بنيه صعب ينطفي ضيها.

Part 93

عندما تتغير الحياة لتصبح أصعب غيّر نفسك لتكون اقوى .

((أعتذر على الأخطاء الاملائية ))
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
كان الكل متجمعين على طاولة الإجتماع ابواحمد،وليد،عزوز،كاسبر،احمد
الكل بأنتظار رامي او بالاصح روز
وقفت روز عند البوابه الكبيره رن جوالها قبل تنزل كان اكين: الو
روز:مرحبا ماذا !
اكين:آنسه المستودع تابع له
روز بأستغراب: له؟لمن!
اكين:جاك الأفعى الذهبيه
روز بصدمه:ماذا؟هل أنت جاد!
اكين :نعم
روز:هل أنت متأكد!!
اكين:أجل
روز :حسنا اشكرك
قفلت روز ونزلت بسرعه دخلت لغرفة الإجتماع
احمد بملل:تأخرت
روز:الطريق طويل وش اسوي فيه؟
أبوأحمد: اشرح كل شي
روز بهدوء سحبت كرسي وجلست :اول شي الشحنه مسروقه من شخص معروف
كاسبر :من مين!
روز ببرود: الأفعى الذهبيه
ابواحمد بصدمه:ايش!
روز:اللي سمعته من الأفعى الذهبيه
وليد:متأكد؟
روز:اي متأكد
احمد ابتسم بسخريه: مو كان بيتعاون معنا؟
روز ابتسمت بخبث: قول هذا ممكن يكون اختبار لنا
ابواحمد بعدم فهم:مافهمت!
روز بهمس كان مسموع لكاسبر اللي مسك ضحكته بصعوبه: مصدي عقلك مابتفهم
ابواحمد:ها!
روز:اقول يبي يشوف بنقدر نتصرف لأن شغله بيرتبط بشغلنا ويبي يضمن نفسه
ابواحمد:اي
احمد:طيب والحين وش بيصير؟
روز بهدوء :الموضوع علي انا راح احله
ابواحمد:كيف!
روز:الحين علاقتنا ماراح تتأثر معه ولا راح نوضح له ان عرفنا مين اللي سرقها وراح يتم اجتماعنا معه على اكمل وجه انا بروح لمستودعه وبأسترجعها وبشحنها بدون مايحس
ابواحمد: طيب ولو عرف ان حنا اللي اخذها؟
روز رفعت حاجبها: حلوه ذي حقتنا واسترجعناها ماعليك اترك الموضوع علي انا بتحمل مسؤوليته
كان يناظرها وبداخله((مجنونه ذي! بتحمل نفسه مسؤولية شي خطير وكبير زي كذا! لا لا حاشى لله مب صاحيه مخاطره كبيره اقحمتي نفسك فيها))
ابواحمد: تم
روز: لاتشيل هم راح اتصرف لو عرف بأي شي
ابواحمد:طيب متى بتتحرك؟
روز:طيب اللي ابيه منك الحين الشاحنات تامرها بالتوجهه معي
ابواحمد خرج جواله وارسل رساله بعدها ناظر بروز: خلاص تم
روز قامت :استأذن
رن جوال روز ردت بمكانه :اي وش صار؟ .. الكل يتوجهه هناك حاصرو المكان وتأكدو من كل شي ...انا بالطريق متجهه لكم
أشرت بيدها وخرجت وهي لازالت تكلم
ركبت سيارتها وحركت بسرعه وهي تفتح جوالها وترسل الموقع اللي ارسله جاك لها لمساعد وبعدها لأبو احمد اللي ارسله لشخص اللي هو متفق معه على الشاحنات
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
دخل بهدوء وبيده الاب اللي كل شغله فيه كان محتاج يروق ويركز بشغله وما لقى مكان احسن من مطعمه واللي صار مفضل له سحب الكرسي وجلس على طاولته المعتاده يحس براحه وهو يسمع صوت الماء حوله والألوان الخافته اللي معطيه جو رايق بالمكان رفع يده جاء له النادل:تفضل
متعب:قهوه ساده
النادل:حالاً
