بنيه صعب ينطفي ضيها.

Part 15

كان حاط يده على رأسه وسانده عليها وهو يفكر اذا قراره صح او لا قاطع تفكيره دق على الباب
..:ادخل
فتحت الباب ودخلت :عمي انا مستعده متى الإجتماع؟
ابو احمد :بعد ساعه الحين انزلي والسواق بيأخذك للمكان
رنا بهدوء :طيب
اتجهت للمصعد ونزلت وراحت لسيارة ركبت السواق كان عارف الوجهه وين انتبهت رنا لسيارات اللي حولها وعرفت انهم البودقارد تبعها حالياً قفلت الحاجز بينها وبين السوواق طلعت آلة التسجيل الصغيره وخبتها بالجيب الموجود على بدلتها تأكدت من السلاح اللي بشنطتها والثاني اللي كان بخصرها كانت مأخذه احتياطاتها كانت تحاول تخفف توترها وقفت السيارة وفتح السواق الباب نزلت منه للمطعم الفخم والكبير
ناظرت البطاقة اللي طلعتها من شنطتها وهي تتذكر
>>ابو احمد:رنا امسكي البطاقه هذه اول ماتدخلين اعطيها الاستقبال وهم بيودونك مكان الاجتماع<<
دخلت للموظف:اهلا عندكم حجز مسبق؟
رنا بهدوء حطت البطاقه ودفتها بأصابعها له
اخذه وهو مرتبك:تفضلي وراي
رنا ارتبكت من ارتبااكه((يااااااااويلي داامه ارتبك اكيد خطيرين اكيد ياااغبيه خطيرين عصابه ذووول))دخلو لممر طويل وشبه مظلم ونهايته كان في باب كبير ذهبي كان المكان هدوء الا من صوت كعب رنا
كانو يسولفون بس سكتو اول ماانفتح الباب رنا((بسم الله الرحمن الرحيم يمه وش ذوللل) يدها صارت ترتجف بس شده على نفسها عشان مايعرفون دخلت بخطوات واثقة واشرت بيدها:مرحبا
ابوجهاد بصوت خشن :مراحب
ابو يوسف بصوت حاد:مين انتي؟
رنا وهي تجلس وتحط رجل على رجل:تقدر تقول انا هنا نائبة عن الاستاذ ابو احمد
جهاد بخبث وهو يبتسم:والله ويعرف ابو احمد يختار
____________________
كان يومها الاولى بعد ما وظفها جدها معاه بالشركه
دخلت وجلست على مكتبها وهي منزعجه من شريكها بالغرفه (اوووف يعني خلصو النااااس وما لقى جدي الا ذا المعقدددد يـــــــــقهههر))قاطع تفكيرها دخوله م اعطته اهتمام وكان واضح انزعاجه هو الاخر
خالد بسخريه:هلا والله
نور ببرود:هلا فيك
خالد :امممم من البدايه خلينا صريحن انا واحد م احب الازعاج فالتززمي الصمت
نور معطيته طاف ولا كأنه يتكلم كانت تشتغل على الاوراق اللي طلبها جدها كانت تحاول تطلع افضل ماعنده رتبتهم بالملف واتجهت لجدها بعد مادقت الباب واستأذنت بدخول
نور:هذه الاوراق االلي طلبت اذا تققدر تراجعهم لتتأكد منهم
الجد:مايحتاج انا واثق بك
نور:تسلم والفت طالعه بس وقفها
صوت جدها:نور امسكي الملف هذا قولي لخالد يطلع عليه ويوقع وبعدها جيبيه ااتجهت له تاخذ الملف اشر لها جدها على نقطه معينه وقال:خليه يدقق بشرطهم هذا
نور:ابشر
طلعت متجهه لمكتبها دخلت ماكان خالد موجود
بعدها بشوي جاء قامت نور وهي تقول:جدي اعطاني الملف ذا يقول اطلع عليهم وبعدها وققع
حطته قدامه فتحته واشرت على الشرط الموجود وجدي يقول ركز بشرطهم ذا
(خالد كان مركز بيدها اللي كان اثر الحرق باقي واضح شوي ):اا طيب طيب الا يدك وش فيها
نور انحرجت وهي تتذكر الموقف بس كانت تجهل الشخص للآن:انكبت القهوة على يدي
