Breathless (Book 1&2)

Breathless #26

Chapter 26

Noreen

I wasn't moving. Feeling ko hindi rin ako humihinga. Nakatulala lang ako kahit nailayo na ni Cloud ang mukha niya sa akin.

"Drive her car!" rinig kong sabi niya kay Ron, inulit niya pa iyon matapos hindi gumalaw si Ron at napatulala rin.

"A-AHH!" medyo napatili ako ng bitbitin ako ni Cloud saka naglakad papalapit sa kotse niya. Napakapit ako sa leeg niya habang nakatitig sa mukha niyang napakagwapo talaga.

Napalunok ako. Totoo ba? Totoo ba ang nangyari kanina? H-Hinalikan niya ba talaga ako?

Pinasok ako ni Cloud sa kotse niya, nilagay niya ang seatbelt ko at napatigil sa harap ng dibdib ko. Nakita ko ang paglunok niya at pamumula ng tenga, he cleared his throat saka tinapos na ang ginagawa. Umikot siya saka umupo na rin sa may driver's seat.

Narinig ko na bumuga siya ng hangin. Hindi ako makagalaw. Hindi rin makapagsalita. Nakayukom ang mga palad ko habang nakapatong sa lap ko. I can't look at him or even glance kahit mabilisan lang.

"Here." Abot niya ng black leather jacket niya sa akin. Hindi ko siya nilingon. Para pa akong nakuryente ng gumalaw siya palapit sa akin at nagtama ang braso namin. "Wear it!" bulong niya pero rinig na rinig ko. Pinatong niya sa akin ang jacket niya, tinakpan niya ang harap ko pati ang legs ko.

Tumulala ako sa bintana ng sasakyan habang pauwi kami sa unit namin. Walang nagsasalita. Walang kumikibo. Sobrang awkward. Sobrang awkward talaga! B-Bakit pa kasi niya ako hinalikan? Bakit pa kasi niya ginawa iyon? Ngayon ano? Anong ibig sabihin nun?

Bumuga ako ng hangin at nakita ko sa gilid ng mga mata ko na tinignan niya ako dahil doon.

"A-Are you hungry?" he finally asked, umiling lang ako na hindi tumitingin sa kanya. Pero ang lecheng mga alaga ko iba ang sinisigaw. Umiling siya saka pinatakbo ng mabagal ang sasakyan ng may abutin siyang supot mula sa backseat ng sasakyan. "Eat." Maikli niyang sabi, tinignan ko yung binibigay niya.

"NANG-IINSULTO KA BA?" sagot ko matapos magalit ng makita ko kung ano yung inaabot niya, Tea yun galing sa shop, Tea yun na binili niya kanina, Tea yun na binili niya para kay Mia! "EH BAKIT HINDI MO IPAINOM YAN KAY MIA NG MAGSAWA SIYA SA FAVORITE TEA NIYA?" bulyaw ko saka nagdabog at tumingin sa daan.

"Kainin mo na, may waffle din diyan." Sagot niya lang sa akin. ABA'T! Nakakainis talaga!

"Hindi ko kakainin yan para mo na ring sinabi na kainin ko ang tira tira ni Mia!" sagot ko. Ipinatong niya iyon sa lap ko matapos sigurong mangawit sa kakaabot. Bumuga siya ng hangin at seryosong nakatingin sa daan. "Ayaw ko nito!" pilit ko saka kinuha ang supot at halos ihampas sa mukha niya.

"Hindi para kay Mia yan!" sagot niya sa akin matapos atang mainis. Natigilan ako. Huminga siya ulit ng malalim na parang nahihirapan mag-salita o ano. Nakita ko ang pagkuyom ng mga palad niya habang mahigpit na nakahawak sa manubela. Namumula iyon sa sobrang higpit "It's..." lumunok ulit siya "It's for you." Kinuha niya ang plastic saka inabot ulit sa akin, he can't look at me "Kaya kainin mo na yan."

-----------

I cleared my throat ng matapos naming makarating sa parking area ng building. Naubos ko na rin yung binigay niyang Tea at Waffle. Nakakagutom pala talaga kung iiyak ka ng iiyak. Umikot siya saka pinagbuksan ako ng pinto ng kotse.

"A-Ah Cloud." Tawag ko sa kanya matapos maalala na nakayapak parin ako, naiwan kasi yung sapatos ko dun sa kotse ko. Nadala kaya ni Ron yun?

He looked at me at sa paa ko na namumula. Nabigla ako at napasandal sa upuan ng lumapit ulit siya at tinanggal ang seatbelt ko. Inabot niya sa akin ang susi ng kotse saka binuhat niya ulit ako palabas ng sasakyan tapos tinulak ng paa ang pinto para magsara iyon.