بنيه صعب ينطفي ضيها.

Part 89

‏" إبق قويًا، فقصتُك لم تنهتي بعد."

((أعتذر على الأخطاء الاملائية ))
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
ابوطلال بعصبيه وغضب:مين انت!
دخل ابو طلال لداخل وانفجع بعادل اللي ينزف من أنفه وشكله مزري :عادل؟
لف بسرعه لصوت بنته واللي جاء من خلفه :بابا
ابوطلال بخوف لف على بنته:تالا
تالا حضنت ابوها وبدأت تبكي وهي تشرح له بشكل غير مفهوم
صقر بصوت عالي شوي :انا جيت لهنا كنت ابي ابوطلال ... كان باب البيت مفتوح وصوت صراخ والغريب مافي احد ماقدرت اجلس او اتجاهل اللي يصير ودخلت لداخل وأعتذر منك على تصرفي هذا مشيت على الصوت ودخلت لذا الغرفه وكان ذا الحيــ.. اا كان يحاول يهاجم البنت وفقدت السيطره على نفسي وطحت فيه ضرب والحمدلله لحقت قبل يسوي فيها شي
ابوطلال تطاير الشرر من عيونه :ايش؟
تالا بشهقات مكتومه:هو الي انــ ــقــ ذ نـــ ــي
ابوطلال تقدم من عادل ورفع يده واعطاه كف قوي وبعصبيه وصراخ:تفووو بوجهك ياقليل المروءة ياعديم الرجولة ماتستحي على وجهك بنت عمك شعر لحيتك تعتدي عليها شرفها من شرفك بس والله ماتمر لك على خير
عادل بقلة حيل ناظر عمه واغمئ عليه
صقر رن على حراسه الواقفين وبأمر: اطلعو لدور الثاني اخر غرفه بالممر
ابو طلال قام لتالا وحضنها وحب رأسها: اعذريني ياعين ابوك تركتك وحدك لذا الخبيث بس اقسم بالله ما اتركه والله
تالا بشهقات مكتومه :بابا مو اول مره
ابوطلال كانت زي الصفعه له:ايش؟مو اول مره!
تالا بصوت مبحوح:لا مو اول مره حاول قبل كذا بس قدرت انفذ منه ومن بعدها صار يحاول يتقرب لي وخطبني اكثر من مره عشان اهئ
ابو طلال:عشان ايش!
تالا بشهقات: عشان يثبت لي انه يقدر يمتلكني بسهوله
ابوطلال بغضب :والله انه يخسى يطول ظفر منك والله
دخلو رجال صقر أشر لهم على عادل اللي كان مرمي على سرير تالا وفاقد وعيه اخذوه وكتفوه
ابو طلال:عادل اتركوه لي معي حساب بصفيه معه
صقر:ابشر واعتذر مره ثانيه منك وان شاء الله اجيك وقت ثاني ووقت مناسب اكثر
ابوطلال بأمتنان مد يده له:مدري كيف اوفيك حقك يارجال لو الله ثم انت كان بنتي راحت فيها
صقر سلم:حق وواجب ياعمي
ابو طلال:والله ان لك واجب علينا بس حدد الوقت اللي يناسبك
صقر:ياعمي مايحتاج..
ابوطلال:حلفت بالله
صقر:بأذن الله بعد أسبوع من الآن اجيكم
ابو طلال:حياك الله حياك
صقر:من رخصتك
خرج صقر من المكان و خرج ابوطلال مع بنته لصاله الصغيره الموجوده بالدور الثاني جلسها وجلس بجانبها دخلت لارا وام طلال بسرعه بعد ماوصلهم تاكسي وهم مفجوعين صعدو بسرعه لتالا
ام طلال بخوف:بنتي بسم الله عليك و صار !
لارا جلست قدام اختها على ركبها: تالا حبيبي وش فيك!
تالا مسحت دموعها وبدأت تشرح كل شي من البدايه لأخر دقيقه
■■■■■■■■■■■■■■■■■■■
جاك لف لها وهي لازالت معطيته ظهرها :تصرفاتك تصرفات بنت متأكد انت رجال!؟
تنهدت روز براحه بس الرجفه ماقدرت تسيطر عليها لفت له وببرود وعناد شمقت من جديد فيه وراحت من عنده
جاك بداخله((مين هذا!))
دخل وراها واتجهت روز لأحمد اخذت مويه من قدامه والرجفه واضحه بيدها تذكرت الكمام اللي عليها مشت بخطوات بطيئه للباب واللي كان فاضي من الناس ومافي اي احد شالت طرف الكمام وشربت المويه دفعه وحده سمعت خطوات شخص خلفها ارتبكت وعدلت كمامها بلعة ريقها بتوتر :رامي!
