بنيه صعب ينطفي ضيها.

Part 105

- ستمضي الأيام المُثقلة، وتحتضنك البشائر من كُل مكان.

.

.

.
((اعتذر على الأخطاء الإملائية ))
.

.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
فتحت وديان اشعارات الواتس من فوق وكان فويس مرسلته رنا بالقروب :سلام صبايا كيفكم؟! اللي تقدر تجي *** الساعه ٧:٣٠ م الموعد ياحلوين
ثواني وردت عليها جود
:ارحبي بخير انتي كيفك!!تم الساعه ٧:٣٠ اكون هناك
لارا:هلا هلا اكيد اولكم انا ههههههع لايفوتكم بنات وحده متعرفه عليها من تويتر بقابلها اليوم من حسن حضي بتخرجون اخرج معكم مره وحده
رهف:والباقي تخاون!؟
وديان:انا بشوف لعزوز وارد لكم خبر ياحلوين
تالا:انا مع القوم
رنا:حلو موعدنا بعد المغرب ان شاءالله
روز:والله يابنات مدري على حسب اذا فيني حيل من عيوني بجيكم لكن اذا ماقدرت اعذروني
رنا:تمام ياعيني معذورة فديتك لاتضغطي على نفسك
عند وديان خرجت من غرفتها ونزلت وهي تدور على عبدالعزيز
اللي كان جالس بصالة وقدامه اكثر من ملف
وديان بحب :مساء الخير
عبدالعزيز ناظرها وابتسم مساء النور
جلست وديان: اااا عزوز
عبدالعزيز ناظرها: لبيه
وديان:اا شسمه البنات رايحين ل*** تجهيزات لزواج رنا وكذا ابي اروح معهم من زمان ماطلعنا مع بعض
عبدالعزيز:اا..
قاطعه اتصال من وليد ناظر بوديان:دقيقه
وديان هزت رأسها بالأيجاب
رد عبدالعزيز ووقف وهو يكلم وليد:هلا وليد
وليد:عبدالعزيز العمليه فشلت
عبدالعزيز عقد حواجبه: كيف!!مافهمت؟!
وليد بهمس:تم اكتشافك
عبدالعزيز بصدمه: اايش!!
وليد:لازم اقابلك وجه لوجه بكره لان اليوم مايمدي
عبدالعزيز: تمام بكره لنا لقاء بس مين اللي اكتشف؟!
وليد:الأفعى
عبدالعزيز بكره:تباً
وليد:عبدالعزيز عن اذنك لازم اقفل
قفل عبدالعزيز من وليد والدنيا مقفله بوجهه
ناظر بوديان اللي كانت تناظره بتفحص :صار شي!
عبدالعزيز ابتسم ابتسامه صفراء وهو يبي يبعد اي ذرة شك ممكن تتسلل لقلب وديان:لاا مافي شي لكن تجهزي انا لللي بوديك المول
وديات ابتسمت له:منحرم
قامت من عند عبدالعزيز وردت للبنات انها بتجيهم
صعدت لغرفتها وجهزت نفسها أذن المغرب صلت وديان وخرجت من غرفتها كان عبدالعزيز يكلم بجواله ومرسوم على وجهه ملامح الجديه اللي صار لها فتره ماشافتها على وجه
ماتطمنت للي يصير حولها
انتبه عبدالعزيز لوديان قفل جواله وابتسم لها
بادلته الابتسامة خرج ولحقته وديان لسياره
حرك عبدالعزيز متجهه للمول كان يراقب حوله انتبه لسيارة سوداء تتبعه شد على الطاره بقوة
كانت عيونها تراقب قبضته اللي اشتدت على الطاره((في شي صاير وشي كبير))
وقف عبدالعزيز ونزل مع وديان اللي نزلت خرج جوالها وصارت تسأل البنات وين حتى اتجهت لهم تحت انظار عبدالعزيز اللي بدأ يضيع الأشخاص اللي يلحقونه بعد مانزلو من سيارتهم
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
ببيت من زمان ما رحنا له نزل من غرفته متجهه للحديقه مكان امه وابوه صادف بطريقه المربيه واللي كانت شايله ميلا بيدينها وصارت تتحرك بسرعه اول ماشافت خالها وتمد يدها له
فراس:ياااااعمري انا فديت اللي تبي خالها هاتي روحي انا
اخذ ميلا وحضنها وصار يبوسها بشكل عشوائي وميلا تضحك
خرج عند امه وابوه: السلام عليكم
هيفاء ابتسمت: وعليكم السلام ياهلا بمعرسنا هلا والله
ابوفراس ناظره وابتسم: وعليكم السلام
جلس فراس بجانب امه وجلس ميلا بحضنه وصار يداعب يدينها
هيفاء :بيتك جاهز خلاص!
فراس تنهد:يمه لو جهزت جناحي مو احسن!
ابوفراس:لا بيت لوحدك احسن لك يمكن البنت تتضايق اذا جبتها لهنا ممكن تبي بيت وحدها!
