بنيه صعب ينطفي ضيها.

Part 92

"قبل ان تبدأ بشئ
تعلم كيف تنتهي منه"

((أعتذر على الأخطاء الاملائية ))
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
دخل طلال للمشفى بأخته اللي بين يدينه حطها بالسرير
دخل الدكتور عندها واخوها عندها واقف بعد دقائق تقريبا لف عليه الدكتور :الحمدلله وضعها مستقر
طلال تنهد براحه: الحمدلله يارب
الدكتور:تكمل المغذي وتقدرون تتفضلون نصرف لها ادويه تنتظم عليها بأذن الله تتشافئ
طلال: مشكور يادكتور
الدكتور: واجبنا
دق طلال على امه اللي كان الخوف متملكها على بنتها:الو
ام طلال:الو بشر كيف تالا
طلال يطمنها:الحمدلله يمه بخير ماعليها شي بتكمل المغذي وبنخرج
ام طلال:جيب لها شي تأكل ما أكلت من امس
طلال:ابشري يمه الحين اروح اجيب لها
ام طلال: الله يبشرك بالجنه ونعيمها يارب
طلال:اللهم امين وياك يارب
ام طلال: بحفظ الله
قفل طلال من امه وخرج من عند اخته يجيب لها أكل
فتحت عيونها بشويش وهي تناظر حولها المكان ابيض فزت بسرعه بس حست جسمها وكأن الشوك انغرز فيه انسدحت بشويش شويات دخلت الممرضه
تالا بتعب:انا وين!
الممرضه:You are in the hospital (انتي في المستشفى )
تالا غمضت عيونها بتعب ونامت من جديد
ناظرت الممرضه لشخص اللي دخل لداخل بخوف
:who are you? (من انت؟)
بحده ناظرها
بلعة ريقها بخوف خرجت من الغرفه بسرعه
قرب لسرير وهو يتأملها كان التعب واضح بوجهها لمس جبهتها بيده انلسع من الحراره اللي فيها بحزن وهمس:اعتذر على اللي صار لك بسببي
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
رن جوالها بيدها كانت وديان :الو
روز :وديان
وديان:روز قابليني بمطعمنا المعتاد ضروري
روز انخرشت:يمه في شي!
وديان:اقولك بسرعه
روز:طيب وديان امانه في شي
وديان: سوقي بشويش بس بسرعه تعالي
روز :تستهبلين كيف اسوق بشويش وبسرعه اجيك!
وديان:لاتتأخري
روز بعجله:طيب طيب خوفتيني وش صاير
جايتك مع السلامه
قفلت من وديان ونست اللي يراقبها واللي خلفوه اول مره وديان تناديها بذا الشكل دخلت لغرفتها بسرعه ولغرفة الملابس لبست عبايتها بعجله اخذت شنطتها وتحركت بسرعه بس ضربت فرامل عند الباب ورجعت لغرفة الملابس وبالتحديد الخزانه خرجت المسدس الموجود وحطته بشنطتها احتياط
وركضت من جديد خارجه بس وقفت فجأة عند الدرج وهي تشوف ابوها صاعد نزلت رأسها بهدوء ومشت من جانبه
ابو فهد:على وين رايحه!
روز بهدوء:لوديان تبيني ضروري
ابوفهد:وليش ما كلمتيني وقت ماشفتيني!
روز ببرود: كنت بكلم امي تقول لك
ابوفهد ابتسم بداخله وقت ما عرف ان الحركه ذي تدل على زعلها :بحفظ الله
كملت روز طريقها وخرجت من البيت ركبت سيارتها وحركت بسرعه وهي تدعي ربها وديان مافتحت المستندات الباقيه لأنها بتتهور وتروح له وممكن وديان تخاطر بنفسها بعد عشر دقايق وصلت روز للمطعم ونزلت دخلت وهي تدور بعيونها على وديان عرفتها من عبايتها جلست قدامها:وديان وش فيه؟
وديان بحماس وصوت منخفض :لقيت مفتاح بيت جدي
روز تنهدت براحه: الله يسامحك خرعتيني
وديان استغربت:ليش؟
روز:صوتك بالجوال كان مره سيء خفت في شي
وديان:اسمعي الحين متى نروح له؟
روز:اليوم مايمدي وبكره بنروح لجود من بعد بكره اذا ما عندي ارتباطات مع العصابه تعرفين اوقاتهم تكون غلط ابشري قدام
وديان: تمام انتي شوفي جدولك كيف ونروح على ذا الأساس
روز:حلوين
قدم النادل الطعام وهو راسم ابتسامة مكر على وجهه: بالعافيه
روز ناظرته بحده بينما وديان ببرود
اعطاهم ظهره وراح
روز :مو متطمنه لوجهه احس في شي
وديان:مدري عنه قلعته انا جوعانه
روز: اي والله حتى انا مره جوعانه ماتغديت سد نفسي خبر الزفت بدر
وديان: عوافي
روز:يعافيك
رفعت وديان الغطاء عن الأكل بس انصدمت برصاصه موجوده بجانبه مسكتها بيدها ناظرت بروز اللي كانت تناظرها بصدمه
روز قامت بسرعه وعجله
اخذت وديان بيدها وسحبتها ركضت مع وديان لسيارتها ركبت وديان وهي ماتدري وش السالفه بخوف:روز وش فيه؟ليش هربنا!!
