بنيه صعب ينطفي ضيها.

Part 123

أهلا أهلا بالحلوين كل عام وانتم بخير حبايبي وعاد عيدكم ياجميلين♥️♥️♥️

((اعتذر على الأخطاء الإملائية ))

.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
بطيارة روبيرتو همست لوديان:مطولين؟
وديان :ما اضن
حطت رأسها على كتف وديان وهي تغمض عيونها
وتتذكر كيف انذلت ذل عشان تسافر

((قبل يومين
..
قفلت جوالها بعد الخبر الحلو اللي عرفت فيه
تنهدت: الله يتمم لك تالا
وقفت بهدوء وهي ناويه تنزل لأبوها تكلمه عن سفرتها لأيطاليا مع وديان
خرجت من غرفتها متجهه للحديقه
كان ابو فهد وام فهد جالسين يتقهون ويسولفون ومعهم فهد
اللي من ايام روز ما شافته يضحك براحه زي اليوم ابتسمت من ابتسامة اخوها((الحمدلله عزيز كلمه وشرح له ولا كان انهبل))
روز بهدوء على غير عادتها:السلام عليكم
الكل:وعليكم السلام
قربت روز من ابوها وحبت رأسه وحبت رأس امها
جلست بجانب فهد بعد ما حبت خده
ام فهد:يا هلا بالزين كله وينك يمه مختفيه!
روز بكذب:يمه صراحه من الجامعه وضغطها
ام فهد:الله يعينيك ويوفقك عاد شدي حيلك زين
روز:ان شاءالله
ناظرت بفهد بنص عين وخرجت جوالها ارسلت له:هي فهود قلت لهم عن عبدالعزيز؟
فهد فتح جواله اللي اهتز ناظرها وهز رأسه بلا
ابتسمت روز بخبث الحمدلله
روز بدأت بحركاتها المعتاده اللي تسويها لا ارادي اذا صارت بتطلب شي من اهله
ابو فهد ابتسم:وش تبين؟
روز انتبهت له وبفهاوه:ها!
ام فهد:تبين شي صح؟
روز :ياخي اش الذكاء هذا ماشاء الله عليكم اخاف اصككم عين ماشاءالله يازينكم بس
ابوفهد كان يبي يراضيها وكان ناوي يعطيها اللي تبيه:اطلبي ياعين ابوك؟
روز بتمثيل:بابا وديان كلمتني اليوم وقالت انها بتسافر ايطاليا حق ٥ ايام وبالكثير أسبوع تغير جو وكذا واصرت ارافقها
وانا صراحه خاطري اهج شوي من الجامعه فيعني لو سمحتوا لي اذلف ايطاليا هاليومين!
ام فهد ناظرت لزوجها بعدها ناظرت روز:والله ياحبيبتي انا ماعندي مانع لكن زي ما انتي عارفه الحين انتي وحده متزوجه ولازم تستأذني زوجك
روز بصدمه:نعم؟
ابوفهد:انا ماعندي مانع موافق لكن بالأول خذي موافقة زوجك
روز تربعت وبدأت تشرح بيدها:مامي بابي ركزو معي اوك انا كتبت الكتاب لكن انا للحين ببيت ابوي يعني ابوي هو اللي له كلمه علي اذا رحت بيته وقتها نشوف
فهد بضحكه:نشوف بس! اي واضح من الكلمة ان بيكون له كلمه عليك
روز:رجاء فهودي كون عون لاتكون فرعون
ابوفهد:كلميه وخذي أذنه وهااا لاتضنين بتلعبين علي اليه هو بنفسه يدق علي يقول موافق روز تسافر
روز مسك وجهها بيدينها: لاااااااااااااااااااااااااا لاااااااااااااااااااااااااا اااااااااااءءءءءءءء
يبه تكفى واللي يرحم والديك لا لا الا كرامتي يبه
ابو فهد بأستغراب: وش دخل الكرامه الحين؟!
روز مسحت على وجهها ببطئ وهي تجهز دموع التماسيح:يا يبه انا للحين ما كلمته ولافكرت اكلمه حتى
زين ينفع اقول لرهف تقول له!ها؟!
فهد ابتسم على طاريها
حس بضربة من روز خلف رأسه:وانت تضحك على شنو بالله!ماتقولي؟ولا من طاري بعض الناس الابتسامه من الأذن للأذن!!
فهد مسك رأس روز وكانه حاضنها وبدأ يطق على رأسها بشويش:اص يالفضيحه
روز رفعت رأسها بصعوبه:فهود اطلبك طلب صغنون مره قد كذا
فهد بنص عين:وش؟
روز ناظرت ابوها بطرف عينها وبعدها قربت من أذن فهد:ابيك تدق على المقرود وتقول له اني بسافر ولاوالله انحاش ماتدرون بي الا وانا ارسل لكم صور من ايطاليا
فهد بضحكه خبيثه:استأذنه بس؟ابشري ما طلبتي شي
وقف فهد:عن أذنكم
روز:ويازينه والزينه اخوي حبيبي روح الله يحفظك
ابوفهد بنص عين:ماشاءالله وش الحب ذا اللي نزل فجأة؟
روز بصدمه متصنعه:افا افا ابو فهيد ما توقعتها منك عاد ذا اخوي حبيبي الله يسامحك