لفت روز ببطئ:كاسبر!؟
كاسبر عقد حواجبه: فيك شي؟مضايقكك شي!؟
روز ابتسمت بعباطه واستغباء: لا مافي شي حبيت اشم هواء شوي
كاسبر هز رأسه لها
روز:كاسبر
كاسبر:هلا؟
روز بهمس:وش سالفة الأجتماع! ذا مكان مين؟احنا وين من ارض الله الواسعه!
كاسبر بهمس:حنا الحين بمكان الرأس الكبير
روز ناظرته :ها! الرأس الكبير؟
كاسبر ناظر حوله بعده همس لها:اي تقدري تقول كبيرهم او رئيسهم
روز بصدمه:نعم؟مو كل عصابه مستقله !؟
كاسبر بهمس :لا طبعا في مسؤول والعصابات تعتبر توابع له
روز بهمس مصدوم:اها
كاسبر رفع حاجبه بأستغراب: معقوله ماكنت تعرف!؟
روز بغموض :كنت ابحث لرئيس الأقوى لكن غلطت بالعنوان
كاسبر بعدم فهم:كيف!
روز حست بشي يضغط على صدرها وضيق بالتنفس :عن أذنك
تحركت روز بسرعه وابتعدت عن المكان بكبره ركبت سيارتها وحركت بسرعه كبيره اتصلت بأكين :اكين
اكين:نعم يا آنسه!
روز:هل علمت ان هناك رئيس للعصابات جميعها؟
اكين:لا لو كنت اعلم لأخببرتك
روز:حسنا أريد منك ارسل جميع المعلومات منذو قدومك الى الأن على بريدي انا انتظرك
اكين :حاضر
قفلت روز رمت جوالها بجانبها كانت تسوق بسرعه جنونيه وما انتبهت للعيون اللي كانت تراقبها وخلفها
وقفت قدام البحر مكان معزول وفاضي تمام من الناس كان تحت التعديل بس روز ما اهتمت كانت محتاجه تتخفئ عن عيون الناس نزلت من السياره ونطت من فوق الشبكه الحديديه تلفتت حولها بعدها شالت الكمام والكاب سحبت دبوس الشعر وانثر شعرها حولها رفعت رأسها لفوق وهي تحاول تمنع دموعها من النزول((شهور وانا اسعى خلف فراغ!يعني مو هو المسؤول عن اختي لا الأمر صدر من كبيرهم بس مين هو مين هو)) صرخت بقهر وضربة الأرض برجلها بقوة كانت نسمات الهواء البارده مسكنه لعصبيتها وغضبها القوي اخذت نفس عميق رفعت يدها مسحت الدمعه الي تسللت من عينها
كانت روز تحس بخيبه وفت ماعرفت ان في شخص اعلى منصبه من منصب ابواحمد بس بنفس الوقت شي بداخلها تحرك وكأنها نوت تحفر عن جذور العصابه ذيه وعن كل شي لها بس اهم شي الحين طرف خيط يوصلها له وبتتولئ زمام الأمور بنفسها
..
..
بنفس المكان ابتسم ببرود((قطعت الشك باليقين اهلابك بعالمنا المظلم))
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
كان يدور بعيونه الرماديه الحاده على مساعد ابو احمد اللي سأل عنه وعرف مين يكون لكن ماشافه بأي مكان
خرج للخارج واخذ له سجاره يدخنها ناظر بمساعده وببرود وابتسامه خبيثه:اعط الموافقه لأبو احمد بالتعاون معه و بلغه اجتماعاً مع بعض بيكون بعد ثلاث أيام وراح اتكفل بالشحنه اللي توصله بعد اسبوع راح ادبر لها منافذ من عندي
مساعده:ابشر طال عمرك
سحب كمية دخان ونفثه بالجو : جيبو لي رقمه ذاك الطفل
مساعده بأستغراب: نعم طال عمرك!؟
جاك بهمس:اقولك مساعد ابو احمد ابيه فاهمني!؟
مساعده:ابشر طال عمرك
دخل مساعده لداخل وهو يناظر بعيونه ويدور بالمكان على ابو احمد انتبه له واقف مع أحد الاشخاص تقدم له:لو سمحت ممكن ثواني من وقتك؟
ابواحمد ناظره من فوق لتحت وعرفانه مساعد جاك الشخصي: الأفعى!
مساعد جاك: اي وصلت
ابتسم ابو احمد لشخص الواقف عنده تحرك مع مساعد جاك وابتعدو شوي بزاويه منعزله :طويل العمر يقول يقبل التعاون معك وبيكون اجتماعه معك بعد ثلاث ايام والشحنه اللي بتوصل لك الأسبوع الجاي راح يتصرف ويدبر لك منافذ
ابو احمد بفرحه:صدق!