روز كانت متوتره وهي تناظر بالمرايا تشوف اذا في احد يتبعهم
وديان بحده:روز اشرحي وش فيه!
روز بتوتر:وديان انتي عارفه وش تعني الحركه اللي قبل شوي!
وديان عقدت حواجبهابأستغراب: لا؟
روز ناظرتها ورجعت تناظر قدامها وهي تسوق باقصئ سرعه :في شخص يراقبك وهذا تهديد لك يعني راح يقتلك فاااهمه!
رن جوال وديان ردت على اخوها:الو
عبدالعزيز بخوف:وديان انتي بخير فيك شي!!
وديان :لا لا انا بخير
عبدالعزيز: ارجعي بسرعه الان
وديان:انا بالطريق مع روز
عبدالعزيز: تمام لاتتأخرون وانتبهوا
وديان: تمام
روز شدت على الطاره بقوة بعصبيه:مين هو مين ذا اللي يهددك
وديان بتفكير:ممكن يكون جاك!
روز بتفكير:وممكن شخص اخطر من جاك
وديان: كيف؟
روز:وديان جاك بيتعاون مع ابو احمد وانتي تدرين عبدالعزيز معهم صح؟
وديان: طيب؟
روز:برأيك بيهددك من جديد ويخرب اللي يخطط له ؟
وديان بسخريه: عاد ذول مافيا توقعي منهم اي شي
روز بتريقه:اكيد
وقفت روز عند باب وديان:انزلي
وديان: وانتي؟
روز:لاتخافي انا بأمان بأذن الله
وديان نزلت وهي مو متطمنه عليها
حركت روز بسرعه وهي متجهه لبيتهم
وقفت وقبل تنزل وصلها مسج من ابو احمد..
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
بعد صلاة العصر
نزلت شنطتها وهي تنادي على امها:ماما ..مامي
ام الجازي :لبيه ياعين امك
الجازي:لبى قلبك خلاص نمشي؟
ام الجازي:انا جاهزه
الجازي:توكلنا على الله
خرجت جوالها واتصلت بعمها
جابر:الو
الجازي:الو هلا والله
جابر:ها نمشي؟
الجازي: اي جاهزين توكلنا على الله
جابر:تمام
الجازي:انت وين؟
جابر:عند الباب اخرجو
الجازي:تمام
الجازي خرجت شنطتها وشنطة امها عند الباب والخادمه وصلتها لسياره دخلت لداخل وهي تساعد امها على الخروج وصلتها لسياره
رجعت الجازي تشيك على البيت قبل تقفله اتجهت للمطبخ وهي تتأكد أن بابه مقفل لكن انتبهت لسند اللي واقف والعصبيه واضحه عليه
فتحت الباب وخرجت له:وش تسوي هنا؟
سند انتبه لها قرب بعصبيه: مو انتي قلتي لسدن بعد اسبوع!!
