بنيه صعب ينطفي ضيها.

Part 117

{{السلام عليكم..كيفكم حبايبي قلبي!!
شكرا شكرا لتفهمكم ولصبركم على القطعه المفاجأة اللي جت بس الله وحده عالم الي صار وجداً نفسيتيكانت بالحضيض البارت هذا كتبته والله من زمان لكن ماقدرت ارفعه او اعدل اووو لان ماكنت طايقه امسك الجوال حتى واسأل الله ان لا يريكم مكروه في احبابكم ولا يختبر صبركم في كل غالي عليكم
والله يرحم موتانا وموتى المسلمين أجمعين يارب العالمين
}}

((اعتذر على الأخطاء الإملائية ))

.
.
.

︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.

دخلت غرفة تخزين الدواء وهي تدور بعيونها على دواء معين
تحركت خارجه من قسم التخزين بس حست بيد سحبتها وهمس خافت بعد ماثبت المسدس برأسها:أششش
طاح الدواء من يدها ورفعت يدينها بأستسلام
وبصوت يرجف:م..مين!!
بهمس حاد:ولا كلمه اذا تبين تعيشين؟!
جوان كانت تحاول تناظر مين هو بس ما كان عندها اي فرصه تلف هدت نفسها وماقاومت
سمعت اصوات رجال مارين من الممر
همس بتهديد:لو صرختي نثرت دمك
جوان بهمس:طيب
تأكدت ان الرجال قربوا من الباب او بالاصح من غرفة التخزين
بلعة ريقها بتردد ((جوان تذكري التعليمات اللي بامريكا ما تدربتي هناك على الفاضي يارب استودعتك نفسي ))
لفت بسرعه وبخفه وحركه سريعه طيرت المسدس من يده واعطته لكمه على وجهه وفتحت الباب تبي تناحش بس مسكها وسحبها
صرخت جوان بقوة:ســــــاعــــدونــــــــي
وقف واحد منهم بهدوء:ياجماعه سمعتو صراخ؟
الثاني:اي سمعت من هذا الممر اضن
الثالث:تعالو نشوف مين !
الرابع:ياعيال فكونا من المشاكل المدير يبينا بالإجتماع لانتأخر ومدير القسم مره عصبي
جوان دمعت عيونها بقلة حيله وهي تحاول تفك نفسها منه
كانت تضرب يدينه بس ياجبل مايهزك ريح
انتبهت انه يسحبها لجهة المسدس اللي طيرته من يده ((والله ما تاخذه ))
اول ماقرب من المسدس شاتتته برجلها وخرج للممر من تحت الباب المغلق
الأربعه انتبهوا للمسدس اللي خرج من الغرفه قدام عيونهم
ناظرو ببعض وبدأو يقربون بحذر من الغرفه
جوان عضت يده بقوة
ابعد يده بألم وضربها كف قوي على وجهها
مسكت وجهها بصدمه ولأول مره بعمرها أحد يعطيها كف
بكت بقوة وغطت وجهها بيدينها وهي تبكي وتشاهق
انفتح الباب فجأة والمسدس مصوب على الرجل الواقف مع جوان
جوان ابعدت يدينها عن وجهها وناظرت جهت الباب بعيون دامعه انتبهت لأربعه متدربين واقفين عند الباب
بصوت حاد:اترك البنت
الرجل قرب وبسرعه اخذ جوان وخرج من جيبه سكينه وفتحها وحطها بنحرها
جوان كانت تترجف برعب بين يدينه اللي ضاعت فيها من ضخامته
فك امان المسدس:والله افجر رأسك هنا اترك البنت بحالها
جوان تعلقت عيونها بعيونه الهاديه اللي كانت تناظر بتركيز على الرجل اللي خلفها غمضت عيونها بقوة وهي تدعي بداخلها
ناظرت بعيونه من جديد ناظر لها كانت جوان تحاول توصل له فكره بس هو مو فاهم عليها
غمضت عيونها بقلة صبر أشرت بيدينها بدون مايحس ذا
اللي ماسكها
ابتسم على جنب
فرحت جوان انه فهم عليها
ناظر بخويه وهمس له ناظر خويه فيه وهز رأسه
الاثنين ناظرو بيدين جوان اللي قبضة يديها وبدأت تفتح اصابعها ببطئ وكأنها تحسب اوتعد
١..٢..٣
بكل قوتها رجعت رأسها على وراء وهي تضرب خشمه
ركضوا الأثنين لها بنفس الوقت سحبها اللي ماسك المسدس بيده اصطدمت جوان بصدره وهي تحس بدوخه من الضربه بهمس:الله لايوفقك جاني ارتجاج بالمخ