كان منشغل مع النادل ما انتبه لشخص اللي سحب كرسي وجلس على الطاوله المقابله له فتحت شنطتها وخرجت جوالها منها تنهدت بضيق حطت سماعتها البلوتوث بأذنها كانت تدور بعيونها على الصوت اللي دايم تسمعه وتشغله مايمر يوم بدون ماتسمع صوت امها الحنون شغلته وغمضت عيونها وهي تسمع له بكل جوارحها تحس قلبها مكسور ماجبر وعمره مابينجبر فقدان الأم مو شي عادي ممكن نتقبل نفقد اي شخص الا الأم
>>اللهم ارحم من مات من امهاتنا واحفظ من على قيد الحياه وأطل بأعمارهم يارب<<
نزلت دمعه حاره على خدها رفعت يدها وبأطراف اصابعها مسحت دمعتها ((الله ينتقم منكم ويحرق قلوبكم زي ما احرقتو قلبي حسبي الله عليكم الله يسلط عليكم من لايرحمكم يارب ))
دخلت على الصور وهي تتأمل الصور اللي تجمعها مع امها من سنين طويله وهي مو متقبله فكرة وفاتها غمضت عيونها بقوة وهزت رأسها بالنفي وهو يمر المشهد قدام عيونها
همست بحزن:النسيان نعمه وللأسف انا فاقده لهذه النعمه
نبهت على صوت بنت عنده بحنيه:اختي فيك شي!
ملاك ناظرتها وابتسمت بذبول: لاحبيبتي مافيني شي
البنت:متأكده شفتك مو على بعضك قلت اسألك اذا تحتاجي شي
ملاك: مشكوره على لطفك لكن بجد انا ما احتاج شي
البنت هزت رأسها: زين حبيبتي الله يحفظك
ملاك:وياك
تنهدت ملاك:لذا الدرجه واضح علي!
رن جوالها تنحنحت وعدلت صوتها: الو
جهاد:الو مرحبا
ملاك:أهلا مين!
جهاد: انا جهاد الشخص اللي طلب منك تصميم خاص
ملاك:اهلين استاذ جهاد اي صحيح طلبت مني وجهزت النسخه التجريبيه تقدر تشوفها بأي وقت
جهاد بخبث:حلو بكره مناسب لك!
ملاك على نياتها:طبعاً الساعه ١٠:٣٠ ص
جهاد:حلو ١٠:٠٠ص بيكون عندي اجتماع انتهي منه واقابلك بمكتبي
ملاك:اتفقنا
جهاد:اي
ملاك:تمام باي
قفلت بدون ماتعطيه فرصه يتكلم
ناظرت للجوال((احسه من صوته شخص سيئ))
رفعت عيونها بس انصدمت من متعب اللي جالس قدامها كانت عيونه على شاشة الاب وهو مندمج ومركز كان لابس نظرات على عيونه ماتنكر انها زادته وسامه تجاهلته
رجعت عيونها على شاشة جوالها وهي تتأمل عيون امها الجميله العيون الناعسه بلون الرمادي كانت عيونها طبق الأصل عن امها ابتسمت بحزن دفين وعميق
جرح تتمنئ ان الزمن يبريه لها
..
بعد مرور وقت على تركيزه بشغله ارخى جسمه للخلف وهو يحرك اكتافه وابعد النظاره عن عيونه وهو يمسح عليها بتعب رفع ساعته وهو يناظر للوقت فيها طاحت عيونه عليها ابتسم بهدوء ((للمره الثانيه اصادفها بنفس المكان الظاهر عندنا اشياء مشتركه،لكن ياترا وش سبب النظره الحزينه اللي بعيونه الهدوء اللي مكتسيها دائم سرحانها بفكرها...تضل اشياء من غير الممكن اعرفها عنها؛في النهايه هي عدوه لي كونها بنت عدو لي
غريبه ما انتبهت لي معقوله!؟))
رن جوالها رفعته بهدوء:الو ...اهلاً...مالك! جايه لايتحرك لأي مكان حتى اجي لو توقفونه بالقوة .."بحده"هذا أمر
وقفت بعجله وهي تاخذ شنطتها وتحط حسابها على الطاوله وخرجت بسرعه
متعب بسخريه: هذا أمر!!
