بنيه صعب ينطفي ضيها.

Part 74

((أعتذر على الاخطاء الإملائية ))

︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الساعه ٨:٠٠ م
خرج الدكتور من عند سلطان بعد ما كشف عليه واعطاه خروج وقف سلطان وكان يعرج على رجله اللي لازالت توجعه كان مهند واقف بجانبه ويسانده خرجو من الغرفه وصادفو متعب اللي كان خارج من غرفة اخته ومعقد حواجبه فز قلب سلطان لايكون ايلاف فيها شي كأن مهند حس فيه وسأل اخوه بقلق:إيلاف فيها شي؟
ناظره متعب :لا بخير الحمدلله واحسن لكن البنت عنيده ورافضه تأكل
تنهد مهند:ياليل مدري مين بيقدر برأسها اليابس طيب امي ماكلمتها؟
متعب :رفضت والحين أكلت لقمتين وبعدها تقول شبعت
مهند:مجنونه هي بدخل لها اتفاهم معها!
ناظر متعب بسلطان الواقف والمستند على كتف مهند بعدها ناظر بمهند وكأن يقول"سلطان وش بتسوي فيه؟
مهند هز رأسه لأخوه اللي رجع دق الباب ودخل بعدها نادئ على مهند تحرك مهند لكن سلطان واقف مكانه
ناظره مهند:سلطان تعال !
سلطان:لا بجلس هنا احسن
مهند:اقول امش بس مافي كرسي قريب تجلس عليه ومتعب كلم ايلاف انك بتدخل لها
شتت نظره سلطان هو كان يتمنئ يشوفها لكن مو بوجود اخوانها كان يبي يشكرها
سحبه مهند معه بدون مايعطيه اي فرصه لرفض ودخل معه لايلاف اللي كانت متحجبه وراميه الطرحه اللي على رأسها بأهمال فز قلبها وهي تشوف سلطان داخل من الباب كانت مصره تدوس على قلبها بس تجهل السبب وكأنها كل مافكرة فيه تتذكر ذاك اليوم واللي كان مشؤوم لها ذاك اليوم اللي تغيرت حياتها فيه
مهند صغر عيونه وصار يناظرها:ايلااااف
ايلاف:لا خيالها
مهند قرب منها وضربها بخفه على رأسها:ادري انك هي بس كان نداء ياهبله
ايلاف:اي زين عبالي مضيع قلت اسوي خير واقلك
مهند:ليش ما أكلتي!
ايلاف:الحمدلله ما ابي شي
مهند:زين سمعتي الدكتور وش قال لك؟!
ايلاف لفت رأسها للجهه الثانيه
مهند جلس بجانبها وهمس لها:ليش يا إيلاف تخوفينا عليك!مالنا خاطر عندك!؟اذا انتي مو هامتك نفسك ترا هامتنا وكثير يا اختي
ناظرته ايلاف وهزت رأسها بالموافقه
مهند رفع حاجبه: اعتبرها موافقه منك!
ايلاف كتفت يدينها وبطفوله:اكلهم الله يكثر النعمه مو حلو ماله طعم واحيانا مافيه ملح ما ابيه
الكل ماتحمل :هههههههههههههههههههههههههههههههههههههههه
ايلاف عصبت :ماقلت شي يضحك
مهند:هههههههههههههه انتي بكبرك تضحكين
ايلاف انحرجت بسبب وجود سلطان من بداية اليوم وهي تحس بوجع برأسها لكن الان بدأ يتضاعف حست رأسها بينقسم من الوجع بدأت الرؤية تشوش عندها
حس مهند برأسه ايلاف على كتفه:ايلاف انحرجتي!؟
ايلاف:.....
مهند خاف:ايلاف!
ايلاف:.......