الجازي ببرود ناظرته:اي لكن قررنا نروح قبلها بأسبوع
سند رص على اسنانه وبهمس حاد: لاتضنين انك تقدرين تسوين كل شي على هواك يا الجازي
الجازي بسخريه ناظرته: لسى ما سويت شي انتظر وشوف وش بيصير
سند عقد حواجبه: وش بيصير؟
الجازي بهمس:كل شي بوقته حلو سي يو
دخلت وقفلت الباب بوجهه بدون ماتعطيه فرصه يتكلم خرجت من باب البيت وركبت مع عمها وتحركو متجهين لجده ام الرخا والشده>>حبابيب ألبي اهل جده♡>>
كانت تقلب الفكره اللي ببالها بعد ماعرفت ان عمها وزوجته وولدهم ناوين يحطونها بالأمر الواقع بخطبتها يوم العزيمه اللي ناوين يسونها بحجة انها وصية ابوها
وقتها الجازي مابيكون عندها حل الا انها توافق عشان ماتظهر البنت العاقه والكل يتكلم من وراها صحيح ماهمها كلام الناس بس ماكانت تبي يتكلمون عن ابوها
ابتسمت بسخريه وهي متحمسه تشوف وجيههم بعد اللي بيصير..
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
دخل وليد على اهله اللي جالسين بالصاله: السلام عليكم
الجميع :وعليكم السلام ورحمة الله وبركاته
وليد حب رأس امه وجلس :اي وش ذا!
رهف من وسط الحويس:عينات عشان توزيعات الزواج
وليد:اها
ام وليد:تحدد التاريخ!
وليد:اي يممه في******
ام وليد:الله يوفقهم يارب
الكل:امين
وليد:ها رنوش كيف استعداداتك النفسيه؟
رنا تنهدت:والله يعني مدري
وليد بحنيه :حطي ببالك مو انك تزوجتي يعني تنسينا ها!! لو زعلك بحرف واحد بس تعالي لي اقلب دنياه فوق رأسه
رنا بحزن:الله لايحرمني منك يااخوي
وليد :ولامنك حبيبتي
رهف بتفكير:اقول رنا
رنا:هلا؟
رهف تربعت صح :اقول متى بنسوي حفلة وداع العزوبية ؟
رنا رفعت كتوفها:مدري
رهف:برسل للبنات بالقروب
رنا: اوكي
رهف((بناااااااااااااات نداء عاااجل الووووو))
وديان((ههههههههههههااااااااااااااا وووشش ففيه))
رهف سجلت صوت :وديان وجع هويتي ببير ماله قاع الناس تقول لبيه هلا امري عيوني موو هاااااااااا ولا بالبدايه عبالي ضحكه ومطيتي الألف مط!؟
وديان سجلت:هههههههههههههههههههههه ههههههههههههههههههههههههههههههههه لبيه هلا امري عيوني لك تدللي وش تبين رهيف الحلوه
رهف حطت الجوال عند أذنها وهي تسمع بعدها :ههووهووهوه استحيت
وديان :رهف هههههههههههههههههههههه الله يسامحك مدري ضحكتي ولا شي ثاني!
رنا سمعت الفويس إللي ارسلته وديان وفهمت عليها فطست ضحك: هههههههههههههههههههههه ههههههههههههههههههههههههههههههههه ههههههههههههههههههههههههههههههههههههههههههههه رهف:وديانوه وش قصدك!
وديان ببراءة: ابد ماقصدي شي
رنا :احح وديان وش ذا القصف
رهف رمت المخده على اختها بعد ما فهمت عليها :يااحيواااااااااانه
رنا:شدخلني انا
رهف بتوعد:هين ياوديان خليني بس اقابلك ياويلك مني
وديانوه
وديان: هههههههههههههههههههههه ههههههههههههههههههههههههههههههههه معليش
رهف بطفوله:انقلعي زعلانه منك لاتكلميني
ودياان :احم احم لعيون رهيف الحلوه
ياللى زعلان منى و مخاصمنى و مش عايز تانى تكلمنى
واخد على خاطرك اوى منى يا حبيبى انا اسف
ده انت عمرى و عمرى مفيش بعده
و مسهر عيني كده في بعده
ااا مم والله نسيت الكلمات
رهف سمعت الصوت ابتسمت:وديان يااخي تعرفين كيف تراضيني بثواني الله يهداك كان صبرتي شوي اتغلى بس تصدقين اول مره احد يراضيني بأغنيه هنياله اللي بتاخذيه انا متاكده كل شوي بيزعل منك عشان تغنين له
وديان: هههههههههههههههههههههه ههههههههههههههههههههههههههههههههه ههههههههههههههههههههههههههههههههههههههههههههه اشككرك على ذا الاطراء الجميل
رهف:اقول ياجماعه بس وديان اللي موجوده؟
وديان: يمكن نايمين!
