بنيه صعب ينطفي ضيها.

Part 37

صباحكم خير يارب بارت جديد وأن شاء الله يعجبكم ياحلوين اللي يقرأ لطفا تصويت وكومنت تحفيزي💜💜
▪▪▪▪▪▪▪▪▪▪▪▪▪▪▪▪
دخل وليد لمكتب عمه اللي طلب حضوره ضروري
وليد بفضول:آمرني ياعم ؟!
ابواحمد:ما يأمر عليك عدو اجلس
وليد جلس وهو مو متطمن للموضوع
ابواحمد:رنا
وليد بخوف:شفيها رنا؟
ابواحمد:هدي اعصابك رنا انخطبت
وليد تنهد براحه:ومين ذا!؟
ابواحمد :ولد ناس ماعليه كلام وانا كلمة رنا وهي موافقه مبدئياً
وليد انصدم(معقوله! رنا رافضه فكرة الزواج حالياً):الله يسهل الخير
ابو احمد:الرجال مستعجل يقول يبي زواجه بعد شهر اذا فيه نصيب
وليد:رنا..
قاطعه ابو احمد:رنا موافقه ترا
وليد:دامها موافقه باقي بسألها انا وبعدها نرد عليك
ابو احمد:تم
قام وليد من عند عمه وخرج متجهه لبيته وهو مو متطمن للموضوع
▪▪▪▪▪▪▪▪▪▪▪▪▪▪▪▪
رن جوالها رفعت رأسها من حوست الاوراق اللي عندها وهي ترد؛الو
جود:سلااااام كيفككككك يالقاااطعه
نور بضحكة:وعليكم السلام الحمدلله كيفك انتي؟
جود:الحمدلله يارب اسمعي
نور:هلا
جود :ابوي عزم صاحبه طيب وبيجي بكره تعالي عنده بنت بعمرنا يمكن تصير صحبتنا
نور :اممم ابشري بجيك
جود:تسلمي فديتك ااي وش مسويه
نور مسحت على عيونها بتعب:ابد اسبح بأوراق وادققها
جود:الله يعينك يارب يلا مابشغلك سلام
نور:ياهلا
قامت رايحه للمطبخ تأخذ لها قهوة وهي ملاحظه الموظفين بدأو يقلون ما اهتمت اخذت لها قهوه
رجعت المكتب وكان خالد موجود(غريبه ماراح ؟)
جلست نور وهي ترجع تكمل شغلها
▪▪▪▪▪▪▪▪▪▪▪▪▪▪▪▪
وصل وليد لبيتهم ودخل الكل كان جالس بالحديقة وسوالف وضحك
وليد:السلام عليكم
الكل:وعليكم السلام
ام وليد:هلا والله بحبيب قلبي
قامت رنا وصبت القهوة واعطته
ابتسم وليد لها ابتسامه غريبه ماتطمن رنا لها
احمد:اي يالحبيب من وينك جاي؟
وليد:جاي من عند عمي الا يا احمد بعدين ابيك بموضوع مهم
ام وليد بخوف:عسى ماشر
وليد:لا يالغاليه عن العمل بكلمه
احمد:ان شاء الله
رهف:اقول شرايكم نطلع شاليه نغير جو شوي
رنا:اي والله
وليد:ماعندي مشكله قدام
رهف بحماس:يس كفو يا الاخو البطل
وليد:رنوش تعالي ابيك
وقف وليد ورنا معها وهي عارفه وش يبي فيها
وليد:عمي كلمني عن اللي خطبك واضن كلمك
رنا بحرج:اي
وليد:وانتي وش رأيك؟
رنا(اههخ يا اخوي وش رأي انا ماعندي رأي بعد كلام عمي مستحيل اسمح لشي يضركم لا):انا قلت لعمي موافقه مبدائياً بس بصلي استخاره واشوف
وليد بحنيه طبطب على كتفها :اذا مو راضيه او اذا عمي اجبرك قولي لي والله وعلى جثتي تتزوجي بدون رضاك