نط خويه على يده وفك السكين منه والأثنين الباقين ركضوا يساعدونه
مسكت جوان رأسها بألم وهي تحس الدم يفور فيه
جلست على الأرض جلس معها بهمس:انتي بخير؟
جوان بصوت خافت: بب..بخير
ناظرت خلفها كان الثلاثه جالسين فوقه اللي عاطف يده على وراء واللي ماسك رجله واللي عند رأسه ماسكه
رفع رأسه ببطئ وهو يقاوم الي جالس عليه :هذا سلام روبيرتو
جوان حبت على رجولها لعنده وصكته كف قوي: وعليكم السلام
وقفت وهي تترنح بخطواتها مسكت الجدار بسرعه قبل لاتطيح
فجأة سمعت اصوات كثيره تقرب منهم
كان رجال الشرطه اللي وصلهم بلاغ
دخلوا بسرعه وكلبشو الرجال الطايح اللي كان يناظر بشر لجوان اللي شوي ويغمى عليها من الخوف
الشرطي:في احد تأذى؟
وقف الشخص اللي كان جالس على ركبه عند جوان وسلم السلاح لشرطه:هذه سلاحه وانا استخدمته لتهديده
الشرطي ناظره وقبل لاينطق وصله صوت جوان اللي فيه بكيه:صادق سلاح الدب ذاك انا شته وخرج من تحت الباب وهو اخذه وساعدني
الشرطي ناظر بالثلاثة اللي معهم وكلهم بصوت واحد:صح
ابتسم الشرطي :تمام
خرج من عندهم
خرجت جوان خلفه وهي ترجف وتحس اللي صار لها حلم وبتصحى منه لأول مره بعمرها تعايش موقف بهذا الخطوره او بهذا الشكل على الرغم ان حياتها كلها بأمريكا بس عمرها ماصادفها هالشي
وقفت على صوت هادي:متأكده انتي بخير؟خطواتك تقول عكس ذا!!
عضت شفايفها بقوة وهي تحاول ماتبكي
لكن ماقدرت غطت وجهها بيدينها وصارت تبكي كأنها طفله
انجلط مكانه مايدري وش يسوي او كيف يتصرف
قرب بشويش وخرج مناديل من جيبه ومدها لها:ممكن تمسحين دموعك!
جوان اخذت المناديل منه بدأت تمسح دموعها
التفتت عليه بعد ماقال:تقدرين تأخذين اجازة لذا اليوم تفضلي لبيتك
جوان ببحه:كيف؟
خرج جواله وهو يدور على رقم:اا شسمك؟
جوان من بين شهقاتها المكتومه: ليش؟
اشر بيده بمنعى دقيقه :الو السلام عليكم..كيفك؟..حبيبي الله يسعدك ابيك تسمح بخروج شخص لظرف طارئ
دقيقه بس
حط يده على السماعه وابعد الجوال :اسمك بسرعه وبأي قسم؟
جوان :جوان ال*** بقسم الطوارئ والحوادث
هز رأسه ورجع يكلم:اي جوان*** بقسم الطوارئ والحوادث...اي ..تسلم حبيبي بيض الله وجهك
..يلا توصي خدمه شي؟..بحفظ الله
تعلقت نظرات جوان فيه
ناظر بجواله وهز يقفله رفعه نظره لها وهو ناوي يقولها بس للحظه انخرست لسانه بعد ما انتبه لجمال عيونها الناعسه واللمعه اللي فيها بلع ريقه وصرف نظره عنها:اا اخت جوان تقدري تتفضلي
جوان بصوت خافت ومحرج: مدري كيف اشكرك لان كلمة شكرا قليله بحقك بس شكرا من قلبي
ابتسم :ماسويت شي
جوان ناظرته وتحركت من عنده بخطوات بطيئه خرجت جوالها واتصلت بسواقها يجهز السياره
تبعها بنظراته حتى اختفت عن أنظاره
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
دفنت وجهها بالمخده وهي تفكر وللمره المليون تفكر
تذكرت قبل ثلاث أيام
((
كانت جالسه والاب قدامها تتفجر على مسلسلها ومندمجه
سمعت صوت دق خفيف على الباب
وقفت المسلسل وبصوت هادي:تفضل
انفتح الباب وطل جدها عليها من الباب فزت نور إحترام له :حي الله ابوي نورت الغرفه ياهلا ياهلا
الجد ناظرها: حبيبة ابوها انتي
حبت رأسه وكفه بينما الجد حب كفها
نور:اجلس يبه
جلس الجد على طرف السرير وناظر بنور:كيفك
نور:الحمدلله انت شحالك!
