أسطورة البطل بقلمي أسماء علام

🙃🙃

في ظل ازدياد عدد المتابعين بصمت، فأنا مضطرة أسفة إني أقول إني زهقت و فقدت شغفي و متعتي اللي بحسها و أنا بكتب و بربط أحداث ببعض اللي هي اكبر متعة في إني أتجه للكتابة.
دا مبدأيا .. ثانيا بقى..
و لسابقة تحدث لأول مرة .. أسماء علام هتقول رأيها و تنتقد عمل من غير ما تزهق أو تقول دع الخلق للخالق و تعمل دليت للكلام من مخها.
رواية بتتكلم عن ملجأ و معاناة البنات و العذاب اللي بيشوفوه و المتاجرة بيهم يلا صابنص بقى  .. حلو كملي 🤠
بنت بتهرب هي و بنتين كمان بيتغيروا كل مرة في الأسبوع يغيروا جو بالليل و بيرحوا ديسكو ..... كبت يا عيني إيييييه ناااعم ديسكو😱.. ايه هنتخض من أولها لسه بدري!!
-شاب بيعجب بيها، بيحط ايده عليهابتهزقه يكسر تليفون مديرة الملجا اللي معاها و تاكل علقة بسببه .. يا كبدي.
عايزين يجوزوها لواحد كبير بيغير العرايس كل سنة زي فرد الجزم.. صحابها يشوروا عليها تعمل إيه؟ توهمهم إنها على تعرف واحد فالمديرة تتعصب و تطردها .. الشرف يا بنت ال... الشرف 🤥🤥🤥
المهم حظها يوقعه بالصدفة القدرية بمين ؟؟؟ ايوة هو الشاب اللي كسر تليفونهاو قدام الملجأ يستغل الموقف عشان ينتقم منها و تتطرد فعلا .. و للصدفة القدرية تاني تشتغل في بيته خدامة .. و للصدفة القدرية برضو يكونوا أهله بيزنوا عليه يتجوز ... اما يشوفها في بيته و ينصدموا و يهزقها ميت مرة الأول يستغلها و يقول لأهله إنه اتجوزها السيد الوالد لارج و عادي المهم الأخلاق .. بس طبعا مامي قرشانة .. برافو عرفتوا منين 🤝
المهم البطلة مش بتتهزق لأ دا وخدين كرامتها عاملناها ممسحة للي داخل و اللي خارج .. و أكيد البطل الهمام بيدافع عنها بقى 😍🤩... بس يبابا بيهزق معاهم 🙂🙂 بطل ربع كم معلش
هو انا ما قولتلكمش إن البطل ممضيها على ورقة ما تعرفش فيها إيه مفادها إنها ملهاش اي حقوق حتى لو حصل ما بينهم حاجة، و يرميها بعد الطلاق، عاهرة باسم زوجة يعني .. لأ مقولتيش ... يقطعني 🙂🙂.. بس يا موكا مش دا زواج مؤقت او مشروط و محرم شرعا.. أيوة طبعا او يتقال عليه زواج متعة و حرام برضو، مفاجأة مش كدة.
عندك بقى شتيمة اوك، تهزيق ماشي .. ضرب يا ريت .. و امه حولت تقتلها بتاع ٣ مرات أو ٤ مش متذكرة يعني غير الإهانة و تاخدها هي و صحابها غسيل و مكواة.... طب و البطل يا موكا!! .. نفس المهزأ بيجي يكمل إهانة او يديها قلم و يمشي 🙃🙃
المهم البطلة تقريبا بتقول عايزة أموت ٧ مرات في الفصل .. و لا مرة شفتها ماسكة موس بتهوش بيه الدبان حتى!!
البطل بقى بقى مش عارف حبها فين و امتى و إزاي .. ثانية واحدة هو مش بيقولي بيضربها و يهنها .. الحب ما بيعترفش بالقيوووود يا محسن لااااااااااا !!! سوري اندمجت، هو فجأة حبها و بدأ معاها حياة زوجية و هي موافقة عادي عشان مهزأة حتى بعد أما شافت الورقة !!! طالما إن بابلك و مفيش فيلنج يبقى سوا وات 😎🤓
في الأخر هيلاقوا أهلها و يطلعوا ميتين من سنة و صدفة قدرية للمرة العاشرة تطلع بنت خالته .. بالمناسبة أمه هتندم و تعترف إنها أجرت ناس تقتل أختها و جوز أختها مات بالصدفة معاها مكنتش قاصدة .. يقلب أمك.. تزعل البطلة و تزعق و أمك قاتلة يقوم البطل الهماااااام جدا يلسعها قلم عشان قالت على امه قتالة القتلة قاتلة ... يا ساتر إيه الوقاحة دي 😏.. قموصة أوي، بس عشان حنية قلبه و نفسيتها يا خدها أسبوع في شقته بعيد عن أمه و الأسبوع التاني عايزها ترجع البيت .. أسبوع !!🤔🤨 .. معروفة يعني جرحها بيلم بسرعة بس الشهادة لله اتخانقت معاه و مرضيتش ترجع .. زعق و سبها هو ورجع الفيلا و بعدها حس بالذنب رجعلها راحت اتأسفتله و خلاص هرجع معاك .. يا مهزأة يا معدومة الكرامة!!
و رجعت و عاشوا في تبات و نبات مع امه قتالة القتلة اللي بقت حمل وديع ... دي حامل في الوديع !!!!!!🙄🙄🙄🙄🙄🙄🤕
مرارتي !!!!!!!!!!!!!
..........
اجري يا موكا بسرعة قبل ما يسألوا على الفصل 🏃‍♀️