بنيه صعب ينطفي ضيها.

Part 67

((أعتذر على الاخطاء الاملائية))

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
رمته للمره العاشره على أمل انه ينشب بشي وتطلع منه لكن فشلت للمره العاشره ((اا ياربي ساعدني )) صارت تتنفس بخوف وتوتر وبدأت تتعرق تحس خلاص علقت هنا رمت مره اخيره وهي كلها رجاء سحبت الحبل بس حست فيه علق سمعت صوت خطوات خفيفه بعدها اختفت انتظرت شوي بعدها
تعلقت فيه عشان تتأكد اذا تمام او لا بس كان ثابت حاولت تصعد لكن كان مره صعب عليها حست يدينها ماتت من التعب وهي تحاول تصعد لكنها ما أستسلمت مره ومرتين وبعد عناء طويل قدرت توصل يدها مسكت بقوة وصارت تصعد سمعت صوت شخص بسرعه تخبت تحت الدرج بس المره ذي مو داخل الغرفه لأنها نوت تخرج بأي ثمن سحبت المسدس وفكت أمانه كانت لامه يدينها لها بخوف وحامله المسدس نزل الشخص بهدوء وقف بوسط الغرفه بعد ما انتبه للحبل والخطاف العالق بس جمد مكانه بعد ماسمع صوت خشن خلفه:ارفع يدك هنا المباحث
رفع يدينه بخبث ولف بسرعه بقصد يباغت اللي خلفه بهجوم بس حس بضربه افقدته وعيه كانت تتنفس بخوف بعد ماضربته بطرف المسدس سمعت صوت خطوات شخص ثاني مسكت برجل الرجال اللي قدامها وصارت تسحبه بقوة وحطته بالغرفه اللي تحت الدرج ورجعت لمكانها وهي ناويه عليه نفس الأول :الرئيس اتصل ويقو...
ماكمل كلمته الا وروز صكته برأسه طاح مكانه نطت من فوقه وصعدت الدرج بسرعه لكن انتبهت لأشخاص اللي يصعدون من على المرسئ للقارب تخبت بسرعه خلف برميل اسود كبير كانت تسمع اصواتهم وكلامهم وتحس برجفه لكن انجلطت وقت ماتحرك القارب والي جلطها أكثر الصوت الغاضب اللي يقول:في دخيل هنا جيبوووه
حضنت البرميل بخوف ((انا قادمه اليك ياربي))ناظرت حولها بس مافي اي مهرب لها لو خرجت من خلف البرميل بينكشف آمره ببلمح البصر((لا ما ارح اضيع وقت واتورط اكثر)) خرجت روز بجرأة من خلف البرميل الكل ناظرها وقفت بسرعه على حافة القارب انحنت انحنائه بسيطه:اعتذر على تطفلي
بعدها رمت نفسها بالبحر صارت تسبح بسرعه للمرسئ
سمعت صوت طلقات ناريه غطست بالبحر وكملت سباحه تحته بأتجه المرسئ خرجت رأسها وهي تتمسك بطرف المرسئ صعدت بصعوبه ناظرت خلفها بس انجلطت وهي تشوف القارب رجع من جديد للمرسئ قامت بسرعه وهي تواجه صعوبه بالحركه بسبب ملابسها المبلله والملتصقه كانت تفاصيل جسمها مرسومه تخبت خلف احد الحاويت لكنها ارتجفت بخوف وقت ماحست..
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
قبل ساعتين أخذ الأمر من رئيسة واتجه بسرعه للميناء بعد ماوصلتهم معلومات بعقد صفقه مخدرات واسلحه على أحد القوراب الموجوده وقف سيارته بعيد عن الأنظار قرب من الموقع المطلوب وتخبئ سمع صوت سياره وقفت قريب منه شخص غريب الأطوار بملابس سوداء وخطوات متردده نزل منها اتجه للمرسئ تتبعه بشك لأنه شخص مريب ومن الممكن يكون أحد الاطراف المتعاقده لكن اللي كان يستغربه حذره وتردد بس كان يضنه حذر الذنب او بالاصح الغلط لأن اي شخص بمكانه بيكون متوتر صعد على القارب تحت انظاره لكن بعد دقايق وقفت سيارة سوداء ونزل منها شخصين صعدو للقارب شوي وخرجو صار عنده فضول يعرف وش صار بالشخص الغريب!تحرك بحذر للقارب اخذ نظره على المكان دخل للغرفة الرئيسية لكن انتبه للحبل اللي كل شوي يرمي من الاسفل عرف هنا ان الشخص الغريب علق ثواني وانرمئ الحبل مره ثانيه مسكه وثبته بحديده وخرج بسرعه رجع للمكانه القريب يراقب عقد حواجبه بعد ماوقفت سيارتين ونزل منها اشخاص واتجهو للقارب((شكله مدعي عليه والظاهر مو خارج من القارب الا جثه)) انتبه بعدها لتوتر الاشخاص على القارب اللي بدأ يتحرك عرف انهم اكتشفو وجوده لكن توسعت عيونه بصدمه وهو يشوفه على الرغم من الظلام لكن فيه ضوء القارب قفز للبحر بكل تهور لمن صدمته ما كانت اكبر من صدمته بعد خروجه من القارب