فز مهند وكشف وجه اخته اللي كانت فاقده لوعيها ضغط الجرس بسرعه
شويات ودخلت الممرضه اللي كانت تركض بسرعه ركبت مغذي لايلاف وعدلت رأسها وطلبت منهم الخروج من الغرفه دقايق ودخل الدكتور عند ايلاف كان الكل واقف بخوف على ايلاف وقلق بعد انتظار ما طال
خرج الدكتور من عندها
مهند ومتعب:بشر دكتور
الدكتور :لا الحمدلله مجرد سوء في التغذيه لابد من الحرص على تغذيه سليمه لها وعلى تحسين نفسيتها وعلى النوم المنتظم لان المناعه عندها ضعيفه جدا والجهاز المناعي ضعيف جدا
متعب:الله يعطيك العافية
الدكتور ابتسم وربت على كتفه:ولو مهمتي تركهم ومشى
مهند:انا بوصل سلطان للبيت وبرجع
متعب:مافي داعي ترجع انت بكون هنا
مهند هز رأسه وخرج برفقة سلطان للسيارته وانطلقوا لبيت سلطان
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
كان جالس مع الشباب متجمعين في الجلسة الخارجيه واللي تتوسطها شبة النار رن جواله ناظره بتوتر
استأذن منهم وقام
:الو
:الو عبدالعزيز رجال جاك تحركوا ويستهدفونك انتبه لتصرفاتك وحركات وشدد الحراس على ممتلكاتك وانتبه واحذر من اي شخص غريب يكلمك او يتواصل معك
عبدالعزيز:ابشر طال عمرك
قفل الخط
شد على يده بقهر مايبي يوضح لضيوفه الخطر اللي محيط فيهم لكن كان ناوي يحميهم ولو بدمه حتى تنتهي استضافته لهم اتصل يمروان وبدأ يعطيه التعليمات القطعيه والصارمه رجع للجلسه وجلس
فهد:اقول عبدالعزيز شرايك العشاء اليوم مشاوي!
عبدالعزيز: تم ادخلكم لشبك اختار اللي يعجبك
طلال:اا يارأسي لايكون بتنحرونها هناك!
عبدالعزيز ابتسم:اي في بجانب الشبك مسلخ صغير مجهزه
وليد:قوموا نجهز من الحين
فيصل :مشينا بس عزوز اغراض الشوي وينها!
عبدالعزيز ابتيم بحزن:في مكانها المعتاد
هز رأسه فيصل للمستودع الصغير وبدأ يخرج المعدات بينما العيال اتجهو لشبك الغنم
احمد:شرايكم في ذاك!
عبدالعزيز:لا كأنه صغير نبي واحد اكبر شوي
طلال:وذاك!
فهد:امممم لا ندور غيره احسه مو مره
وليد أشر على واحد:وذاك!
عبدالعزيز ابتسم:ذاك عشان وديان تجي تعلقني وتعلقك وتسلخنا بداله
حاول يخفي ابتسمته :ليش!
عبدالعزيز:ذا وديان تحبه ومنسبته لنفسها على الرغم انها ماتقرب منه بس من بعيد
وليد:اي زين ندور غيره
فهد:اممم شرايكم في ذا!
عبدالعزيز:توكلنا على الله
طلال دق الصدر:اتركوه علي انا امسكه
احمد بنص عين:الله يكفينا شر دقت الصدر ذي
انطلق طلال وهو ناوي على الخروف اللي قدامه بس اللي ماكان يعرفه ان الخروف اللي قدامه عدواني ناظره طلال الا والله الخروف ناوي عليه غير طلال مسار وبدأ يركض هو يصارخ صراخ يضحك:يممممممممهههههههههه
العيال:هههههههههههههههههههههههههههههههههههههههههههههههههههههههههههههه
كان في حديده بالسقف تعلق فيها طلال ومر الخروف من تحته
لكنه ماوقف رجع لف وهو يناظر بالعيال وكأن بيختار واحد منهم وبدأ يركض جهتهم لكن فهد وعبدالعزيز استعدو عشان يواجهونه وليد واحمد كانو يناظرونهم وهم ماسكين الضحكه على اشكالهم ووقفتهم اللي ماتنوصف
وليد بضحكه:وصل وصل
عبدالعزيز لف على جنب ومر الخروف بسرعه كان بيشله معه
فهد:امسكه امسكه
الباب كان نص مفتوح وهج الخروف والعيال وراه يطاردونه
...