رنا داخله باالعرض:وين نايمه الساعه صارت بتصك ٥ المغرب
وديان:والله مدري عنهم عاد
رهف :المهم انا بتكلم واذا سمعتو يابنات رجاء ردو اووووك! رنا الدبه بنسوي حفلة وداع العزوبيه اوك بس متى!
وديان :برأي قبل زواجها بأسبوع
رنا:اممممم
رهف:نشوف الباقي وياويل وحده ماتجي
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
ابتسم ببرود: ابي منك تسرقها وتورطه نشوف كيف بيحل مشكلته
خليل: ابشر طال عمرك الان نروح انا والرجال ننهب المكان
ناظره بحده:لو عرف ابو احمد مين الفاعل رأسك بيكون الثمن لهذا
خليل بلع ريقه بخوف: ابشر طال عمرك
أشر بيده خرج خليل من عنده صرخ بصوت عالي:تجمعو كلكم
اكثر من عشرين رجال
خليل: بعد صلاة المغرب نتجه لمستودع ******
نأخذ جميع الاسلحة الموجوده فيه وننقله لمستودع***
مين المسؤول والمكلف بالشاحنات!
...بصوت غليض:انا سيدي
خليل:تمام اسبقنا انت وجهز الشاحنات وانتظر اتصال مني عشان تخرج لطريق سامع!
...:حاضر
خليل: انت تجهز الميناء راح نشحنها بحر مو بر زي كل مره السفن تكون جاهزه وتأكدو من خلو طابق كامل صرفوه قول تعديل تنظيف اللي هو ما احد يدخله غيرنا سامع؟
....:ابشر طال عمرك
خليل:الباقي تجمعوا معي والان نتجه وننتظر حلول الظلام
خرج من غرفته وسجارته بيده وهو يناظر الكل ببرود: انتهى!
خليل:اي طال عمرك ارسلت رجال لشاحنات ورجال لتجهيز السفينه
ابتسم بداخله:حلو حلو ما ابي اي أخطاء
خليل:ابشر طال عمرك
نفث الدخان اللي بمفه مشكل غميه من الدخان حوله تحرك ببرود خرج جواله واتصل بالشخص اللي تسائل كثير حوله بعد ثواني:الو
روز بخشونه: الو
جاك بخبث ساخر:اووووووه وأخيراً الاستاذ رامي بقدره قدر يفضي نفسه ويرد على الاتصالات
روز ببرود: لاتطول وش تبي!
جاك بتريقه: اوه اعتذر نسيت ان جدول اعمالك مزدحم
روز ببرود وسخريه: بما انك عارف أتمنى ماتزعجني ثاني
قفلت الخط بوجهه
ناظر جاك لجواله بصدمه لأول مره شخص يقفل بوجهه ومين!مجرد خادم لأبو احمد؟حس بالدم يفور فيه من الغضب بتوعد وتهديد: هين يارامي لأقلب لك حياتك جحيم هين هين
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
وقفت عند باب بيتهم ونزلت بسرعه دخلت لغرفتها دايركت رمت شنطتها على السرير بأهمال بان المسدس منها دخلت لغرفة الملابس لبست اسود بأسود كالعاده لمت شعرها لفوق لبست الكمام الاسود ومسكت الكاب بيدها لبست طرحتها ونقابها بعد ماسحبت الكمام للأسفل شوي >>عشان تقدر تتنفس ماتمموت المسكينه~_~<<
اخذت المسدس الثاني حطته بالحامل الموجود بساقها وحطت البنطلون من فوقه خرجت واخذت المسدس المرمي على السرير بيدها وجوالاتها خرجت بسرعه بس بنص الصاله رفعت عبايتها وحطت المسدس بخصرها
وزي مادخلت خرجت بدون ما احد ينتبه لها ركبت لسيارتها وحركت بسرعه حطت الجوال بحامل الهاتف اللي كان مثبت بسيارتها كانت تسحب بقائمة الأرقام وهي تدور لرقم مساعد من بينها دقت عليه
:الو
مساعد:الو هلا طال عمرك
روز:مساعد احتاج رجال ثقة تخرج ارواحهم ولايخرج الكلام منهم ساامعني!!
