بنيه صعب ينطفي ضيها.

Part 131

((اعتذر على الأخطاء الإملائية ))

يوم جديد على ابطالنا

مشت بحذر للمطبخ تلفتت حولها مافي احد رجعت الجوال عند اذنها: حسنا آنستي اعدك سأحاول
بفرحه:اعدك بمبلغ مالي وللأبد عن احتياجك لأي شي اخبريني
ابتسمت بحب:حسنا آنستي
قفلت وتلفتت حولها تدور على نتالين
بدأت تنادي:نتالين اين انتي؟
اتجهت لغرفة الخدم كانت نتالين منسدحه وماسكه بطنها بألم
قربت منها بسرعه:هل انتي بخير؟
فتحت عيونها نتالين وناظرت لها بصوت تاعب:اجل انا بخير لكنه موعدها
بحنيه: عزيزتي ارتاحي الان بما ان السيد غير موجود
نتالين بتألم: ولكنه عائد في السابعه مساء
بتفكير: اممم لنفعل التالي انا بعد قليل سأذهب لشراء بعض الاغراض ولكن قبلها سأقوم بتنظيف مكتب وغرفة السيد مارأيك؟
نتالين:حقا؟؟أشكرك
ابتسمت وهي تمسح على رأسها: لاداعي عزيزتي امم اين المفتاح؟
نتالين خرجت المفتاح من جيبها واعطته لها
ابتسمت بخبث وقامت: سأعطيك بعض الاعشاب لتخفيف التقلصات
نتالين غمضت عيونها: اشكرك
اتجهت كبيرة الخدم للمطبخ وبدأت بصنع شاي الاعشاب لنتالين واللي كان من ضمنها اعشاب منومه
اعطتها بعدها صعدت بسرعة لغرفة روبيرتو دخلت بخوف وبدأت تنظف عادي لكن عيونها تدور على الابتوب
انتهت من تنظيف غرفته ودخلت للمكتب تنظفه
نتالين ما كانت مرتاحه حطت الكأس على الطاولة وقامت صعدت للمكتب بحذر تشوف لكبيرة الخدم لكن ارتاحت وهي تشوفها تمسح النوافذ بعنايه رجعت للغرفة وشربت الاعشاب
ودخلت بنومه عميقه
بنفس الوقت تأكدت كبيرة الخدم ما في احد بالجوار اخذت الابتوب وحطته بكيس زباله(تكرمون)
نزلت للمطبخ بعد ما انهت تنظيف الدور العلوي
اتجهت لغرفة الخدم تتأكد من نتالين اذا نايمه او لا
لقتها بسابع نومه ابتسمت بانتصار وخرجت للمطبخ اخذت شنطتها الكبيرة المعتاده حطت الاببتوب بداخلها
وبيدها الثانيه كان الكوكيز اللي صنعته للحراس بدأت توزعه عليهم
تقدم لها كبير الحرس:سيدة هيلي الى اين انت ذاهبه؟
ابتسمت هيلي له:عزيزي اليوم يوم التسوق علي شراء بعض الحاجيات
ابتسم: اووه حقاً حسنا دعي نيكولاس يرافقكك
هيلي ابتسمت: بالطبع عزيزي نيكولاس لنذهب
نيكولاس:بكل سرور سيدتي
كانت هيلي محبوبه من الكل بسبب تعاملها اللطيف معهم وايضا لكبر سنها والكل يحترمها
ركبت هيلي مع نيكولاس اللي انطلق فيها لسوق
نيكولاس ضرب جبهته:يا الهي لقد نسيت تغير إطار السيارات لايوجد وقت لفعل ذلك سيقوم السيد روبيرتو بتوبيخي
هيلي استغلت الفرصه: لاعليك الان اذهب الى تغيريها
نيكولاس ناظرها:ولكن انتي ..
قاطعته: لاعليك انا لستُ بطفله لتقلق علي انزلني أمام السوق وبعدها اذهب وفي هذه الاثناء سأتبضع
نيكولاس ابتسم: اشكرك
هيلي:لاداعي
وقف نيكولاس ونزلت هيلي أشرت له بيدها ودخلت لسوق تحت أنظاره
اتصلت هيلي على وديان:الو انستي الصغيره
وديان:اهلاً اخبريني هل استطعت ..
قاطعتها هيلي:انا الان في**** لدي ساعتان فقط
وديان بفرحه:حقا الان قادمه
قفلت وديان واتصلت بروز اللي ردت بعد طلعة روح
وديان:روز لابتوب جدي موجود كلمي اكين
روز من الصدمه بغت تنصرع:هااا روبيرتو لابتوبه معك؟؟؟؟؟
وديان بقلة صبر:بسرعه تعالي انتي واكين ل**** هيا قدامك ساعه ونص بس
روز بتوتر:يلا يلا
قفلت روز واتصلت بأكين اللي رد بصوت كله نوم: الو
روز:ارجوك اكين انهض الان الجهاز لدي اريد التحكم به اين انت؟
اكين فز جالس:ماذا؟ انا قادم اين المكان؟
روز:انت اين تسكن؟
اكين بأستغراب: في****
روز:حسنا لديك خمس دقائق لتستعد انا قادمه
اكين بتوتر:ماذا؟انتي!!