مساعد جاك:اي صحيح ولكن نبي شي منك
ابو احمد:وش؟
مساعد جاك:مساعدك
ابواحمد بأستغراب: رامي!
مساعد جاك: اسمه رامي يعني!
ابواحمد:وش مسوي رامي؟
مساعد جاك:ممكن رقمه؟
ابواحمد:طبعآ
خرج جواله واعطاه الرقم
مساعد جاك:موعدنا بعد ثلاث أيام
انصرف من عنده لجاك
جاك كان بمكانه ونفس وضعيته وسجارته وصلت لنهايتها كان سرحان بفكره بعيد تنهد بعمق نبه من سرحانه على صوت مساعده: طال عمرك رقم رامي
جاك ابتسم ببرود: اسمه رامي يعني!
مساعده:اي طال عمرك
أشر له جاك وانصرف من عنده ضغط زر الإتصال رن مره ومرتين بس مافي اي استجابه
ناظر الجوال وابتسم((ليش جذبني هو من بين الكل!))
حط الجوال بجيبه ودخل لداخل
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
ببيت ام متعب اللي كانت جالسه مع عيالها رن جوال متعب ورد:الو...هلا صقر هلا بولد العم...اي اي بالبيت حياك الله تفضل ..يلا بأنتظارك
قفل منه وناظر امه:يمه صقر جاينا لاهنتي جهزو القهوة والشاي
ام متعب :ابشر
ريوف :اقسم بالله يحزني صقر
متعب رفع حاجبه: ليش؟
ريوف بأنفعال:انت ماتعرف زوجة ابوه العقربه ذيك
ايلاف:الا شيطانه مو عقربه
ريوف مدت بوزها وبدأت تتكلم بتمايع:هاي صبايا
ايلاف ضربتها بقوة على ظهرها :الله لايلعنك لاتقلديها
ريوف بكره:ما العن من العجوز الا بنت اختها ذيك
ايلاف بقرف:لين اعوذبالله منها خبث العالمين كله متجمع فيها
مهند:هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه يمه
ام متعب بضحكه:لبيه
مهند:يمه انا ابي لين
ريوف وايلاف بصدمه:ايش!؟
مهند وقف ضحك وبجديه مصطنعه:اي صراحه شفتها مره بالغلط واعجبتني وكنت مستحي اكلم امي بس بما أنكم فتحتو الموضوع
ريوف وايلاف ناظرو بعض بعدين ناظرو مهند وبصوت واحد وزعل:والله مانحضر زواجك
مهند ومتعب :هههههههههههههههههههههه ههههههههههههههههههههههههههههههههه
متعب:ليش!؟
ايلاف:بيتزوج ذيك الغثيثه وبعدين هي بالاساس عينها على صقر
ريوف: اي بس عين صقر مو عليها
ايلاف:وانتي شدراك؟يمكن عايشين حالة حب!
ريوف:عايشة حالة حب معاك وخداني
و صعب إنّها تتكرّر ثاني
و بعيشها لو إنت بعيد أو قدّامي...
ايلاف :اص اص طبلتي باااقي ابيهااااااا
مهند قام مع متعب
مهند:اشغلتونا عن صقر
ريوف:يمه بسألك !
ام متعب :وش؟
ريوف :الحين انتي ليش مارضعتي صقر!
ايلاف:اي والله كان الحين هو اخوي من الرضاعه
والله فله
ام متعب:ربي ماكتب
ريوف بحزن:صقر متغير من بعد ماتوفى سعود الله يرحمه
شد متعب قبضة يده بقوة وهو يحس بحرقه بقلبه على صديق عمره
تحرك من عندهم واتجهه للمجلس الشعر ومهند معه
دقايق ودخل صقر بصوت جهوري:السلام عليكم
متعب ومهند:وعليكم السلام ورحمة الله وبركاته
متعب حضنه:ياهلا ويامرحبا حياك الله
مهند:ارحب ياشيخ الرجال
صقر:مرحبابكم
متعب:اخبارك عساك طيب
صقر جلس وعدل المركئ((تكايه>>او مدري والله وش تسمونها)):بخير عايش يعني
مهند:عساك في خير دايم
متعب:اي من زمان عنك يارجال
صقر :والله انا جيتك يامتعب ابيك بموضوع
مهند:اعتبرها طرده يعني ولا وش!
صقر:هههههههههههههههههههههه لا لا اجلس يارجال مو خاص السالفه ومافيها ان قررت اتزوج
متعب:والله الساعة المباركة اللي قررت انك تتزوج فيها ببالك بنت معينه ولا اكلم امي تدور لك!