رنا جتها بكيه(لو ماتزوجت جثتك بشوفها ياخوي):الله لايحرمني منك لا تشيل هم فديتك برضاي
وليد:اي زين استغربت لأن كثير طلبوك ورفضتي
رنا بحرج وهي تبرر عشان لايشك بشي:صحيح كنت رافضه من قبل بس الزواج سنة الحياة وذا مصير الكل يعني
وليد :الله يوفقك انا اليوم بكلم امي وبشوف رأيها بالموضوع
رنا:تمام
▪▪▪▪▪▪▪▪▪▪▪▪▪▪▪▪
بسيارتها السوداء اللي كانت قريبه من مكان ابويوسف اللي قدرت تعرف مكانه من ابواحمد
كانت مركزة بالابتوب اللي قدامها بعد ما اخترقت
كاميرات المراقبة استكشفت المكان والاشخاص عن طريقها كان لها ساعه بس عشان تنجز مهمتها هذه بس اللي خرب عليها رنين جوالها الخاص بالعصابه
روز بخشونه:الو
احمد بعصبيه:رامي انت وين؟
روز بخرشه:انا في
احمد :كيف تتحرك بدون علمي؟انا ماقلت لك قبل المهمه بساعات بكلمك؟انت بتخرب كل شي!؟؟
روز :مافي داعي الأنتظار انا الحين اخترقت نظام المراقبه وبعطله بعد ما اشوف المكان واعرف عدد الاشخاص
احمد بعصبيه وحده:لاتسوي شي قبل اجيك وجرب تعصي أمري صدقني بقتلك ...قفل الخط بوجهها
روز بتذمر:اووووووف وش عرفه بررقمي ذا
ياليل بيخرب كل شي علي
▪▪▪▪▪▪▪▪▪▪▪▪▪▪▪▪
طلع احمد بسرعه من عند اهله وشياطين الانس والجن تناط بوجهه
تحرك بسرعه متجهه لمكان ابو يوسف :مين يحسب نفسه بحركاته المتهوره بيحبط كل مخططاتي لو مو ابوي سألني ما كان عرفت عنه تحركه
وصل للموقع ودق على روز(رامي):وينك!
روز تعدل صوتها:بمكاني ماتحركت
احمد:وصلت انا ما اشوفك!
روز:ابعد عن البوابه الرئيسية تقريباً ٢٠ متر
قفل احمد بوجهها مره ثانيه
روز بتنرفز من حركته:وجع وش شايف نفسه ذا
حست بسيارة احمد خلفها من الضوء اللي تسلط عليها حطت يدها على رأسها:ياويلي بيفضحنا ذا بنور سيارته
نزل احمد من سيارته واتجه لمقعد الراكب ودق الشباك على روز فتحت روز أمان الأبواب ركب احمد :تدري وش يبي لك
روز حكت رقبتها بتوتر وتحاول تستهبل:تفرغ المسدس برأسي
ناظرها احمد شوي:كيف بندخل؟
روز:امم الحراس مو مره زي ماتخيلتها لو دخلنا من الباب الخلفي هناك بيكون بوجهنا غرفة لتنظيف ندخل منها بنلاقي درج على اليمين نطلع منه غرفة ابو يوسف واللي فيها خزنه سريه خلف صورته الكبيرة المعلقه بتكون على يسار
احمد:نبدأ
روز:انتظر التعطيل يكتمل بعدها بندخل
احمد:طيب
بعد ٥ دقائق
روز:إنتهى
مدت يدها لدرج واللي كان قدام احمد اخذت سلاحها منه وحطته بخصرها ونزلت نزل احمد خلفها وصارو يمشون بخفه طلعت كمام اسود من جيبها ومدته له
احمد بأستغراب:وش ذا!