فراس:بس..
هيفاء:افا فراس! وش ذا الكلام؟ زوجتك من حقها بيت لها خاص فيها تسوي اللي تبي فيه ماراح تاخذ راحتها هنا بأي شي ساامعني؟
فراس:يمه باقي يبي له أثاث
ابتسمت هيفاء :انا ادري لو انت توليته بتجلس سنه قدام عشان تجهز بس اسمعني الأثاث كامل وصل امس وترتب وكل شي بعد بكره اهل العروس بيجون للبيت يجيبون اغراض بنتهم
فراس:يمه يبي له عاملات ينظفونه بما ان اهلها بيجون
((اقسم بالله لو مو اهله ليجلس بحوسته وهي ترتبه غصب عنها بس راحت علي هالمره الجيات اكثر هين ))
هيفاء: فراس..فراس يمه وين سرحت!
فراس بتلعثم: هه..هلا يمه معك معك
هيفاء غمزت لولدها: معي متأكد ولا بالك عند الحبيبه
فراس بتسليك: هههههههههههههههههههههه يمه
ابوفراس:بيكون عندك شهر كامل إجازة رتبت لك رحلات متنوعه لثلاث بلدان كل بلد أسبوع
فراس بحب:يبه ليش تعبت نفسك!
ابوفراس:لاتعب ولاشي تستاهل اكثر
فراس ابتسم لأبوه((انا استاهل بس هي تخسي يبي لي اتمتع برحلة ذي وحدي بس كيف كيف!))
هيفاء:اقول فراس مريت التوزيعات واكدت عليها؟
فراس:يمه ارسلت شادي لها
هيفاء :زين يمه
قام فراس من مكانه :عن اذنكم
هيفاء:بحفظ الله أذنك معك
حط ميلا بحضن امه وخرج من الحديقه متجهه لسيارته
ركب وحرك متجهه لبيته اللي تحت التعديلات
وقف سيارته ونزل كانت فله صغيره انتبه لشاحنه واقفه والعمال ينزلون اغراض منها تقدم منهم وصار يناظر لهم بعدها دخل لداخل كان الأثاث مرتب ومعدل وكل شي مكانه وجاهز لسكن كان الاثاث راقي ومنسق مع بعض
اتجه لدور العلوي لغرفة النوم كانت باللون الابيض متداخل معه اللون ذهبي ما اهتم فراس لغرفة النوم قد ما اهتم بتوفير غرفة ثانيه تنام فيها بعيد عنه كانت غرفة مقابله لغرفة النوم
همس بحده:راح اصب غضبي كله عليك
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
ناظرت لارا بجوالها بعدها رفعت رأسها للبنات:صبايا انا بخرج اشوف لانوار تقول برا
رهف بسماجهه: انوار ليش الاسراف ذا نور واحد يكفي
البنات ناظرو بعض لثواني بعدها فطسو ضحك:هههههههههههههههههههههه ههههههههههههههههههههههههههههههههه ههههههههههههههههههههههههههههههههههههههههههههه ههههههههههههههههههههههههههههههههه
لارا:سااااااامجه حدك
رهف: من زمان ادري ههههههههههههههههههههههههههههههههه
خرجت لارا من المول وهي تتلفت حولها وتدور على عباية معينه وشنطه انتظرت دقائق بعدها ارسلت((بنت وينك؟))
انوار((لارا معللليش اختي فجأة تعبت علينا مدري وش فيها وحنا بطريقنا للمشفى))
لارا((بسم الله عليها ماتشوف شر مافي مشكله خيرها بغيرها))
قفلت جوالها ولفت راجعه للبنات لكن عقدت حواجبها بأستغراب بعد مامر شخص مألوف لها بس ماركزت بملامحه
وخلفه ٤ رجال لابسين أسود بأسود يركضون ركضت لارا خلفهم بفضول ونست نفسها وقفت بعد ماوقف الكل ولف ذاك الشخص الهارب فتحت عيونها بصدمه وبهمس: اوووه هو!
لف عبدالعزيز اللي كان محاصر بين جدار وبينهم
وصار يناظر بالرجال ومبتسم ببرود لأنه عارف انهم بمكان عام ماراح يتجرأون يطلقون عليه وممكن يقدر فيهم لكن انصدم من صوت البنت اللي جاء من خلفهم:هي هي هي انت وهو!!
الكل التفت للارا اللي كانت واقفه :بالله انتم ماتستححون على شواربكم هذه اللي شوارب الصرصور لها هيبه اكثر للمعلومية بس
تتقون على واحد رجال بس وانتم ٤
"هزت رأسها بالنفي "والله صراحه انتم مو رجال لو انتم رجال كان طلعتو له واحد واحد او على الأقل واحد بس يتضارب معه لكن صراحه صراحه طحتو من عيني
