بنيه صعب ينطفي ضيها.

Part 75

((أعتذر على الأخطاء الاملائية ))
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

بنفس المكان بقسم الرجال خرج للخارج وانتبه لحركه خلف الشجيرات سحب المسدس من خصره ورفعه قدامه وبدأ يتحرك بحذر تتبع الحركه اللي وصلته للجلسه الخارجيه وبالتحديد عند الزاويه رجع نفسه على الجدار بسرعه بعد مالمح شخص يتحرك كان على اهبة الاستعداد بدأت الخطوات تقرب منه وبسرعه ظهر بوجهه وحط المسدس برأسه بينما سمع شهقه خايفه:هئ
ناظرته بعيونه متوسعه ومصدومه نزلت نظرها على المسدس اللي مصوب على رأسها كانت تتنفس بخوف
ورعب ناظر بعيونها الخايفه :وش تسوين هنا
همست لارا:اخذ جوالي
تنهد عبدالعزيز وابتعد عنها :لاتتجولي وحدك
همست لارا :ط..طيب
تحركت من عنده وهي مرعوبه كانت تمشي بسرعه وعيون عبدالعزيز تراقبها ابتسم بسخريه:ارعبتها..
رن جواله وكان مروان:هلا مروان
مروان:طال عمرك تحركات جاك كامله وصلتني
عبدالعزيز ابتسم:كيف!
مروان:عندي رجل بالداخل
عبدالعزيز:حلو حلو لصالحنا
مروان:وللحين مالقى عنوان المزرعه
عبدالعزيز:حلو مشكور يامروان
مروان:ولو طال عمرك
قفل عبدالعزيز جواله ومسح عيونه بتعب(( بدأت تحركاتك ياجاك لكن مو هالمره بعد بسمح لك تأذي احبابي ياجاك والله لتندم ولو كان ذاك اليوم اخر يوم بعمري والله))شد قبضته بقهر وحس بحرقه في قلبه
وكأنه ينعصر من القهر والحرقه اللي فيه غمض عيونه بقوه وتنفس بعمق وهو يذكر الله
وصله مسج على ايميله ((تمتع بأخر ايام لك مع اختك))
توسعت عيونه بصدمه:وش يقصد
هز رأسه بنفي لا لاا لااا والله ياجاك ماتطولها ورأسي يشم الهواء لازم احذرها لاززم
اتصل بوديان بس ماردت عليه صار يمشي رايح جاي وهو متوتر ومو عارف كيف يتصرف الف فكره وفكره تدور برأسه لكن اللي كان متأكد منه ان اللي بيسويه بيكون لصالح اخته ولحمايتها حتى لو كان الثمن موته!
رجع للمجلس عند العيال اللي كانوا يلعبون فيفا ومتحمسين
طلال بصراخ:اي اي اي اااااووووووووف
فيصل بحماس:انا بكسر رأسك اليوم
احمد كان ماسك رأسه من صراخهم:بس بس اص اااه يا رأسي منكم
ابوفهد كان بيتكلم بس قاطعه جواله اللي رن قام بعيد عن الإزعاج: يا هلا وبصاحبي ابوبدر
ابوبدر:ياهلا والله ابوفهد اخبارك عساك طيب
ابوفهد:نحمد الله ونشكره اخبارك انت عساك بخير
ابوبدر:طيب الحمدلله اخبار الأهل
ابوفهد:والله طيبين الحمدلله من زمان عنك
ابوبدر: والله اشغال وزي ما انت عارف كنت مستقر بلندن والحين رجعت لديرتي واستقريت فيها
ابوفهد:ياهلا والله نورت المملكه
ابو بدر:ياهلافيك يا ابوفهد
ابوفهد:بهذه المناسبه بأذن الله لكم عزيمه عندي تشرفوني ببيتي ونوجبكم انت واهلك
ابو بدر:اصيل والله ابشر اكلم الاهل ونحدد يوم
زي ما انت عارف مشغولين شويات
ابوفهد:خذ راحتك
ابوبدر:توصي على شي!
ابوفهد:سلامتك فأمان الله