روز:في حال احد شافك عشان لايتعرف على ملامحك
احمد لبسه ودخلو من الباب الخلفي بعدها لغرفة التنظيف اللي كان بابها مفتوح وكانت هنا ثغرت الحمايه اصوات خطوات نحوهم دخلت روز لدولاب دخل احمد معها
روز بهمس:اي مايكفي المكان خير
احمد:اشش
دخلت الخادمه وهي تسحب عربة التنظيف وتخرج
طلعت روز بحذر سحبت السلاح من خصرها وهي تصوب قدامها وتتقدم طلع احمد من الدرج وروز خلفه وصلو لطابق الثاني وبسرعه اتجهو لغرفة ابو يوسف بس كانت مقفله
احمد بقهر:اوف مقفله
روز بخبث:هههه مقفله مين والناس نايمين
احمد:وش قصدك؟
روز:ادري وين المفتاح
كان في طاوله زجاج بجانب الباب وتزينها مزهرية ورد رفعتها روز وهي تلاقي المفتاح اللي شافت الخادمه من كاميرات المراقبة تحطه هنا
احمد:جني مايخفى شي عليك
روز لفت بسرعه:اذكر ربك ياهو لاتصكني عين
احمد:تف تف ماشاء الله انقلع بس
روز فتحت الباب بالمفتاح ودخلو بسرعه ركضت لصورة الكبيرة وهي تزيحها وبالفعل كان في خلفها خزنه متوسطه الحجم
▪▪▪▪▪▪▪▪▪▪▪▪▪▪▪▪
مدت يدينها بتعب وهي تتثاوب (تأخر الوقت اول مره اجلس بالشركه لذا الوقت)قامت نور وهي ترتب مكتبها وتحط الاوراق بالملف فتحت درج مكتبها وحطت فيه قفلت بالمفتاح
رفع رأسه خالد لها:خلصتي!
نور:ايوا
وقف خالد:يلا بوصلك
نور :لا مشكور بكلم السواق
خالد:جدي وصاني عليك امشي معاي بدون زحمه وشوشره
نور:معليش بس ترا ماتقدر تجبرني
خالد بقلة صبر:نور دام النفس طيبه امشي
نور اشتغل عندها العناد:مو ماشيه !وغير السواق مو براكب مع احد
تجاهلت وخرجت وهي تتصل بالسواق
خالد :ياصبر الأرض
طلع وراها كانت واقفه تتنتظر عند المدخل ركب سيارته وصار ينتظر معها
وصل السواق وتحرك وخالد خلفه لحتى يتأكد انه يوصلها بيتها لأنها وصية جده له
ابتسمت نور وهي تشوفه يتبعهم(أتمنى افهم تصرفاتك ياخالد ...لكن نظرة الشك اللي بعيونك كسرت قلبي والله)
وقفو مع بعض عند بوابة بيت الجد كان في سيارة ملاحظتها نور لها اسبوع دايم توقف وتراقبها (ياليل الزفت مين ذا؟)
انتبه خالد لنظراتها باتجاه السيارة
خالد بشك:مين؟
نور بصدق:مدري صار لي اسبوع اشوفها والواضح يراقبني
خالد بحده:متأكده ماتعرفيه!
نور بتريقة:يمكن امجد ماتدري
خالد بغيرة :امجد مين !؟
نور ببرود:اوووه نسيته بذا السرعه!؟
خالد(بتجنني والله بتجنني)يتظاهر بعدم المباله:مايهمني شي يخصك عشان اتذكره
نور انجرحت من كلمته دخلت لداخل تاركه خالد وراها متسأل ليش طنشته!
كالعاده جالسين يتقهون سلمت عليهم نور وجلست
الجد:مين جابك!؟
نور:السواق
الجد بعصبيه خفيفه:وخالد انا موصيه عليك
نور:ماقصر خالد بس كلمت السواق وصعبه اسحب عليه وخالد كان ورانا وجينا مع بعض
الجد:اي اشوا
عامر:الا ها يانور كيف الشغل امورك في السليم
نور:والله شوي متعب لكن متعه
الجد:والله من بعد ماجيتي في تغير ملحوظ
عمر:اي ياجدي نور ماتروح مكان الا وتحط لمساتها
نور:ههههههههههههه ترا تكبر رأسي عليكم الحين
الجد:من حقك يكبر مو بنت خالد انتي
نور:فديتك الا ياجدي بكره بستأذن بطلع بدري جود عزمتني وملزمه علي مره اجي
ام نور:وش عندها!
