بنيه صعب ينطفي ضيها.

Part 136

((اعتذر على الأخطاء الإملائية ))

بـــــعــد ســاعـــات طويــل ويـوم جـديــــد
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
..
.
اهتز جواله برساله ابتسم مجامله لأخوه وخرجه من جيبه
رفع حاجبه بأنزعاج من الرقم الغريب اللي ارسل له فتحها لكن هنا كانت الصدمه له وهو يقرأ محتواها بلع ريقه برعب وحس الدنيا اظلمت بعيونه والوقت وقف فيه الأصوات من حوله بدأت تداخل ببعضها ((بالفعل انت شخص عديم الإنسانيه و الإحترام تدري ليش؟ لأنك جالس بجانب الشخص اللي انت تسببت بموت زوجته العزيزه يا قاتل))
رفع عيونه برعب وهو يناظر للأشخاص من حوله واللي متجمعين على طاولة الاجتماع الموجوده بغرفة ابو ملاك
نزل نظره بسرعه ارتجف قلبه من المكتوب((تتلفت زي التائهه تدور بعشوائية بين الموجودين؟ انا معك بنفس المكان وصدقني نهايتك انا الي بقررها ))
رفع رأسه بتوتر ملحوظ على صوته الهادي:ابوعمر شرايك انت؟
ابوعمر :هه هلا!
متعب بنظرات حاده:عسى ماشر مو منتبه معنا؟
ابو عمر بربكه: لا..لا ماشر
ناظر بجواله واتصل بالرقم اللي يرسل له الرسائل يبي يشوف مين ذا اللي تجرأ يحطه بموقف سخيف كذا
ناظر بترقب باللي حوله بس ولا جوال رن شد قبضته بقهر وقف بعجله:ثواني وراجع
ابوملاك ناظر باخوه اللي تصرفاته غريبه خارج بربكه من الغرفه
ابوعمر بدأ يتصل مره ومرتين وثلاث اتجه لخارج الشركه وهو يحاول يتنفس من الرعب االي عايشه حالياً
((مين اللي يتجرأ يهددني انا راح اندمه على اليوم اللي ولد فيه))
انتبه لسيارة ملاك اللي وقفت قدام الشركه ونزلت وبيدها كوب قهوة
انتبهت ملاك له لكن تجاهلته ولا كأنه موجود
دخلت لداخل وهي ترجف من القهر والغضب اللي بدأ يسيطر عليها حست جسمها اصطدم بكتف شخص رجعت للخلف بسرعه بعد ما طاح كوب القهوه على يدها اللي تحولت للون الأحمر من الحرارة
مسكت يدها اللي ترجف بقوة من الألم :ااححح
بخوف: سلمتي؟
رفعت عيونها لصوته القلق هزت رأسها بهدوء وبهمس :انا بخير
نفضت يدها ببطى ومسحتها وكملت طريقها لغرفتها
بينما خرج هو للخارج صادف ابو عمر بطريقه داخل رمقه بنظره حاده وهو نفسه يتوطئ ببطنه
ركب سيارته وحرك من قدام الشركه
..
بغرفة ملاك اللي اخذت مويه بارده من البراد(الثلاجه)وبدأت تصبها على الجرح وتنفخ عليه
سمعت طرقات على الباب: تفضل
دخل مالك وهو مبتسم: سلام
ملاك بهدوء: وعليكم السلام
اتجه مالك لها وحضنها بدون مقدمات انصدمت ملاك منه بس كانت فعلاً محتاجه شخص تشكي وتبكي له
بدأت دموعها تنزل بصمت مالك بهدوء وبنبرة حنونه:ملاك وش صاير متغيره انتي من يومين ترا ملاحظ سرحانك الطويل وتنهيداتك العميقه وعيوك الحزينه وش صاير ياختي؟
ملاك رفعت يدينها وهي تشد عليه وبدأت تبكي بصوت مسموع انفجع مالك من بكائها ماتوقع الموضوع كبير لدرجة البكاء
ربت على كتفها ومسح على رأسها بحنيه وبهمس:فضفضي كل اللي بداخلك لاتحبسين دمعه وحده
ملاك بألم وبصوت مقهور :عشنا معه كل هالسنين كبرنا على يده وهو يضحك بوجيهنا بعد ما اخذ ضحكتنا منا كان كل يوم يواسي ابوي وهو السبب بكل شي
مالك شد عليها وهو مو فاهم اي شي
ملاك بدأت تضرب الأرض برجوله وكانها تفضي غضبها فيها
:نار بداخلي نااار ما طفت كل هالسنين بكل يوم اقول ليش تخبيت بالدرج ليش ما خرجت وظهرت ليش ليش ليش ليش
كانت امي وحدها بكل ليلة الوم نفسي عشت بدونه ليش مو انا الي مات اهئ ليش ليش
مالك :استغفر الله ملاك وش تقولين هذا قضاء وقدر ياروحي
ملاك ابعدت رأسها وهي تناظر اخوها بعيونها الرمادية المليانه دموع نطقت بصوتها اللي انبح من البكاء: قلت له عم وجلسنا على نفس الطاولة كنت احضنه واحبه وكأنه ابوي الثاني كيف قدر يغدر فينا كيف طاوعه قلبه!!
مالك ما كان قادر يفهم وش تقول ؟غدر ؟؟ موتت!!!
:ملاك ملاااك
ملاك صرخت بقهر وحرقه: قااتل قاااتل اهئ اهئ
جااء لبيتنا يواسينا وكأنه يسخر مناا اهئ اكرهه اشمئز منه اااااااااااااااءءء
انفتح الباب بقوة ودخل متعب اللي كان بيده كيس صغير
دخل بخوف على ملاك اللي يسمع صراخها من الممر
:ملاااك!
مالك شد على ملاك وهو يربت على كتفها :ملااكي اهدي
متعب قرب بهدوء وحط الكيس على المكتب وبجديه:ملااك تحملي واوعدك راح اسلمه بنفسي راح اسوي المستحيل عشان ياخذ جزاءه
ملاك شدت على مالك وهي تشاهق بقهر وغبنه وألم يمزق قلبها
تحرك مالك ببطئ للكنبه وجلس وملاك بجانبه تبكي وهو يحاول يهديها
وقف متعب وخرج للخارج ما كان قادر يتحمل بكائها اكثر
همس بحقد:والله ما اترركك
.
.
.