ناظرو ببعض بأستغراب بعدها تكلم واحد بصوت خشن:مين انتي !!
لارا ناظرته بغرور:انا! المعروف لايعرف مايحتاج تعرفون مين انا
"رفعت اصبعها بتهديد لهم"والحين يا انكم تشيلو انفسكم وتنقلعو بكرامه من هنا يا اوديكم وراء الشمس
واحد ثاني بعجله:امسكو البلاء ذيه أمسكو البلاء ذي لاتوهقنا
تركو عبدالعزيز وركضو جهة لارا اللي اول ماشافتهم صرخت برعب وحطت عبايتها بفمها وانحاشت ماتشوفون الا غبارها
عبدالعزيز ضرب جبهته بيأس بعد ماعرف صاحبة الصوت مين ركض عبدالعزيز خلف الرجال اللي يطاردون لارا
((ياربي منها هالمصيبه والبلاء اللي دايم تترصد لي انا كنت اقدر أنفذ منهم بس بوجودها تعرقلت))
كانت لارا تركض وهي ماتدري وين الله صافق بها بس اللي تعرفها انها دخلت بين عمائر ومحلات وممرات ضيقه كانت المره الأولى لها
وقفت لارا فجأة ولفت لهم ورفعت يدها:وقفوووووووو لحظه
الرجال وقفو وصارو يلقطون أنفاسهم ويناظرون بأستغراب ولارا تلقط أنفاسها
لارا بتعب:والله ياجماعه تعبت بس ناخذ استراحه عشر ثواني وبعدها برجع اركض واذا انحشت كان بها واذا مسكتوني الله يرحمني
ومن جديد ماشافوا الا غبارها دعست لارا بس قبل لاتنحاش انتبهت لعبدالعزيز اللي يركض لهم
رجعوا الرجال خلفها يركضون وعبدالعزيز وراهم وقفت لارا بمفترق طرق يمين ويسار ناظرت بصناديق على الطريق اليسار
قربت منها ودفتها برجلها وطاحت تخبت بطريق اليمين
وقفو الرجال وناظر يمين ويسار انتبهو لصناديق المرميه
واحد منهم:من هنا اكيد يسار الحقوني
ركضو بجهة اليسار خرجت لارا بسرعه وركضت صادفت عبدالعزيز بطريقها انتبه واحد منهم وصرخ بأصحابها مسكت يد عبدالعزيز وصارت تركض وتجره معها وعبدالعزيز يركض وراها ناظر خلفهم والأشخاص يطاردونهم ناظر بيد لارا اللي كانت ماسكه معصمه وتركض فيه سوا حركة لولبيه بيده وصار هو ماسك يد لارا ويركض فيها دخل في ممر ضيق حط لارا على الجدار ارتطم ظهرها بالجدار وعبدالعزيز امامها صارت محاصره بين الجدار وصدر عبدالعزيز اللي كان محاصرها بيدينه وهو يتنفس بسرعه بلعة ريقها بخوف من انهم يكشفونها
عبدالعزيز بهمس:اعد لثلاث ونركض مع بعض
لارا هزت رأسها بالأيجاب: طيب
عبدالعزيز: ١..٢..٣
ركض عبدالعزيز ولارا بعد ماعكس الرجال طريقهم
دخلو بين مجموعه من الناس وركضو للمول ودخلو فيه وهم يلقطون أنفاسهم بتعب اسند عبدالعزيز ظهره على الجدار بينما لارا كانت واقفه وتعدل نقابها وتلهث بتعب واضح
عبدالعزيز ناظرها :انتي بلاء من ربي لي!!
لارا غمضت عيونها للحظات وفتحتها :هذا جزاي ساعدتك من الاشرار!!
عبدالعزيز مسح على وجهه بقلة صبر:مافي مكان تكونين فيه إلا ويجي بلاء
لارا ناظرته بزعل صدت عنه وصارت تدور لجوالها
شهقت بصدمه: هئ جوالي طاح
عبدالعزيز ببرود :عادي الجوال بداله جوال
لارا ناظرته بحده وكره:اكرمني بسكوتك
تحركت خارجه من المول لحقها عبدالعزيز ومسكها من يدها بعصبيه:مجنونه انتي تخرجين للهلاك برجولك!!
لارا فكت يدها بعنف منه:ابعد عني لااتشيل همي مو انا اساس بلاء من ربي لك!! اتركني بحالي واعتبرنا ماتصادفنا اليوم
عبدالعزيز ناظرها بحده:تستهبلين على رأسي!؟
لارا ناظرته بحده وتجاهلته وبعناد خرجت من المول لحقها عبدالعزيز بسرعه بس انصدم وقت ماخرج وهو مايشوفها
:وين راحت ذي!!
بينما لارا كانت واقفه على جنب وهي متفشله من نفسها بعد مالقت جوالها بشنطتها كانت تحاول تتجنب عبدالعزيز وتنحاش منه وقدرت انها تدخل من وراها بدون لاينتبه لها
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
صباح يوم جديد