بنيه صعب ينطفي ضيها.

Part 98

‏-
رُبما يُساقَ إليكَ قَدرٌ مِنَ اللّٰـه
خيرٌ مِن كُل أَحلَّامِكَ لا تَيْأس!

•🌻🍂
‎الوتر

((اعتذر على الأخطاء الاملائية ))

︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
.
.
.
يوم جديد على ابطالنا
فتحت عيونها بتعب وهي تحس بصداع قوي اجتاح رأسها
مسكت رأسها بألم جلست وكالعاده من يومين فتحت حبتين بنادول واخذت قارورة الماء وبلعتها وشربت الماء دفعه واحد وهي تعتصر ملامح من طعم الحبوب اللي ماتطيقه
قامت من مكانها ودخلت للحمام((تكرمون)) توضت وصلت الفجر اللي فاتها بساعه
كانت تحس رأسها ينقسم من الألم كل ماسجدت او ركعت وبالاصح كل مانزلت رأسها بأتجه الأرض بس قاومت الألم اللي تحس فيه خلصت من صلاتها وقامت تغير بجامتها وتستعد عشان تروح لشركه مع جدها لبست لها لبس مريح اخذت عبايتها بيدها وشنطتها خرجت من غرفة الملابس اتجهت لتسريحتها اخذت كرتون الحبوب اللي كان عليها حطته بشنطتها ناظرت بنفسها بالمرايا عقدت حواجبها: يومين بس!
كانت ملامحها ذابله وعيونه باين التعب فيها تنهدت وخرجت من غرفتها نزلت بخطوات متثاقله لأهلها اللي كانوا متجمعين ويفطرون كالعاده ابتسمت بحب: صباح الخير
الكل بردود مختلفه: صباح النور..صباح الزين...صباح الفل
ام نور:نور حبيتي تعبانه!
نور ابتسمت: لا يمه بس شويات صداع بشرب نسكافيه وبيروح أن شاء الله
الجد بحنيه: اذا تبين ترتاحين اليوم!
نور :لا لا اساس انا باقي لي كم يوم وخلاص بتبدأ جامعتي
اكمل جميلي وكذا
الجد:براحتك
الجده:وراك يا نوري ماتاكلي لك لقمه
نور:والله فديتك ما ابي
الجده هزت رأسها لها
اتجهت نور للمطبخ وكانت قهوتها جاهزه اخذتها وخرجت للخارج جلست على الكرسي وهي تتنفس بعمق
((بما أني خلاص بترك الشركه لازم ابين وجهه سديم للكل خمس ايام وتبدأ الجامعه بس اليوم بكلم جدي عن كل شي واذا ما صدقني راح اثبت له بالفيديوهات اللي صورت وكل شي))
انتبهت لجدها اللي يناديها قامت من مكانها لبست عبايتها بعجله وخرجت معه دخلت لشركه
تعداها جدها بخطواته
نور بتردد:جدي
وقف الجد لف لها:لبيه!
نور :اا ابي اكلمك بموضوع
الجد:تما..
قاطعه طارق اللي دخل بعجله لشركه ابتسم له: ابو حامد
الجد ابتسم:هلا طاارق وصلت!
طارق:اي الوقت مهم جداً عندي قضية بالرياض بعد ثلاث ساعات ورحلتي بعد نص ساعه
نور ناظرت بجدها اللي ناظرها:بعدين اكلمك
اتجهت لمكتبها
دخلت وهي تحس بخمول بجسمها غريب عليها كانت للمره الأولى تحس فيه جلست بهدوء كان في ثلاث ملفات قدامها وتعتبر اخر شغله لها وبعدها تترك الشركه
مسكت القلم بس انتبهت ليدها اللي ترجف وماكان فيها حيل تشد على القلم حتى تركته بأهمال على المكتب سندت رأسها للخلف وهي تفكر((وش صاير فيني ليش التعب ذا؟معقوله قلة نوم!!بس انا انام كثير حتى انام بدون ما احس الخمول الغريب ذا وش سببه نقص فيتامين؟ممكن اووف ياربي صداعي مو راضي يخف حتى الحبوب ما قدرت فيه وفوقها القهوه مانفعت ))..قاطع تفكيرها دخول خالد عدلت جلستها
خالد :السلام عليكم
نور بهدوء: وعليكم السلام
جلس على مكتبه وبدأ يتصفح ملف بيده
ناظرت بساعتها كانت تبي تقول لجدها عن سديم لانها ماتضمن اذا بتكمل بالشركه او لا