الجد:الحمدلله
لحظة صمت مرت كسرها الجد اللي نطق بهدوء:انا جايك يابنتي بسألك بشي
نور عقدت حواجبها بأستغراب: تفضل!
ابتسم بحنان وناظرها:وش رأيك بولد عمك خالد؟
انجلطت نور وانصبغ وجهها بالأحمر حست الدنيا حر
قالت بتلعثم:رجال ..وونعم فيه
الجد:انشهد له بهذا جاني امس وطلب يدك مني على سنة الله ورسولة ولك يابنتي ثلاث ايام فكري فيها وردي لي الموضوع هذا محد يعرفه غيرنا الثلاث
نور بلعة ريقها بتوتر وحياء وبصوت خافت يلا ينسمع:ان شاء الله
وقف الجد :يلا عن اذنك
نور بهمس:اذنك معك
خرج الجد من عندها تاركها بدوامة افكارها))
جلست متربعه وتنهدت بحيره
:ياااااااااربي اختر لي ولاتخيرني
اااااااااااااااءءء
رن جوالها ناظرت ((سارونه))
انحرجت ترد عليها تحس مستحيه منها
فصل الخط ورن للمره الثانيه ردت بهدوء: الو
ساره بصراخ:نووووووووووررررر يااااااااااحيووووووااااامه ثلااااث اياااااااااام مخخخخخخخختتتتتفسيه وش اسوي فيك هاااااا؟؟؟؟؟؟
نور بضحكه:بسم الله بسم الله اعصاابك يابنت
ساره بزعل:كذا يانوريه هااا عشان رجلي مصابه ماتجيني ولاشي نسيتي ان عندك بنت عم اسمها ساره اقطعي العلاقه خلاص
نور:ههههههههههههههههههههههههههههههههههه أحبك طيب
ساره بخجل ضحكت:اووه ههههههههههههههههه حبيبتي ألبي انتي هييييييييييه لاتسوين فيها بتخرفنيني بذا الكلمه اقول لك ١٥ دقيقه لو ماجيتيني والله ازعل جد
نور فزت من سريرها بصدمه:هاااا؟ منجدك اجي لكن اا
قاطعتها ساره:وش المانع آنسه نور؟؟؟
نور بخجل تذكرت ان جدها قال لها محد يعرف شي عن موضوعها:تمام امري لله بجيك بس عندك احد؟
ساره بملل: لا امي راحت لجدي وابوي خرج مدري وين وخالد برضو خرج عماد بالجامعه وعادل بالمدرسه وساره المسكينه وحدها
نور ارتاحت بعد ماعرفت ان خالد موموجود:ههههههههههههههههههههههههههههههههههه مسكينه اجل ها تمام جايه افتحو الباب بس
ساره :مفتوح دفيه برجلك وادخلي
نور :يااااي يالدفشه برجلي مره وحده؟قولي بيدك
ساره :ه ههه نسيت ان النعومه تقطر منك والدليل جنى اللي نتفتيها ذاك اليوم
نور:ههههههههههههههههههههههههههههههههههه ههههههههههههههههههههههههههههههههههه والله باقي حاقده على خالد اللي افتكها مني
ساره:الا احسن ان افتكها ان انجلطت وانا اشوفكم تتهاوشون
ههههههههههههههههههههههههههههههههههه يلا يلا نكمل سوالف هنا
نور:تمام
قفلت نور واتجهت لغرفة الملابس غيرت بجامتها ولبست
بنطلون جنز وتيشيرت رمادي وجزمة ابيض(تكرمون)
لبست عبايتها ورفعت شعرها كله لفوق بمشك اخذت مرطب وتعطرت وخرجت بعدها متجهه لساره
صادفت بطريقها عامر اللي كان صاعد ناظرها بأستغراب:على وين؟
نور غمزت له:لحبيبة القلب
عامر توسعت ابتسامته:يازينها وزين طاريها
نور بضحكه:عيال آخر زمن لا حياء ولامستحى
عامر مد لسانه بأستفزاز ودخل لغرفته
ضحكت نور على هباله وكملت متجهه لبيت عمها
كانت متردده بقراره اللي اختارته بعد صلاة الاستخارة
اللي حست براحه بعدها
كانت منحرجه كيف تقول لجدها انها موافقه!؟
رنت الجرس وفتحت الباب كان مفتوح ودخلت سمعت صراخ ساره من غرفتها:انا هناااا تععااااااالي
نور ابتسمت: هبله
قفلت الباب خلفها وصعدت لساره
اللي كانت جالسه على سريرها
ابتسمت نور وطلت برأسها: هاااااااي
ساره:ارحبي مرحبا بك
نور:حبيبتي ألبي انتي
قررت وحضنت ساره وجلست بجانبها:كيف رجلك؟
ساره:يعني الحمدلله لك شوي عليها صح احسن من اول بس اخخخ باليل تصلب علي بشكل فضيعع
نور:ااحح ياشينها اذكر عامر مره جاه خلع من الكوره جلس فتره طويله يعاني منه
ساره: اووه تمزحين!
