بنيه صعب ينطفي ضيها.

Part 23

سبحان الله وبحمده
سيحان الله العظيم

(أعتذر على الأخطاء الإملائية)
●●●●●●●●●●●●●●●●●●●
حط رأسه بينام بس تذكر رنا وانه طلب من الحارس يحطها بالغرفه الخارجيه
(احسن تتأدب مره ثانيه تعرف مع مين تتكلم)
حاول ينام بس ماقدر
قام وهو يتأفف نزل للغرفه فتح الباب بشويش
شافها سانده نفسها وحاطه رأسها على ركبها ويدينها كانت مربوطه للخلف شغل الكشاف اللي بجواله
حست فيه رنا بس مارفعت رأسها ولا سوت اي ردة فعل كانت زي الجثه الهامده
قرب فراس منها ونزل لمستواها صار يهزها على خفيف :رنا..رنا
رنا بهمس:هممم
فراس حزن عليها رفع رأسها بيدينه وبان وجهها الباكي عيونها اللي الدموع تنزل منها وخشمها االاحمر شفايفها اللي ترجف مسح دموعها بيده صدت رنا عنه للجهه الثانيه
لف يدينه حولها وهو شبه حاضنها كان يفك الحبل اللي مربوطه فيه فكه وفك اللي برجلها
قام وهو يقول:هذا عقاب بسيط لك عشان مره ثانيه ماتطاولين على اسيادك
رنا بصوت يالله ينسمع:عديم الإنسانية
فراس:احمدي ربك اني اتعامل معك بلطف ترا انتي اول وحده اعاملها كذا
رنا بسخريه:لطف؟عفواً بس مو جالسه اشوف اي لطف
فراس بحده:شكل اليوم مو نافع فيك يبي لك تنطقي هنا يومين زود
رنا التزمت الصمت تعرف النقاش مو لصالحها قامت وهي تحس بدوخه مسكت الجدار عشان لاتطيح
انتبه لها فراس:تحتاجين مساعده؟!
رنا:انت اخر شخص اطلب منه يساعدني
فراس رفع كتوفه:بكيفك
مشت رنا وكان توازنه مختل وصلت لدرج وفراس وراها وقفت بتعب وهي تسمع ميلا تبكي صارت تناظر لغرفتها
فراس انتبه لنظراتها:لاتفكرين حتى انك تدخلين
رنا بحنيه:حرام ماتسمعها كيف تبكي
فراس:حتى لو ياويلك لو باقي لمستيها
رنا بسخريه:والله ما بأكلها
فراس:لكن بتضرينها
لفت عليه رنا:اضرها؟
_________________
كان سرحان بحزن وهو يتذكر دعوتها ( عسى اللي سويته فيني يصير ب أعز احبابك )مسك رأسه بقوة
(اااه يااوديان دعوتك صارت دعوتك صاارت اعز احبابي مو موجوده والله لو اعرف بس مكانها لا اروح ويصير اللي يصير مايهمني لا شحنه ولاشي...لوو تحركت بحط الكل بخطر حنا في غنى عنه
بس كيف كيف براقب تحركااتهم
كيف ..عمي مو فارقه معه همه نفسه وبس حتى ولده مايعرف ارضه من سماه )
قاطعه صوت الرنين لجواله اخذه وهو يشوف المتصل ارتبك وعدل صوته:الو
وليد:الو هلا طال عمرك
....:وليد؟
وليد:اي نعم
...:زي ما وصلني من معلومات اختك انخطفت؟
وليد:اي صحيح طال عمرك
....:تمام انا بعطيك اجازة من عملك الرسمي لوقت ماترجع اختك انت الحين ركز على البحث عنها وبعدها راح نستمر بالخطه
وليد باحترام:ماتقصر طال عمرك
..:مع السلامه
وليد:مع السلامه
تنهد برااحه كبيره كان شايل هم كيف بيركز بمهمته وعقله مشوشه
___________
كان رايح المشفى يزورها كالعادة بدون ما احد يحس فيه دايم يشوف بنت واقفه او جالسه بس المره ذي ما كانت موجودة اتجه للغرفة بس وقف وهو يشوف نور خارجه من عندها انصدمت نور فيه:انت
فيصل استغرب:تعرفيني؟
نور بسخريه:هه من كثر الي تغازلهم
فيصل بحده:احترمي نفسك
نور بحده :محترمه من قبل لا اعرفك ولا الظاهر الكف ذاك اليوم مافاد معك
فيصل:ليش انا جاي الحين اعاكسك؟واي كف؟
نور:امداك تنسى شكلك تأكل كفوف واجد
فيصل بصدمه:انتي اللي ضربني؟
نور استغربت:اي انا
كانت الصدمه كفيله انها تخرسه عن الكلام
استغربت نور منه
رجع فيصل وراء وبسرعه طلع من القسم والمشفى بكبره كانت زي الصفعه له
ركب سيارته وصار يسوق بجنون وصوت جود يرن بأذنه( انت من البدايه غلطان وانا دفعة ثمن غلطه انا ماسويتها)
صار يضرب الدركسون(الطاره)بقهر حس بشي حار على خده رفع يده وتحسسه وكانت دمعه
(اهههخ يافيصل انت وش سوويت وش سووويت ظلمتها ؟قتلته؟اهنتها؟ ليش انا كذا انا شخص سيئ ليش ليش ليش )وبكل عصبيه صار يدعس على البنزين وكأنه يفرغ غضبه عليه
طلع بوجهه شااحنه كبيره حاول فيصل بس
بــــــــــــــــــــــــوم
