بنيه صعب ينطفي ضيها.

Part 25

(اعتذر على الأخطاء الإملائية)

قرب فراس منها وهو يشوف ملامحها الميته عيونها الفارغه وجهها الشاحب رجفت جسمها الشديده
مسح على وجهه بندم قرب منها
وهو يقول:احمدي ربك اني تنازلت وعفوت عنك العقاب جلس على ركبته وهو يفكها
وقف واعطاها ظهره منتظرها تقوم وتمشي بس رنا كانت كالجثه خاف عليها قرب منها وهو يمد يده يقومها بس تفاجئ وهو يرجع وراء خطوتين من حضن رنا القوي تعلقت رنا فيها وهي ترجف وبصوت خايف وبالكاد يطلع:لا..تتركـ نـ ي ع عندهم
فراس أستغرب من كلمتها
مسكها وهو يحاول يبعدها بس رنا كانت تتشبث فيه بقووه
نزل نفسه وشالها بين يدينه وطلع فيها لغرفتها نزلها على السرير
كانت ترجف بقوة
فراس:رنا
رنا:....
فراس وهو يمسك ذقنها ويرفع وجهها له:رنا وش فيك
رنا تناظر للفراغ(كانت تبي تتكلم تبي تتبكي تبي تصاارخ بس مو قادره الشي اللي شافته اللجمها)
وقف فراس كان يضن انها تتجاهله بس مسكت طرف جاكيته وهي تهمس:لاتروح
فراس حس انها مو طبيعيه جلس قدامها:رنا وش فيك
رنا بخوف وتتكلم وهي ترجف:هوو كان كان ب بالزاوويه كان مره مره طويل واسود وو و ماقدرت تكمل حطت يدها على وجها وهي تحاول تنسى اللي شاافته
فراس(وش شاافت ذي بالزاويه وطويل واسود..لااااا يكون اللي ببالي ....جن بس القبو مهجور من خمس سنين ...وش سووويت يافراس)
مسك يدها وهو يحاول يطمنها :ماعليك توهمات
رنا وهي تحط عيونها بعيونه الحاده وتحط يدها مكان ماحست بأنفاسه الحاره:لا لا انا حسيت فيه مو وهم
رنا بعنف وكأنها استوعبت فكت يدها منه وحضنت نفسها وهي تحط رأسها على ركبتها :أنت السبب أنت السبب
تنهد فراس وهو يقوم و يطلع
وقفت رنا وهي تتوجه للحمام تكرمون توضت وصلت وصارت تدعي ربي يحفظها ويردها سالمه
كان الخوف متملكها بس بعد ما صلت حست براحه صحيح الخوف موجود بس ارتاحت
حطت رأسها بتنام وهي خايفه كانت جوعانه وعطشانه ونايمه وخايفه وتعبانه كلها تجمعت عليها سمعت طرق على الباب استقعدت من سدحتها وهي تقول ادخل
دخلت الخادمه وكان معها أكل ومويه حطت الصينيه عند رنا وراحت
نزلت رأسها بحزن كانت محتاره من فراس ماتدري اذا هو حنون او قاسي كان شخص متقلب ماعرفت له
أكلت وشربت وبعدها نامت
ما اخذت ربع ساعه
_________
الشرف لي انا نور
روز:عاشت الاسامي
نور:تعيش اياامك
روز:زيارة لمين؟
نور بحزن:صديقتي بغيبوبه
روز تنهدت :ااهخ وانا اخوي
نور:الله يشفيهم ويرفع عنهم
روز:آمين يارب
نور:طلع عندها القلب كنا متوقعين ذا الشي بس مو متأكدين بس صار اللي صار
روز:يااعمري
نور:اخوك؟
روز:حادث..
_____________
كان جالس بغرفة ميلا وهو يتأملها باسها بخدها بحنان حطها بسريرها وطلع بس انفجع من صراخ رنا
ركض بسرعه لها دخل وهو يشوفها تقاوم شي بس هي منسدحه كأنها تحاول تبعد شخص عنها او بالاصح يدين شخص من عنقها ركض لها وهو يصحيها:رنا رناا رنااااا
رنا بخوف جلست وهي تتعرق وترجف وتتنفس بسرعه كانت مااسكه اللحاف وتشد عليه
فراس بخوف:رنا وش فيك
رنا بصوت مسموع:اعوذبالله من الشيطان كابوس كاابوس
فراس :رنا فيك شي
رنا ناظرته بنظره كسيرة:انت بترجعني لا أهلي مجنونه
فراس النظره الكسيرة هزت كيانه سكت مايدري وش يقول اول شخص يتعامله معه كذا اول شخص ييهذله ويرفع صوته عليه وكل شي هي اول شخص يتمرد عنده هي عجز يخضعها له
رنا ناظرت قدامها :انا تعبت والله كل ذا الاشياء فوق طاقتي على الأقل ابي اطلع امشي اشم هواء تعيت والله اختنقت
فراس ناظرها :تبين تطلعين؟
رنا بنظرة رجاء:اي والله
فراس قام:تمام خذي لك شي وتعالي معي
طلع فراس ولحقته رنا بعد ما لبست عبايتها بسرعه
حطت الطرحه عشوائي وتلثمت فيها كان الوقت متأخر طلعت من الباب وكانت اول مره تخرج عشان تتنفس صارت تلحق فراس وهي مو عارفه وين بيوديها بس كانت تمشي وكان في اضواء خافته طول الطريق
فراس:لو حاولتي تهربي ترا بتموتي
رنا كان نفسها تمسكه وتتوطى بببطنه
كان يمشي وهي وراه بخطوات بسيطه
سمعت صوت كلاب تنبح بخوف قربت منه
فراس ابتسم على خوفها:لاتخافي انتي معي بأمان
رنا بحزن:اخاف منك واحتمي فيك ههه شي يضحك
فراس حب يلعب باعصابها لف بسرعه وهو يأشر خلفها :انتبهي
لفت بسرعه بخوف بس ماشافت شي رجعت تناظر بس فراس أختفى هنا قمطت العافيه
رنا بخوف صارت تتلفت حولها تذكرت الشخص اللي شافته بالغرفه وزااد خوفها صارت تنادي:ههي هههي ويننننك
فراس كان يشوفها وكاتم ضحكته عليها
رنا حست بشخص خلفها لفت بسرعه بس ما كان في احد شافت ظل شخص راحت باتجاهه ضنته فراس
استغرب فراس وهو يشوفها تمشي عكس اتجاهه
وقفت رنا مكانها بخوف وهي تشوف الظل يختفي
رنا بخوف ورجفت وبهمس:فراس
طلع فراس بعد ماحس انه زودها :رنا وش فيك كأنك مجنونه؟!
رنا:فراس
فراس(عيونه):نعم؟
رنا بغضب:نعاامه ترفسك وين رحت كيف اختفيت وتركتني هنا لحالي حرااام علليك والله حرام اللي تسويه فيني تعب والله تعبت
جلست على الأرض وهي تبكي بقهر
قرب فراس منها وهو مصدوم ما كان متوقع ردة فعلها كذا :رنا انا اسف لأني خوفتك
رنا وكأنها طفلها علقت عيونها فيه:لاتكررها انا اخاف
ابتسم وهو يمسح دموعها :تمام وعد ما اكررها
وقفت رنا وهي تحس رجولها مو شايلتها :اببي ارجع
فراس:ماتقولين تبي تتنفسين؟
رنا:بالصبح الليل مو حلو
فراس:ليش
رنا بتعب:ابي ارجع
فراس شاف التعب واضح عليها:تمام تمام
__________________