مساعد: ابشري طال عمرك
روز:انت اجمعهم وابيهم يكون حولي لأن بروح لمكان خطير جداً
مساعد:ابشري طال عمرك تبينهم يراقبونك بالخفئ ولا يروحون معك؟
روز:لا ابيهم بالخفى واذا طلبتهم يتدخلون تمام ؟
مساعد:تمام بأذن نص ساعه ويكونون جاهزين
روز:تمام برسلك الموقع
قفلت منه وهي تتجه لمقر العصابه
بدأ الظلام يتسلل بالأرجاء والجو اظلم ناظرت روز بالسماء من زجاج سيارتها :ياحلوه مطر الليل
بدأت السحب السوداء تتجمع شوي وبدأت تمطر بخفيف بعدها بغزارة ما قدرت روز تسوق بالمطر الغزير
وقفت روز على جنب وشالت عبايتها تأكدت ان شعرها ثابت حطت الكاب على رأسها وعدلت الكمام لبست قفازاتها السوداء واللي تعتبرها جزء لايتجزء منها مثل ما تلبس الكمام عشان تخفي ملامح وجهه تلبس القفاز لتخفي بصماتها حركت روز من جديد بعد ما خف المطر وبدأ يختفي وقفت عند البوابه الكبيره ونزلت كانت تناظر بنص عين حراس البوابه اللي واقفين بثبات وقطرات الماء تنزل من وجيهمم بسبب المطر
روز((حاشى لله مب بشر ردة فعل يااهو ))
وقفت روز بعد ماكانت بتصدم بأحمد
احمد بنرفزه:اعمى؟
روز : بسم الله
احمد ناظرها من فوق لتحت وبسخريه: شايف جني ؟
روز رفعت يدينها لسماء: يارب مره وحده اقابل ذا المخلوق ومايجلس يقرقر على رأسي
احمد بصدمه:هي هي المخلوق ذا له اسم
روز :ولا تزعل اعيد الدعوه مع حقوق الاسم
يارب مره وحده اقابل احمد ومايجلس يقرقر على رأسي
احمد هز رأسه بيأس: حاشى لله مب صاحي
روز بسماجهه: صاحي ولا نايم
احمد بضحكه:نايم ولا قايم؟
روز ماقدرت تمسك ضحكتها: ههههههههههههههههههههههههههههههههههههههههههههههههههههههههههههههه ياولد طلعت خفيف دم وانا مدري
احمد:ليش اول كان دمي ثقيل؟
روز بعفويه:اول كان نفط الله يحفظك
احمد:هههههههههههههههههههههه اقول وش جابك بذا الوقت مره بدري؟
روز بجديه:ابوك طلبني وللحين صراحه مدري بس وصلتني رساله منه احضر بالمقر بعد المغرب مباشرة
احمد بأستغراب: غريبه وش يبي؟
روز رفعت كتوفها:مدري انا بدخل له
احمد هز رأسه: تمام
تبعها بنظراته حتى اختفت بهمس: ليش هو الوحيد اللي ارتحت له من بين الجميع هنا
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
دخل على امه اللي جالسه وحب رأسها :اخبارك يمه
ام وائل:الحمدلله ياحبيبي انت كيفك!
وائل:بخير جعلك في خير
ام وائل:كيف اشغالك ان شاء الله تمام
وائل مسح على ذقنه: والله في شويت ضغوطات لكن أزمه وتعدي
ام وائل:الله يسهل لك يارب
وائل:يمه انا قررت اكمل نص ديني
ام وائل ابتسمت بحب وفرحه: الله يوفقك هذه الساعة المباركة حاط عينك على وحده ولا أدور لك!
وائل بخبث:اي يمه بنت عبدالله *****
ام وائل عقدت حواجبها: وائل!
وائل:لبيبه يايمه
ام وائل بحده:وائل ليش خطبت عندهم بذات وش ناوي عليه؟
وائل بهدوء:انتقام ابوي منهم
ام وائل بحده:وائل
وائل:يمه انا والله نويت وقريب بتقدم رسمي
ام وائل تنهدت بيأس من ولدها العنيد:صدقني لو تزوجت عشان تنتقم وأذيتها راح تندم
وائل: ماعليك يمه..
قاطعته امه:ولو حبيتها!
