بنيه صعب ينطفي ضيها.

Part 126

((اعتذر على الأخطاء الإملائية ))

.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.

جلست وديان بتوتر قدام روز اللي تناظر بأستغراب: بنت وش فيك؟
وديان ابتسمت بعباطه: ابد داخله حمامات الرجال بالغلط
روز بدهشه:هااا؟ههههههههههههههههههههههههههههههههه امانه
وديان بضحكه:اي والله بس الحمدلله محد انتبه
روز:اي زين والله
وديان ناظرت روز وبهدوء: كم الساعه نرجع؟
فهمت روز عليها وابتسمت: ساعتين شرايك نتمشى فترتها
وديان: ماعندي مانع نفطر ونقوم نفرفر بالأماكن
وديان بجديه:مستحيل اجلس يوم زياده هنا
روز:اذا سلمنا لبكره صدقيني محظوظات
تقدم النادل ورتب الإفطار قدامهم
روز:ثانكس
وديان اخذت كأس العصير ورشفت منه :امم لذيذ
روز ناظرت لجوالها اللي اهتز برساله(( بعد ساعة عند*** سوف أكون في انتظارك ))
ناظرت وديان وابتسمت بخبث
وديان ابتسمت على جنب بسخريه
رن جوال الحارس الواقف رد وبدأ يتكلم بالايطالي ناظر لوديان لثواني ورجع يكلم قفل وحط جواله بجيبه
كانت روز و وديان يقزونه بنص عين
روز بفضول: اموت واعرف وش كان يقول
وديان:حسافه بس لو تابعنا مسلسلات ايطاليه مع التركيه والكوريه
روز بتذمر بدأت تعد بأصابعها:وفوق ذا كل اللي اعرفه منها انيوه هاسيوه..بابو..كوجو
وديان حطت يدها على خدها: اي ابشرك اعرف كلمتين كوريه
جسوا مدا وذا شسمه ااا كروم برضو
روز:والله طلعنا كفو لا التركيه انا فنانه فيها لكن الكوريه باقي
بأول الطريق لها
وديان:اقولك..
قاطعهم صراخ بنت من الطاولة الخلفيه لهم
التفتت روز لها
وديان ناظرت باندهاش وهي تشوفها تاخذ العصير وترشه على شخص واقف قدامها
روز:احح قويه
وديان:ذيبه والله
استعدت روز توقف بعد ما شافت الرجال يقرب من البنت
ومعصب بدا يتكلم بغضب وعصبيه والواضح يشتم ويسب
رفعت يدها واعطته كف
فجأة الهدوء عم المكان والكل يتفرج على المسرحية اللي قاعده تصير قدامهم
قرب بعصبيه ودفعه بقوة طاحت البنت على الأرض ناظرها بأحتقار اخذ كاس مويه ورشه فوقها ورمى الكاس بجانبها بقوة
واعطاها ظهره
وقفت وديان وروز بسرعه للبنت اللي كانت منهاره بكاء