Huadelein Delzado "Ang Bai"

Kabanata XXVII: Nobela ' Upside down

Kabanata XXVII: Nobela ' Upside down

--

Huadelein's PoV

Ang lahat ay abala ngayon sa kani-kanilang kubol, maraming mag-aaral ang nagkakagulo at nag-uunahan pumila sa iba't-ibang Booth. Samantalang ang sa amin ay kaunti pa lamang ang nagtungo rito, at hanggang ngayon ay wala pang sumunod na pumasok.

"Ay wiz! Ang ating mahiwagang kahon ay sasampung ticket pa lang ang laman! Anek na ang nangyare sa ating parlor mga besh!? " Wika ni Rica.

Mayroong ginagamit na ticket bago ka pumasok sa bawat kubol, ang ticket na ito ay isang maliit na papel na mabibili sa halagang piso, at ihuhulog mo ito sa kahon bago ka pumasok sa isang kubol o maari rin naman bago ka lumabas.

Ngunit iba pa ang bayad para sa lalaruin mo o bibilhin mo, katulad na lamang sa aming kubol dahil ang tema nito ay 'parlor' na ang layunin ay pagandahin ang bawat babaeng papasok dito sa halagang 'sampung piso' kada isang tao. At kung kaninong kubol ang may pinaka maraming ticket ay siyang mananalo.

"Kailangan gamitin na natin ang ating mga super powers!" Masiglang wika ni Georgia.

"Ay! Go ako diyan!" Wika ni Whisky.

"Ano ang gagawin natin Georgia para maraming pumasok sa booth natin?" Tanong ng aming presidente. Na may hawak ng kahon ng ticket, ang hawak niyang kahon ng ticket ay binebenta kapag may nais bumili, at ihuhulog din ito sa kahon ng aming kubol.

"Manood ka na lang president, relax!" Ani ni Georgia.

Tumuntong ito sa isang mesa maging sina Whisky at Rica ay ganoon rin ang ginawa, at hawak-hawak nila ang bandila ng aming kubol, at may nakasulat dito na "papasok kang hindi maganda, lalabas kang dyosa!" Nagposing sila atsaka nagsalita ng malakas.

"Nais mo bang gumanda? Maging DYOSA? Halina! Pasok na sa DYOSA PARLOR!" Malakas na boses na wika ni Rica.

Maraming nabaling ang tingin sa kanya.

"Papasok kang MEDYO CHAKA! Pero lalabas kang DYOSA! Anong pang hinihintay niyo girls! Mga BESH! HALINA SA AMING DYOSA PARLOR BOOTH!" Wika pa ni Georgia.

Na lalong naagaw ang atensyon ng iba pang mga mag-aaral, lalo nang mga babae at tulad nila Georgia.

"Hinding-hindi ka bibiguin! Kahit anong gusto mong ayos! Kayang-kaya namin 'yan! Simple! Fierce! Lovely! Sweet! Classic! Nude! kahit anong klaseng make up ang gusto mo ay kayang-kaya sa halagang ten pesos!" Masiglang wika ni Whisky.

"At may kasama pang kulot! Just add 6 pesos! At magiging kamukha mo na si Marimar!" Dagdag pa ni Georgia.

"Ay totoo ba bakla? Makapasok nga kami nang maging kamukha naman namin si Marimar," wika ng isang malapit na kaibigan nila Georgia.

"Ay Oo naman, beks! At ang mga make up namin hindi basta basta!" Wika ni Georgia.

May mga pumasok na sa aming kubol kaya lumabas na muna ako dahil dumadami na ang tao sa loob, nasa unahan lang ako at si Azerine naman ay ayon tumutulong sa loob. Wala akong alam pagdating sa pampagandang bagay, lumabas rin ang iba naming kamag-aral at tumulong na lang sa pag-aayos ng pila.