وائل ناظر امه بسرعه :لو مابقئ من بنات حواء الا هي ما حبيتها وهي بنت ذاك الرجل
ابتسمت ام وائل:يعني لو مو بنته كان حبيتها؟
وائل :لا يمه الحين وش جاب لجاب ؟
ام وائل:لا تتهرب من سؤال بسؤال
وائل بتصريف:يمه هو الموضوع مو كذا يعني كيف اقولك
ام وائل:وائل انا ماراح اخطب لك ابد ابد دام ان نيتك الانتقام اعتذر ياوليدي
وائل بصدمه:يمه!
ام وائل بجديه: ياولدي اسمعني وركزي معي الله سبحانه
تعالى حرم الظلم على نفسه وحرمه بين عباده وش ذنبها البنت البريئه تتزوجها عشان انتقام وعشان شي من الماضي هي مالها ذنب فيه اجلس مع نفسك وراجعها
وائل التزم الصمت وهو يفكر بكلام امه ..
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
دخلت روز من الممر وقفت عند غرفة ابو احمد دقت الباب ودخلت لداخل
ابو احمد رفع نظره لها:اهلآ رامي
روز :طال عمرك طلبت حضوري!
ابو احمد بجديه:رامي راح اوليك على شي مهم جداً بالنسبة لي شي ممكن يعرض حياتي وحياتك وحياة كل شخص هنا للخطر
روز عقدت حواجبهابأستغراب: كيف!
ابو احمد :شحنه استلمتها امس في مستودع******
انا جهزت شاحنات النقل اللي راح تنقلها ابيك تروح بنفسك لها وتشرف على العمليه كامله
روز بصدمه وفهاوه: ها
ابواحمد عقد حواجبه: ها؟
روز بتلعثم:اا أقصد انه ذا شي كبير مره
ابواحمد بجديه:رامي انا ماوظفتك هنا الا وانا واثقه انك شخص قد الاشياء الخطيره اللي تجول بعالمنا
روز بخبث وببرود: راح تنجز على اكمل وجهه
ابواحمد:أرسلت لك الموقع شيك عليه وتحرك الأن المكان يبعد ساعتين
روز:تمام
ابو احمد:الشاحنات راح تنتظرك في ***** قبل المستودع بنص ساعه تقريبا
روز هزت رأسه: تمام
خرجت روز من عندها وهي تمشي بعجله ركبت سيارتها واتصلت بمساعد:الرجال جاهزين؟
مساعد:طال عمرك الموقع
روز:برسله الآن انا متجهه له
مساعد:ابشري طال عمرك
قفلت روز منه وهي تسوق بسرعه عاليه نوعا ما بعد ما دخلت شارع شبه فاضي
مشت مسافه طويله بس الطريق اخذت فيه ساعه فقط وصلت للموقع اللي قال لها ابو احمد ان الشاحنات تنتظرها فيه
أبتسمت روز بسخريه خرجت جوالها وثبتت بدأت تصور الشاحنات بدون لا احد ينتبه لها
تحركت روز وتحرك الكل خلفها
وصلت للمستودع
كان في شخصين واقفين عند الباب او بالاصح حارسين
نزلت روز بهدوء قربت منهم لكن انصدمت وقت ماشافت انه مغمى عليهم بس مثبتين بحدايد واللي يشوفهم من بعيد كأنهم واقفين
دفت روز الباب برجلها ودخلت لداخل اتجهت لصناديق بسرعه وهي تنزع الغطاء عنها زادت صدمتها وهي تشوفها فاضيه!
خرجت جوالها واتصلت بأبواحمد:الو طال عمرك الصناديق فاضيه
ابواحمد وقف بصدمه :ايش!!
روز بقلق: اللي سمعته
ابواحمد بعصبيه :رامي لاتتحرك من عندك الا اذا جيت
روز:بأنتظارك
خرجت روز وبصوت عالي: انتشرو بالمكان وشوفو اي شي تشكون فيه او شي مشبوه
الكل انتشر وكل شخص من جهه يدور لشي انتبهت روز لبيت صغير الواضح انه مكون من غرفتين فقط
كان قديم باب اخضر اتجهت له وطقت الباب مره ومرتين وثلاث سمعت صوت رجل كبير بالسن :جاي جاي
فتح الباب الحديد اللي اصدر صرير وصوت مزعج جداً
ناظر بأستغراب بروز واللي كان شكلها مريب وغير مريح
:وش بغيت!
روز بهدوء:جاي بسألك عن شي فقط
العجوز بحده:شنو تسألني عنه؟
روز:ياعم انت كم لك عايش هنا؟
العجوز:من سنين وش بغيت!