نور:بيجونهم ضيوف صاحب عمي واهله
(تقول ل ابوجود عم احترام له)
▪▪▪▪▪▪▪▪▪▪▪▪▪▪▪▪
جلست وديان وهي تشوف للمعدات اللي جهزتها لروز كانت نظارات شمسيه ولكن بداخلها كاميرا صغيره جداً مع جهاز تعقب دقيق ....جهاز محمول شبيه بالجوال يستخدم في تعطيل كاميرات المراقبه وفك الشفرات بشكل عام من كلمات مرور والخ... حذاء(تكرمون)لاصق يعني يلصق بالجدار وتقدر تمشي فيه....صاعق كهربائي تحسب لحالات الطوارئ
وديان:ان شاء الله تستفيد منها لازم اجهز سيارة التعقب واللي تكون مخصوصه لها بس لازم محترف محترف يارب اكين يوافق يجلس شهر ثاني
▪▪▪▪▪▪▪▪▪▪▪▪▪▪▪▪
احمد بعجله:والحين يالعبقري كيف بتفك رمزها
روز توسعت ابتسامتها :اقولك عارفه كل شي
احمد بنص عين:بأستغرب لو انك مو عارف شي
فتحت روز الخزنه واللي عرفت رمزها من كاميرات المراقبة اللي كانت مخترقتها ومن حسن حضها ابو يوسف فتح خزنته وقتها
اخذت كل الاورأق اللي فيها وحطتها بشنطة الظهر اللي معها قفلت كل شي ورجعت الامور طبيعيه كان صوت ابو يوسف واللي كان يعرفه احمد قريب من الباب بدرجه كبيره
احمد بتوتر:ابو يوسف ذا
روز بورطه:منجدك انت طبع بسيارته ومعه رجاله
احمد بسرعه لازم نتخبئ
روز بسرعه:اسمع انت تخبئ خلف الستارة وانا بكون وراء الباب اذا ماضبط الوضع ادعمني
بسرعه
احمد ما كان عنده وقت يسأل وش تفكر فيه
كان خلف الستاره وهو يحس اصوات انفاسه المتوتره بينسمع للكل ...وقفت روز خلف الباب واللي كان ينفتح لداخل رفعت مسدسها وهي مستعده للهجوم
دخل ابو يوسف وهو معصب بسبب الباب المفتوح واللي كان يضنه اهمال من الخادمه انها ما قفلته دخل ولف يقفل الباب بس انفجع بروز اللي كانت مصوبه السلاح عليه حارسه كان واقف عند الباب
أشرت روز بعلامة السكوت او انها بتذبحه وهي تمرر اصبعها على رقبتها
هز رأسها بخوف وهو يسوي حركه بيده للحارس
روز(لاتحاول تستغفلني لأنك بتندم)
قفل ابو يوسف الباب وبهمس:انت مين!؟
روز:اشش ولاكلمة
طلع احمد وباستفزاز:كل أوراقك الرابحه صارت بحوزتنا نشوف كيف تبتز الناس الحين
ابويوسف:لاتذبحوني تكفون
روز حطت المسدس برأسه وبهمس مرعب:وش معنى الحركه اللي سويتها بيدك؟
ابو يوسف بتوتر والعرق بوجهه:اي حركه
روز صرت على اسنانها وبحده:لاتنكر
ابو يوسف بضحكة استفزازيه :هههههههههههههههههههههههههه ماعندكم اي مخرج
احمد بقهر:وش قصدك
ابو يوسف:الحركه اللي سويتها حركة بيني وبين رجالي ومعناها اجمع الرجال والحين هم محاصرين المكان
تحرك احمد بسرعه وهو يناظر من النافذه وكان مجموعه كبيره واقفين ومصوبين اسلحتهم على النافذه
روز ببرود اعصاب:عفواً لكن انت مستوعب أن حياتك مرهونه فينا!؟
ابو يوسف بتوتر :ماتقدرون تأذوني لأنكم بمكاني لكن لو تركتوني بسامحكم
روز بضحكة طويله:‏‎هههههههههههههههههههههههههههههههههههههههههههههههههههههههههههههههههههههههههههههههههه جد؟
ابو يوسف بسرعه:اي اي اوعدك
روز ببرود حطت المسدس بوجهه وهي تمرره عليه :وتضن أن اللي قدامك مغفلين؟
احمد:رامي كيف بنطلع الحين؟
روز بغباء:من الباب
احمد انجلط منها:تستهبل المكان محاصر وانت تقول من الباب
روز:اي عادي ابو يوسف بيكون معنا وسلاحنا برأسه اي شي نطلق عليه مباشرة يموت لان الطلقه من المسافه القريبه بتفرغ دماغه
ابو يوسف برعب:ها
احمد ابتسم:وتضمن مايهاجمونا؟
روز:لا لكن عندك خيار ثاني؟
احمد بتريقة:لا عندي جزر
روز:‏‎هههههههههههههههههههههههههههههههههههههههههههههههههههههههههههههههههههههههههههههههههه ظريف الله يحفظك