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
ابواحمد كان جالس بتوتر على كرسيه ويهز رجله
واكثر من شخص حوله
ناظر عبدالعزيز في واحد منهم وابتسم على جنب
وليد كانت عيونه تراقبه انصدم وهو يشوف عبدالعزيز يسوي حركه بيده كانت اشارة متعارفه بينن رجال الشرطه المتخفين بمهمات التجسس على العصابات
حرك نظره بسرعه وهو يدور على الشخص الثاني مين يكون بس ماقدر يحدد مين لأن عبدالعزيز ابعد نظره عنه
كاسبر:طال عمرك انت متأكد من تولي رامي لهذه الشحنه؟
احمد بهدوء:انت عارف خطورة الاشخاص اللي انت تتعامل معهم!
وليد بتفكير:وبعدين رامي كيف بيقدر يتولى الأمور بنفسه!
عبدالعزيز: نراقب ونشوف
كاسبر رفع حاجبه: مو من طبعاً نكتفي بالمراقبه فقط
عبدالعزيز ببرود:تفضل قدم أفكارك سيد كاسبر
كاسبر :افضل أحتفظ بها في الوقت الرهان
احمد قام من مكانه:انا بلحق رامي
وقف كاسبر :برافقك طال عمرك
احمد:مايحتا..
ابواحمد بأمر: خذه معك
احمد ناظره بنظرات غير مفهومه له
خرج كاسبر برفقة احمد وبعض الحراس
دق احمد على روز بس اعطته مشغول رجع دق مره ثانيه ونفس الشي اعطته مشغول دق مره ثالثه ردت روز وهي ترص على اسنانها بقوة وهمس: نعم خير
احمد بعصبيه:ليش تشغل الخط
روز بهمس حاد:لأني مشغول ياذكي
احمد:ابي الموقع بجي
روز بسرعه:لاااا
احمد استغرب:ليش!
روز:واللي يعافيك لاتخرب كل شي خططت له
احمد ببرود: مو على كيفك طبعاً
روز قفلت بوجهه
احمد رمى الجوال بصدمه وقوة
كاسبر بخرعه ووجع:بسمممم الله
احمد فز من صراخه :وش فيك!
كاسبر:انت اللي وش فيك كسرت ركبتي بجوالك
احمد:معليش
كاسبر يمسح على ركبته بألم :حصل خير
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
نزل من الدرج بروقان
وهو يدندن لحن أغنيته المفضله
وقف على صوت ابوه :فيصل
لف فيصل لأبوه:هلا يبه!
ابوفهد:اسمع تعرف بيت ابوجود صح تدله؟
فيصل بأستغراب: ايه؟
ابوفهد اعطاه اوراق بيده:من يدك ليد ابوجود سامعني
فيصل:يب..
قاطعه ابو فهد:بسرعه الرجال مستعجل
فيصل تنهد:ابشر يبه
خرج وهو يقلب الاوراق بيده:غريبه وش ذا الاوراق؟
ركب سيارته وشغلها وحرك بسرعه يبي يلحق على المباراة اللي متفق مع العيال يتابعونها مع بعض
رن جواله كانت امه ضرب جبهته بعد ماتذكر ان امه كانت تبيه:الو
ام فهد:الو فيصل وينك؟
فيصل:المعذره يمه ابوي ارسلني بأوراف لبيت عمي ابوجود ويقول ضروري اروح بسرعه
ام فهد:معذور حبيبي ماعليك شغلتي بتنتظر لكن ابوجود بكره الخطبه مابيلحق
فيصل عقد حواجبه: خطبه؟خطبة مين!
ام فهد:الله يهداك وكم عنده هو؟بنت وحده صح!خطبة جود
فيصل بصدمه:جود!