روز:طيب في اخر يومين او بشكل ادق امس حسيت بحركه حول المكان؟
العجوز بتفكير ناظرها:لا
روز بأصرار: تذكر زين اصغر معلومه راح تنقذني
العجوز بشك ناظرها:تنقذك من ايش!وبعدين لو تكلمت الثمن بيكون حياتي
روز:انا بحميك اوعدك
العجوز هز رأسه بالنفي :لا
روز:ياعم تذكر الموضوع اهلي واحبابي بيروح فيها
العجوز تنهد:امس الساعه ١٠:١٥م تقريبا قفلت النور كامل من بيتي متعود اذا بنام كل شي اطفيه سمعت اصوات سيارات فتحت الشباك شوي وشفت شاحنات نفس هذه اللي وراك باللون الاسود ورجال كثير بدأو يحملون اشياء بس مدري وش هي واللي سمعته وفهمت منهم راح ينقلونه مستودع***
روز طلعت محفظتها وخرجت ١٥٠٠ حطته بيده
:يلا مع السلامه ومشكور
العجوز:الله يحفظك يابنيتي
روز وقفت للحظه مصدومه لفت له :بنيتي!
العجوز:اي بنت واضح من بنيت جسمك الضعيفه وتصرفاتك
روز ضحكة بخشونه:غلطان ياعمي انا رجال مثلي مثلك ما اطول عليك
تحركت روز بسرعه وقلبها يقرع طبول
وقفت قدام المستودع وهي تصارخ على الرجال لأجل يتجمعون لها
اتصلت بأبواحمد من جديد رد:الو
روز:طال عمرك عرفت موقعها الجديد وراح نتجه الحين لها
ابواحمد:رامي لا لاتخاطر
روز ببرود:المهمه بتنجز على اكمل وجهه
ابواحمد:مين اخذها؟
روز:احتاج اجتماع مع الباقي ضروري
راح اشرح كل شي
ابواحمد:لا تتحرك حتى اجيك
روز بسرعه:طال عمرك ارجع للمقر واجمع الباقي وانا راح اجيكم
ابواحمد:تمام
روز ناظرت للجوال بصدمه وهي تتأكد اذا الرقم ابو احمد او لا لانه ما اعترض ولا قال شي!
اتصلت بأكين :الو
اكين:أهلا آنسه
روز:سأقوم بأرسل اسم لأحد المستودعات اريدك ان تعلم يتبع لمين او من مالكه
اكين: حسنا يا انسه بعد ساعه فقط سيكون الخبر لديك
روز:حسنا انا في إنتظارك
تحركت روز بسرعه متجهه للمقر بعد ماقررت ماتخاطر وتقتحم مكان ماتعرف عنه شي
خرجت جوالها واتصلت بمساعد:الو مساعد ارسل رجال يستكشفون مستودع**** ودبر لي موقعه
مساعد:ابشري طال عمرك
روز:تسلم تسلم
قفلت روز وهي تفكر ((غفلو عن بيت ذاك العجوز بسبب الاضواء اللي كانت طافيه عادته هذه انقذت حياته لكن مين هو اللي راح يعبث مع عصابة ابو احمد مين؟))
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
دخل بهدوء لمكتبه الخاص وجلس وهو يناظر بشاشة الاب ينتظر ظهورها مره ثانيه ناظر بالرجال الواقف عنده
ابتسم ببرود:اي!
....:طال عمرك وضعنا رجل لتعقب حركاته كامله
بهدوء:ابي ماضيه وكل شي عنه من اول نفس اخذه بالهدنيا
....:ابشر طال عمرك
بخبث:امش على الثلج بدون ماتبين أثر سامعني
...:هذا اللي بيصير ولايهمك
ابتسم وهو يقلب جواله بين يدينه
دق الباب ودخل شخص ثاني: طال عمرك الشحنه بتكون في****
هز رأسه بتفكير:طيب
انصرف الشخصين من عنده رجع نظره على شاشة الاب وهو ينتظر دخولها لغرفتها كان يستمتع بأدق التفاصيل لها
ابتسم: ماكنت اتوقع منك هالكثر روزتي
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

رأيكم توقعاتكم!

.
.
.
البارت الي راح المشاهده ١٠٠+
والتصويت مايتعدى ٣٠

البارت الجاي ينزل ان شاء الله اذا وصل ذا ٥٠+