بنيه صعب ينطفي ضيها.

Part 81

((أعتذر على الأخطاء الاملائية ))

︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
نزلت من السياره مع فهد اللي كان يسندها وهي تمشي بتعب وابوها خلفها والندم يأكله أكل دخلت روز مع فهد للبيت كانت امها وفيصل بأنتظارهم قامت لها امها بسرعه احضنتها:بسم الله عليك خوفتيني
روز بابتسامة تعب:اختبر غلاتي يمه
ام فهد:غاليه والله غاليه
فيصل حب جبينها:بسم الله عليك ماتشوفي شر ياحبيبة اخوها
روز بذبول:الشر مايجيك
فهد:يلا روز لغرفتك ترتاحي وانتي سمعتي كلام الدكتور ابعدي عن الزعل قد ماتقدري
روز هزت رأسها اخذها فيصل وهو يسندها وصل لدرج شالها وهو يصعد فيها بسرعه حطها بنهاية الدرج
روز:تسلم
فيصل مسكه بيدها :ولو بالخدمه
كانت روز تمشي بتعب هالك تحس جسمها مخدر دخلت لغرفتها كانت نظيفه ومرتبه ولا كأنها سوت شي فيها
فيصل ساعدها تشيل عبايتها جلست على السرير وانسدحت غطاها فيصل وخفض الاضاءة وخرج من عندها بينما روز نامت بتعب وكأنها تبي تهرب من واقعها بالنوم
نزل فيصل لأهله اللي مجتمعين
والهدوء يعم المكان كسره فيصل بسؤاله:روز وش فيها!
فهد تنهد:إرتفاع بالضغط الدم
فيصل بصدمه:هااا!؟ارتفع ضغطها ليش!؟
ابوفهد تنهد:انا السبب
فهد وفيصل:ليش!؟
ابوفهد:ابوبدر طلب روز لبدر وفاتحتها بالموضوع ورفضت لكني اصريت عليها وقلت لها اني عطيت الرجال كلمه
فهد :طيب يبه انت جد اعطيته كلمه!؟
فيصل :يبه الله يهداك قصدك تجبرها!
ابوفهد:لا ما اعطيته كلمه
فيصل عقد حواجبه:ليش طيب تقول كذا لها؟
ابوفهد:لأن انا راح اعطيه الموافقه روز بتصرفاتها هذه بتوقف نصيبها برفضها لكل الاشخاص اللي تقدمو لها
فهد بأعتراض:بس حتى لو يبه المفروض ماتجبرها وانت تعرف طبع روز الحاد والمتمرد
فيصل:اي يبه انت شفت وش صار عليها
ابوفهد بحده:انتهى النقاش روز لبدر
سكتوا العيال احتراماً لأبوهم وكل واحد بالع غضبه بداخله
ام فهد:يا ابو فهد البنت من حقها تقرر اذا موافقه او لا
ابوفهد:انا ادرى بمصلحتها وبدر رجال طيب
فيصل بسرعه:سألت عن الرجال اول ولا لا!
ابوفهد :اي سألت ويمدحونه
فهد:والله قلبي مو مرتاح له
ابوفهد:عسى ماشر وش في الكل معترض!؟
فيصل:يبه مانبي نجبر البنت
ابوفهد:بترضئ وبتشكرني بعدين
فهد:اتمنى يكوون كذا يبه
ابوفهد قام من عندهم لمكتبه تاركهم خلفه متسألين عن سبب قسوته المفاجأة على روز
جلس على مكتبه هو يتذكر صديق عمره الي كان يشك له من عدم مسؤولية ولده واستهتاره حش بداخله ان روز بتكون الشخص المناسب لبدر واللي راح تغيره
تنهد بحيره:يارب اختر لي ولاتخيريني يارب لاتجعلني اظلم بنتي
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
دخل مهند لأمه الي كانت جالسه مع متعب :السلام عليكم
:وعليكم السلام
جلس مهند:كويس يامتعب موجود عشان اكلمكم مع بعض
متعب:خير ان شاء الله
مهند ابتسم:خير خير بأذن الله
ام متعب:وش فيه يامهند
مهند:ريوف جاها خطيب
ام متعب أبتسمت: مين!