روز بعجله:اجل لايوجد لدي وقت كافي لانتظارك لذا سأقوم بتوصيلك
اكين:حسنا
روز:ارسل الموقع
اكين:حسنا
قامت روز مع دق الباب
:تفضل
دخلت ام فهد:روزي متى رجعتي؟
روز بوهقه:امييي وحشتيني
ركضت لها وحضنتها بقوة
ام فهد بادلتها الحضن وهي تمسح على شعرها بحنيه: الحمدلله على السلامه
روز:الله يسلمك مامي
ام فهد:افطرتي؟!!
روز بعجله:لا عااد قمت على اتصال المطار
ام فهد بأستغراب: المطار؟
روز بكذب:اي يمه امس صار لخبطه وشناطي بتجي برحلة ثانيه وعاد بروح اخذها
ام فهد:زين حبيبتي ماينفع تفطري قبلها
روز بتوتر وكأنها على نار:لا يمه ضروري اخرج الحين
ام فهد:تمام حبيبتي
روز:عن اذنك
ام فهد: اذنك معك
خرجت ام فهد
وركضت روز لغرفة الملابس واخذت عبايتها بسرعه وخرجت حتى البجامه ماغيرتها
طلعت تدور سيارتها ضربت جبينها وهي تتذكر انها ركنتها بعيد عن البيت
اتصلت بوديان: الو برسلك موقع مري اكين معك
وديان:تمام هااتيه
ارسلت روز الموقع لوديان وركبت مع السواق يوصلها للمكان اللي قالت لها عنه وديان
هيلي بدأت تتسوق وهي تنتظر اتصال من وديان ما كانت تبي تضيع الوقت بالانتظار
بعد ربع ساعه رن جوالها: الو آنسه
وديان: هيلي اين انتي؟
هيلي:انا بالطابق العلوي سأنزل الان
وديان:حسنا انا بأنتظارك
روز بقلق:ها وش تقول؟
وديان:فوق جايه
توسعت عيون وديان وهي تشوف نيكولاس داخل من الباب
ناظرت بروز وبهمس:روز ذا من حراس جدي
روز صارت تتلفت: وين وين
اكين انصدم وقت ماشاف نيكولاس اتجه له بسرعه
وديان ضربت وجهها بيدينها: ياويلي بيفضحنا هالمخبول
اكين ضرب كتف نيكولاس: هي نيكولاس
نيكولاس التفت بعصبيه لكن تبخرت عصبيته وهو يشوف اللي قدامه :اكين
اكين حضنه بقوة: لقد اشتقت لك يارجل
نيكولاس: يا الهي لم اتوقع رؤيتك هنا ماذا تفعل!!
اكين حك رأسه: اا حسنا اتسكع بالمكان
وديان صارت تأشر ل اكين وتنطط وروز تاشر وتغمز له
عقد حواجبه بأستغراب وهويناظر لهم
نيكولاس انتبه له التفتت وراه لكن روز سوت نفسها تتحس الجدار وديان ناظرت السقف وهي تهز رأسها وتأشر عليه
التفتت نيكولاس على اكين اللي ابتسم بوهقه:اا ماذا تفعل هنا أرى أنك ترتدي طقم رسمي ؟
نيكولاس: حسنا انا هنا برفقة السيدة هيلي
اكين ازاح نظره بوهقه ((تباً لو علمت ذلك لتجنبته ))
:السيده هيلي من هي!!