ام فهد:اي ماتكلمنا عنها ومع بعض
فيصل بهدوء:يمه في زحمة سير اكلمك بعدين
ام فهد:انتبه لنفسك بحفظ الله
قفلت ام فهد بعد ماصعقت فيصل بخبر خطبة جود
شد على الطاره بقوة وهو يحس قلبه بيتحرق من داخله
مشاعره متلخبطه قهر صدمه حزن
وصل عند البيت بلع ريقه ونزل وهو شايل الاوراق بيده فتح ياقته اللي كانت مقفله ويحس الدنيا ضيقه فيه
كان الباب مردود
وقف بيدق الباب بس سمع صوتها خاف ودخل بسرعه
:يماااااممممااااا بببااااااابببباااااا اي احد ساااااعدوني
كان يتوقع شي كبير بس انجلط وهو يشوفها فوق الطاوله واقفه وفي قطو يتجول حول المكان ويقرب ويبعد
جود بخوف
:هي ابعدي عني ااا يمامي لوسمحتي ياقطه ياحلوه ابعدي هناك
'قربت القطو اكثر واكثر'
جود ببكيه حطت يدينهاعلى وجهها وغمضت عيونها: لا لاا حيوااانه ابعدي بعيد خير جايه اوعدك احط لك سمكه بس ابعدي
فيصل قرب بهدوء شال القطو وابعده عن المكان
فتحت عيونها بشويش وهي تناظر حولها تدور للقطو تنهدت براحه بعد ماشافت ان ماله اثر
نزلت بشويش ولفت بس شهقت بصدمه وهي تشوف فيصل قدامه ومرسوم على ملامح وجهه الغضب
تحركت جود بسرعه تبي تدخل بس تفأجأت بيده تمسكها
:على وين ياجود علي وين!
جود بحده: اترك يدي واحترام نفسك
فيصل بسخريه: على البركه مقدماً
جود نفضت يده بعنف
ودخلت لداخل ونبضات قلبها متسارعه حطت يدها على قلبها بهمس:كنت شاكه بس تأكدت
جلس فيصل على احد الكراسي والحزن مكتسي ملامحه سرح بتفكيره
بعد دقائق نبهه على صوت ابوجود: ياهلا ويامرحبا
فيصل قام سلم عليه وحب رأسه:مرحبابك ياعمي
ابوجود بحرج:اعذرني ياوليدي كنت اخذ دواي
فيصل:معذور انفداك هذه الأوراق ابوي طلبني اسلمها بيدك
ابوجود اخذها:بيض الله وجهك
فيصل:وجهكك ابيض استأذنك
ابوجود:اجلس تقهوا
فيصل:وقت ثاني الله يسعدك والله اني على موعد مع الشباب
ابوجود:الله يحفظك
خرج فيصل من عنده ركب سيارته وانطلق بسرعه عاليه بدون مايحس بنفسه
وقف على جنب وهو ياخذ نفس عميق
ويحاول يهدي نفسه لايصير له زي ماصار قبل
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تسللت بخفه من الفتحه الموجوده بالجدار اللي يحيط بالمستودع الكبير حطت يدها على أذنها وبهمس:إطلاق
بنفس الدقيقه الكل طاح على الأرض
دخلت روز بسرعه لداخل دفت الباب
برجلها انفتح الباب ما أن بانت لها الصناديق الكبيره الا وارتسمت ابتسامه سخريه على وجهها
:تاكدت الحين انها الأفعى اللي سرقها
قربت من الصناديق مسحت بيدها على رسمة الثعبان الموجوده على كل صندوق
أعطت الأمر لرجال بدخول
دخل جميع الرجال وبدأ ينقلون الاسلحه لشاحنات
كانت روز ماسكه جوالها ومشغله الكاميرا وتصور كل خطوه لهم
روز بصوت عالي:بسرعه تحركو بعجله
...:طال عمرك هذا البنزين اللي طلبته
روز اخذته بصوت عالي:مين عنده قداحه!