متعب:نعرفها ولا لا؟
مهند:اي معروف معروف وائل
متعب عقد حواجبه:وائل ماغيره!؟
مهند هز رأسه:اي وائل ماغيره
متعب هز رأسه بالإيجاب: نشوف له اول ونسأل عنه
ام متعب :انا بكلم ريوف واشوف رأيها
مهند ابتسم:اي هو موصيني اخذ رأي البنت قبل كل شي
ام متعب:الله يسهل مافيه الخير يارب
متعب ومهند:امين
قامت ام متعب متجهه لغرفة ايلاف وريوف المؤقته دخلت بهدوء:السلام عليكم
ريوف وايلاف:وعليكم السلام
ام متعب :ريوف تعالي ابيك
ريوف:ابشري يمه
قامت ريوف مع امها اللي اتجهت لصاله الجانبيه وجلست فيها مع ريوف :يمه انتي كبرتي وصرتي عروس
ريوف بخوف:ايوا وش سويت انا
ام متعب:اسمعيني جايك عريس
ريوف حمر وججها: ومين هو عريس الغفله!
ام متعب:وائل صديق مهند
ريوف توسعت عيونها بصدمه:هاا!
ام متعب:صديق اخوك ويمدحه مهند فكري حبيبتي واستخيري ولاتستعجلي بقرارك رفض كان او قبول هذا زواج وشي بيرتبط معك للأبد
ريوف نزلت رأسها بحرج:ان شاء الله يمه
قامت من عند امها مفحطه درعمت على ايلاف ونقزت على سريرها بحرج وصرخت بقوة بعد ماغطت وجهها بالمخده تنهدت براحه بعدها
ايلاف كانت مصدومه من دخولها وتصرفاتها :بسم الله بسم الله يماااه وش فيك
ريوف نطت عند ايلاف وبأحراج :للله لايلعنك صار اللي قلتيه خطبني
ايلاف بدلاخه: هاا !مين خطب مين!؟
ريوف:يااحمااره وائل خطبني
ايلاف بصدمه صرخت:ااااامااااااانه قولي والله
ريوف غطت وجهها بأحراج:اي والله ياافشلي موواقفي كلها بايخه في اول مره داهمت بيته والمره الثاني كلب يطاردني وفوق ذا انحبست برا والمره الثالثه انحبست معه هو والدلخ مهند والمره الرابعه والخامسه كله تفشل تفشل اااه ياربي
ايلاف:ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ياااااربي موواقفك هههههههههههههههههههههه ريووووف وافقي تكفين
ريوف ناظرته بنص عين:لعبه هو!بستخير اول واشوف
ايلاف:والله قصة حبكم حلوه هههههههههههههههههههههه
ريوف اخذت المخده وضربتها على ظهرها:مين قال لك احبه هااا!!
ايلاف ترفع حواجبها بطريقه مضحكه:خدودك اللي تصير حمر اذا انذكر اسمه هااا وش ذااا!!؟
ريوف:انطمي
ايلاف:هههههههههههههههههههههههههههههههههه
اول مره اشوفكك كذا هههههههههههههههههههههه
ريوف رفعة يدينها تدعي:يارب اشوف فيك يوم مع سللطان ان شاء الله
ايلاف رفعة حاجبها:وليش سلطان بذات!؟
ريوف بخبث:لأن من نذكر اسمه تورد خدودك
ايلاف بسخريه:مره
ريوف بجديه جلست مقابلها على السرير ومتربعه:سؤال واحد يا ايلاف اللي اعرفه انك من يومك صغيره تحبيه تذكري ايام اول اذا عرفتي ان خالتي بتجينا تجهزي قبلها بيوم وتتحمسي نظرات الخجل اللي كانت بعيونك والحب اللي فيها كانت نبرة صوتك تختلف اذا تكلمتي عن سلطان كنتي تتكلمي بحب وسعادة وكأنه الشي الوحيد بحياتك بس فجأه كل هذا انقلب نظرات الخجل والحب صارت كره وغضب
نبرة صوتك صارت اشمئزاز وحقد وش صار أذاك سلطان بشي!سوا لك شي؟قولي لي يا ايلاف لمتى بتخبين!؟
ايلاف كانت تناظر بيدينها وتلعب بأظافرها بصمت ماتدري وش ترد على اختها وش تقول لها؟تقول سلطان تركتي بوقت انا كنت محتاجه لمساعدته فيه؟ضحك على وضعي واعطاني ظهره ببرود؟ما كأني انسانه قدامه؟نظراته تكفي انها تحطم الحب اللي بقلبي وتدفنه نظراته كره ماشفتها من قبل ذاك اليوم ولابعده؟اقولك سلطان كان قدامكم ملاك وخلفكم شيطان!؟
بس لا لا هو بس ذاك اليوم الي..