جود كانت تناظر لارا بحقد ولارا تصرف كأنها مو مسويه شي:انا بدخل اغير التيشيرت وأرجع بعض الناس اعمى الله المستعان ماتشوف وهي تحط عصيرها
لارا حكت رقبتها:اسفين يعني والله مدري كيف طاح عليك
جود ناظرتها وهي تصغر عيونها وتعقد حواجبها
لارا:بسم الله لاتناظري كذا
جود هزت رأسها بتوعد للارا ودخلت لداخل
روز ارتشفت رشفه من عصيرها وهي تسمع صوت ركض وصياح:بنات!
الكل:هاا..هلا...نعم!..اي
روز:تسمعون اصوات!؟
ركزو البنات شوي:اي
وديان بأستغراب:اصوات ايش ذي!؟
رهف:والله مدري يمكن
تالا كانت تشرب عصير بس ناظرت خلف رنا وبعدهاطشششششششش بوجهه رنا اللي بغت تنجلط
تالابصياااح :يمااااااااااااامممممااااا
البنات لفو لمكان ماتناظر تالا وانجلطو وهم يشوفون خروف يركض جهتهم
كلهم قاموا الا وديان اللي كانت جالسه ومو قادره توقف وتركض على رجلها البنات ابتعدو عن طريق الخروف لكن روز فحطت بنص الطريق ورجعت لوديان تسحبها
مر الخروف بسرعه شوي الا فهد وعبدالعزيز واحمد ووليد وطلال كلهم يركضون وراه ما انتبهو للبنات اللي كانوا منجلطين ويناظرونهم نط احمد عليه قلك بيمسكه لكن ما حس الا وجبهتته بالأرض انصرعن البنات ضحك على شكله :هههههههههههههههههههههههههههههههههههههههههههههههههه
عبدالعزيز:فهد حده حده
جاه فهد من جهة اليمين وعبدالعزيز خلفه ووليد يساره وطلال قدامه ناظر الخروف حوله بعدها رجع نظره على طلال اللي كان واقف بتوتر قدامه وبصياح:ياعيال لابارك الله فيه اشوف عيونه تتطاير شرر
وليد:طلال لو تخطاك ياويلك
عبدالعزيز بتهديد:اعلقكك مكانه سااامع
طلال بنعومه :يمامي لاتخوفوني
احمد اللي جاهم وهو يفرك خشمه:ياعيال كيف نمسكه
البنات كانو يناظرونهم
روز:شرايكم نساعدهم
تالا:يمه تخيلي اخرج اركض وراء خروف لا والله
وديان:لا مو كذا في حبل مرمي هناك طيب نجيبه وكل وحده توقف بجهه واذا جاء الخروف نرفعه عشان يطيح ويمسكونه
لارا:والله فكرتن منتازه
نور:اي زين بس وين نتخبئ!
وديان:شوفي خلف النخله ذي لو انه طويل زياده كان ربطناه فيها
رهف مسكت طرف الحبل وركضت خلف النخله أشرت لها روز 👌
كان الخروف ببيهاجم طلال لكن باغته طلال بهجوم فحط الخروف وانحاش من جديد والعيال خلفه يطاردونه وصل الخروف للبنات لكن تخطاهم كانت رهف تحاول ترفع الحبل بس علق بطرف النخله رفعته بسرعه لكن بدل مايطيح الخروف طاح فهد وطلال فوقه
فهد صرخ:اااااااااه ظهررري يادب
طلال قام وهو ماسك كوعه:كوعي لابارك الله بك
رهف برعب رمت الحبل من يدها وتخبت خلف النخله وتحس نبضات قلبها تتسارع((اهى اهى ياربي ماقد شفتك ياذا الرجال والا كاسره رأسك بشي والحين طيحتك بمووت الله لايفشلنا يارب مايعرف انها انا اللي طيحه يارب يارب))
قام فهد وطلال وبسرعه ركضو ما اعطو الموضوع اهميه ركضت رهف للبنات اللي كانوا منصرعين ضحك على الطيحه اللي قدامهم
روز:ههههههههههههههههههههههههههههههههههههه ههههههههههههههههههههههههههههههههههههههههههههه بطني اخوي راح فيها
تالا:هههههههههههههههههههههههههههههههههههههههههههههههههههههههههههههههههههههههههههه واخوي مو اهون منه
ااه بطني ههههههههههههههههههههههه
نور كانت تمسح دموعها من الضحك
خرجت جود بعد ماغيرت لبسها بس استغربت البنات اللي كانوا يضحكون بقوه: ايش في؟
نور:اااه بطني هههههههههههههههههههههههههههه والله فااتك
لارا:ههههههههههههههه اسمعي هههههههههههههههههههههه قبل شوي طيب
جود:هههههههههه بنات وش فيه!!