ابتسم احمد على ضحكتها بوسط التوتر اللي هم عايشينه حس ان اللي قدامه بايع الدنيا ومو هامه شي:من يومي الحين وش بنسوي؟
روز:لاتشيل هم مأخذه كل احتياطاتي
احمد:كيف يعني؟
روز بهدوء:حاليا رجالي وصلو للمكان وبدأو بمحاصرتها بعد خمس دقايق بالظبط بنخرج من هنا
احمد:رجالك؟
روز ابتسمت:لاتستخف فيني
▪▪▪▪▪▪▪▪▪▪▪▪▪▪▪▪
عبدالعزيز كان يتكلم مع ابو احمد عن اهم واسود صفقة بتتم بين أحد رجال الاعمال وتاجر الاسلاحه المهربه
عبدالعزيز:يعني بعد اسبوع
ابواحمد:اي وطلب مني حمايته برسل مع رجالي
عبدالعزيز مسح على ذقنه بتفكير:اهممم
ابواحمد:عبدالعزيز انت معي
عبدالعزيز:ها اي اي اذا محتاج شي لايردك الا لسانك تذكر ذا
طلع عبدالعزيز بسرعه من عند ابو احمد اتصل على احدهم:الو.. العميل عبدالعزيز معك..الرقم ٣٣٨٩٠٢٠ ....ضروري توصلني بالمسؤل الان....تأكد لو صار شي انت اللي بيتحمل المسؤلية ....انتظرك....طال عمرك عندي معلومه مهمه جداً وبهمس ...الاسبوع الجاي في صفقة كبيره بتصير لبيع اسلحة غير مرخصه.... بظبط زي ماتوقعت ...ابشر
وليد اللي كان دوبه جاي:عبدالعزيز
عبدالعزيز بخرشه:ههه ...اي اي ..يلا حسوم اكلمك بعدين ...سلام قفل بدون مايسمع رده
وليد بنظرات شك بسبب ارتباك عبدالعزيز:في شي؟
عبدالعزيز بركبه وتوتر(ياويلي من الرئيس حسام ولا قايل له حسووم انا ووجهي مسوي امون):لا لاا ولاشي هههه
وليد:تمام
عبدالعزيز:الا اقول ماعرفتم للحين مين اللي لعب بالبضاعه؟
وليد تنهد:لا ماعرفنا
عبدالعزيز :اللي اعرفه ترك توقيعه اي كان توقيع بحرف R
وليد:اي
عبدالعزيز :اسمع لو نبي نعرف انا عندي فكرة
وليد:اللي هي!؟
▪▪▪▪▪▪▪▪▪▪▪▪▪▪▪▪▪▪
تقدمت روز للبلكونه اللي كانت بغرفة ابو يوسف وخرجت فيها مع ابويوسف اللي المسدس برأسه وبصوت عالي:تمت محاصرة المكان ارمو اسلحتكم
الحارس١:اترك الرئيس ولابنطلق عليك
روز بحده:مافي مجال للمفاوضه ناظرو وراكم
االكل التفت بس الصدمه كانت وهم يشوفون رجال لابسين أسود بأسود واقنعه تخفي ووجههم والمسدسات مصاوبه عليهم
روز بهمس لا أبويوسف :الخيار بيدك اعطي الأمر لرجالك برمي الاسلحة والتحرك لزاوية او تفريغ مخزوني برأسك
ابو يوسف عرف ان ماعنده مجال يسوي شي:الكل ارمو اسلحتكم وتحركو للجنب
ابتسمت روز ابتسامه بارده سحبت ابويوسف معها وطلعت من الباب واللي كان محاوطينه رجاله بس ماقدرو يسون شي بسبب رهن روز لرئيسهم
نزلت روز واحمد وطلعو من البوابه قفلتها روز وبأمر لا احد الرجال:جيب الزيت اللي بسيارتي بسرعه
احمد بدهشه:زيت!؟؟؟
روز:اي زيت
ابو يوسف:وش بتسوي فيه
روز :انت لا اسمع صوتك لا ارنك بالمسدس
جاء الرجال ومعه الزيت اخذته روز وهي تصبه كله عند البوابه اللي كانت سيراميك ربطت ابو يوسف وركضت هي واحمد لسيارتهم اعطت الاشارة لرجالها بالانسحاب بينما قفزو وهربو طلع رجال ابو يوسف من البوابه واللي صار لهم عرض بهلواني من الزيت ضحكت روز بقوة وهي تشوفهم من مرآيا سيارتها
بعد مسافه طويله وكانت متعمده روز ماتوقف رمت شنطتها للخلف انتبهت ل احمد اللي كان يأشر لها توقف بس تجاهلته بعد نص ساعة وقفت وقف احمد جانبها فتح الزجاج:اهبل انت ساعه ماتوقف
روز:معليش يالطيب ما انتبهت
سحبت شنطتها واللي كانت فيها الاوراق ورمتها له :نسيتها معاي
احمد حرك بسرعه
روز بجديه وخبث:صورتها كلها؟
جاها صوته من خلفها:اي طال عمرك
كانت روز متفقه مع احد الرجال يصور لها كل الأوراق بالجوال وبهذه الاثناء هي كانت تتجاهل احمد عشان تعطي فرصه للي معها يصور كل شي
وقفت روز ونزل الرجال بعد ماسلمها الجوال
تحركت روز لبيتها ..