قاطع تفكيرها ريوف اللي ضربتها على يدها بخفيف:ايلاف طال صمتك!
ايلاف انتبهت لها:ها..هلا
ريوف رفعت حاجبه:انتظر ردك؟!
ايلاف ابتسمت ببرود:الحب والكره من الله لاتسأليني ليش كرهته
ريوف تنهدت:طيب ماراح اضغط عليه بس تأكدي اي وقت حابيه تقولي لي انا موجوده
ايلاف هزت رأسها والتزمت الصمت
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
كان مسند جسمه كله للخلف وغالب عليه النوم فز بخوف على رنة جواله تعوذ بالله من الشيطان رفع جواله عقد حواجبه:الو
...:الو عبدالعزيز حضر الان بالمقر تم رصد تحركات عصابة تصنيع الخمور وستتم العمليه اليوم
عبدالعزيز:ابشر طال عمرك
قام عبدالعزيز بسرعه واخذ مفتاح سيارته ما كان مرتاح يخرج ويترك وديان لوحدها اتجه لغرفة وديان دق الباب عليها ودخل كانت جالسه على سريرها وسانده ظهرها للخلف تعدلت بجلستها بعد مادخل عبدالعزيز:هلا والله
عبدالعزيز بعجله :وديان تجهزي بوصلك لروز
وديان فزت بخوف:روز فيها شي!
عبدالعزيز:لا بس انا عندي شغله ضروريه ويمكن اتأكر بوصلك هناك عشان ماتقعدي لوحدك
وديان هزت رأسها ودخلت لغرفة الملابس واخذت اول لبس طاحت عينها عليها واللي كان بنطلون ابيض مع تيشيرت اسود مكتوبه عليه كلام بالابيض لبست جزمتها (تكرمون)واخذت عبايتها وخرجت لعبدالعزيز اللي أشر لها تلحقه تبعته وديان وهي خايفه عليه مو مرتاحه لروحته بس ماتقدر تقول شي ركبت لسياره وعبدالعزيز حرك بسرعه متجه لبيت ابوفهد اللي مايبعد عنهم كثير نزلت وديان وحرك عبدالعزيز بعد ما تطمن انها دخلت لداخل دقت الباب فتحت لها الخادمه :هلو مس وديان
وديان :هاااي روز وين؟
الخادمه:مس روز بغرفتها
وديان هزت رأسها ودخلت كانت ام فهد نازله :ياهلا والله بالغاليه وديان
وديان :هلا فيك ياخالتي
ام فهد:كيفك حبيبتي اخبارك
وديان:والله الحمدلله انتي أخبارك؟
ام فهد:الحمدلله كيفه عزوز ان شاء الله بخير
وديان:الحمدلله طيب
ام فهد:روز بغرفتها حبيبتي خذي راحتك العيال برا
وديان:تمام عن أذنك
ام فهد:أذنك معك
صعدت وديان لغرفة روز دقت الباب ودخلت انصعقت من الغرفه البارده والظلام اللي بالمكان كانت تمشي وهي تتحسس الجدار تدور مفتاح الضوء فتحت النور فتحت روز عيونها :مين!
وديان :روووز قوومي وش فيك كذا لايكوز تعبانه!؟
روز قامت بسرعه وركضت لوديان حضنتها بقوة وهي تشد عليها استغربت وديان تصرفها المندفع حست ان فيها شي بس ماتكلمت كل اللي سوته انها حضنتها بقوة
روز تصنعت الابتسامه:نورت الغرفه مع انها منوره بصاحبتها يعني
وديان بنص عين:ياعيني على الثقه ياااعيني
روز ابتسمت لها :شرايك جلستنا تكون بالحديقه لأني حرفياً كارهه غرفتي واشياء كثيره ابي اقولها لك
وديان تنهدت:اي والله حتى انا بخاطري اشياء واجده يلا تعالي ننزل
خرجت روز من غرفته مع وديااان اللي شالت عبايتها
جلسن في الجلسه الخارجيه واللي تطل على المسبح
روز تنهدت:اي وديان شعندك!