نور:منجد
ساره:اقول ماشفتي احد الخدم بطريقككك؟؟؟
نور:لا محد البيت هاادي مره مره
ساره:زين ياختي انزلي وحضري القهوه جاهزة من الصباح وجيبي حلا امي مسويته يحبه قلبك وتعالي
نور ابتسمت بعباطه: زين انا ضيفه!!
ساره دفتها برجلها اللي بخير:اقول قومي بس قال ضيفه قال
نور:ههههههههههههههههههههههههههههههههههه ههههههههههههههههههههههههههههههههههه طيب طيب لاتدفين!
قامت نور بعد مارمت عبايتها على الكنبه المفرده اللي بغرفة ساره وخرجت متجهه للمطبخ
جهزت القهوة والحلا بصينيه اخذته وخرجت فيها سمعت صوت الباب انفتح بعد ماكانت بنص الدرج صعدت بسرعه
ودخلت غرفة ساره
نور:اقول سارونه الواضح حلا خالتي لزيز بشكل
ساره:والله يجنن اطعميه بس
نور بيد ترجف رفعت دلة القهوه بس اخذتها ساره منها بسرعه:هاتي هاتي لو انكب على السرير ياويلك بشنقك
نور ابتسمت :زين امسكيها انتي
ساره:الا اقول كيف رأسك بعد العمليه ؟
نور :الحمدلله طيب يارب لك الحمد
ساره :الحمدلله ..نور ليش يدك ترجف؟
نور ابتسمت: والله علمي علمك مدري ليش بس يمكن عشان ما اكلت من امس
ساره شهقت بصدمه: من امس يا الظالمه؟ياختي وش ذا؟ انتي مدركه ان جسمك في الفتره ذي محتاج غذاء حتى تتشافسن بشكل تاااااام؟؟؟؟
نور بدأت تشتت نظرها بالمكان :اااء تمام بنتبه
ارتشفت رشفه من القهوه العربيه وهي تتلذذ بطعمها:اقسم بالله تعدل المزااج
نور:ما احبها كثير عاديه عندي
ساره ناظرتها:ماااش ذوقكك بأنحدار
نور:ههههههههههههههههههههههههههههههههههه شدخل
ساره:ياحبيبتي اهم شي القهوة العربيه صراحه بدأت اشكك بعروبتك اذا اصليه او لا
نور بضحكه: بذي اعتبر نص عربيه للمعلوميه
ساره ضربت جبينها بفهاوه: اووه نسيت ههههههههههههههههههههههههههههههههههه
رن منبه جوال نور ناظرته :سوير وقت حبوبي
ساره :خيررر ماجلستي كثير؟
نور:الجيات اكثر ان شاء الله والله مافيني اروح وارجع
ساره:زين الله يحفظك
قامت نور ولبست عبايتها حبت خد ساره
ساره:بليز كرري الزيارة
نور:من عيوني..اشيل الصينيه ولا بتتقهوي؟
ساره:لاهنتي خذيها على طريقكك
نور:تمام ياعيني يلا مع السلامه
ساره: امانه يانور اهتمي بأكلك
نور :ابشري يلا سلام
ساره:بحفظ الله
خرجت نور والصينيه بيدها كانت نازلة
بس وقفت اعلى الدرج وهي تسمع صوت خالد اللي كان جالس بالصاله
رمى جواله بأهمال بجانبه وغمض عيونه بقوة رجع رأسه للخلف وهو يعيش صراع داخلي
((ااهخخ ليش احاول ادوس على قلبي وارفض إعجابي فيها؟ليش!! ما ابي استسلم لها؟ااوووف))
مسكت الصينيه بقوة بعد ماكانت بتطيح من يدها انصدمت وكأن احد معطيها كف على وجهها تنفست بسرعه وهي تحاول تسحب أكسجين قد ماتقدر ما كانت مصدقه اللي سمعته لو ماسمععت بأذونها ما كان صدقت للحظه حست انها مغفله وغبيه وساذجه لأن بلحظه من اللحظات فز قلبها لطاريه
نزلت بعصبيه من الدرج انتبه خالد لشخص نازل فتح عيونه بس انصدم من نور اللي حطت الصينيه بقوة على الطاوله كانت متلثمه وعيونها تشتعل غضب وبصوت حاد وغاضب:وما انولد اللي يكسر خشمي ياولد العم وانا اعطيك الرد هنا بدل عن جدي انت مرفوض وغيرك الف رجال ورجال واقسم لك بالله يا أول شخص يخطبني لأوافق عليه
خالد كانت زي الصاعقه له ماتوقع ولو للحظه وحده ان نور بتسمع كلامه الغبي والمهايطي والتافه بنظره: نو..
