أسطورة البطل بقلمي أسماء علام

شيء ناقص

قبل القراءة لا تنسوا الدعاء للكاتبة الراحلة منى لطفى رحمها الله 

وادعوا لإخواننا في فلسطين .

وادعولي أنا كمان عشان أنا في مدعكة امتحانات ... وكان فيه مقتراحات كتير لتنظيم وقت الرواية في الكومنتات  وكنت هنناقشها كلها .. بس طبعا اتغفلنا كلنا وقدموا الإمتحانات وأنا معرفش حاجة في المنهج اللي هو أساسا مخلصش وحسبي الله ونعم الوكيل !! فالحل إني وقت ما أخلص بارت أنزله على قد ما أقدر دمتم بود..

 الفصل الواحد والثلاثون

شيء ناقص

-عايز ترقص .. ارقص يا بابا ارقص.. دا أنا هعلمك حته رقصة دلوقتي .. اسمها عجين الفلاحة ..

قالت أخر كلمة وهي تركله بقدمها فسقط على الأرض محاطمًا الطاولة ، نظرت له ملقى على الأرض ينظر لها بذهول وتقطر شفتيه بعض الدماء، فاقتربت مريم منه تجذبه من ثيابه صارخة:..

-غلطت أوي يلا عشان لعبت معايا .. وأنا أساسا الشيطان بيلعب في دماغي بمفك من ساعة ما شوفتك إني أعلم عليك .. زي ما عملوا معايا عشان خاطرك..

ضربت رأسها برأسه بغل فصرخ بألم :..

-ما.. ماذا تقولين أنا لا أفهم .. أيها الإرهابية المخيفة ..

حاولت لورا التدخل والترجمة فزجرتها مريم :.

-لا هو هيفهم لوحده .. أنت يالا هتقعد زي الجزمة اللي في رجلك تذاكر .. لو سمعت نفسك في الأوضة وربي لأدفنك مكانك .. خلينا نخلص من الشبكة السودا دي .. على أخر الزمن المقدم مريم حجازي تسيب مهماتها عشان تبقى جليسة أطفال .

رفعته من مكانه ثم دفعته بعنف ليجلس مكانه وهتفت بصوت عال في لورا:.

-هتقعدي تذاكريله من غير مرقعة ما سمعش بينكم كلمة غير المذاكرة و إلا ..

-بدون وإلا سأسمع الكلام بالحرف ..

ووقفت لورا بخوف ترتب الأشياء وتعيد ترتيبهم قبل أن يسمعوا الصوت الذي صاح بصدمة:..

-ماذا يحدث ؟؟ كيف تجرأين أيتها المجنونة ... سيد لي أنت بخير ؟

قالها مساعد جيوفاني والد لينكوين الذي دلف منذ دقائق دون أن يتبهوا له..

مريم بصراخ : هكذا أنا إرهابية ومجنونة ولا أحد يستطيع السيطرة على نوبات جنوني وقد أقتل عزيزك "لي" دون أن أعي فرحلوني من هنااااا ... أريد العودة لبلدي !!

اقترب منها المساعد بعد أن اطمئن على لينكوين وهتف بصرامة:..

-أنت لا تعرفين عقوبة التعدي على مسئول ساندالي ... الموت رميا بالرصاص عقوبة مخففة جدا جدا !!

-تظنني أهتم .. أنت لا تعرف من أنا ... أنا أطالب بالتحدث مع وزير الدفاع المصري ...

ثم صرخت بالعربية:..