وديان بتردد:من وين ابدأ من وين ابدأ اممممم امس انا رحت ااممم
روز بشك :وين رحتي!
وديان:ااهو يعني يعتبر تحذير فهمتي علي يعني مو..
روز:جاك صح!
وديان بصدمه:هئ كيف عرفتي لايكون اكين يااويله مني انا حذرته
روز بأنفعال :ياااحمااااره يعني انتي منجد رحتي له وش تحسين فيه انتي مجنونه هاااا!!
وديان :يمه يمه اسمعي يااهبله انت رحت هناك طيب وبيدي اوراق توديه وراء الشمس
روز نطت:اي صح صح تذكرت وديان امس شفتي فيد لأبواحمد بيوديه وراء الشمس
وديان بحماس:اماانه اماانه الحمدلله يااارب الله يجعلهم يقعون بسووء اعمالهم
روز قامت لغرفتها اخذت الاب ورجعت لوديان اللي كانت تنتظرها حطت الاب قدامها وشغلته لوديان اللي كانت تناظر بتقزز وكرهها يزداد اكثر واكثر لأبو احمد مو متخيله ان اخوها يتورط بأعمال سوداويه مثل كذا :الله ينتقم منه ومن كل شخص مثله
روز تنهدت وابتسمت بخبث :ماعليك نهايتهم قربت وكثير انا اذا رحت المقر ما اروح العب لا في اشياء كثيره معي بتورطه لكن هدفي انصب لهم ويمسكون بالجرم المشهود
وديان:حسبي الله عليهم
روز:ماعلينا دريتي
وديان:لا!؟
روز بسخريه:انخطبت
وديان بحماس:امااااااااانه الف الف مبروك مين عريس الغفله
روز بكره:هو واهله جونا طيب وطلعت غرفتي... والخ
وديان بصدمه:نعم!شهرين ويطلقكك!!!؟
روز بحزن:اي والله هذا اللي سمعته ياوديان ابوي مو راضي يفهمني انا وش ذنبي !!اذا هو عديم المسؤولية وش ذنبي انا اتوهق معه!؟
وديان بدهشه:عمي محمد بيجبرك!!
روز:من تصرفاته واضح خلاص كل شي تقرر
وديان :مستحيل اصدق عمي محمد يجبرك بشي احس مدري لا لا
روز بسخريه: صدقي ياوديان
وديان بعصبيه:قسم بالله ذا انا امسكه واحك وجهه بالجدار وش قالو له بنات الناس لعبه!
روز بخبث:تضنين بسكت له؟
وديان ناظرتها:وش ناويه عليه!؟
روز:ولاشي بس بجننه والله ما اهنيه
وديان :كفو الذيبه تعجبيني
روز :شرايك نغير مودنا ونرسل للبنات يجونا؟نسهر لصباح!
وديان:والله قدام محتاجه جلسه توسع الصدر على الرغم اذا شفت رهف ورنا بتذكر الزفت وليد
روز:وش مسوي بعد؟
وديان بسخريه:امس خاطفني
روز كانت تشرب من قارورة الماء الي بيدها شرقت :كح كح كح ايش!!
وديان:صحه
روز:على قلبك بس وش !
وديان:اللي سمعتيه خرجت من عند الزفت الاول مكسر جسمي هلكاانه وصلتني رساله من أكين مضمونها بيتك تعرض لهجوم وقتها خفت عزوز يكون فيه وتأذى رحت و....الخ
روز :لا لا هذا انا اللي بمسكه واحكك وجهه بالجدار
وديان:ارسلي ارسلي للبنات يجونا
روز :طيب
فتحت قروربهم وسجلت صوت:سلااام ياحلويني بناات اسمعو وديان عندي والنيه سماااري تعالولنا
وديان:اي بنات نبي نغير المود شوي
دقايق وارسلت رنا:هلا والله معليش يابنات والله مايمدينا نجي ولا كان انا اول القوم
لارا: وعليكم السلام ارحبوو افتحو الباب بس أمزح أمزح بكلم امي وابوي واشوف اذا وافقو افتحو الباب جد
نور:آهلين صبايا وعليكم السسلام عندي دوام والله ما اقدر 💔
جود:وعليكم السلام ما اقدر والله تعبانه حدي
روز:اي زين وقت ثاني للي مايقدر لارا بليز حاوليهم
لارا: ابشري