قاطعته بغضب:لاتنطق أسمي بلسانك الخبيث تدري خيره لي جيت لساره هنا خيره والله
خالد:نور انتي فاه..
قاطعته بضحكه ساخره:تدري عاد ماعليك حسوف
اعطته ظهرها وخرجت من عنده وهي تحس بقهر بقلبها وطعنه
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
قفلت الخط بعصبيه بعد ماعرفت ان مالك رجع لحركاته الأولى
رفعت تلفون المكتب واتصلت بسكرتيرها:الو نادي مالك حالاً
: ابشري
بعد دقائق سمعت دق الباب بعصبيه: ادخل
دخل مالك وهو مستغرب صوتها اللي واضح فيه نبرة الغضب: ملاك؟ناديتيني!!
ملاك وقفت وهي ماسكه أعصابها: انا ماطلبت منك تبتعد عن حركاتك وتبطلها؟السباقات الغير قانونينه والتحديات اللي مدري وش نهايتها؟؟ مايكفي !!
مالك عقد حواجبه بأنزعاج: ملاك انا رجال وادري بمصلح..
قاطعته ملاك بعصبيه وانفعال وبدأ صوتها يتغير وتبان فيه نبرة البكاء :تدري بملصحتك بأي نااحيه هاااا؟؟ كل يوم ترمي نفسك للموت؟هذه مصلحتك!! كل يوم تعرض نفسك للخطر؟هذه مصلحتك!!
اوووه سيد مالك نسيت انا وحده انانيه وماهمني إلا نفسي واستغليت وضعي ابوي عشان استولي على كل شي
نسيت اني عديمة احساس وحاسدتك على حياتك الرفاهي
نسيت اني اخت غير كفو اني اراعي اخوي الصغير واهتم فيه بعد موت امي نسيت اني وحده مو قد المسؤولية
لمعت عيونها بقوة عضت شفايفها بقوة وهي تحاول تمنع بكاءها
اخذت شنطتها من على مكتبها وخرجت بسرعه بعد ماصفقت الباب بقوة
استوعب مالك الحماقه اللي سواها بحق اخته استوعب ان هو والدنيا ضاغطين عليها ركض خلفها وهو عازم وناوي يترك كل شي عشانها عشان اخته اللي ضحت بأشياء كثيره له بالأخير هو يجازيها كذا؟حس بحرقه بقلبه وهو يشوف دمعتها بطرف عينها خرج بسرعه بس ملاك خرجت من الشركه ركض وهو يلحقها قبل تركب السياره مسك يدها وبرجاء:ملاك تكفين اسمعيني
ملاك لفت وهي تحاول تفك يدها منه وبصوت باكي: اتركني اتركني
مالك بأصرار:مو تاركك حتى تسامحيني انا اسف والله اسف
ملاك كانت تحاول بس مالك حاكم قبضته
ما وعى على نفسه الا بلكمه قويه تراجع للخلف وهو يمسك وجهه ناظر في الشخص اللي وجهه له لكمه كان واقف قدام ملاك ويناظر بمالك بحقد وعصبيه
مالك رجع له اللكمه بقوة جت على خشمه
رفع أطراف اصابعه وهو يتحسس انفه اللي نزف
ناظره وابتسم بشر مسكه من ياقته وضرب بظهره على السياره وثبته وبدأ يوجه له لكمات عشوائيه صرخت ملاك وهي تشوف اخوها ينضرب قدامها
مسكت يده اللي انرفعت وهو ناوي يكسر خشمه
بصوت غاضب:متتتتتتععععععبببببب
متعب ناظر لملاك وهو فاقد السيطره على نفسه وقت ماشاف ذا الشخص ماسكها وملاك تقاومه كل اللي جاء بباله انه يضايقها ماكان يعرف انه اخوها
ملاك بصوت باكي مسكت وجهه اخوها وهي تتحسسه :يوجعك؟
متعب انهبل وهو يشوفها خايفه عليه!!!