ووضوح تفاصيل جسمه((بنت!!)) انتبه للقارب يعود أدراجه عرف هنا انهم ذابحينها ذابحينها بدون أدنئ شك
شافها تركض للحاويه المجاوره له ووتخبئ تحرك اتجهه بخفه و
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
دخلت لغرفتها بعد ماطلبت منهم امهم ينامون بدري عشان الصباح يحركون لمزرعتهم فتحت انوار غرفتها كامله جلست على سريرها لأنها مهما حاولت تنام مستحيل تغمض لها عين والدنيا ظلام وهي وحدها فتحت الاب حقها وهي تبحث وتدور لها فلم كوميدي تغير شوي من نفسيتها اللي تحت الصفر حست بضيقه تكتم على صدرها تعوذت من ابليس وقفت الفلم فتحت جوالها وهي ناويه تقرأ لها صفحتين من القرآن لعل وعسى ترتاح شوي وتهدأ نفسها سمت بالله وبدأت تقرأ بس كل شوي تتثاوب وتحس ينوم وخمول وثقل ومافيها حيل تكمل قراءة قفلت جوالها وقامت من على سريرها لفت تلقائي للمرايا بعد ما انتبهت للضل الاسود اللي خلفها واللي كل ماله يكبر تعلقت عيونها بالمرايا بخوف ورجفه ورعب كانت تبي تتكلم تنطق ((بسم الله))لكن لسانها انشل وجسمها رافض يستجيب لها لكنها ما استسلمت بدأت تقرأ آية الكرسي بداخلها وتسمي بالله بدأ الضل يختفي تدريجي ويصغر وفجأة وكأنها صحت من شي ناظرت حولها برعب كانت تشك ان اللي صار لها حلم لكن لا هي واقفه مكانها ارجفت بخوف وخرجت من غرفتها بسرعه ودموعها تسابقها جلست بالصاله العلويه بخوف وحضنت الخداديه اللي تزين الكنب النيلي المدموج مع الرمادي غمضت عيونها برعب وخوف وهي تتعوذ من ابليس الوضع بدأ يزيد عليها صحيح كان يجيها كوابيس لكن الوضع بدأ يتدهور وتحس بأشياء حولها انتبهت لريوف اللي خارجه من غرفتها كانت تتثاوب وشكلها محيوس انتبهت لأيلاف:مانمتي!
ايلاف:لا
ريوف:ليش؟
ايلاف بخوف:مستحيل ادخل غرفتي
ريوف:افا ليش!
ايلاف بربكه:شسمه لأن
ريوف:اي لان ايش!
ايلاف بكذب:دخل صرصور فيها ومدري وين اختفى اخاف انام ويجي علي
ريوف:هههههههههههههههههههههههههههههه زين زين يالخوافه انا عازمتك تنامي بغرفتي
ناظرتها ايلاف بنص عين
ريوف :حياك ادخلي انا بنزل اشرب واخذ مويه لأنها خلصت من غرفتي وبجيك
ايلاف هزت رأسها بالموافقه وقامت لغرفة اختها بس ارتعبت وهي تشوفها ظلام شغلت النور بسرعه واتجهت لسرير اختها وشغلت الأبجورة المجاوره لها
دقايق ودخلت ريوف ابتسمت بحنيه لأختها قفلت النور العالي وبقت نور خفيف بالغرفه:اعرفك تخافي الظلام ولايهمك
ابتسمت ايلاف بحب لأختها وقامت لها وحضنتها بقوة بادلتها ريوف الحضن وهي حاسه في اختها اللي أبد مو بخير وهي عارفه ان الصرصور مجرد كذبه اختلقتها ايلاف ربتت عليها بحنيه :شرايك تنامي بحضني!
ابتسمت ايلاف بحرج:زي زمان
ريوف:بالضبط
جلست ريوف وسندت رأسها على السرير وأشرت لأيلاف تجي لجانبها انسدحت ايلاف وحطت رأسها بحضن اختها بدأت ريوف تلعب بشعرها وبينها وبين نفسها تقرأ عليها المعوذات والفاتحه وآية الكرسي وتسمي عليها بدأت ايلاف تحس براحه ودخلت بنومه عميقه ماحست بنفسها ابتسمت ريوف بعد ما انتظم نفس ايلاف حطت رأسها على المخده بجانبها وانسدحت ونامت هي الثانيه..
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
دخل معصب وهو يتذكر طلال وكلمته ترن بأذنه((خطيبتي)) ما انتبه لأمه الجالسه بالصاله الجانبيه
.....:سند سند
سند انتبه ع امه:هلا يمه
ام سند لاحظت عليه انه معصب: فيك شيء؟
سند بصوت غاضب :لا
ام سند:كيف لا ووجهك احمى واعصابك مشدوده!
مسك الفازه اللي تزين الطاوله الجانبيه لدرج
ورمى الفازه على الارض
:والله م يا خذها
جرت امه لعنده:حبيبي اشفيك سند!!