واحد بصوت خشن وشفايفه سوداء :انا
روز انتبهت لشفايفه واللي تعرف انها لشخص مدخن: راح استغرب لو مامعك
اعطاها القداحه
اخذت احد الصناديق وبدأت ترسم بالبنزين عليه وهي تحاول مايسيل شي واللي ساعدها الخشب اللي امتصه
قربت القدحه واشعلت النار حتى بانت الكلمه المرسومه او بالأصح المكتوبه
death
طفت النار بسرعه بعد ما صار اللي برأسها
روز بأمر:اجمعو الصناديق فوق بعض
بدأ الرجال بجمع الصناديق فوق بعض بدأ روز توزع البنزين حولها اشعلت القداحه ورمتها بوسطها اشتعلت النار بقوة
روز أشرت على الصندوق المكتوب عليه :حطه بالمقدمه بحيث النار ماتوصله
...:حاضر
اخذ الصندوق وحطه بالأرض والنار تشتعل خلفه
روز صفقت بيدينه: هيا هيا هيا بسرعه انسحبو من المكان
بدأ الكل يخرج والشاحنات تتجه لمكان التسليم والرجال ركبو سيارتهم
خرجت روز وركبت سيارتهها وانطلقت بسرعه عاليه
دقت على ابواحمد: الو
ابواحمد:وش صار رامي!
روز:طال عمرك تم
ابواحمد:شنب والله شنب
روز بضحكه:تسلم
ابواحمد:روح ارتاح الحين اكيد مريت باشياء مرهقه
روز:ابشر
ابواحمد:واذا صار شي جديد جهز نفسك ممكن استدعيك بأي لحظه
روز:حاضر
قفل ابواحمد الخط وهو مبتسم بأنتصار
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
بعد نص ساعة تقريبا وصل جاك لمستودعه وابتسامة خبث مرسومه على وجهه وصل مع رجاله للبوابه بس انصدم وقت ماشافها مفتوح دخلو لداخل واللي صدمه اكثر رجاله اللي كانو
بكل مكان كأنهم جثث هامده
قرب خليل من واحد منهم حركه بس كان يتنفس
استغرب ناظر بجاك
جاك: حي!
خليل: اي مافيه اي أثر لدم او اي اثر انه تضارب مع احد
جاك بتفكير
:الاسلحة
تحرك بسرعه لداخل بس انصدم من الدخان اللي خرج بكميه كبيره اول مافتحو رجاله الباب الكبير
صرخ بقهر
انتبه لصندوق الوحيد اللي كان سليم عرف بعدها مين اللي اخذ الاسلحه منه
خرج بعصبيه من المكان وبأمر لسواق:لمقر ابواحمد
حرك السواق بسرعه وهو متجهه لأبو احمد
بعد طريق طويل توقفت سيارة جاك عند البوابه الكبيره
تكلم الحارس بالسماعه اللاسلكية: الأفعى هنا
اندق الباب على ابواحمد: ادخل
....:طال عمرك الأفعى الذهبيه عند الباب
ابواحمد وقف بصدمه: دخله
ضغط الحارس على سماعته وهو يكلم حارس البوابه
:اسمح له بالدخول
انفتحت البوابة الكبيره دخل جاك
واتجه لمكتب ابواحمد بعد ما دلوه عليه
فتح الباب دخل ببرود:السلام عليكم
ابواحمد بسخريه:وعليكم السلام اهلاً
جلس جاك بعجرفه وحط رجل على رجل
:عارف ليش جايك!
ابواحمد هز رأسه بالنفي: ابدا بس وش سبب تشريفك لمكاني؟
جاك ببرود:مين المسؤول من رجالك عن اخر شحنه لك؟
ابواحمد بحزن متصنع:رامي لكنه بلغني ان الصناديق فاضيه وقت ماجاء ينقلها
جاك رفع حاجبه بخبث:يعني ماتدري وش صار؟
ابواحمد بتصنع:لا وش صار!
جاك:استدعي رامي وبتعرف وش صار
ابواحمد بتصنع:الحين اكلمه
دق ابواحمد على روز اللي ردت:الو
ابواحمد:رامي تعال للمقر الآن
روز((الله يااخذك)):حاضر

︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
رأيكم توقعاتكم؟

-كيف جاك بتصرف مع روز؟!وش ينتظرها؟
-ملاك وجهاد وش ممكن يصير!؟
-احمد وش ناوي عليه!
-عبدالعزيز ياترى وليد بيواجهه بعد ما اكتشفه!.
-جود وفيصل؟