بنيه صعب ينطفي ضيها.

Part 127

((اعتذر على الأخطاء الإملائية ))
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.

صباح يوم جديد على ابطالنا
ببيت ام متعب تحديداً كان الكل مرتبش ويجهزون لملكة ريوف
بغرفة ايلاف اللي حطت الشامبو برأسها وبدات تدلك فروة الراس بأطراف اصابعها نزلت الرغوة على عيونها قفلت عيونها بقوة ومدت يدها تتحس الصنبور تفتح الماء لكن انجلطت وهي تلفه يمين يسار مانزل ولا قطرت ماء
صرخت بقوة:لاااااااااااااااااااااااااا لاااااااااااااااااااااااااا
صارت تتحس روب الحمام لبسته ومسكت شعرها بيد واليد الثانيه تتحس طريقها وهي تصارخ بأسم الخادمه
فتحت باب غرفتها وهي تنادي
لكن كانت تسمع صوت فجأة الهدوء عم المكان
فتحت عيونها بشويش وهي تناظر لكن انصرعت مكانها وهي تشوف سلطان يناظرها بصدمه وبيده صندوق كبير
ايلاف غمضت عيونها ولفت بسرعه تبي تدخل لغرفتها
لكن صفقت بقوة بحافة الباب وفتحت عيونها دخل الشامبو بعيونها مسكت عيونها وهي تصارخ بألم وحرقه:اااا عيوني
ركض مهند اللي كان بالصاله على صراخ ايلاف
ارتبك سلطان حط الصندوق بالأرض وركض لدورة المياه
سمع صوت مهند القلق:ايلاف وش فيك
ايلاف بألم: مهند عيوني عيوني ااه عيوني
مهند بصدمه:وش ذا وش خرجك؟
ايلاف بصوت باكي: مدري وش فيه صنبوري مهند عيوني نار
مسكها مهند بيدها وسحبها باتجاه دورة المياه انجلط سلطان اللي سمع اصواتهم تقرب
سلطان بصوت عالي: كح كح كح كح
مهند ارتبش مسك ايلاف وصار يركض فيها لغرفة ريوف
وايلاف تركض وهي تصارخ:عيوني عيوني
مهند :اص فضحتينا
دخلها حمام ريوف ورجع بسرعه لدورة المياه يدور لسلطان اللي اختفى
دخلت ايلاف تحت الماء وصارت تفرك عيونها وتبكي من الأحراج وتكلم نفسها بين شهقاتها:اهى اهى ليش سلطان بذات اكرهك ياصنبوري اكرهك اكرهك اهى ماما اهى كيف باقي اقابله ذا اهى اهى
..
ركب سيارته بتوتر حط رأسه على الطاره وهو يضرب المقعد بأحراج رجع ظهره للخلف ومسح على رأسه
انتبه لدق على الزجاج التفت وكان مهند يناظر له بأستغراب
فتح سلطان الزجاج بحرج وتوتر ملحوظ:ه..هلا
مهند بأستغراب: وش فيك اختفيت فجأه ؟
سلطان بترقيع:معليش لكن وصلني اتصال وضروري امشي الصندوق اللي قالت لي خالتي احطه بالصاله العلويه..
قاطعه مهند:اي شفته
سلطان: يلا تامر على شي؟
مهند:سلامتك
حرك سلطان بسرعه فتح زجاج السياره كله وهو يبي يتنفس
ارتسمت على شفايفه ابتسامه حرج وبهمس:حلوه