نيكولاس: انها كبيرة الخدم بالمكان الذي اعمل فيه
اكين:اووه حقا
ناظر بساعته وبكذب:اعتذر يجب علي الذهاب حالاً ولكن انا مدين لك بقهوة
نيكولاس ابتسم: اشكرك الى اللقاء
اكين بورطه ناظر بروز وهو يأشر بيده لها بعد تحرك من امام نيكولاس اللي كمل طريقه
هيلي انتبهت لوجود نيكولاس جاها هبوط بالسكر من الخرعه
لكن تماسكت كانت وديان تناظر هيلي بهمس:روز ذيك هي المره
روز :انتي لاتخاطري طيب انا بروح اساس المقرود ذا مايعرفني
وديان بتوتر:تمام كل شي تحت السيطرة اوك
روز هزت رأسها واتجهت لهيلي اللي عرفت ان روز مع وديان لانها كانت واقفه معها
قربت روز من هيلي وبصوت ناعم:مرحبا
هيلي:أهلا
نيكولاس ناظر روز بتفحص
روز:هل بإمكاني سؤال عن مكان المرحاض؟
هيلي ناظرت لنيكولاس وابتسمت له همست:سأذهب مع عزيزي ابقى بأنتظاري هنا
نيكولاس ابتسم: حسنا
تحركت هيلي مع روز حتى اختفوا عن انظاره بعدها هيلي بعجله خرجت الاب واعطته روز :لديكم ساعه فقط وبعدها سأعود ارجوكم السيد سيعود مساء اليوم
روز:اعدك كل شي سيكون على مايرام وان اضططرت لإعادة الجهاز للمكتب بنفسي سأفعل بكل سرور
هيلي ربتت على كتفها ورجعت لنيكولاس
رجعت روز ركض وقبل لاتوصل لوديان تعثرت نط الابتوب من يدها ركضت وديان ومسكته قبل لايطيح وبدله طاحت هي على ظهرها قامت روز بسرعه وبخوف:سلم سلم
وديان بألم:اي اي
روز:وينه اكين؟
وديان: شوفيه هناك بسرعه تعالي
لحقتها روز لاكين اعطوه الابتوب بدأ شغله وروز وديان يراقبون
.
.
.
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
.
.
.
خرجت بفرحه من الغرفه وهي تناظر بالرجال اللي منتشرين بالمكان بلعة ريقها بتوتر وصارت تمشي وهي لاصقه بالجدار الكل وقف وابتعد لطرف الثاني احتراماً لها
وقف خليل بطريقها:انسه جوان
صغرت عيونها وهي تناظره بتفحص :اااايه ذا اانتتت
خليل:طويل العمر بأنتظارك بالجلسه الخارجيه
جوان: دقيقه يعني الحين مو بركب السياره ونمشي؟بتاخر على دوامي كذا!!
خليل: تفضلي للخارج هو يشرح لك
خرجت جوان وهي متنرفزه :اعوذ بالله منك ومن رئيسك معك
اتجهت للجلسة وهي ناوي تسلق جاك حتى يستعجل لكن وقفت مكانها وهي تناظر له كان ماسك كوب القهوة بيده ويحرك طرف اصبعه عليه ويناظر للفراغ بسرحان
تذكرت دموعه اللي بالليل رق قلبها انها تهاوشه اوالخ**
قربت بهدوء: صباح الخير
انتبه جاك لها رد بدون لايناظر لها: صباح النور
سحبت جوان كرسي وجلست بهدوء وهي تنتظره يتكلم
لكن جاك وباله مو معها حتى تنهد بحزن وصد برأسه للجهة الثانيه
جوان بهدوء: ممكن اعرف متى بنمشي؟
جاك بصوت هادي:في بعض التعديلات راح يهتمون بها رجالي بعدها بنمشي
جوان بدأت تلعب بأصابعها:يعني كم ساعه تقريبا!
جاك ببرود: على حسب
جوان وقفت بقهر:اوووف من برودك اللي يقهر
مشت جوان مبتعده عن جاك قررت تاخذ لفه على البيت منها تقتل الطفش ومنها تضيع الوقت
جاك تنهد بضيق وبهمس:مو ناقصني الا حركاتك الطفوليه
وقف وأشر بيده لخليل اللي فهم عليه رمى له مفتاح السياره
التقطه جاك ولحق جوان
اللي كانت تمشي ببطئ وتضرب الحجارة اللي بالأرض برجلها وتتنهد انتبهت لصوت جاك: مطوله؟
التفتت عليه: نعم؟
جاك رفع مفتاح السياره بيده واعطاها ظهره
جوان نطت بسرعه:لحظه لحظه
جاك وقف فجأة اصطدمت جوان بظهره ورجعت بخوف للخلف وبهمس:اسفه
كمل جاك وجوان خلفه بس وقفهم خليل اللي ما شاف جوان لان جاك مغطيها وكون خليل قدام جاك مباشره ما انتبه لها
:طال عمرك الرجال نطق بعد كم ضربه واعترف بكل شي
جاك ببرود:حلو المهم سجلت ؟
خليل:اي صوت وصورة
جاك:حلو الان انا راجع بعد ما تنتهي الأمور هنا الحقني
خليل:طال عمرك ما بتاخذ حراسه معك؟
جاك:مايحتاج شوشره
طلت جوان من خلف جاك برأسها لخليل اللي ارتاع منها :بسم الله
جوان تقدمت وتخصرت:شايف جني؟؟ وبعدين انت تعرف الله ها؟
جاك أشر لخليل بعيونه فهم خليل عليه وتحرك من عندهم
جاك بهدوء: اوصلك بيت احمد ولا فندق!
