أسطورة البطل بقلمي أسماء علام

34

هو الإنسان ما بيخفش ليه يا جماعة ... سؤال محتاج إجابة أنا عايزو أبقى انسانة طبيعية زي الناس اللي هناك دول ...

المهم أغيب غبيتي لااا مش هرجع بخيبتي لاااا بمصبتي عشان الفصل ده مصيبة والله كفاية اسمه !!!  وعايز انبه قبل ما تقروا خدوااااا ساااااااتر 

الفصل الرابع والثلاثون الجزء الثاني

"انزاحت غمة وأتت أخرى بسرعة"

"يعني خلاااااااااص أنا مش هشوفك تاني ... مش هلمسك مش هحكيلك عن تعباني!"

نظرت نورا لصورة ابنتها واشتمت رائحتها العالقة بثوبها –الذي لم يعد يفارقها- وضمتهما لصدرها وانهمرت دموعها التي لا تنضب أبدًا..

جلب حسين صينية الإفطار ووضعها أمام زوجته الملكومة على فقيدتهم الغالية وتأكد من ذوبان الدواء في المشروب لأنها ترفض تناوله وبالكاد ترتشف كوب من العصير بعد إلحاح.. قبل رأسها بحنان قائلا:.

-ما تنسيش تشربي العصير وتفطري عشان تاخدي بالك من بريهان هي محتاجلك جنبها هي كمان .. أكيد يا نورا مش هتسيبني بنتنا العاملات والممرضين هما ياخدوا بالهم منها ..

تظرت له نظرة تجلت فيها كل معاني الألم ولم تقدر على الرد كالعادة فقط أومأت برأسها إيماءه خفيفة جدًا ..تنهد بعذاب ثم خرج من الغرفة، نادي على سماح كثيرا فرددت إجلال في النهاية بدلا عنها:.

-أيوة يا حسين بيه .. أصل سماح تعبت والممرضة بتقسلها الضغط والسكر تحت .. حالتها صعبة خالص من ساعة الحادثة ..

-ماشي ابقى هاتي واحدة أو اتنين يساعدوكِ يا إجلال المهم يكونوا ثقة .. ولو سماح تعبانة خليها تاخد أجازة ترتاح ومرتبها ساري زي ما هو ..

-مش بترضى يا بيه أنت عارف متعلقة بالمكان اللي كانت فيه مريم هانم الله يرحمها.

أغلق حسين عينيها بألم ونار تحرق صدره !! صغيرته يلحق باسمها رحمها الله !!

تابعت إجلال بثرثرتها :.

-وبنتي بتجي تساعدني شوية على ما مكتب التخديم يبعت حد ثقة والأمن يكشفو عليه يا بيه..

-ماشي يا إجلال .. وبنت تاخد أجر زيها زيك طلما بتشتغل ماشي .. أنا متأخر فاتاكدي إن نورا هانم فطرت وخدت العصير أهم حاجة وخدي بالك ولو حصل حاجة بلغيني وبلعي الحرس ..

-مش هتفطر يا بيه؟

وغادر حسين دون أن يرد مصمصت إجلال شغتيها بغير رضى وحزن على رب عملها:..

-دا البيه ما بقاش ياكل لقمة في البيت وخس النص والله أنا خايفة يقع مننا بقا هو دا حسين بيه الي مكانش يطيق سيرة البنات ويكره خلفتهم...الله يرحمك يا مريم هانم قطعت فينا كلنا .. ألا الواحد مش عارف البيه الكبير لو رجع وعرف حالته هتبقى دا سماح بتقول كان روحه فيها .. يعيني الراجل بيظبطلها جيم في القصر وميعرفش انها معدتش في الدنيا أساسا!