وديان:هههههه السالفه ومافيها الخ....
جود:هههههههههههههه امانه وينهم ابي اشوفهم
رنا:روحي هناك بتشوفيهم
جود بحماس ركضت وقفت خلف نخله صغيره
وهي تسترق النظر لهم وفاطسه ضحك بس قاطع عليها صوت خلف فزت بخوف:هئ
فيصل عقد حواجبه والمره ذي معصب من جود اللي تدرعم بكل مكان:جود!
جود بتوتر:ااا فيصل
فيصل بنظرات حاده:وش تسوين هنا؟انتي عارفه العيال كلهم هنا صح
جودبتوتر:اي عارفه وانا ضيعت
شافتهم وقت ما مسكوه بعدها اسدحوه بدأت ملامح وجهها تنقلب وتتغير انصدمت وهي تشوفهم ينحرونه قالت بهمس :دم
فيصل عقد حواجبه ولف خلفه وشاف المنظر ولف بسرعه لجود بس فقدت جود وعيها مسكها بسرعه قبل تطيح على الأرض جلس وهي بحضنه ضرب على خدها بخفيف :جود..جود..جود!!
بس مافي اي استجابه خرج جواله واتصل بروز
اللي ردت وهي تضحك:هلا فصول
فيصل:روز لاتوضحي للي حولك وش بقول لك
روز بقلق بس عرفت تخفيه:طيب طيب
قامت من عند البنات وابتعدت شوي
فيصل:جود اغمئ عليها ابي ادخلها لداخل
روز بصدمه:جود !!ليش وش فيها؟
فيصل تنهد:شافت العيال ينحرون الخروف
روز بقلق:تمام تمام انت وينك!
انا بجهة القريبه من قسم الرجال
روز:حلو في باب هناك اصبر
دخلت روز بسرعه لداخل وهي تتلفت حولها تتأكد مافي احد بعدها ركضت للباب وفتحته دخل فيصل وهو حامل جود بيدينه
روز:اتبعني
كان فيصل خلفها دخلت روز لغرفة المعيشه واللي ماكان فيها احد الامهات بالصاله المطله على المسبح
مددها على الكنب ووقف
فيصل :انا خارج
هزت روز رأسها وخرج فيصل من عندها جابت مويه وجلست عند جود وبدأت تمسح على وجهها وتحاول تصحيها :جود..جود تسمعيني
بدأت جود تفتح عيونها ببطئ ناظرت حولها بعدها جلست وهي تمسك رأسها:وش صار!وش جابني هنا!
روز:هدي ماعليك التفاصيل ذي اقولها لك بعدين
انتي شفتي دم واغمى عليك
جود توسعت عيونها:اي صح ((ااااا فيصل كان هناك دقيقه لايكون اللي ببالي صح لا لا لا ياربي كيف اسأل روز لافشله والله مستحيل بس ااااااا))
روز:زين الحين كيف تحسي نفسك!