كان القزاز مكسر والدم منتشر بكل مكان
تجمعت الناس حوله وهم يحاولون يطلعونه
واحد من الاشخاص اللي يحاول يساعد فيصل
بصراخ:اتصلو على الاسعاف
ما كان في ردة فعل منهم
شاف مافي فايده يتكلم بالعموم :ياا ابو تيشيرت اسوود دق على الاسعاف
الرجال بربكه طلع جواله ودق
شوي اللي صوت صفارات الإسعاف
انتشرت بالمكان من غير الشرطه
________
صوت رنين الجوال ازعجه
رد بصوت كله نوووم:الو
الشرطي:السلام عليكم
فهد:وعليكم السلام
الشرطي:تعرف صاحب الجوال
فهد فز بخوف:أي تفضل
الشرطي:لو سمحت تقدر تجي بسرعه
فهد :ايش
الشرطي :مشفى**** ننتظرك هناك
فز فهد من مكانه لبس اي كلام وطلع ركض للمشفى
دخل بخوف وهلع بسرعه
جاء عنده شرطي من حالته خمن ان اخو فيصل:لوسمحت انت فهد؟
فهد:اي اي فيصل وين
الشرطي :حالياً بالعمليات يحاولو يوقفو النزيف تفضل بالجلوس
فهد جلس على الكرسي وحط رأسه بيدينه
مرت ساعه وساعتين وللحين الدكتور ولا الممرضة خرجو
بس اخيراً طلع الدكتور
فهد فز بخوف :بشر يادكتور
الدكتور:انت قريب المريض
فهد:نعم
الدكتور: الحمدلله على سلامته وهو طيب اا عنده كسر بيده اليسرئ وشفايفه للأسف راحت فيها لان الصدمه جت على فمه وبسبب ذا شي اسنانه انحرفت من مكانها ركبنا له مشد وبالنسبة لأصابة رأسه ما اقدر اقولك شي حالياً الا بعد مايجلس تحت الملاحظة ٢٤ ساعه
فهد جلس على الكرسي :لا اله إلا الله اسأل الله ان يشفيه
الدكتور بتردد:ا ااحتمال لا سمح الله يصير عنده شلل نصفي بس حنا لازم نتأكد الحين بيجلس تحت الملاحظة
الدكتور:اصبر والحين هو محتاج دعائكم
راح الدكتور وفهد بمكانه
____________
فراس بحده وهو يقرب منها :اي تضرينها تحطين حرتك مني فيها
رنا فهمت قصده:هههههههههههههه امانه منجدك تتكلم
فراس:اي
رنا :ومين اللي بيقدر يضر طفله مالها لا حيل ولاقوة؟
فراس:ه ه ه هه كثير اللي يسون كذا
رنا بحزن:تأكد ياسيد 'وهي تأشر على قلبها" اللي هنا مو قلب اللي هنا حجر ولا مين اللي يقدر يأذي كائن لطيف ابد مو بشر ذول
كملت طريقها بعناد لغرفة ميلا
فراس انقهر منها ماتسمع الكلام بس تعاند فتحت الباب وهي تشوفها مع الخادمه وهي تحاول تسكتها اخذتها منها بحنيه وهي تحضنها وصارت تهزها على خفيف سكتت ميلا معها ابتسمت رنا وهي تشوفها نامت حطتها بسريرها بس سرعان ما صحيت وبدأت تبكي اخذتها معها وطلعت لغرفتها لانها كانت مرهقه وجداً
تحت انظار فراس اللي تراقبها شاف تعاملها مع ميلا كيف بس ما كان مرتاح ((منجدك يا فرااااس بتترك ميلا معها؟لا ماينفع يمكن تسوي فيها شي وقتها ماينفع الندم))صار يمشي رايح جاي متردد يدخل عند رنا او لا
________
قامت على بكاء امها العالي فزت من سريرها بخوف مشت بسرعه وطاحت ورجعتت قامت طلعت وهي تركض لا امها :يمه يمه وش فيك عسى ماشر؟
ام فهد وهي تبكي:اه ياروز فيصل فيصل
روز طاح قلبها ببطنها:فيصل وش فيه يمه تكلمي
ام فهد:صار عليه حاادث دخل غيبوووبه اهه يااااغبنتي على وللدي
روز كأن احد اعطاها كف (حادث..غيبووبه..معقووله يككون عرفو وش مخططه عليه وانتقمو ..لا لا مستحيل) صارت تحاول تهدي امها وهي بالحقيقة محتاجه من يهديها:يمه ياحبيبتي استهدي بالله وادعي ربي يقومه بالسلامه الحين فيصل محتاج دعاءك يمه
ام فهد تمسح دموعها :الله يشفيه ويقومه بالسلامه
_________
بس قرر بالاخير انه يدخل دخل بس ابتسم وهو يشوف رنا نايمه وواضح التعب عليها كانت سانده ظهرها على السرير وحاطه ميلابحضنها بالطول وشاده عليه بيدينها حاضنته سند نفسه على الباب يتأملها((من وين طلعتي لي يابنت الناس..والله يا ابوي ماسويت فيني خير من طلبت مني اخطفها ...البنت رقيقه وانا صلب ناعمه وانا خشن حنونه وانا قااسي عننيده ومتمردة مدري كيف اتعامل معها )قرب منها وهو يمد يده يببي يأخذ ميلا منها بس انفجع وهو يشوفها تبكي !!دموعها تنزل وهي نايمه حاول يأخذ ميلا منها بس كانت تشد عليها بقوة ورفضت تفكها استسلم فراس وطلع من عندها