مالك ابتسم من بين جروحه :خفتي علي
ملاك بصوت باكي ضربته بخفه على كتفه:إذا ماخفت عليك اخاف على مين ها؟
متعب((ياهو نحن هنا!! الووو صديق؟؟؟؟)))
التفتت على متعب ماقدرت تخفي خوفها اللي بان بعيونها عليه:سلمت؟
مالك بأستغراب: تعرفينه؟
متعب بحده: وشدخلك؟
مالك ابتسم بسخريه: ممكن لأني اخوها؟
متعب بفهاوه: هاا؟اخوها!!
مالك :اي
متعب انحرج:اووه معليش عبالي
مالك قاطعه بضحكه:حصل خير حصل خير انشهد انك كفوو
متعب حك رأسه بحرج:المعذره عبالي تضايقها او شي وقت ماشفتها تحاول تفتك منك
مالك ابتسم: فيك الخير ااهخ شفتي يا ملاك؟لو انك سمعتي لي ما كان تمردغت كذا
ملاك ناظرته بحده:لا تضن نسيت سامع وتستاهل اللي جاك
متعب بحرج:اعتذر مره ثانيه وعن أذنكم
ملاك ناظرته وهي نفسها تسأله اذا يوجعه او لا؟
هزت رأسها بالأيجاب ابتسم متعب وتركهم وحده وهو منحرج من مالك ركب سيارته ناظر بالملف اللي بجانبه انحرج ينزل من جديد حرك وهو ناوي يرجع مره ثانيه كان متفشل وجداً من مالك ((وش سويت يامتعب؟رنيت اخوها رن اهخ وين اودي وجهي من ملاك؟ بس شسوي عااااد شفت ذا يضايقها وفوق ذا ماسك يدها!! اساس بقلبي عليه من يوم شفته يحضنها ماصدقت امسك عليه الزلة ااففف))
مالك تبعه بنظراته حتى ركب سيارته وحرك
:اههخ يده ثقيله
ملاك ناظرته بحقد: تستاهل احسن برد حرتي فيك
مالك بصدمه: هئ افااا افاااااا كذاا ترضين فيني؟
ملاك بزعل:تستاهل اللي جاك
مالك قرب منها وحب رأسها: والله آسف ووعد مني من اليوم ورايح احاول قد ما اقدر اتعدل
ملاك ناظرته بصمت لثواني
تنهدت بحزن: توعدني يامالك؟
مالك بفرحه:أوعدك
ملاك:اشوف لك
مالك،
:ابشري والله باللي يسر خاطرك
ملاك بحنيه: الله يبشرك بجنته
.
.
.
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
كان جالس وبيده الملعقه الذهبيه بمقبض ابيض
اخذ رشفه من حساء الدجاج اللي قدامه رمى الملعقه محدثه صوت صدا بإرجاء المكان
بغضب ضرب على الطاوله بقوة
وبصوت عالي:مين اللي طبخ اليوم!!!
ركضت رئيسة الخدم له وبصوت يرجف وخوف:سيدي ماذا هناك؟
جلس وبصوت غاضب:لماذا طعم الحساء مختلف ؟؟
رئيسة الخدم انحنت بأحترام: اعتذر سيدي عن هذا الخطأ سنقوم بإصلاحه حالاً
كان بيتكلم بس قطع عليه دخول حارس الباب :سيدي هناك ظرف لك
ناظره بأستغراب: ظرف؟ من مين!
:لا أعلم
قرب باحترام منه وحطه قدامه تراجع للخلف وانصرف من عنده
ناظر الظرف وهو رافع حاجبه بأستغراب
فتحه بس استغرب وهو يشوف قرص DVD ورقه
فتح الورقه بس توسعت عيونه بصدمه وهو يقرأ مضمونها
((اهلاً مره ثانيه ..
مشاهده ممتعه على فكره اتمنى تفكر مره ثانيه بالعواقب اللي بتترتب على رفضك لتعاون مع روبيرتو ))
رمى الظرف بعنف واخذ القرص بيده وقام بسرعة وعجله متجه لمكتبه شغل الاب ودخل القرص فيه بدا يناظر فيه عقد حواجبه بأستغراب ضحك بسخريه:تهديد فارغ؟
شغل الفيديو اللي كان موجود فيه بس شاشه سوداء تظهر له
اعتبره تهديد فارغ
بس انتبه لصوت خفيف رفع الصوت ورجع المقطع من جديد انجلط وهو يسمع بعض المكالمات له هو شخصياً؟؟؟
مين هذا اللي قدر يوصل لشي حساس كذا؟
بلع ريقه بخوف تملك قلبه بعد ما فجأة بدون سابق إنذار خرج صورة لشارة الشرطه
طاحت الرساله انحنى ياخذها انتبه لرقم مسجل خلف الرساله
التقط الورقه بسرعه وبدأ يسججل الرقم بجواله أتصل ودقائق وسمع صوت مألوف: الو
بغضب: مين تضن نفسك عشان تهددني؟؟
ابتسمت بخبث:اهلاً سيد داوود من الواضح انك اخذت الرساله وهي السبب بأنفعالك هذا؟
داود رص على اسنانه بعصبيه: وش تبي؟وكيف تتجرأ؟
روز بهدوء اثار أعصابه فوق ماهي مثاره :مطلبي واضح التعاون مع روبيرتو وهذا نقطة ببحر اللي موجوده بين يديني
داود قفل الخط بوجهها ورمى الجوال بقوة
..
