أسطورة البطل بقلمي أسماء علام

عناد

 الفصل الثالث و العشرون

"عناد"

أجفله رنين هاتفه المستمر فاتخذه ذريعة ليهرب من الاختناق الذي يشعر به..

-السلام عليكم..

-ياااه يا جدع .. دا أنا قولت يا هاجرت البلد يا قطعت علاقتك بيا.. أنت فين؟؟

-معلشي يا مراد .. كنا مشغولين جدًا؟ أنت فين كدة ؟؟ رجعت اسكندرية؟

-لا إحنا فضلنا في المنصورة بنغير جوا .. هنرجع القاهرة بعد يوميم ورانا شغل .. سيبك مني أنت فين؟ مال صوتك؟

-مفيش؟؟ مخنوق شوية..

-معلش يا عريس شغلك كدة حاول تاخد اجازة و المزرعة بتناديك ..و هات أخوك هالك ده أما نشوف بياخد حقن ايه بتنفخه؟!

أجاب أسامة بجمود:..

-لا عصام مجهز نفسه يومين و مسافر يلف يكمل شهر العسل ..

-طب و أنت ؟ معرفتش تاخد أجازة؟

لوى ثغره بتهكم وقال:.

-مش أنا!! المدام هو أنت متعرفش .. مريم بقت خلاص رسمي ظابط للأبدو الفكرة هتتعمم الخبر ما نزلش ولا إيه؟؟

-بتهزر؟؟!

-لا حقيقي .. السنة الجاية فيه تقديم ستات للكليات الحربية..

-ينهار ضحك!!

-بتسخر من الامي ..

-ألامك إيه دا أنت هتبقى مسخة .. فاكر فيلم مراتي مدير عام .. أما مراته كانت بتاكلم مع رجال في الشغل و هو واقف مع المدامات يتكلم على الرضاعة الطبيعي هههههههههههه..

انصدم أسامة من تفكير مراد الذي لم تستطع التوقف عن تخيل المشهد و الاستمرار في الضحك.

-المفروض اضحك ع المشهد و لا افرح انها مش هتعرف تجبني بالبوليس في اخر الفيلم..

-خلينا نتكلم جد طيب أنت دا اللي مضايقك ..شغلها و لا تصرفاتها هي اللي مضايقك و لا عشان هي مشغولة عنك و لا دا اكتئاب؟

-تصدق لو قولتلك التلاتة..

-الموضوع كبير بقى..

-بص هبقى احكيلك ممكن اطفش و اجيلك غع سكندرية اما ترجع مش طايق هنا ..

-لا مش مسافر هرجه القاهرة لحد ما نقرر موضوع المصنع بشكل نهائي هنكمله و لا لأ؟؟

-انتم كنت دارسين الموضوع ده .. إيه اللي هيفشكله؟؟

-رباب قافشة؟؟

-نعم بتهزر!! هو عشانها تبوظوا مشروع مهم زي ده!

-أه عشان خاطر رباب وائل مش هيكمله .. وبصراحة برغم اني ما بطقهاش.. رباب بالذات أنا ما أقدرش أرفضلها طلب.