قفل منه ورجع للمجلس لاحظ عبدالعزيز اللي كان مسرح وملامحه معفويه جلس بجانبه ومسح على رأسه بحنيه :ابوالعز
عبدالعزيز ناظره:هلا عمي
ابوفهد بحنيه:وراك ياوليدي مو على بعضك!
عبدالعزيز:مافي شي ياعمي بس شويات مشاكل بشغل
ابتسم له ابوفهد:متأكد!
عبدالعزيز:اي ياعمي متأكد
حط يده على كتفه وبنبره جديه:اي مشكله تواجهك اي شي انا دايم وراك اي شي تحتاجه انا موجود لاتنسى هذا ابد طيب!
عبدالعزيزحب رأسه :ابشر ياعمي
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
دخلت الممرضه على ايلاف اللي كانت نايمه بهدوء قفلت النور وخرجت من عندها .. بعد وقت قصير
كانت تعقد حواجبها بأنزعاج وتحس بشي حولها فتحت عيونها بقوه وهي تناظر حولها المكان ظلام حست بالرعب يتسلل لقلبها سمعت صوت من جهة الشباك لفت بسرعه ورعب وهي تشوف شي اسود او بالاصح شخص اسود ومو واضح منه شي كان لابس زي العبايه اللي اطرافها متهالكه كان يطفو بالجو وكأنه بالفضاء بدون جاذبية ناظره حولها برعب وهي تشوف اللوحات المعلقه وكأن تذوب وتختفي المكان حولها بداء يتغير وكانه ينطوي اشياء مرعبه تسمعها وتشوفها ناظرت من جديد جهة الشباك وهي تشوفه يقرب منها بدأت برعب وهي ترتجف تقرأ الفاتحه وآية الكرسي...بدأ يبتعد عنها وتتراجع خطواته ما أن سكتت حتى رجع من جديد يقترب كررت ايلاف وبدأت تقرأ وتتعوذ بالله من الشيطان استمرت لمدة عشر دقائق تقرأ يبتعد تسكت يقرب انفتح الباب بسرعه ودخل الدكتور اللي كان مار وسمع ايلاف اللي صرخت قرب منها الدكتور مسك معصم يدها وقاس نبضات قلبها اللي كانت متسارعه
ايلاف صارت تناظر حولها وهي مفزوعه فجأة كل شي رجع طبيعي مافي اي شي غريب او مريب ناظرت مكان اللوحات اللي كانت من الاساس مو موجوده ناظرت بالشباك برعب:دخل كان مقفل كيف كيف انا انا اا
الدكتور:هدي يا إيلاف
ايلاف بصراخ:خرجوني من هنا ابي اروح بيتنا انا ما راح اجلس هنا لا لا لا ابي امي ابي اهلي خرجوني من هنا اهئ اهئ هو جاني زي كل مره
الدكتور للممرضة : اعطيني **** ٢٠٠ ملم
الممرضة: حاضر
تحركت بسرعه وهي تجيب الأبرة المنومه لدكتور اللي طلبها غرزها بايلاف اللي كانت تهلوس ووتكلم كلام مو مفهوم وتترجف بدأت ايلاف ترتخي وتقل حركاتها ودخلت بنومه عميقه خرج الدكتور واتصل على متعب بس مقفل جواله
اتصل بمهند اللي كان عند سلطان خاف مهند وهو يشوف رقم الدكتور:الدكتور يدق
سلطان بقلق:رد بسرعه
هز مهند رأسه:الو
الدكتور:الو السلام عليكم ولي امر المريضه ايلاف!
مهند فز بخوف:اي ولي امرها
الدكتور:تقدر تجي للمشفى
مهند:ايلاف فيها شي!
الدكتور:تفضل عندنا وبنشرح لك كل شي
مهند:طيب جاي جاي
خرج مهند بسرعه من عند سلطان اللي كان مرعوب من وجهه مهند اللي انخطف لونه وخرج من عنده بدون اي كلمه خاف سلطان ايلاف يكون فيها شي رفع جواله ودق على..