وبكذا انتهت مهمتها على خير
بس مو كل مره تسلم الجره
▪▪▪▪▪▪▪▪▪▪▪▪▪▪▪▪
طرقات على الباب
بهدوء:ادخل
دخل ابوها صاحب الوجه البشوش :السلام عليكم
تالا ابتسمت ابتسامة صفراء:وعليكم السلام هلا يبه
ابوطلال جلس على السرير بجانب بنته:كيفك يا حبيبة قلبي
تالا بحب:بخير جعللك بخير
ابو طلال:ابيك بموضوع
تالا بتسأل:عسى خير
ابوطلال:انتي يابنتي كبرتي وصرتي عروس
تالا:ايوا
ابوطلال:وانا جاني ابوعادل وطلب يدك لولده عادل اعطيته الموافقه مبدئياً وقلت بكلمك واشوف والبنت مالها الا ولد عمها
تالا بصدمه:عادل!؟
ابو طلال:اي عادل وتراه رجال ونعم فيه
تالا :ههه اي رجال واللي يرحم والديك يبه لا لا انا ما ابي عادل لو اخر شخص بالدنيا والله ما اتزوجه
ابو طلال:وليش؟!وش اقول لخوي؟
تالا بهستيريه:مستحيل اتزوج ذاك القذر يبه مستحيل اتزوجه والله واللي رفعها سبع وبسطها سبع ما اتزوجه
ابو طلال عصب على بنته:تالا وش فيك رفضتي على طول كذا؟؟وش صار!؟مو انتي من قبل كنتي تمدحي بعادل وش تغير
تالا:تغير اللي تغير عادل مو متزوجته انتهى النقاش
ابوطلال بحده:البنت مالها الا ولد عمها
تالا:اللي عندي قلته
ابوطلال:يعني تبين تفشليني عند اخوي
تالا غطت نفسها وانسدحت
هز رأسه بيأس:لو ما اعطيتيني سبب مقنع لرفضك غصب عنك تتزوجيه
تالا بصراخ:هذي حياتي انا مالكم حق الاختيار فيها
ابو طلال بعصبيه وحده:بنت صوتك لا يعلى ولو مافي سبب غصب عنك تتزوجيه
طلع ابوطلال تارك تالا مع دموعها وقهرها
جلست تالا وهي ترمي المخده على الباب:والله ما اتزوجه ولو السيف برقبتي الحقير
حطت رأسها على ركبها وحضنتها صارت تبكي بقوة كان قلبها يوجعها وهي تشوف ابوها بيغصبها على الزواج منه
دخلت لارا على بكاء تالا العالي وبخوف:يمه تالا وش فيك
تالا من بين شهقاتها:لارا
حضنتها لارا وهي تسمي عليها:تالا حبيبتي وش فيك
تالا بقهر تتكلم ويالله لارا فهمت عليها:اهئ ابـ ـوي بيـــ جبـــ رني عـــ لى عادل الحـــ يوان انا ما ابيــ ـه مو بكيــ ـفه ذي حــ ـياتــ ـي ومن حــ ـقي اختــ ـار شريـــ كي
لارا وهي تمسح على رأسها:هدي نفسك حبيبتي بعدها نتكلم
ارتاحت تالا بعد مابكت وطلعت اللي بقلبها اعطتها لارا المويه شربت
لارا بعقلانيه:تالا ياروحي مو ذا عادل اللي كنتي طايره فيه ؟مو ذا الشخص اللي حبيتيه؟
تالا بحزن وخيبه:لعنه عليه من حب تسرعت بحبي له
لارا بجديه:تالا وش صااار
تالا التزمت الصمت
▪▪▪▪▪▪▪▪▪▪▪▪▪▪▪▪
دخلت لغرفتها وهي تشيل الملابس السوداء من فوقها اخذت لها حمام وطلعت وكان جوالها يرن اتصال من وديان ردت بسرعه:الو هلا والله
وديان:سلام
روز:وعليكم السلام
وديان:كيفك؟
روز:الحمدلله انتي كيفك؟
وديان: انا بخير الحمدلله بكره تعالي لي ضروري
روز:معليش ماقدر والله مرتبطه مع اهلي بس بعد بكره ينفع؟!