خالد ناظرها وهو يبتسم على جنب :اها
رجعت لمكانها فتحت جوالها وارسلت كل الصور له
______________________________
رنا رمقته بنظره حاده:عالعموم ياليت نبدأ بسرعه وننتهي بسرعه عندي اكثر من موعد
كان جالس بعيد شو عنهم وهو مو مرتااح لوجوده معهم قال بصوته الحاد:غريب ابو احمد ماقال لي انه بيرسل شخص غيرهه
رنا بحده:مو مجبور يقولك
ابو يوسف:يلا نبدأ ...اول شي بتكلم عنه اللي هي عصابه الشيطان المنافسه لعصابتنا وتحاول تأخذ زبائن منا تحركاتهم خطيره
رنا وهي تطلع صور من شنطتها بعد البحث اللي طلبه منها ابو احمد رمتها على الطاوله:ذول اخطر اثننين فيهم واللي يلقبون انفسهم ب(السفاح)و(الجوكر) تقدرون تقولون يأخذون اللي يبون بدون م احد يحس عليهم وفوق ذا بارعين بالتنكر
ابو جهاد بأعجاب:كيف جبتي الصور؟
رنا:من مصادري الخاصه او السريه بالاصح ولاتضمنون تكون هذه صورهم الاصليه لانها يمكن متنكرين فيها
عبدالعزيز ((عيون البنت مو غريبه تذكرني بشخص بس مدري مين)):طيب وكيف نثق بمعلوماتك هذه؟
رنا((وجع وجع وشفيه علي انا نقطه وببكي:مو مجبور تثق فيها ي استاذ اذا تقدر تبحث وتورينا شطارتك
عبدالعزيز بحده يناظر لها رنا تحس نظراته تخترقها شوي وتبكي ((اصبري يااارنا اصبري اعوذبالله منه ذا الله لايسااامحك ياااعمي))
جهاد:طيب الحين وش نسوي
رنا :اول شي لازم نغير المكان اللي نستلم ونسلم فيه من اول ويتم تغيره بشكل سري للغايه لان يمكن يكون في جاسوس لصالح عصابة الشيطان
عبدالعزيز انزعج من ذكائها ((هذه بتخرب كل شي))
الكل وباستثناء عبدالعزيز اعجبتهم الفكره
ابو يوسف:تمام بتفق معهم في مستودع**** يوم السبت
ابو جهاد وقف والكل وقف معه :كذا انتهاء اجتماعنا
جهاد بخبث مد يده لرنا:تشرفنا
رنا ناظرته من فوق لتحت واعطته ظهرها ومشت طلعت من عندهم متجه لسيارتها وتحس الخوف خانقها اول ماركبت فكت النقاب وشربت موويه
((يمه الحمدلله طلعت سالمه اممممم ذاك اللي ناشب لي انا متاكده شفته بس وين او يشبه لا أحد بس مين ))
_____
رجعت اخذت الجوال بيدين مرتجفه وتشوف الرساله المرفقه مع الصورة
^
((صبح صبح صباااحك نكد يا جود كيف المفأجاة الحلوه من المتخلف ؟امممم ياترى وش ردة فعل ابوك لو شاف صور بنته المحترمه مع شوية تعديلات ولمسات ههههههههههههههههههههههههههههههههههه بتندمين ياحلوه))
خافت منه وارتعبت كيف وصلت صورتي ليده كيف انا حتى مع صحباتي م اتصور كيف كيف رفعت جوالها ودقت على الرقم وهي تتصنع البرود وتاخذه قناع لها رد فيصل بروقان:صباح الخير وش الصباح الحلو ذا
جود بصوت هادئ وبارد:كيف وصلت لصورتي؟
فيصل بسخريه وهو متعمد يقهرها:ههههههههههههههههههههههههههههههههههههههههههههههههههههه انا اوصل لكل شي ياجود
جود بقهر:طيب وش تبي فيها
فيصل:ابيها باللي ابيها مالك شغل
جود:حلوه صورتي ومالي شغل برافو استاذ فيصل
فيصل بأستهزاء:اوووه حلوه الكلمه من اليوم ورايح تناديني استاذ فيصل
جود بصدمه:نعم
فيصل:اللي سمعتيه
جود بهمس:وش تبي مني وش سويت لك؟!