صقر:اي ببالي وحده معينه
مهند بحماس:مين هي؟وكيف عرفتها!ومن وين عرفتها؟
صقر:اركد اركد وراك مطيور!
متعب: بتسكت انت ولا اعرسك معه
مهند :لا خلاص بسكت
صقر ومتعب: هههههههههههههههههههههههههههههههههه هههههههههههههههههههههههههههههههههه
صقر:الحين على خبري الواحد يبي يتزوج وراك انت رافض!؟
مهند عدل جلسته: والله ياطويل العمر والسلامه انا واحد ابي اعيش حياتي واستمتع اول وبعدها ملحوق على الزواج والمسؤولية وكل شي ملحوق عليه
صقر:الا قول باقي ماشفت البنت اللي يفز قلبك لا منه مر طاريها
متعب ناظره بهدوء وهو حاس فيه:هو فز قلبك لطاري غيرها!
صقر بشرود:فز لكن..مدري فزته وش افسرها
متعب:توكلنا على الله متى نطلب البنت لك!وعمي يدري؟
صقر تحولت ملامحه للبرود:ابوي لو اموت مادرئ عني تبيه الحين يدري اني بخطب!
متعب بجديه:صقر يا اخوي عمي حي يرزق كيف تبيني اخطب لك بوجوده؟
صقر تأفف:طيب طيب بكلمه
متعب:لا ماعليك انا بكلمه وبقنعه
صقر هز رأسه بالإيجاب: تمام
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
دخلت لغرفة الإجتماع بعجله اخذت الملف اللي على الطاوله وخرجت متجهه لمكتب جدها
دقت البااب ودخلت كان طارق قدامها جالس مع الجد
نور:اسفه على المقاطعه
الجد:لا ياحبيبتي ماقاطعتي شي
تحركت نور بخطوات سريعه وحطت الملف قدام جدها
:هذا ياجدي اللي طلبته ومجهز بكل الشروط اللي انت طلبتها
الجد هز رأسه:تمام
نور:عن أذنك
خرجت نور من عند جدها انتبهت لسديم اللي كانت تطبع أوراق بيدها ناظرتها من فوق لتحت اتجهت لدورة المياه(تكرمون) دخلت للحمام تعدل بنطلونها وبتخرج على طول فتحت الباب بتخرج
بس حست بشخص دخل تراجعت خطواتها ووقفت مكانها بعد ماسمعت صوت سديم اللي اول ما دخلت ناظرت حولها وتأكدت الحمامات كلها مفتوحه يعني مافي احد بصوت خفيف:الو!..ايوا ارسلت لك النسخه الاولى منه ..طيب طيب ما اقدر حالياً بس بعدين برسلك كل شي ...لا هذه مو تحت أدارة خالد عند وحده اسمها نور ..لا ماجربت اتكلم معها كثير بس بحاول اقوي علاقتي فيها ...لا ما عليك تحت السيطرة
تمام تمام باي
أبتسمت نور بعد ماخرجت سديم من عندها وقفلت تسجيل الصوت اللي كان شغال
خرجت بهدوء واتجهت لمكتبها
اخذت شنطتها وتحركت خارجه بينما دخل خالد وقف مكانه وقت ماشافها ابتسم بسخريه: مبروك يابنت العم
نور عقدت حواجبها بأستغراب: مبروك!؟
خالد ببرود:مين هو؟
نور:لو تتكلم بدون طلاسم يكون احسن
خالد رفع حاجبه: نفهم على بعض مايحتاج اوضح اكثر
نور ببرود: للأسف ماعندي وقت افهمك
تعدته نور وخرجت من عنده وهي تفكر خالد يبارك بها على ايش بالضبط
وقفت بطريقها سديم بتصنع:نور حياتي

نور ابتسمت بتلاعب: هلا حبببتي
سديم:زي ما انتي عارفه دوبي جديده بالشركه وكذا
نور وهي تجاريها تبي تشوف لوين بتوصل:اي حبيبتي اي شي تحتاجينه انا بالخدمه اي سؤال اي استفسار تعالي لي طيب
سديم حضنتها:مشكوره
نور بقرف: ولو هه ههه
تحركت نور بطريقها
بينما سديم بالطريق المعاكس كل وحده اعطت الثانيه ظهرها
نور وسديم بهمس: غبيه
︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
عند أكين اللي كان محدد جميع المعلومات دخل للبريد وارسلها بس اللي ما انتبه له البريد اللي ارسله له واللي ماكان لروز..
●●●●●●●●●●●●●●
رأيكم توقعاتكم !؟