بنيه صعب ينطفي ضيها.

Part 143

أهلا أهلا ياجميلين
كيفكم!!!

اعتذر بجد عن القطعه المفاجئه لكن انخرشت وقت ماعرفت ان اختبارات الميد كانت حضوري ومادريت الا قبلها بخمس ايام عاد هنا اعلنت حالة الاستنفار

مادريت وين اقسم نفسي ولا اي مادة ابدأ بس الحمدلله عدت سليمه 🥲🥲♥️.

((اعتذر على الأخطاء الإملائية ))
.
.
.

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.

جلست بهدوء قدام التلفزيون وكانت تسترق النظر لوائل اللي بدوره يسرق النظرات لريوف ويعيش بداخله صراع قوي
تنهد بضيق وصد برأسه((لازم اقولها واصارحها ان زواجي منها لانتقم بس ...ااه يعني اكذب على نفسي؟ لا وائل لاتترك نفسك لهااا ...اووف بقول لها واللي يصير يصير لو تبي اطلقها بطلقها وخلاااااص ينتهي عذاب الضمير اللي اعيشه ))
التفتت لها وهوعازم وحازم انه يتكلم ويقول لها كل شي واللي يصير يصير لكن للحظه سرح بعيونها اللي أسرته من اول لقاء لهم كانت مسرحه وفيها نظرة حزينه
وائل بهدوء: ريوف ..ريووف
انتبهت له ريوف وبدون لاتحس:لبيه؟
وائل((لبى قلبك)): ابيك بموضوع مهم
ريوف باهتمام: تفضل
وائل:الصدق انا..
قاطعه جواله اللي رن ناظره عقد حواجبه بأستغراب بعد ما شاف المتصل رد بأهتمام: الو؟...تمام تمام جايكم المركز الحين...لاا من حقه التزام الصمت وتعين محامي انا جاي
وقف وائل بغضب وقفت ريوف معه بخوف وهي تناظر له
وائل بعصبيه :بأي حق؟...يلا جااايكم اسبقني
قفل جواله وحطه بجيبه وتحرك بعجله لكن وقف على يد ريوف اللي مسكت يده واجبرته يلف لها
:في شي؟ وائل
وائل بهدوء: لا عمي بقسم الشرطه بروح اشوف وش المشكله
ريوف تركت يده بهدوء: تمام انتبه لنفسك
ناظرها بتأمل لثواني وهز رأسه بهدوء وتحرك بعجله من عندها
خرج متجهه للمركز وهو يدعي انه يكون خير
راقبته ريوف بعيونها وجلست على الكنبه رفعت رجولها لحضنها وسندت رأسها عليها بدأت دموعها تنزل بحرارة
:كنت حاسه في شي وائل ماخذني مجبور
الرسايل اللي دايم اشوفها من صديقه تدل على ذا الشي كان بيقول كل شي وبيعترف لكن خرب الاتصال
اهى ياربي احبه احبه ليش هو مايحبنه
غطت وجهها بيدينها وهي تبكي بحرقه
اسندت نفسها على الكنبه وغمضت عيونها بدأ النوم يتسلل لها واستسلمت له