جود :طيبه طيبه
روز :تمام بنادي البنات هنا طيب
جود هزت راسها
خرجت روز وكتبت رساله لفيصل((جود صحت وهي بخير))
خرجت وقالت للبنات اللي دخلن بسرعه وخوف على جود
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
كانت جالسه مع امها بالصاله رن الجرس ووقفت تفتح الباب
تكلمت بصوتها الهادي:مين!؟
وصلها صوته الرجولي:سند
الجازي تأففت بهمس:امر ياولد العم!
سند:مايامر عليك عدو جيت اشوف اخباركم واتطمن عليكم
الجازي بقرف:بخير الحمدلله واحولنا تسر المعذره ما اقدر افتح الباب زي ما انت عارف مافي رجال بالبيت يستقبلك
سند شد على قبضته وهو كتأكد قالت كذا عشان تستفزه :عاذرك يابنت العم بس قريب ان شاء الله بيكون فيه رجال
الجازي ببرود أبتسمت: اكيد ياولد العم وقريب
رجع سند من عند الباب وهو مبتسم ((قريب بتكوني لي يا الجازي))
رجعت الجازي عند امها :مين يمه!
الجازي:سند يمه جاي يشوف اخبارنا
ام الجازي بقهر وحزن :ماجاء لله ماجاء لله
الجازي أبتسمت وجلست بجاني امها:يمه فديتك لايهمونك والله مايقدرون ياخذون قرش واحد من حلال ابوي وتعبه والله ورأسي يشم الهواء السماء اقرب لهم
ام الجازي:بيقدرون فيك يابنتي بيقدرون مالك احد الظالم ماعنده رحمه يايمه
الجازي ابتسمت وكلها ثقه:يمه انا صح ماعندي احد من البشر بس عندي رب البشر يمه الله سبحانه مايضيع حق احد وانا كل ثقه بأذن الله راح اقدر فيهم ولوحدي القوه مو بس بالمال يمه القوة بإيمان برب العباد ودام الله معي ليش اخاف ومن مين اخاف!
ام الجازي مسحت على رأس بنتها وهي فخوره فيها:صحيح ربي مارزقني برجال لكن رزقني بنت عن الف رجال
الجازي حبت يد امها رن جوالها وابتسم بشوق وحنين لصاحب الرقم: جاااااابر
..
بنفس الحي وقريب منهم دخل للبيت وعلى فمه ترتسم ابتسامة خبث كانت امه وابوه جالسين بصاله
سند:السلام عليكم
:وعليكم السلام
ابوسند:من وينك جاي ياسند!
سند:من بيت عمي ابو الجازي
ام سند:اي وش صار!
سند:ماصار شي سألت عن حالهم واحوالهم وقلت لها انه قريب بيكون في رجال معهم واللي هو انا
ابوسند بترقب :زين وهي وش قالت
ابتسم :كانت راضيه وحتى هي بنفسها قالت انه قريب بيكون فيه رجال واللي هو انا
ابوسند بخبث ابتسم:زين زين اسمعني وركز معي بنت اخوي حيه اعرفها مابتمشي الموضوع على خير
سند بسخريه:وش بتقدر تسويه بنت بروحها
ام سند :اي يابوسند تعرفها من يومها بزر ماتقدر ترفع عينها حتى تبيها الحين توقف بوجه سند تخسى والله
ابوسند هز رأسه:حلو سند البنت دارها حتى تتزوجها فااهمني!
سند بخبث:من عيوني يبه
ابو سند:اسمعوني .........الخ
سند:هذه هي يبه وبكذا مابيكون عندها مهرب ولامفر وبنحطها بالأمر الواقع بس وش نقول لها هي وامها ونقنعهم يجون!