ناظرت بالجوال بعد ما قفل بوجهها ابتسمت بسخريه
انسدحت على السرير وغمضت عيونها بشويش وهي تتذكر اللي صار لها بعد ما خرجت من بيت داود ذاك اليوم
((قفلت الجوال بعد ما اتصلت بمحمود وبلغته عن رفض داود
انتبهت لسياره تلحقها صارت تحاول تستدرجها لمكان معزول وتتفاهم مع اللي فيها وكالعاده ضيعته بالبدايه متعمده اظهرت نفسها بالطرف ودخلت لمزرعة مهجورة
نزلت من السياره بسرعه وتخبت بجانبها بعد ما جهزت مسدسها وفكت الأمان وتهيئت للهجوم
وقفت سياره خلف سيارتها بس عقدت حواجبها بأستغراب وهي تشوف امرأة تنزل منها؟!
أنتبهت لخطواتها المتردده اللي تبي تقرب من السياره بس تتراجع وكأنها بالنهايه حزمت قرارها وقربت من السياره طرقت الزجاج بهدوء بس ما كان في اي رد
فزت بخوف والتفت على صوت روز الحاد :مين انتي؟
لفت بسرعه وبلعة ريقها بخوف وهي تشوف روز مصوبه عليها
بصوت يرجف:ا..اانا جيت هه هنا..ععشان
روز بحده:تكلمي زين يااااه طفشتيني
بلعة ريقها بتوتر: انا سمعت كلامك مع داود وللامانه اول شخص يتجرأ يتكلم كذا معه
روز رفعت حاجبها: المطلوب؟
رفعت نظرها لروز وبجديه ورجاء:تتعاون معي نقضي عليه؟انا مستعده اوفر لك كل اللي تبيه وكل شي وراح اعطيك شي قوي استخدمه ضده وبيوافق يتعاون معك
روز ناظرتها بشك نظرات تفحص: معي؟انتي مين؟
ثبتت عيونها بعيون روز:انا هند زوجته
روز بصدمه:زوجته؟؟؟؟
هند هزت رأسها:اي زوجته
روز وزاد الشك فيها:وليش تتعاوني معي عشان تضري زوجك؟!
هند لمعت عيونها وامتتلت دموع
روز ناظرتها بترقب وش بتقول؟
هند بصوت باكي:انا اجبرت اصير زوجته من بعد ما قتل كل عائلتي هو شخص يحب ويعشق السيطره ولانه يوم من الأيام خطبني ورفضت انا ومره ثانيه ورفض ابوي المره الثالثه صار اللي صار تزوجني وبدأ يفرض سيطرته علي
لدرجة انه ما يتركني اخرج من الفله ابد انا من سنه كامله اول مره اخاطر واخرج اليوم وطبعا هو مو متوقع خروجي عشان كذا ما راح يفقدني
روز ببرود: وش يضمن صدق كلامك؟
هند خرجت من شنطتها فلاش صغير ورمته لروز اللي التقطته بخفه وهي تناظر بأستغراب
هند بجديه:هنا الدليل اللي بيساعدك كثير وراح اعطيك اكثر واكثر من هذه الفلاشات حتى انتقم ويطفئ قهري
روز بفهاوه تناظر لها
مامداها تسأل او تستفسر ركبت هند لسياره ورجعت بسرعه
تاركه روز بحيرتها))
تنهدت بحيره:اتمنى ما أخوض بأمر انا بغنى عنه
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
دخلت من جديد للجناح الشرقي وبالتحديد مكتب ابوها ناظرت بالجوال وبدأت تبحث عن الملفات والأوراق اللي طلب منها عبدالعزيز للمره الثانيه تدور لها سحبت الكرسي وصعدت فوقه وهي تقلب بين الملفاات بيدينها وعيونها مركزه باللي بيدها للحظه اختل توازنها وكانت بتطيح لكن المره هذه طاحت على قدام بحيث اسندت يدينها بقوة على جدار المكتبه بس الصدمه وقت ماتحرك الغطاء الخلفي عدلت نفسها ومدت يدها تتحسس ابعدت الغطاء وبانت خزنه صغيره استغربت: دقيقه ابوي الله يرحمه عنده خزنه سريه واللي هي بالجدر الاخير من المكتب؟ليش ذي هنا!!