سند شد على يده بقوة وعصبية:يمه بنت العم الفالحه طاح حضها إن شاء الله بكل قوة عين وقفت قدامي مع اللي مايتسمى والأخ بكل ثقة يقول خطيبتي خير وين عايشين حنا!!معروف من يومها الجازي لسند وسند للجازي
ام سند بصدمه:خطيبها؟اي ياقليلة الأدب
سند بعصبيه وغضب:يمه الموضوع لا يخرج لحد وين اودي وجهي انا !!وش بيقولون عمومي وعيالهم!؟
ام سند:ماعليك حبيبي انت هدي الحين والجازي غصب عن خشمها تتزوجك ولاتنسئ كلها كم يوم وبيرجعون لبيتهم
سند شد قبضته وبتوعد:والله ليندم والله ليندم
صعد لغرفته بسرعه لكن اللي ماحس فيه الشخص الي كان سامع كل كللمه قالها ونطقها
جلست ام سند وهي ناويه بالشر على الجازي :مين تفكؤ نفسه ذا الجازي عشان ترفض ولدي انا سند اللي كل البنات يتمنونه بس هين يابنت الشيطانه أوريك اعرف انا كيف اتصرف معك
هين ابتسمت بخبث وأخذت جوالها اتصلت بأم الجازي وهي تتصنع الود:الو
ام الجازي بصوت هادي:هلا والله ام سند
ام سند:هلا فيك حبيبتي كيفك اخبارك طمنيني عن صحتك وكيف الجازي اخبارها
ام الجازي:بخير الحمدلله ماعلينا اخباركم انتم!
ام سند:طيبين حبيبتي اي متى ناوي ترجعون فقدناكم
ام الجازي بنية طيبه:ياحبيبتي انتي بعد ايام بسيطه ان شاءالله
ام سند:حياكم الله حياكم الله ما اطول عليك اكثر سلمي لي على الجازي
ام الجازي:يوصل سلامك حبيبتي
ام سند لوت فمها:بحفظ الله
قفلت الخط ورمت جوالها :اووف اوف ياكرهي لها
بدأت تفكر وتخخطط بشر على الجازي وكيف توهقها وتحطها بالأمر الواقع اللي تعرفه ان الجازي طيبه وضعيفة شخصيه ومن يومها صغيره دايم حقها ينأخذ من يدينها ..
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
لفت بسرعه ورعب بعد ماحست بيد انحطت على كتفها:اش اش
همست روز:مين!
...:انا هنا للمراقبة الرجال اللي بداخل انت هارب منهم صحيح!
روز بربكه:لا وش
قاطعها:انا معك لاتخاف وزي مايقول المثل عدو عدوي صديقي انا بساعدك
روز :مومحتاج مساعدتك شكرا
تحركت من عنده بسرعه وهي ترجف من البرد تحسست جيبوبها بس وقفت مكانها بعد مافقدت مفتاحها مره ومرتين وثلاث بس مافي فايده الكمام اللي عليها طاح بالأرض اقرفت روز مستحيل تأخذه
قرب منها:عندك مشكله!
روز :احم مفتاح سيارتي فقدته
ابتسم:انا مجبور تقبل مساعدتي لك
روز: مافي حل ثاني مع الأسف
....بعجله:بسرعه اتبعني
روز:ابي سيارتي ضروري
..:سيارتك بطريقي بسرعه اتبعني
تحركت روز خلف الشخص ذا وهي جاهله هويته او مين يكون كانت حذره وجداً وقفت عند سيارتها بسرعه انحنت ودخلت يدها بالبوت اللي لابسته(تكرمون)
عقد حواجبه وهو يشوفها تتجه للوحات سيارتها :ممكن تقرب النور شوي
....:وش بتسوي!
بدأت روز تفك لوحاتها:للأحتياط بس
فكتها سريع سريع واتجهتت لسيارة الشخص الغريب
ركبت بخوف وحرك بسرعه ابتعدو عن المكان بشكل كبير كانت روز خايفه يشغل النور الداخلي اللي بسياره
وقف على جنب :دقيقة
لف للمقعده الخلفيه واخذ عباية فرو رجاليةمنه واعطاه روز
روز اخذته بامتنان:شكرا مره ما عليك أمر ممكن شماغ اذا فيه!
..ابتسم:اكيد لف للمقعد الخلفيه واعطاها الشماغ تلثمت فيه روز
....:ولو وين تسكن!
روز بلعة ريقها((ايوا هنا الوهقه يااولد اووه صح نسيت ان عندي شقه بس لو عرف افففف ))
طولت روز ماردت عليه رجع من جديد كرر السؤال
...:وين تسكن يالطيب!
روز بخشون:في****
ابتسم على جنب واتجه للموقع اللي قالت له عليه كان الطرفين ملتزمين الصمت
وصل للمكان :وصلنا
انتبهت له روز الي كانت غارقه بتفكيرها :ها اا مشكور يعطيك العافيه واعتذر بللت المقعده واعدمتها بملابسي المبلله
...:ولو واجبنا
نزلت روز وبسرعه دخلت لداخل
ابتسم:قطعت الشك باليقين
وحرك من المكان
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
رأيكم؟