج جلست:قلت صداع ببطني اقصد برأسي ام الفشله الله يقلع شيطانك
روز:تخيلي نور طلعت صديقة جود الروح بروح
وديان:جود؟
روز:ايوا بنت صاحب بابا
وديان:اما
روز :والله دخلت من الباب والخ.......
▪▪▪▪▪▪▪▪▪▪▪▪▪▪▪▪
دق جوال تالا وقامت ترد:الو
رنا بصوت مبحوح:تالا!
تالا بخوف من صوتها:يمه رنا فيك شي؟؟؟
رنا بضحكة تحاول تخفي صوتها:ههههههههه لا اسمعي
تالا طلعت للحديقة وهي تتهرب من الازعاج:اي اسمعك
رنا بحرج:انخطبت
تالا ما استوعبت:ها!
رنا :انخطبت وبعد بكره الخطبه الرسميه
تالا:رنا اصبري بالله انظف اذني
رنا:ههههههههههه تالا مو لذا الدرجه
تالا بفرحه صارت تناقز مكانها :يوووووه رنا كذاااابه امااانه ببكي ترا
رنا ببكيه:تالا اص
تالا جتها بكيه من صوت رنا:هي رنا شفيك تبكين
رنا بكذب:مو متخيله اني بترك اهلي
تالا:ليش متى الزواج؟
رنا:يقولو بعد شهر فما ادري
طلع عادل من مجلس الرجال وانتبه لصوت تالا اتجه لها وهي مو حاسه فيه وقف وراها مذهول منها جسمها المتناسق وكأنها عارضة أزياء وفستانها الي زادها حلاوه شعرها الطويل اللي كان يغطي ظهرها سند نفسه على الجدار وهو يناظرها
تالا بصدمه:نعم؟شهر!وش الاستعجال ذا!؟
رنا:مدري ..الا انتي وين؟
تالا بقرف:ببيت جدي
رنا:شفيك تقوليها بقرف كذا!؟
تالا :ماتتخيلي قد ايش قرفانه وربي
رنا:يوووه عبالي ببيتكم قلت بأخذ راحتي بسوالف اذا رجعتي دقي علي
تالا:من عنوني
قفلت تالا ولفت راجعه بس اشهقت بخوف وهي تشوف عادل خلفها ويناظر فيها
قرب عادل منها تالا كانت تبي تتحرك تبي تمشي بس جسمها رافض الاستجابه لها
عادل بندم:تالا انا اسف
تالا كانت صامته
عادل :تالا
تالا بشراسه:اسكت لاتنطق اسمي على لسانك القذر
عادل :تالا احبك وادري تحبيني
تالا ببرود:هه احبك؟
عادل:اي
تالا رفعت عيونها له وهي تلبس قناع الجمود:كنت احبك ما انكر لكن باللحظة اللي تجرأت فيها انك تقفل الباب 'بهمس حاد وخفيف 'انا انتزعتك من قلبي ركز انتزعتك
عادل بعدم تصديق:لا مستحيل تكرهيني بيوم وليله
تالا:لا مو مستحيل انا ادوس على قلبي بعد مو بس انزعك
عادل:عمي اعطاني الموافقه
تالا قاطعته:وش رأيه لو قلت له عن سواد وجهك
عادل:بخبث بيصلح الغلطه بتزويجك لي
تالا:نجوم السماء اقرب لك ياولد العم
لفت بتروح بس مسكها من يدها وسحبها لحضنه وهو يحضنها بقوة
تالا حست بالقرف منه دفته ورفعت يدها واعطته كف قوي كان كفيل انه يوصل عصبية عادل لقمتها
عادل شد على يدها بقوة:انتي كيف تتجرأين وتضربيني؟
تالا بهمس:واقتلك بعد لا اصرخ والم الكل عليك واقول انك تتحرش فيني ياوصخ
عادل بتحدي:لا لا ماتقدري تسويها
تالا بصراخ:طلا
حط عادل يده على فمه :اص اص
بشراسه تالا عضت يده بقوة
عادل بتهديد:بتزوجك وبتندمين
تالا بتحدي:والله لو انك اخر رجال بالدنيا
عادل:بنشوف كيف بترفضين
تالا:لو اوقع على موتي مو اوقع على عقدي معك حطها ببالك مو انا اللي انجبر وبتشوف
وركضت لداخل تاركه عادل محترق قهر من رفضها له
:مين تكون عشان ترفضني ونشوووف ياااااااا تالا
▪▪▪▪▪▪▪▪▪▪▪▪▪▪▪▪
لاتحرموني تعليقاتكم الحلوه اللي تحمس والتصويت💓💓
خلال الاسبوع ذا إن شاء الله ببدأ انزل بشكل شبه يومي💓
اتمنى من كل قلبي تفاعل حلو وشكراً للمتفاعلين من قبل🙋‍♀️💓