وديان:تمام اللي يريحك
روز:حالياً احتاج جهاز تنصت دقيق
وديان:بدبره ولايهمك
روز:متأكده بيشكون فيني من عمليات التلاعب الاخيرة بالبضائع راح اغيب فتره بس بيكون كل شي عندي
وديان:حلو وعشان تقطعي شكهم لازم تتم عملية وانتي موجودة بالمقر مع ابو احمد شخصياً
روز:اي بس الخطه يبي لها دراسه دقيقة
وديان:الله يحفظك
روز:امين وياك اتركك الحين بنام دوب راجعه من ابو يوسف اللي قلت لك عنه
وديان:حلو اخذتي الاوراق؟!
روز:اي صورتها والأصل مع احمد
وديان:نهايتهم قربت
روز:وجداً
وديان بحزن:روز انا خايفة على اخوي من الاشخاص اللي متورط معهم والله ماصرت احس بالأمان حتى من داخل بيتي خذوني
روز:لا إن شاء الله تكوني سمعتي غلط او اي شي
وديان:ياليت ياروز اهخخ عالعموم ما اطول عليك تصبحي على خير
روز:تلاقي الخير ياحلوه
قفلت روز وهي تسرح بتفكيرها بعيد (خطوات بسيطه تفصلني عنهم...لكن لازم اشعل الحرب بينهم واخلط الأمور ببعضها واشوف كيف بأذن الله الظالمين يهلكون بظلمهم )
▪▪▪▪▪▪▪▪▪▪▪▪▪▪▪▪
خرجت لارا من عند اختها وهي جاهله سبب كرهها لعادل
مسكت تالا جوالها ودخلت مذكرتها كتبت
-تــَـبـــاً | اعتقد اني تسرعت
-تبآ ~ للحب !
كانت تعاتب نفسها على بكاءها على شخص مايستاهل(تالا اصحي على نفسك مين يكون عادل عشان تبكي على واحد حقير زيه!؟مين يكون عشان اذرف دموعي عليه!مجرد حثاله انا اقوئ من انه يكسرني معرفة حقيقتها ونيته الوصخه ..انتي اقوئ وابوي لابد سبب مقنع له بس وش بيكون ياتالا فكري فكري ....لوصار اللي برأس ابوي انا كيف بتحمل اعيش مع شخص مثله!؟لا يارب لايارب لاتكتب بينا نصيب يع يع متقززه منه )
▪▪▪▪▪▪▪▪▪▪▪▪▪▪▪▪
العصر اليوم الثاني
.
.
.
قامت جود عشان تساعد امها بالترتيب والتنسيق لضيوفهم
كانت متحمسه تشوف بنت ابوفهد وهي تدعي ربي تكون طيبه
راحت للمجلس شيكت عليه وبخرته ورتبت التشوكلت والخ.. على الطاوله الزجاجيه واللي كان اللون الذهبي طاغي عليها رتبت اكواب الشاي وفناجين القهوة والصحون والخ..
انشغلت بالتجهيزات وماحست بالوقت انتبهت الأذان العصر طلعت غرفتها توضت وصلت وبدأ تجهز نفسها