ام سند:هذه علي
ابوسند ابتسم بخبث((واخيرا ثروة اخوي بتكون لي انا عارف الملاين اللي بحسابه بالاخير بنت اللي تديرها لا لا مستحيل اسمح لها))
تراجعت خطواتها للخلف وبسرعه ركضت لغرفتها قفلت الباب واسندت ظهرها عليه ابتسمت ببخبث:والله وابوي طلع يعرف يخطط حلو حلو غلطانه يمه انتم ماتعرفون الجازي الحقيقيه الجازي اللي ماتترك حقها ابد
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
كل وحده رمت نفسها على كنبه بعد ماتعشوا
تالا:الحمدلله يااارب العشاء لذيذ مره
وديان:عوافي عااد عزوز لعبته المشاوي
رنا:والله تسلم يدينه لذيذ مره
روز:الحمدلله اعرف شخص يضبط المشاوي
جود:اقول بنات متى بنام!؟
نور:لو ننام الحين ونقوم الصباح احسن ونقيل الظهر ونقوم العصر شرايكم!
وديان:حلوو المزرعه حلاتها في النهار والله
رهف:منجد وخصوص الاجواء حلوه نسبياً
لارا:عاد تدرون وش اللي بيساعدنا ننام امس ماش نومنا كان خربان
جود قشعر جسمها:يمه والله ماننلام معليش يعني
وديان :قوموا نشغل لنا فلم شرايكم!
جود :بشرط
البنات بصوت واحد:مايكون رعب
الكل:هههههههههههههههههههههههههههههههههه هههههههههههههههههههههههههههههههههههههههههه
جود ابتسمت :بالضبط
رهف:نشغل كوميدي
روز بضحكه:اضن الكوميديا اللي صارت قدمنا الخروف والعيال تكفي
البنات تذكرو:هههههههههههههههههههههههههههههههههههههههههههههههههههههههههههههههههههههههههههههه
لارا:والله يحزنون خصوصاً احمد وفهد وطلال مره
رنا:هههههههههههههههههههههههههههههههههه طيحاتهم أليمه والله
وديان :بنات تعالوا بوريكم مكان مميز عندي
رنا بحماس:الله احب الاماكن المميزه
تالا:مي تو بنت خالتي
نور:وينه!
وديان :اتبعوني
صعدت وديان الدرج للعلية الموجوده بالفله كانت جلسه رايقه الانوار الصفر تزين الحائط والشاشه الكبيره موجوده مع الوسادات المرتبه كانت الغرفه روقان
رهف:وااااو ماشاء الله تجنن
وديان:غرفتي الخاصه هنا انا اللي صمم كل شي فيها
روز:فلمنا بنتابعه هنا
وديان:بالضبط
البنات كل وحده جلست بمكان وروز كانت تشغل بدأت تدور فلم وديان قربت من الشباك وناظرت حول المزرعه كان ملاحظه تشدد الحراس عرفت انه في إن بالموضوع
مر الوقت والبنات مو حاسين فيه
وقفت :بنات بنزل اجيب جوالي نسيته بالجلسه الخارجيه
رهف:يوووه منجدك انا انسى نفسي وما انسى جوالي
:هههههههههههههههههههههه مو مثلك ترا
بنفس المكان بقسم الرجال خرج للخارج وانتبه لحركه خلف الشجيرات سحب المسدس من خصره ورفعه قدامه وبدأ يتحرك بحذر تتبع الحركه اللي وصلته للجلسه الخارجيه وبالتحديد عند الزاويه رجع نفسه على الجدار بسرعه بعد مالمح شخص يتحرك كان على اهبة الاستعداد بدأت الخطوات تقرب منه
بلع ريقه بتوتر وهو ناوي على الشخص الدخيل بسرعه ظهره بوجهه مسكه بكتفه بقوة وثبته بالجدار بقوة
وحط المسدس برأسه بينما سمع شهقه خايفه:هئ

︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

نهاية البارت+رأيكم+؟
تصويت لطفاً
.
.
.
-ايلاف وش ممكن يصير لها وهل ياترا حالتها الدائمه بتلحقها حتى بالمشفى!؟
-ابو سند وش ناوي عليه!؟
-مين جابر وهل بيكون له دور بروايتنا!؟
-الجازي كيف بتواجه طمع عمها !؟
-عبدالعزيز بيقدر يحمي ضيوفه!؟
-مين الدخيل!

اعتذر البارت قصير لكن والله انشغلت بالجامعه وحوستها خصوص وهي عن بعد 💔🚶‍♀️