جوان تعدلت بوقفتها تنهدت بضيق: مدري محتاره
جاك ببرود: فكري بالطريق
جوان :طيب
اتجه جاك لسياره ركب لحقته جوان وفتحت الباب الخلفي
جاك ازاح شوي من النظاره الشمسيه بهدوء وهو يناظرها: سواق عندك؟
جوان بجديه: عفوا لكن بأي حق اركب معك قدام؟
جاك ببرود: بتسوين يعن..
قاطعته جوان اللي ركبت: لو مو عاجبك تفضل انزل وقول لأي احد يوصلني
جاك بحده:انتي أمانتي وانا اللي بيوصلك
حرك بسرعه ارتاعت جوان: لو سمحت شوي شوي الدنيا موطايره
جاك بسخريه: ماتبين نلحق دوامك؟
جوان بروعه:لا لا خفف واللي يرحم والديك
خفف جاك السرعه وهو راسم شبه ابتسامه
عدل المرايا على جوان اللي سرحت بالطريق رن جواله خرجه من جيبه وعيونه على المتصل شد قبضته على الطاره وهو ياخذ نفس عميق بجديه: لا تصدري اي صوت روبيرتو المتصل
جوان ارتاعت بدأت ترجف من طاري روبيرتو
رد جاك ببرود: الو
روبيرتو: جاك وينك؟
جاك بهدوء: خارج عندي مشتري قابلته ليش؟
روبيرتو: ملف الموت ظهر
جاك ضرب بريك قوي نطت جوان من مكانها وضربة بمقعد الراكب مسكت رأسها بألم وبيدها الثانيه مسكت فمها لاتطلع صوت بالغلط
جاك:ملف الموت؟
روبيرتو بجديه: اي انا اليوم راجع بالمساء ابيك قدامي لأن الموضوع جدي
جاك بترقب:هذه مصادفه او له علاقة باختفائها؟
روبيرتو بقلق:ما اتوقع لان احمد انكر وجود الملف معهم
جاك بأستغراب: وانت صدقت احمد!
روبيرتو:لو ابوه اللي قال ما كان وثقت بكلامه لكن احمد شخص صادق
جاك بهدوء:يعني نستبعد اخته من الخطه؟
روبيرتو: حالياً
جاك:تمام الان استاذن
روبيرتو قفل الخط بوجهه جاك ناظر جاك بجوان:سلمتي؟
جوان ناظرت بأصابعها لتبعد اي تواصل بصري مع جاك وبتردد:ممكن اسألك؟
جاك بأستغراب: تفضلي
جوان مسكت طرف عبايتها وشدت عليها:ليش تساعدني رغم ان روبيرتو مديرك
جاك تعلقت عيونه الحاده فيها لثواني ورجع نظره على الطريق
بهدوء: اول نقطه حاب اوضحها روبيرتو مو مديري وعمره ماصار ولابيصير ثانياً اساعدك لأن مالك ذنب بأي شي
جوان بسرحان:لكن اللي اعرفه ان طريق الخير والشر مايجتمعون انا كممرضه واجبي انقاذ الناس اما الاشخاص اللي مثلك مستعدين لقتل شخص بس عشان مشاجره
جاك:امممم احس في سوء فهم تجاهي اعترف قبل كنت متسرع وخصوصاً اول لقاء بينا وذا اللي ترك انطباع سلبي عني
مع اني شخص يعمل بمافيا لكن مع الأسف ذا كان..
عالعموم انا ما استخدم القوة معي اي شخص لكن لو استفزني شخص فقط عندها استخدم قوتي للأنتقام
جوان بتفكير: غير انكم معتمدين على قوتكم وعلى ضربكم لناس وش تعرفون؟
جاك ببرود: ممكن اساليبنا شي لا يمكن قبوله لكن بالعالم اللي احنا فيه مو كل الناس منطقيه وتلتزم بالقوانين وتعرف الصح من الغلط لو شخص شرير اذئ شخص عزيز من عائلتك
ولكن مافي اي احد يساعدك تاخذي حقه وش بتسوين؟!
جوان ببرائه: مافي شرطة؟!
بنبرة ساخره: شرطه؟
ناظرها بهدوء وكمل:حتى لو كانت الشرطه موجوده ومتطوره دايم عندها نقاط عمياء
حتى لو كنتي بنقطه مظلمه مافي شخص راح يجيك ويساعدك تخرجي من الظلام اللي انتي فيه
جوان: لكن مهما كانت الحياة قاسية مايتوجب على الشخص انه يأذي ويجرح الناس ويمشي بطريق خطأ!صح؟؟
جاك بصوت حزين:انا استخدم قوتي لأحمي الشخص اللي احب
ولا مافي شخص طبيعي عنده رغبة في قتل الآخرين ويعيش حياة مليانه توتر وقلق
التزمت الصمت جوان بعد ماسمعت نبرة صوته الحزينه
غمضت عيونها وبدأ يتسلل لها النوم لأن الليل مانامته