فيصل نفسه مو عارف وش يبي منها كان بس يبي يطفر بها التزم الصمت
جود:وش تبي مني يااافيصل وش سويت لك؟
فيصل:ماشفتي شي ياجود انتي تجرأتي ومديتي يدك علي ورفضتيني
جود يأست منه بسبب تفكيره وسبب ابتزازها بصورها
قفلت الخط ودقت على المطبخ :نعم آنسه جود
جود:مورينا جيبي حبوبي ومويه بدون م احد يشوفك
مورينا:حاضر
بعد دقايق سمعت دق الباب
مورينا بخوف على جود:فيك شي ي آنسه
جود :لا مافي شي بس حسيت بنغزات بقلبي وقلت اخذ علاج قبل لايشتد
مورينا:تمام يا آنسه
_____________________
يووم جديد على ابطالنا
عند روز جتها وديان وكان يجهزون لأستقبال ام وليد وبناتها
روز وهي تبخر الصاله :والله يمه بتحبينهم طيبيننن الله يسعدهم
ام فهد:امين
وديان:روز انكتمت بس بس
روز :ياااااه منك يالدلوعه
وديان:انطمي تدرين عندي ربو صح
روز:اي والله نسيت هع
شوي الا جرس الباب يرن انطلقت روز فتحت الباب بأبتسااامه كبيره كانت حافره غمازاتها :هلااا والله بال حل وين رجعت بسرعه على وراء بعد ماستوعبت انا احمد باقي واقف برا بسيارته شافته وشافت الابتسامه الغريبه اللي كانت على وجهه
ام وليد وهي تدخل :البقى حبيبتي
سلمت عليها روز وحبت رأسها دخلو البنات وحضنتهم بقوة :وحشتووووني
رنا :الحمدلله على سلامتك
رهف:خطاك الشر يارويزتي
روز:الله يسلمككم ..حياكم حياكم تفضلو
دخلو وكانت ام فهد بأستقابلهم وترحب فيهم
وديان سلمت على ام وليد وحبت رأسها وحضنت البنات
بعد السؤال عن الحال والاحوال جلسو شوي البنات وبعدها طلعو لغرفة روز وجلسو فيها
رهف: عطشاااااانه روز ابي مويه
روز:شوفي بالثلاجه
قمت رهف واتجهت لثلاجة وفتحتها
رهف بعبطاه:رووويزه ماافي
روز:انا قلت لـــريني تعبيها تمام انزلي المطبخ اشربي
رهف تغمز:انا ضيفه انتي جيبي لي
روز وهي تدفها :اقول انزلي اشربي
رهف :اننن طيب وين المطبخ
روز:انزلي من الدرج وبعدها في ممر امشي فيه وبتلاقين ٣ ممرات اول ممر على اليمين هناك
رهف :تمام
نزلت رهف واتجهت للمطبخ اخذت كأس المويه وعبته شربته كله دفعه وحده كانت جداً عطشانه رجعت صبت لها ومامدها ترفعه الا حست بصرخه خفيفه:بــــــــــــووووو
من الخرعه لفت وكبت الكأس كله عليه انصدمت انه رجال بلعة ريقها بخوف فتح عيونه وشافه وباستغراب :مين انتي
رهف التزمت الصمت وهي خااايفه منه
فهد وهو يمسح المويه من وجه:حسبي الله عليك ليش تكبي الموويه هااا
رهف بسرعه:والله يااخي انت اخرعتني وزي ماقال نيوتن لكل فعل ردة فعل وانا والله مدري كيف اااااا كانت بتنحاش مسكها :دقيقة انتي لازم اكب عليك زي ماكبيتي علي
رهف وهي تحاول تفك قبضة يده:اسمع يااخي انت ببيتكم تقدر تغير ملابسك بس انا لا اماانه أتركني
فهد ابتسم :ه ه ه ماني بتااركك
رهف صارت شفايفها ترجف استعداد للبكاء وبصوت يرجف :اتركـــ ني
فهد انصدم((يووه منجدها ذي بتبكي)):هي هي باتركك لاتبكين
رهف بأنتصار(يس نجحة الخطه))بسرعه طلعت من عنده بس وقفت بالنص وهي تناظر للممرات انا من وين جيت رجعت بشويش للمطبخ وهي تتكلم بشويش:اممم لو سمحت اي ممر يطلع لفوق بأحراج ضيعت
فهد من وراء الباب وهو يضحك: يسار يافاهيه
صارت تركض وهي تحاول تزبط نفسها من الموقف السخيف اللي صار لها