بدأت وديان تجرب تفتحها اكثر من محاولة
غمضت عيونها بقلة حيله: يااربي افتحها يارب اقدر
للحظه جاء ببالها تاريخ زواج امها وابوها حطته
وبيد ترججف ضغطت صرخت بفرحه بعد ما صار الضوء اخضر وانفتحت الخزنه لكن سرعان ماتغيرت ملامحها للاستغراب وهي تشوف ساعة يد فقط؟
ناظرت بتفحص وهي تدور بعيونها على اي شي لكن فقط ساعة يد رجالية عضت شفايفها بقوة وهي تحاول ماتبكي
بعد ماتعرفت على الساعه واللي كانت لأبوها
حضنتها باشتياق كبير نزلت من على الكرسي
حطتها بجيب بنطلونها وكملت تدور على الأوراق
لكن فجأة سمعت ضجه بالخارج قفلت المكتب وخرجت بسرعه لبلكونة الصاله العلويه تشوف وش فيه؟
كان رجل كبير بالعمر واقف خلف حراس وبتناقشون مع حراس وديان اتجهت لغرفتها ولبست عبايتها وركضت لتحت بسرعه خرجت من البوابه التفت الكل عليها تنحى الحرس على جنب إحترام لها
وديان ناظرته بتمعن وابتسمت ببرود وسخريه أشرت بهدوء لداخل:تفضل
تحرك وبيده عصاه اللي تساعده بالمشي تحرك حارسه الشخصي خلفه بس وقف على يد وديان اللي امتدت وناظرت له نظره حاده:لهنا وبس ياسيد
الحارس ناظرها باستصغار:من مهمتي حماية السيد
كان ساكت ويسمع كان يبي يعرف كيف بتتصرف معه وديان؟
وديان ببرود:شخص واحد مسموح له الدخول وهو هذا اشرت ببرود على جدها
لكن شخص ثاني اعتبره دخيل
حراسها تأهبو للهجوم وبنفس اللحظه حراس الجد
ابتسم بخبث(داهيه) التفت على حارسه:ابقى هنا
الحارس:أمرك سيدي
دخلت وديان بعد مارمقت الحارس بنظره حاده ومنتصره
رافقت وديان جدها لغرفة الضيوف
وديان:تفضل هنا ثواني وجايه
جلس الجد بينما خرجت وديان اتجهت للمطبخ اخذت صينيه وحطت كأسين عصير واخذتها لتقديمها للجد
والف فكره وفكره برأسها عن سبب زيارته لها؟
جلست بهدوء بعد ماقدمت العصير
ناظرها الجد لثواني بعدها نطق بحنان زائف:انا جيت لهنا بعد تفكير طويل وندم اكل قلبي
وديان نزلت نظرها للأرض وهي تسمع له
ناظرها ما في اي ردة فعل :اتمنى من كل قلبي لو تجين وتعيشين معي وتكوني قدام عيوني زي ما انتي عارفه بمجتمعنا هذا البنت وحدها ماتقدر تسوي شي
ابتسمت وديان بسخريه اختفت ابتسامتها وناظرت له ببرود: حالياً ما افكر اخرج من بيت ابوي ابد زي ما انت عارف البيت هذا له كثير من الذكريات الجميلة اللي مستحيل اخرج واتركها
الجد شد على عصاه: اي لكن زي ما انتي..
قاطعته وديان بهدوء:هذا موضوع مافي مجال لنقاش فيه
الجد ابتسم من وراء قلبه:تأكدي انا موجود لو نقص عليك شي لايردك الا لسانك
وديان ابتسمت مجامله:تمام مشكور وماتقصر
وقف الجد:انا الان استأذن
وديان ببرود:اذنك معك
رافقت الجد للباب وخرج تحت أنظارها ركب لسيارته ركب حارسه بجانبه وبخبث:صار اللي ببالك؟
الجد بقهر شد على عصاه: لا عنيده بس راح اجبرها تخرج من البيت
بجديه:طال عمرك انت عارف ان ابوها من قبل جمع ادله كثيره عليك لو ظهرت وخصوصا لشرطه راح يكون الثمن قطع رقبتك
الجد بعصبيه ضربه بقوة:مايحتاج تذكرني كل مره مايحتاج
بس هين يابنت اللذينا
قفلت الباب خلف جدها وابتسمت بخبث: مابيصير اللي برأسك

.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
رأيكم توقعاتكم !؟